Hêik lok tsênhv chêi kriz uô Dưv anr 8 ntu yiêz

             Sâu jênhv Dưv anr 8 hâur têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu nhiv kruôr đhâu zos iz kror uô tâu jông đros muôx chor nhiêx têz qơưk thiêz têx huôx tôngv paz uô cov pox niêv txir nênhx muôx vax huôv siz luôs, taz sik TS. Phạm Thái Hưng, nênhs paz njuôk xav txos têx tsênhv chêi hêik tiêk têx uô tâu no tsênhv tsik tâu txâuk. Njiê cxuô puz pov, thâuv Dưv anr 8 tsuôk tsav xar muôx 1,4% tas nro têz qơưk tsaz yênhx huôv tsar kinh têr xar hôiv thax tsav tsôngv box mênhx cxưx tsơưs nênhs thiêz tox siêz, muôx chor dưv anr thiêz têx dưv anr zâu txơưr li têx pênhr jos. Tiến sĩ Hưng hêik mênhx:

“Njiê mak uô tsik tâu jông lok sik tsik tâu tsênhz mênhx lok pox niêv txir nênhx têx vax huôv”.

Qênhx shênhx no tso pov muôx yưv têx phiv liv lox, viv uô cov pox niêv txir nênhx nhoz thax tsav mênhx cxưx tsơưs nênhs thiêz tox siêz muôx vax huôv siz luôs zuôr lax uô tâu txix iz dưv anr muôx têx pênhr jos tsik ntâu thiêz thax tsav kriz uô tsik đar.

Đros tsênhv tsênhz co, TS. Phạm Thái Hưng hêik mênhx txos iz kror tsuv uô trâu ntu zuôr txos: Tsuv hlôngr yiêz đuô lok tsưr ziv kriz uô. Trơưk zơưv, zos pêz tsik muôx têx tsưr ziv uô jông cik txos kriz uô pox niêv txir nênhx muôx vax huôv siz luôs hâur ntu zuôr txos, mak pêz zuôr lax uô tâu luôs hâux lưv lok pox niêv txir nênhx muôx vax huôv siz luôs xưk li tưz tso tơưv. Tsưr ziv tâu tso tơưv zos “Uô cov pox niêv txir nênhs muôx vax huôv siz luôs trâu tas nro chor dưv anr, chor dưv anr zâu thiêz tsa yênhx li têx tsênhv njiêz txơưr”. No tưz tsik zos Trung ương Hôiv Liên hiệp Pox niêv Việt Nam lok sik Dưv anr 8 li jênhv vưv xưz, mak tsuv zos tas nro têz qơưk tsaz yênhxli txơưx jênhv tsuv uô nhoz yênhx kror pênhr nhiêx, yênhx kror hâux lưv, huôx tôngv.

Chiê hâux lưv no tsik zos uô lơưr chủ trương xưz, TS. Phạm Thái Hưng hêik tsuv muôx chor bôv, nganhx sêiz car uô têx dưv anr, tsênhv njiêz têx hâux lưv li têx chox kriê tsênhv tsênhz đros muôx Văn phòng Điều phối tsaz yênhx li chox kriê cxuô.

Iz chas hlôngr yiêz đuô têx tsưr ziv kriz uô, TS. Phạm Thái Hưng tsênhv hêik tiêk tsuv hlôngr yiêz têx tsưr ziv kriz uô cov tsênhv tsênhz:

“Xav jênhv đuô thax tsav thiêz chor nênhs tsuv tâu paz: Đros chor huôx tôngv li gra siêz txux chi thiêz yax mông (pênhr zos kror tsênhv njiêz nhoz Dưv anr 8), tsuv hlôngr txix tsưr ziv paz trâu thax tsav txov nhêv tiv zix (tsik so paz uô cxuô zav) lơưr paz trâu têx lênhx nênhs tsuv tâu paz; Sir jos  uô hâux lưv yax mông: Li sir jos hlôngr yiêz thiêz paz lok hlôngr yiêz sôr”, taz sik tsênhv tsênhz đuô zos tsuv muôx cov txâuk pênhr jos trâu chor tôv yax mông khov trâu côngv thôngx”.

