Sơn La ntâu côngz tsinhx yiêz, hlôngr yiêz uô ntêx Đại hội Đảng

          “Txox cêr no thâuv ntêx trâus liêv tas, nhiv no tâu kho đuô, ntus cêr đar đuô, hur jông, cxuô lênhx nênhs muk lok zôngx ziv đuô, lok six jông siêz”.

          Têx txox cêr yiêz jux jus tâu uô tiêr, cux xưk li tâu kho đuô cov jông đuô, cxuô thax tsav qơư, cêr muk lok hâur phường Tô Hiệu tsi taz uô tsôngv box shir phaz, mak tsênhv uô hlôngr yiêz thax tsav tsênhv qơư niêv đrôngs tỉnh Sơn La.

          Uô ntêx thâuv txos Đại hội Đảng bộ tỉnh jiês tiv 16, ndar txos hơưv tos Đại hội Đảng tas nro têz qơưk, phường Tô Hiệu (Sơn La) tsênhv sir jos uô tiêr têx cêr muk lok li: cêr Phạm Văn Đồng pênhr yưv uô zos 5,4 tỷ đeiv, cêr zaoz thôngz số 4 thax tsav quảng trưởng Tây Bắc 13 tỷ đeiv ntâu. Đros co zos cxơưz tiês uô iz cxiê côngz tsinhx, dự án kho đuô ntus cêr, khơưz njưs đêx, cưx đês thiêz iz cxiê côngz tsinhx txơưr chiê yưv pênhr cxiv tsa têx côngz tsinhx tsêr cơưv ntơưr...

          Đhâu 13 shông krêz uô, Dự án “Cxix luôk tso đêx thiêz yưr lir đêx kiês nênhs TP Sơn La) cux tưz tâu uô tiêr thiêz chox lok huôx tôngv, phưx vưv 9 cxênhz ntâu ziv chuôz zis tsôngv box, gôngr phênhv car chêx qênhx shênhx đêx ngaz hâur cheix ntux nas, por vêv tênhx qơư...Côngz tsinhx muôx pênhr yưv uô zos 930 tỷ đeiv ntâu, txix chính phuv Đức li pênhr ODA, chính phuv Thụy Sỹ li pênhr paz tsi zuôr thêv thiêz chính phuv VN li pênhr nhiêx. Zơưv Tằng Văn Thanh, Giám đốc Ban seiz car dự án ODA tỉnh Sơn La- hlôngr njêx muôk tsưr yưv pênhr puz pâuz:“Dự án sir zôngv công nghệ AO zos công nghệ yiêz tiv zix sâu ntiêx têz nhiv no, sâuv thax tsav tas nro têz qơưk muôx 4 tiv phaz zôngv công nghệ no, hâur co muôx Sơn La zos tỉnh xuz thơưx nhoz têx tỉnh faz Bắc zôngv công nghệ no. Dự án uô tiêr zuôr paz grus tas nro têx đêx kiês nênhs sâuv thax tsav niêv đrôngs, lok tsêr meir yưr lir, tax chêx cuk đêx huv vêv xênhz uô ntêx thâuv tso lok hâur tênhx qơư”

          Nhiv kruôr tâu krêz côngz uô hâur hli 8/2025, ntơưv Qơư công nghiệp Mai Sơn, xã Chiềng Mung, Sơn La, Tsêr meir tsiv uô krâur tu zus thiêz tsiv uô xiv huv kôngz nuv Mavin Mai Sơn tâu njênhs njôngr zuôr paz huôv tsar jông trâu kôngz nuv Sơn La. Dự án zos Công ty TNHH Mavin Mai Sơn yưv pênhr, đros tas nro pênhr yưv uô zos 350 tỷ đeiv; muôx tsêr meir tsiv uô krâur tu zus, muôx công suất zos 200 cxênhz tênhr iz shông thiêz tsêr meir tsiv uô xiv huv kôngz nuv công suất 300 cxênhz tênhr iz shông. Njuôs xav tsêr meir zuôr uô tâu xiv huv muôs trâu niêv ciêz lok shông 2026.

