Cheix ntux yiêz uô jông hâux lưv qênhz yuôx shuôs thax tsav đriv têz Lai Châu

Nhoz thax tsav Tây Bắc, jê đriv têz Trung Quốc, Lai Châu muôx tox trôngz câuv har siêz, phiv liv muk lol. Cheix ntux no mak huôz jis niêz, têx cêr lok six bluô thiêz no njiv, chênhr viv li, chor tuz lênhv pênhz phax luôs hâux lưv muk lol qênhz yuôx shuôs đriv têz ziv phiv liv đuô. Zênhx Pênhz phax trôngx đriv Ma Lù Thàng, taz viv tâu choz seiz car, tsưx phưv ntus đriv ntêr xar muôx 14 cêik hâur xã Li Pho, thiêz 3 tus ndêx cxok kuôk cêv đriv têz, iz trôngx đriv zos Ma Lù Thàng (tỉnh Lai Châu, Việt Nam)-Kim Thủy Hà (tỉnh Vân Nam, Trung Quốc). Kuôk no 40 ntâu shông, xã Ma Ly Pho cux chênhr zos qơư cuz nxor đuô hur si nhoz ntus đriv faz Bắc shông 1979 ntơưv Lai Châu. Chênhr zos li heik co, iz jiês qênhz yuôx shuôs ntus đriv, têx ndêx cxok kuôk cêv đriv têz uô ntêx thâuv zuôr sơưr cêr muk uô hâux lưv, chor canr bôv, chiến sĩ pênhz phax nhoz no puôr lênhx muk trâu qơư ndo txiêx njis têx lênhx Zênhz shôngx tâu tas siv nênhx viv tsưx phưv têz qơưk chiê hlơưr shaz hơưv, heik trâu lơưr pâuz lok têx hâux lưv uô”. Thượng tá Lâux Xênhv Vax, Chính trị viên Zênhx Pênhz phax Trôngx đriv Ma Lù Thàng heik: “Hnuz no pêz qênhz yuôx shuôs thax tsav ntus đriv, tưz muk hlơưr shaz hơưv têx tuz lênhv tâu tas siv nênhx, cov lơưr đros por hưv por zơưv trâu pêz lês uô tâu hâux lưv jông, truôx tuk, paz tsưx phưv truôx têz qơưk thax tsav ntus đriv”.

Iz jiês chor chiến sĩ Pênhz phax Ma Lù Thàng muk uô hâux lưv qênhz yuôx thax tsav đriv têz puôr lênhx ndê trôngz ndê har đhâu cưx đês cư ha toz, taz sik têx tuz lênhv thâuv tưs tưz sir jos uô jông luôs hâux lưv zok muôz, tsi tiêk tsưx phưv truôx tuk thax tsav ntus đriv, tsênhv zos têx lênhx sưv jê đros tsôngv pêx xênhv ntơưv qơư, paz tsôngv box heir nênhs tsơưs huôv tsar kinh tế, cxuz cêr yeiz pluôs.

Đhâu zuôr xar iz luz six hơưv muk qênhz yuôx shuôs đriv têz, tưz seiz njiê pov tsôngv box Cho nhoz jok Hùng Pèng, xã Ma Ly Pho têx vax tsêr đơưz vok iz saz tox. Đêx Pa Nậm Cúm ntưk đhâu jok Hùng Pèng cux zos tus đêx kuôk cêv đriv têz Việt Nam thiêz Trung Quốc. Tuôx txos no muôx têx seiz njiê pov tsênhz 2 tus ndêx cxok kuôk cêv đriv têz 67 (1) thiêz 67(2) nhoz jê pêx xênhv iz saz yar tiêx. Trung tá Nguyễn Hoàng Xuêng, canr bôv phax tar zax zênhz thiêz têx nênhs fêv, Zênhx Pênhz phax Trôngx đriv Ma Lù Thàng heik: “Thâuv ntêx tsi tâu muôx jok Hùng Pèng, tsuôk muôx jok Ma Ly Pho nhoz siêz pok pêv xưz, cux kuôk đêz đriv têz. Tsôngv box sơưr đơưk tuôx no uô liêx têz, txiêr tơưk, đê mê njik jâuz buô uz no. Txix shông 2004 muôx tsênhv chei yêik txar pêx xênhv muk nhoz jê đriv têz mak thâuv co xã Ma Ly Pho thiêx pheiz, yênhx lix iz cxiê jok, iz luz jok muôx 5-6 chuôz zis, txix thâuv ntơư lok li muôx jok Hùng Pèng”.