TS. Phạm Thái Hưng hêik mênhx txos têx phiv liv nhiv no: “Yênhx lix chor tôv yax mông, bax têx loa… taz sik tsênhv tsênhz mak têx uô tâu hâur yax mông tsik pov hlôngr yiêz ntâu, viv muôx tsik tâu txâuk nhiêx txiêx-kror zov chênhr chiê lơưr uô tâu jông têx hâux lưv”. Zơưv cux hêik txos Bôv Tài chinhr tsik muôz chor nhiêx paz no tso trâu Thông tư 55, uô phiv liv trâu chor thax tsav qơư nhoz thax tsav mênhx cxưx tsơưs nênhs thiêz tox siêz zênhx muôx tsik txâuk têx pênhr nhiêx. Đuô li, trơưk TS. Phạm Thái Hưng, tsênhv yuôr ntâu kror phiv liv txơưr cux tsuv tâu sir jos uô:

“Côngz xưv kriê lok pox niêv txir nênhx muôx vax huôv siz luôs nhiv no tsênhv nhoz trâu qênhx shênhx “cê sênhv, cê muôx tsik txâuk”-sênhv têx tsênhv njiêz uô muk uô lok, uô cov muôx; muôx tsik tâu txâuk têx chênhz zênhv tsênhv tsênhz, têx tsưr ziv uô xar tơưv. Tsuv hlôngr đuô trâu “gra siêz txux chi lơưr ntu kriz uô” tsik zos kriê trơưk têx tsưr ziv uô kuz, chiê paz trâu chor canr bôv cxuô cấp muôx txux chi uô hâux lưv pox niêv txir nênhx muôx vax huôv siz luôs đros trâu têx hâux lưv uô hâur yênhx hnuz”.

Lok đơưk kho têx hâux lưv, iz chas uô jông têx hâux lưv tsoz phưz đas jos xênhz zus, TS. Phạm Thái Hưng hêik tsuv njuôk xav nzir txos đêx hur thiêz vêv xênhz trâu pox niêv thiêz nhuôv zâu thax tsav tsôngv box mênhx cxưx tsơưs nênhs. No zos kror tsuv muôx hâur luz nênhx taz sik cux zos iz kror hâux lưv lox, uô phiv liv txos pox niêv thiêz nhuôv zâu li đas jos thiêz tsơưr lươngv luz nênhx.

TS. Hưng hêik Trung ương Hôiv Liên hiệp Pox niêv Việt Nam tsuv sir jos uô hâux lưv đros Văn phòng Điều phối têz qơưk tsaz yênhx thiêz chor bôv, nganhx cik txos uô cov tâu jông, tsênhv njiêz lok pox niêv xir nênhx tsuv tâu uô tsênhv tsênhz hâur tas nro chor dưv anr. Lok sik, tsuv muôx iz chor huôx tôngv tsênhv tsênhz trâu uô lơưr pox niêv txir nênhx vax huôv siz luôs thiêz đơưk kho têx vênhv thix paz trâu pox niêv thiêz nhuôv zâu, zuôr sêiz shuôk tso trâu hâur hâux lưv huôv tsar pênhr jos xưk li iz tsưr ziv huv đros.

Đhâu TS. Phạm Thái Hưng – Nênhs paz nhênhz chơưv tsênhv chêi li ziv chênhv, pov tâu tiêk, lok six tsuv uô cux li sir jos uô đuô chor vênhv thix lok pox niêv txir nênhx vax huôv hâur tsaz yênhx chor tsênhv njiêz hâur ntu zuôr txos, txơưv tsaz yênhx tâu uô xưk li chak. No tưz tsik zos nênhs nhênhz chơưv li siêz xar xưz mak tsênhv zos côngv thôngx kror vav njôngr, tiv zix zos pox niêv thiêz nhuôv nxêik thax tsav mênhx cxưx tsơưs nênhs thiêz tox siêz, cov muôx tâu iz ntu nênhx zuôr txos huôv tsar siz bâus thiêz truôx đrênhk đuô./.