          Ntơưv ntênhs krêz côngz cxiv uô tsêr meir, zơưv Nguyễn Thành Công, Phưv Chủ tịch UB tỉnh Sơn La puz pâuz, hâux lưv krêz uô dự án zuôr gôngr phênhv yênhx lix cêr sik côgnv jông hâur tsôngv box-HTX-doanh nghiệp. Thâuv chox lok sir zôngv zuôr gôngr phênhv chuôz cxaz tsiv grê xiv huv kôngz nuv tiv phaz thôngz đhâu tsiv uô; muôz cxaz hâux lưv uô trâu nênhs lox tôngv tiv phaz, chuôz cxaz phênhv sâu, hlôngr yiêz hâux lưv muôs muôv xiv huv kôngz nuv:“Hâur ntu tập đoàn yưv pênhr cxiv tsa tsêr meir ntơưv no, tỉnh Sơn la zuôr paz cxuô zav chiê lênhx nênhs yưv pênhr uô trơưk chủ trương thiêz tsưr ziv yưv pênhr, nzor uô tiêr thiêz chox lok huôx tôngv hâur thax tsav công nghiệp; tsôngv box hâur thax tsav cux thôngx ziv, paz max, tror huôv tsar thax tsav tsiv uô trâu tsêr meir. Xar njôngr đros kror sik côngv no zuôr paz Sơn la huôv tsar, uô zênhx liv têx chỉ tiêu Đại hội đảng bộ tỉnh zuôr tso tơưv ntơưv six cxiv jiês tiv 16 six cxiv 2025-2030”.

          Lơưr tsưr ziv, chiê hơưv tos Đại hội Đảng bộ tỉnh tsưr tsix lok kaz hli 9/2025, Sơn La muôx 6 dự án, côngz tsinhx nhiv kruôr krêz côngz li: Hlôngr cêr tênhv 110kV Mộc Châu-Mai Châu, Hòa Bình; cxiv uô Tsêr meir tsiv uô krâur tu zus thiêz tsiv uô xiv huv kôngz nuv Mavin Mai Sơn; têx côngz tsinhx cêr zaoz thôngz muk lok hâur tỉnh, hâur xã...thôngx cxix, uô tiêr 2 côngz tsinhx zos tsêr meir tsiv uô môngr BHL Sơn La thiêz dự án Cxix luôk tso đêx kiês nênhs TP Sơn La./.

                                                                                                                  Lê Hạnh-Txâur Vax cxeik nhênhv

Lênhx nênhs paz trâu pêx xênhv Xuân Ái uô bluô nux txix cuêv fix

Shông 1991, tơưv tuz lênhv tror lok ntơưv qơư nhoz thâuv nhiv kruôr muôx 20 ntâu shông, zơưv Tráng tưz xar njôngr: uô li chak chiê cxơưx trâu luz nênhx, tu zus tâu chuôz zis thiêz tơưv tâu đhâu yêiz pluôs ciês sâuv zuk thax tsav ar tox siêz no. Hâur qênhx shênhx Têz qơưk choz ar têz tox tôngz uô chiê chos shôngz ntông, uô nox, zơưv tưz pov tâu kror liv txix chor cuêv fix-zos tsôngv box Cho ntơưv zơưv qơư nhoz li zav tsoz chos sưv đros hâur luz nênhx:“Đhâu thâuv uô tiêr jênhv vưv tror lok ntơưv qơư nhoz, cur pov zuk zos iz lênhx pêx xênhv, hok kror liv ntơưv thax tsav qơư zos tsoz cuêv fix. Cur cux uô lơưr tsôngv box Cho li chax chês sir jos huôv tsar kinh têr, tsênhv njiê zos chos chor cuêv fix”.

Uô jux juk, zơưv cê cơưv shauv kỹ thuật chos, tsoz phưz, cê cxênhx tsês chiê zuôr nzir pox nhuôs chor ar têz kriz đar thax tsav chos, paz muôx tâu qơư uô nox truôx. Txos nhiv no,  zơưv tưz muôx tâu 20 ntâu héc ta cuêv fix, hâur co muôx ntâu thax tsav chos txix shông 1995, đhâu kriz uô, iz héc ta tsiv gri muôx 450-500 triệu đêiv-no zos iz kror nhiêx tsik tsơưs.