Hnuz no txos zơưv Lý Dâu Phùng, tsar jok, Bí thư chi bộ Hùng Pèng chuôz zis muk qênhz yuôx shuôs ndêx cxok kuôk cêv đriv têz, taz sik ndax trâu hnuz chor canr bôv, chiến sĩ pênhz phax thiêz têx lênhx nênhs uô hâux lưv seiz car thax tsav tuôx qênhz yuôx, viv li sơưr đơưk tưz sik đros muk qênhz shuôs, cxiv kho tus ndêx cxok kuôk cêv đriv têz hâur jok no. Zơưv Lý Dâu Phùng hêik: “Hâur jok Hùng Pèng no, tsôngv cưr tix nênhx tsa sơưr đơưk sik đros tsưx phưv truôx jông ndêx cxok kuôk cêv đriv têz, cux li thax tsav ntus đriv. Tsôngv niêv txir lax pêx xênhv sơưr đơưk sik hlôngr njo, iz chuôz zis muk qênhz yuôx, qêz suô thiêz luôx đoz têx đrox nhoz thax tsav no iz jiês; por hưv truôx jông zuk chuôz zis têx liêx têz, lar heik zos tus ndêx cxok kuôk cêv đriv têz hâur jok”.

Đhâu zuôr xar 20 shông yênhx lix jok, txos nhiv no Hùng Pèng tưz muôx zuôr xar 40 chuôz zis pêx xênhv, 250 lênhx nênhs. Khov sir jos khưr huôv tsar uô nox, tsôngv pêx xênhv tưz muôx luz nênhx hlôngr yiêz, tsâu sor, tsi tas li ntâu luz tsêr yiêz cux tsênhv tâu cxiv uô jông, truôx khor, taz sik tus ndêx cxok kuôk cêv đriv têz sôr 67(2) cux zos iz qơư sưv đros tsôngv box thiêz tâu seiz xưk li tas nro jok iz zav muôx grik jông. Zơưv Tẩn Vần Phủ, nhoz jok Hùng Pèng heik: “Têx hnuz tiv 7 thiêz hnuz ciêz, chor lâul khênhr siz zâuv tuôx no nhênhv ntơưr pov tsir, têx tuz nhuôs muk tuôx uô si lov jêv. Muôx ndêx cxok kuôk cêv têz lơưv, muôx tuz lênhv pênhz phax, muôx Đảng thiêz têz qơưk mak sơưr đơưk cêr huôv tsar uô nox, xênhz huôx muk lol thâuv tưs cux truôx tuk, lov jêv, têx tuz nhuôs tâu cơưv txux chi cxix cxuô. No zos iz kro jông, zos zuk ar têz, viv li tsôngv cưr tix nênhx tsa sơưr đơưk tsuv sir jos đros tsưx phưv truôx”.

Cheix ntux yiêz txos Lai Châu, thax tsav ntus đriv tsênhv yuôr ntâu txov nhêv, taz sik suôv qơư no thâuv tưs cux muôx tox trôngz câuv har jông jav đros trâu lênhx nênhs uô nênhx sik thôngx siêz, sir jos siz tưr huôv tsar uô nox chiê hla đhâu phiv liv. Hâur têx hnuz lov jêv, shir phaz lus tok tsiêz têz qơưk, chor tuz lênhv pênhz phax cux tsênhv niêx hnuz hmo uô jông hâux lưv qênhz yuôx, tsưx phưv thax tsav ntus đriv, chiê txos iz luz tsiêz 30, tsôngv box cxuô heir nênhs muôx nzir cêr tsâu sor, truôx tuk./.