Bảo Thái VOV2-Lik Thox cxêik nhênhv

Canr bôv jê tsôngv box chiê phưx vưv jông đuô

Hâur qar tsêr zâu nhoz ntơưv tsêr vênhx huôv đhâu thâuv sik côngv tâu zôngv chiê uô 6 canr bôv Tsênhv qơư phưx vưv hành chính côngz xã Khun Há, tỉnh Lai Châu li qơư uô xưv. Phênhv ntâu cán bộ tsênhv qơư zos cán bộ huyện kuz chuôz tsar lok uô côngz xưv. Đhâu 1 ciêz ntâu txix thâuv huôx tôngv chính quyênx 2 cấp nhoz xã yiêz, nhiv no cux shưv jux jus đros hâux lưv uô. Niêv lâuk Lò Thị Hoa, nhoz jos Nậm Đích tuôx uô ntâuz ntơưr hành chính ntơưv tsênhv qơư phưx vưv hành chính côngz pheiz kênh:

          “Hnuz no cur tuôx côngz jênhv học bạ trâu mê nhuôk thiêz cur pov uô ntâuz ntơưr lok six sei đrơưv. Cur pov tênhx qơư uô hâux lưv nhoz no shưv jê, jông siêz paz cxuô zav jông trâu tsôngv box”.

          Đhâu sik côngv, iz trâur nuv seiz car hành chính jông tsênhv tâu krêz uô lơưr theox chênhv nhoz tox siêz zos iz chiz coaz, 2 qơư uô xưv. Chiê tsôngv box shưv đros trâur nuv xã yiêz, đrâuv qơư uô xưv tsênhv zos qơư tos tiêv, car chêx ntâuz ntơưr trâu tsôngv box ntơưv Khun Há, Tsênhv qơư phưx vưv hành chính côngz nhoz xã cux heik cán bộ chuyên môn uô hâux lưv ntơưv qơư uô xưv xã Bản Hon (kuôk tsênhv qơư uô xưv tsênhv 10 cei cêr ntâu) chiê tos jênhv ntâuz ntơưr thiêz heik kriê tsôngv box uô ntêx thâuv muôz hồ sơ ntâuz ntơưr lok xã li qơư uô xưv tsênhv uô ntâuz ntơưr trâu tsôngv box. Zơưv Nguyễn Xuân Khắc, Phưv giám đốc Tsênhv qơư phưx vưv hành chính côngz xã Khun Há heik:

          “Đhâu pâuz tâu nhoz tiv phaz cux xưk li pox nhuôk tuôx uô ntâuz ntơưr, pêz pov iz cxiê pox nhuôk tsi tâu cài VNeID, viv li njiz ntâu phêv liv hâur car chêx ntâuz ntơưr hành chính. Pêz cux heik kriê pox nhuôk muk ntơưv công an chiê cài VNeID chiê zôngx ziv uô ntâuz ntơưr hành chính. Đrâuv co pêz cux sir zôngv VNeID lênhx nênhs chiê paz pox nhuôk khiêz ntâuz ntơưr hành chính sâuv tênhx qơư mạng”.

          Zos 1 hâur 30 taz viv hành chính cấp xã nhoz sâuv thax tsav tỉnh Lai Châu muôx 100% zos thax tsav nôngx cxênhz, xã Khun Há nhiv no muôx 70 cei cêr ndis, 22 jêx jos, 9 cxênhz ntâu lênhx nênhs, hâur co muôx 90% zos tsôngv box Hmôngz thiêz Lự sik đros nhoz uô nênhx, nênhs pluôk tsav 10% ntâu. Đros hâux lưv uô jông trâur nuv chính quyênx 2 cấp, cấp ủy thiêz chính quyênx xã Khun Há tsênhv hla trâu ntu bax trâu Đại hội Đảng bộ xã six cxiv 2025-2030.

