Dự án 8 li gôngr côngv hâur uô têx tsưr ziv Chiến lược têz qơưk lok fênhx zav nênhs thiêz têx heik kriê

          Uô ntêx, tsuv khav tênhv Hội liên hiệp pox niêv VN li pưs txux uô ntêx nyuôk thiêz têx gôngr côngv hâur hâux lưv krêz uô têx luôk hâux lưv cik txos cxênhx txir nênhx thiêz pox niêv. Chuv tôngv, uô muôx chêx cuk hâur tsưr tsix uô thiêz tiv zix zos chêx cuk muôz pênhr tưz tso pov cxix luôk Hội li pênhr xưv thiêz cam kết. Têx sir jos no tưz paz uô hlôngr yiêz jông trâu pox niêv thiêz mê nhuôk zâu nhoz thax tsav mênhx cxưx tsơưs nênhs thiêz tox siêz, gôngr phênhv uô tsưr ziv “tsi chiê lênhx tưs trâus tso tsês tov kaz” thiêz uô yênhx côngz tsưr ziv chiến lược têz qơưk lok fênhx zav nênhs ntu 2021-2030.

          Txơưv tưz tax tâu têx yênhx côngz, ntu krêz uô dự án 8 thiêz têx huôx tôngv uô uô cê lok fênhx zav nênhs txơưr tưz muôx têx phêv liv, tsuv tâu seiz shuôk tsênhv tsênhz chiê muôx tsưr ziv car chêx huv đros.

          Lơưr zơưv Phùng Quốc Huy, Phưv văn phòng điều phối TW Tsaz yênhx têz qơưk li qơư tsov txos, thông tư heik kriê seiz shuôk txơưv lok six cxix cxuô đros muôx 200 ntâu chỉ số (hâur co muôx 70 ntâu chỉ số cik txos cxênhx txir nênhx thiêz pox niêv), taz sik ho zos iz phêv liv đros cấp tiv phaz. Ntơưv xã thiêz huyện (ntu I) chor cán bộ chuyên trách tsơưs, muôx tsi txâuk chiê thôngz sâu thiêz pov cov chor dữ liệu ntâu li ntơưv. Đros hâux lưv hlôngr yiêz số tsi tâu uô siz thôngx, hâux lưv no cux uô trâu muôx tsi txâuk dữ liệu, uô zênhr shar txos hâux lưv ntâuk grê tsi tsênhz mênhx.

          Zơưv Phùng Quốc Huy cux heik iz hâux lưv tsi tâu to tâuz hâur chính sách:

          “Hâur ntu cxiv tsa tsaz yênhx, ntâu dự án txơưr puôr lênhx sâu “tsov cưv txos pox niêv”. Taz sik pêz nhiv kruôr uô tâu txos ntu tso pov chủ trương, tsi tâu uô tsênhv tsênhz “viv tsi pâuz tsov cưv zos tsov cưv li chas”. Hâux lưv no cux uô trâu pêz uô tsi tâu chỉ tiêu cxênhx txir nênhx thiêz pox niêv hâur têx dự án chiê njuôs xav thiêz ntâuk grê”.

          Chiê hla đhâu têx phêv liv heik sâuv thiêz muôz siêz fênhx zav nênhs hâur Tsaz yênhx têz qơưk li qơư tsov txos, ntu zuor txos zos ntu huôx tôngv tsênhv tsênhz. Tsuv seiz shuôk chiê chêx chôngk pênhr jos lok têx njiêz luv, trâur nuv tưz uô muôx chêx cuk. Tiv zix, tsuv seiz shuôk jông uô uô cê têx njiêz luv lok pox niêv hâur têx dự án txơưr. Zos tsi muôx cơ chế muôz nhiêx txiêx txơưr, tsênhz mênhx, hâux lưv muôz nhiêx txiêx jux jus têx zuôr uô phêv liv txos côngz xưv ntâuk grê thiêz muôz pênhr. Tuôr truôx pênhr nhiêx trâu têx huôx tôngv zov chênhr hâur Hội pox niev zos iz tsưr ziv zuôr trâus njuôs xav txos.

          Lok vênhv thix chuôz tsar pheiz cấp thiêz choz vax huôv trâu tiv phaz, zơưv Phùng Quốc Huy heik:

          “Tsuv txu grês nhiêx txiêx tuôr tsês nhoz Trung ương, hlôngr co zos choz chỉ tiêu thiêz pênhr jos ntâu đuô trâu tiv phaz. Tiv phaz zos qơư krêz uô thiêz pâuz tsênhz tiv zix zoz qơưx tsênhv tsênhz, viv li choz vax huôv trâu lơưr zuor paz têx huôx tôngv tâu uô huv đros thiêz muôx chêx cuk đuô”.