Khắc Kiên-Riê Lâux cxeik, nhênhv

Tror cxiv kho đuô jok Làng Nủ

Tsuôk tov kaz oz hli đhâu hnuz kriz uô, đros taz viv uô li sir jos, muôx pêx xênhv ntơưv thax tsav qơư côngv jos đros uô thiêz muôx cxuô qơư sir jos đros paz, têx luz tsêr yiêz lox jông ntơưv qơư nhoz yiêz jok Làng Nủ tưz tâu uô tiêr choz zok trâu pêx xênhv lok nhoz.

Hmôngr jông tsênhv chiêx đhâu jiês trâus đêx ngaz cuôr ruôr hiêv txos jêx jok, jiês no, tâu sơưr ntơưv luz tsêr nhiv kruôr tâu chinhr quyền paz cxiv uô tiêr, tix lâus Lương Văn Son xuôk têk flưk trâu kror faz nja tsêr đơưz fâus yiêz jông. Tưz paz trâu tix lâus muôx nzir ntâu kror cêr shir phaz hâur luz nênhx: “Hnuz no chuôz zis uô iz kror cêr chêi chiê lok nhoz hâur luz tsêr yiêz. Cur tsik tâu muôx jiês xar txos tiêk zuk zuôr uô tâu iz luz tsêr jông gâux li no chiê nhoz. Cur niêv cur txir nhiv kruôr tâu tas siv nênhx, muôx qơư chiê txi côngv, hlơưr shaz trâu niêv txir mak cur cux tso siêz lơưv”.

Txos thâuv zuôr tsâuk ntux, jok Làng Nủ thiêx njiê pov jông gâux đuô, hnor têx jâuz mor tâu uô siêr tsư kaz nziês txix têx tsêr mor. Yênhx luz tsêr lơưx ntơưv qơư nhoz yiêz Làng Nủ tâu uô muôx 3 qar, đros muôx tsêr mor thiêz qơư tơưv trôngx nhoz tror saz kâuv tsêr đros luz vax jâuz thiêz têx ntông nox txir, ntông paz muôx nzôngr nzông. Tas nro kror qơư no muôx 40 luz tsêr, siz txuôk uô cê txix chor cêr bê tông, nhoz hâur tsênhv qơư jok zos tsêr vênhx huôv, tsêr cơưv nhuôv zâu-cxênhx iz.

Xar txos 68 hnuz hmo sir jos tror kho đuô jok Làng Nủ txix thâuv tsênhv nhoz sâuv ntâuz ntơưr, Trung tá Nguyễn Danh Nam, Trưởng phòng Chinhr triv Chi nhánh Trường Sơn 26 – Binh đoàn 12 – Bôv Côx phax tror ndo txos: “Tas nro canr bôv, chiến sĩ uô tsêr ntơưv no puôr lênhx xav jênhv zos kror hâux lưv lox. Txix tas nro têx sir jos, taz viv tưz uô 3 ca 4 kíp, tsik xav hnuz hmo chiê phêiz kênh đros pox nhuôs, chiê pox nhuôs tâu lok nhoz hâur têx tsêr yiêz huv zos lơưr tsưr ziv tưz tso tơưv”.

Njiê jok Làng Nủ nhiv no, tưz tsik zos muôx chor tsêr yiêz tâu cxiv uô, mak tsênhv muôx chor nênhs tưz njiz trâus cêr pôngz siêz, pôngz plox lox co li têx cêr shir phaz, lơưr tsênhv sir jos txix muôx têz qơưk thiêz cxuô lênhx nênhs li têx paz chiê tror cxiv kho đuô luz nênhx trâu ntu tov ntêx no: “Đảng, Têz qơưk thiêz chor nênhs siêz jông tưz paz trâu pox nhuôs hâur jok Làng Nủ uô chor vax tsêr no mak zuk cux tsuv sir jos sik côngv siêz, cxiv tsa jêx jok cov hur, jông jav đuô, paz muôx tâu luz nênhx jông đuô thiêz tsâu sor đuô”./.