          Zơưv Lê Huy Chính, Chủ tịch UB xã Khun Há, tỉnh Lai Châu puz pâuz, zos xã tox siêz, cxơưz tiês huôv tsar yuôx njuôz, ju lix côngv thôngx thiêz hlôngr yiêz cơ sở cxuô zav zos tsưr ziv hâur six cxiv zuôr txos. Tiv zix, xã zuôr tsov cưv thox cxov hâux lưv uô thiêz car chêx hâux lưv uô chiê muôz siêz phênhv sâu trâu tsôngv box; hâur co tsưr ziv lox zos tso tơưv txos shông 2030, tsi muôx ziv chuôz zis pluôk thiêz phênhv sâu fênhx pheiz lênhx nênhs tax 70 tsov đeiv iz shông.

          “Chor cán bộ phưx vưv trâu chính quyênx 2 cấp nhoz tiv phaz cux bax jông, taz sik iz cxiê cán bộ txix huyện lok cux tsi tâu muôx tsênhz zênhv tsênhv tsênhz. Viv li pêz tưz muk tiv phaz, jêx jos chiê nriêr pâuz qênhx shênhx tsênhv tsênhz nhoz tsôngv box, chiê muôx tsưr ziv car chêx jông hâux lưv trâu tsôngv box. Đrâuv co pêz cux zuôr muôx tsưr ziv thox cxov, kriê cxaz lok chuyên môn nghiệp vụ trâu chor cán bộ nhoz tsênhv qơư phưx vưv hành chính côngz, cux xưk li nhoz têx phòng, ban cik txos”.

          Têx hnuz no, đros hâux lưv ngaz tul tsưr tsix, bộ meir chiê huôx tôngv jông chính quyênx yiêz, ntơưv têx jêx jos nhoz Khun Há zos têx jiês khiêz phêv jêx jos, njiz tsôngv box. Têx jiês khiêz phêv tsưr tsix jông hâur têx bí thư chi bộ, tsar jos, đoanx thêv jêx jos đros cán bộ xã. Tsôngv box li têx siêz xar, ziv chênhv tâu têx lênhs tov xã mnôngs, sâu jênhv, chiê txix co cxiv tsa dự thảo pov cov chính trị Đại hội Đảng khóa yiêz thiêz tsưr ziv huôv tsar KTXH huv đros tsênhv tsênhz. Zơưv Vũ Xuân Thịnh, Bí thư Đảng ủy, Chủ tịch HĐ xã Khun Há, tỉnh Lai Châu puz pâuz:

          “ Chiê tror uô Nghị quyết Đại hội Đảng bộ Khun Há ntu 2025-2030, pêz zuôr chêx chôngk lok 2 hâux lưv zov chênhr zos huôv tsar chos sâm thiêz uô ju lix. Nhênhz chơưv têx pov cov ntâuk grê 2 xã kuz, hâux lưv lơưr co zos tas nro xã muôx thường trực đảng ủy, Ban thường vụ, đros têx chiz coaz, ban nganhx uô hâux lưv đros têx jêx jos chiê pâuz tâu têx jêx jos tsênhv uô txos tưs thiêz pâuz tâu tsôngv box li têx thix ziv, phêv liv; thôngx cxix heik tơưv têx tsưr ziv huôv tsar trâu têx jêx jos chiê gôngr phênhv uô zênhx liv nghị quyết”.

          Chính quyênx jê tsôngv box zos txix têx siêz sir jos, txơưx jênhv, chêx cuk hâur yênhx chính sách, yênhx hâux lưv uô tsênhv tsênhz. Têx sir jos txix tox siêz Khun Há, qơư “2 cấp chính quyênx” tâu huôx tôngv jông thiêz xar tơưv tsênhv tso pov tiêk: thâuv cán bộ jê tsôngv box đuô, pox nhuôk zuôr tuôx chính quyênx uô hâux lưv đros têx siêz njênhs njôngr đuô./.

(Khắc Kiên-Txâur Vax cxeik nhênhv)