          Zơưv Phùng Quốc Huy cux xar tiêk, tsuv chêx chôngk car chêx têx vênhv thix siz zuôr nzor, siz zuôr cxênhz jê. Thôngx cxix, seiz shuôk chiê jav qênhx shênhx têx bộ, nganhx sik đros uô iz jênhv vưv, taz por pênhr jos tâu sir zôngv jông tiv zix.

          Seiz cxuô, chiê muôz siêz fênhx zav nênhs hâur Tsaz yênhx têz qơưk li qơư tsov txos, ntu zuor txos tsuv zos ntu hlôngr txix têx chủ trương cxuô hlôngr yênhx têx tsưr ziv njuôs xav tâu, txix cơ chế chêx chôngk yênhx choz vax huôv trâu tiv phaz. Hâux lưv no taz por cxuô pênhr jos yưv puôr lênhx chox lok têx hlôngr yiêz tsênhv tsênhz thiêz truôx tul trâu pox niêv thiêz mê nhuôv thax tsav tsôngv box mênhx cxưx tsơưs nênhs luz nênhx, gôngr phênhv uô yênhx côngz Chiến lược têz qơưk lok fênhx zav nênhs ntu 2021-2030./.

(Bảo Thái- Txâur Vax cxeik nhênhv)

Txix hnuz xiêz 01/7/2025 gôngr BHXH 15 shông tâu sơưv nhiêx hli so lâul

1.Txo grêk tsơưs six hơưv, hnuz nhôngs thêv BHXH chiê tâu sơưv nhiêx hli so lâul

Trơưk li Chei BHXH shông 2014, iz hâur têx cui tinhv chiê nênhs lox tôngv tâu sơưv nhiêx hli so lâul zos tsuv muôx txâuk 20 shông thêv BHXH tror zar sâuv. Taz sik, trơưk li Grê 66, Chei BHXH 2024 cui tinhv txix hnuz xiêz 01/7/2025, six hơưv, hnuz nhôngs thêv BHXH chiê tâu sơưv nhiêx hli so lâul zuôr txo grêk yuôr 15 shông. Co zos iz tsênhv chei muôx liv, muôz jông six hơưv đuô trâu chor nênhs lox tôngv thêv BHXH lur đuô, lar heik zos têx lênhx uô hâux lưv tsi yuô truôx tuk lok sik njiz trâus phiv liv lok thêv cov txâuk 20 shông nhiêx BHXH.

2. Six hơưv, hnuz nhôngs tâu sơưv nhiêx hli so lâul

Chiê tâu sơưv nhiêx hli so lâul trơưk cui tinhv yiêz txix hnuz xiêz 01/7/2025, nênhs lox tôngv tsuv muôx txâuk hnuz nhôngs, ntâuz ntơưr uz no lơưr cui tinhv ntơưv Grê 64, Chei BHXH 2024, tsênhv tsênhv zos txâuk shông so lâul trơưk cui tinhv thiêz muôx txâuk 15 shông thêv nhiêx BHXH tror zar sâuv.

3. Phênhv tâu sơưv nhiêx hli so lâul txix hnuz xiêz 01/7/2025

Trơưk li cui tinhv ntơưv Grê 66, Chei BHXH, phênhv nhiêx hli so lâul niêx hli nênhs lox tôngv tâu sơưv li heik sâuv tâu xav li đrav kaz:

a) Đros thiêz lox tôngv pox niêv:

Nhiêx hli so lâul tâu sơưv bâuv 45% xav kror đruôz đraz nhiêx hli uô qơư khov thêv BHXH bâuv iz zav li 15 shông thêv nhiêx BHXH, đhâu ntơư nzir iz shông thêv mak xav cxaz 2%, tâu ntâu yax bâuv 75%;

b) Đros thiêz lox tôngv txir nênhx:

Nhiêx hli so lâul tâu sơưv bâuv 45% xav kror đruôz đraz nhiêx hli uô qơư khov thêv BHXH bâuv iz zav li 20 shông thêv nhiêx BHXH, đhâu ntơư nzir iz shông thêv mak xav cxaz 2%, tâu ntâu yax bâuv 75%.

Txơưv six hơưv, hnuz nhôngs thêv BHXH txo grêk tsơưs 15 shông, phênhv nhiêx hli so lâul tâu sơưv zuôr tâu xav trơưk li tas nro six hơưv, hnuz nhôngs thêv BHXH thiêz xav kror đruôz đraz nhiêx hli thêv BHXH. Taz sik ziv thêv tâu nhiêx BHXH ntêr shông mak ziv tâu ntâu.

Chênhr zos li heik co, nênhs lox tôngv tsuv pâuz tsênhz lok têx mông no, qênhz yuôx shuôs six hơưv, hnuz nhôngs zuk thêv nhiêx BHXH thiêz bax tsưr ziv jông chiê tâu sơưv têx nhiêx hli so lâul./.

Thu Thùy-Riê Lâux cxeik, nhênhv