An Kiên-Lik Thox cxêik nhênhv

Sơn La bax Tsiêz trâu ziv chuôz zis pluôk, tsôngv box trâus zênhr shar tiv ntux nas

          Đhâu ntâu hnuz trâus đêx ngaz, txos nhiv no, zuôr xar 50 ziv chuôz zis tsôngv box nhoz jos Phiêng Nghè, Nam Niệu….xã Chiềng Đen, TP Sơn La tưz tror lok tsêr nhoz, jux jus ngaz tul luz nênhx xênhz huôx, tsiv uô kôngz nuv. Têx hnuz zuôr txos shông yiêz, têx ziv chuôz zis muôx luz nênhx txov nhêv hâur jos tưz tâu jênhv têx pheiz kênh, tsov cưv đros têx phênhv huv sor siêz txix tsaz yênhx “Cheix ntux yiêz- sik côngv siêz jông hâur bộ đội thiêz tsôngv box” zos lưx lươngv quân đội, công an thiêz têx taz viv tsưr tsix. Zơưv Cà Văn Ương, Bí thư Chi bộ, tsar jos Nam Niệu, xã Chiềng Đen, TP Sơn La pheiz kênh: “Pox nhuôk lok six shir phaz tâu têx lưx lươngv tsov cưv tôngv vênhx txos. Pox nhuôk cux zuôr sir jos hâur ntu zuôr txos ngaz tul luz nênhx. Jos cux yax mông pox nhuôk tso siêz shir phaz nox tsiêz, bax trâu chiv kôngz zuôr txos”.

          Thax tsav tox siêz tsênhv yuôr ntâu phêv liv li huyện Thuận Châu, đhâu qênhz yuôx muôx nhos 7 cxênhz 100 ziv chuôz zis pluôk, muôx luz nênhx txov nhêv. Txos nhiv no, tưz muôx zuôr xar 2 cxênhz 900 ziv tâu khơưk muôz huv tsiêz thiêz muôx nhiêx txiêx chiê khơưk muôz huv hâur jiês no, nhiêx txiêx txix têz qơưk li phênhv nhiêx paz, Cuiv viv nênhs pluôk huyện thiêz têx tsưr tsix, lênhx nênhs đăng cir gôngr paz… Zơưv Hà Trung Thắng, Phưv Chủ tịch UB huyện Thuận Châu, Sơn La puz pâuz: “Chiê bax Tsiêz trâu tsôngv box, tiv zix zos pox nhuôk trâus zênhr shar tiv ntux nas, UB huyện tưz chox kriê têx xã qênhz yuôx têx lênhx nênhs chính sách, têx tiv phaz trâus ntux nas uô ruôr hiêv; ciêr chênhr tsưr tsix têx đoanx côngz xưv muk seiz nus, tôngv vênhx, paz max, taz por pox nhuôk muôx iz luz tsiêz sor so, pheiz kênh iz phênhv tưs têx phêv liv đros pox nhuôk”

          Bax Tsiêz trâu tsôngv box, tỉnh Sơn La tưz chox kriê têx sở, nganhx, tiv phaz tsưr tsix ntâu huôx tôngv tsênhv tsênhz; têx tsaz yênhx Tsiêz jông siêz, cheix ntux yiêz pênhr phax sor tsôngv box jêx jos li siêz… puôr lênhx ndar txos tsôngv box thax tsav txov nhêv, thax tsav tox siêz, ntus đriv, thax tsav trâus zênhr shar tiv ntux nas. Tỉnh cux bax nhiêx txiêx txix tiv phaz li chor nhiêx txiêx, chuôz tsar pênhr jos txix têx chiz coaz , lênhx nênhs chiê bax tsiêz tsâu têx lênhx nênhs tâu paz txưv xã hội, nênhs muôx luz nênhx txov nhêv, nênhs pluôk, nênhs muôx côngz đros cơưx mênhv.

          Lơưr thôngz sâu, Sơn La muôx 3 cxênhz 500 ntâu ziv chuôz zis đros 14 cxênhz ntâu lênhx nênhs njuôs xav trâus yeiz hâur ntu nox tsiêz Naz shông thiêz ntu kôngz lôngk tsi tâu siêr shông 2025; zuôr trâus tâu paz txưv 240 cxênhz ntâu cir cxur. Tỉnh tưz qênhz yuôx, heik kriê têx tiv phaz bax nhiêx txiêx taz por xã hôiv chiê paz cxur chơưv yeiz trâu tsôngv box thiêz tưz uô tiêr têx huôx tôngv paz txưv uô ntêx hnuz 25 hli 12 no./.

Lê Hạnh-Txâur Vax cxeik nhênhv