Shông 2011, zơưv nriêr txos chor doanh nghiêp, tsêr mêir uô chiê sik côngv, gra siêz tsiv gri têx hax huv. Txos shông 2024, zơưv Tráng đros 6 lênhx nênhs txơưr cuêz tênhv yênhx lix Hợp tác xã Chinh Quế zos zơưv uô Giám đốc. Đros tsưr ziv “Sik côngv ntâu đuô, đêz đuô”, HTX txix 7 lênhx nênhs xuz thơưx nhiv no tưz ndê muôx 39 lênhx xar viên, sêiz car thax tsav đar muôx 475 héc ta cuêv fix hữu cơ.

Lơưr thôngz sâu, iz shông, HTX Chinh Quế Viễn Sơn sâu, zuôr uô txix 300-400 tấn cuêv fix hax huv, phênhv sâu tâu muôx 13-20 tiv đêiv, paz muôx hâux lưv uô truôx trâu yênhx puô lox tôngv hâur thax tsav. Muôx phênhv sâu, ntâu ziv chuôz zis tưz bluô nux, uô tâu vax tsêr jông, zuôr tâu yêz ô tô, têx tuz nhuôs tâu cơưv ntơưr txos qơư. Zơưv Trần Ngọc Trang, iz hâur chor ziv chuôz zis uô cuêv fix, cux zos thành viên HTX puz pâuz:“Cur nhoz Nam Định (kuz) tuôx ntơưv no uô nox. Khov muôx cuêv fix, cur chuôz zis tưz muôx tâu luz nênhx jông pir li ntâu thax tsav qơư txơưr tsik muôx cuêv fix. Tsik car hêik tiêk cxênhx txuôs tâu ntâu, taz sik cux muôx txâuk nox, txâuk hnar thiêz tsês chiê mê njil”.

Cux txix chos cuêv fix, chor jêx jok nhoz Xuân Ái nhiv no tưz hlôngr yiêz ntâu, phênhv sâu xav lênhx nênhs tâu muôx 68 triệu đêiv ntâu iz lênhx nênhs iz shông.

Phưv Chủ tịch Ủy ban xar Xuân Ái-zơưv Hoàng Xuân Hùng puz pâuz: têx tsưr ziv uô nox li zơưv Tráng tsưr ziv zos iz kror puz pov tsênhz tiv zix lok hâux lưv sơưr đơưk zuôr uô tâu buô nux txix kôngz nuv, ciês ntơưv zuk qơư nhoz zos muôx tsưr ziv uô nox huv zos. Nhiv no tas nro xar muôx 7 cxênhz ntâu héc ta cuêv fix. Hâur Nghị quyết Đại hôiv đại biểu jiês tiv I, six cxiv 2025-2030, Đảng bôv xar tror xav jênhv cuêv fix zos tsoz chos chênhr, sir jos uô cov thax tsav cuêv fix hữu cơ ndê txos muôx 4 cxênhz héc ta, zaz zâuv doanh nghiệp uô ciês ntơưv qơư chiê paz tsar ndê tsiv gri:“Xuân Ái zuôr tsêx trung zaz zâuv chor nênhs yưv pênhr, chor doanh nghiệp tuôx chiê cxiv uô têx qơư, tsêr mêir uô paz gra siêz tsiv gri trâu chor hax huv cuêv fix. Pêz cux zuôr tsêx trung yax kriê trâu pox nhuôs pâuz chos cuêv fix zos tsuv uô cov huv zos tsưr ziv, kỹ thuật, uô cov huv zos lơưr cuêv fix hữu cơ”.

Sir jos cơưv shâuv thiêz sik côngv uô txix chor nênhs xưk li zơưv Tráng, cuêv fix-zav tsoz chos chênhr zuôr paz muôx nzir phênhv sâu thiêz uô bluô nux trâu chor ziv chuôz zis. Txix sir jos thiêz muôx tsưr ziv uô jông, cuêv fix zuôr tror zos zav tsoz chos paz trâu pêx xênhv nhoz Xuân Ái huôv tsar kinh têr tâu truôx đrênhk ciês sâuv zuk thax tsav qơư nhoz./.

                                                                                                        Trịnh Xuân-Lik Thox cxêik nhênhv