Muôz têx hâux lưv paz pox niêv, nhuôv zâu fuô uô cê đros trâu têz qơưk tsaz yênhx zov chênhr têx dưv anr huôv tsar kinh tế-xã hội thax tsav tsôngv box heir nênhs tsơưs thiêz tox siêz: Têx hâux lưv tsênhv uô tsi tâu tsi tiêr

Dưv anr 8 zos dưv anr xuz thơưx pox niêv txir nênhx vax huôv siz luôs hâur têz qơưk tsaz yênhx zov chênhr, heik lol Đảng thiêz têz qơưk cêr moz siêz txos têx li heik sâuv. Đhâu zuôr xar 5 shông fuô uô (ntu 2021-2025), Dưv anr 8 tưz uô tâu ntâu luôs hâux lưv jông. Lok sâuv seiz car thiêz tsưr tsix tâu fuô uô nzor, đros thiêz yênhx lix Ban seiz car Dưv anr txix T.Ư txos cấp tỉnh nhoz phênhv ntâu cxuô thax tsav qơư. T.Ư tưz tso tơưv 17 ntâuz ntơưr fuô kriê thiêz tsưr tsix qênhz yuôx, đơưk tu zênhx max têx phiv liv.

Pênhr nhiêx cux tâu huiz tôngv ntâu, muôz tâu zuôr xar 2 cxênhz tyv đeiv, phênhv ntâu txix nhiêx txiêx T.Ư. Ntâu hâux lưv zov chênhr cik txos yênhx lix tổ yax mông côngv thôngx, qơư jông, câu lạc bộ uô ntêx nyuôs hâur cxuô luôs hâux lưv, gra siêz txux chi tsưr ziv trâu canr bôv pox niêv heir nênhs tsơưs tưz fuô uô tâu trơưk tsưr ziv tso tơưv. Têx trâur nuv li “Qơư jông, txâuk njênhs” tưz uô tâu jông, muôx têx paz hur si txir nênhx pâuz tsênhz lok têx hâux lưv cik txos pox niêv txir nênhx.

Txơưv tưz uô tâu yênhx côngz li heik sâuv, taz sik muôz têx hâux lưv paz pox niêv, nhuôv zâu fuô uô cê đros  trâu têz qơưk tsaz yênhx zov chênhr têx dưv anr huôv tsar kinh tế-xã hội thax tsav tsôngv box heir nênhs tsơưs thiêz tox siêz cux njiz trâus ntâu phiv liv, tsuv sik đros đơưk, uô tsênhz mênhx, co zos phênhz thiêz sir zôngv nhiêx txiêx ntơưv qơư; xav tinhv lênhx nênhs thiêz fuô uô tsênhv njiêz; phiv liv cơưv cxaz nzir têx txux chi tsưr ziv.....

Lok têx uô tsi tâu hâur phênhz thiêz sir zôngv nhiêx txiêx ntơưv qơư, txơưv Bộ Nhiêx txiêx tưz muôx Thông tư 55 muôx chei chiê ntơưv qơư phênhz nhiêx txiêx, taz sik tsênhz tiês, ntâu tỉnh thax tsav heir nênhs tsơưs thiêz tox siêz njiz trâus phiv liv lok sâu nhiêx txiêx, uô muôx tsi txâuk nhiêx phênhz trâu Dưv anr 8 fuô uô têx hâux lưv trơưk tsưr ziv. Têx tổ yax mông côngv thôngx, txơưv tâu yênhx lix thiêz cơưv cxaz nzir tsưr ziv, txux chi yuôr trâus, taz cux tsi tâu nhiêx ntâu, uô lơưr muôx tsi txâuk pênhr jos chiê fuô uô têx hâux lưv zok muôz. Têx li heik co uô tsi trơưk li pov cov nhênhz chơưv, txơưv tưz heik mênhx txos paz nhiêx txiêx chiê têx tsưr tsix côngv thôngx uô tâu hâux lưv jông. Iz chas ntơư, têx huiz tôngv sơưr đơưk paz nzir nhiêx txiêx cux njiz trâus ntâu phiv liv, uô tsi tâu trơưk li siêz xar.

Lok sâuv muôz têx hâux lưv heik co fuô uô cê đros  trâu têx dưv anr txơưr đuô, lơưr Tiến sĩ Phạm Thái Hưng, lênhx nhênhz chơưv piêr kriê tsênhv chei heik pâuz: Txơưv Dưv anr 8 muôx pưs txux zov chênhr, taz sik têx ntâuz ntơưr fuô kriê txix cxuô bộ, ngênhx T.Ư thiêz ntơưv qơư chiê fuô uô têx dưv anr, mêr dưv anr txơưr đuô hâur têz qơưk tsaz yênhx zov chênhr tsi tâu moz siêz fuô uô jông thiêz cxix cxuô.

“Hâur têz qơưk tsaz yênhx zov chênhr zuôr xar 200 hâux lưv tso tơưv, muôx txos 71 hâux lưv tsuv phênhz trơưk pox niêv, txir nênhx, taz sik tsênhz tiês fuô uô cux tsênhv njiz trâus phiv liv. Têx li heik co uô trâu hâux lưv cxơưz cxiz pox niêv txir nênhx vax huôv siz luôs hâur thax tsav tsôngv box heir nênhs tsơưs, iz txưv tưz phiv liv lok ziv phiv liv đuô”.

Cux trơưk li Tiến sĩ Phạm Thái Hưng, chiê fuô uô tâu truôx jông têx li heik sâuv, taz por Côx hôiv Nghị quyết 88 tso tơưv têx hâux lưv lok pox niêv txir nênhx vax huôv siz luôs thiêz têz qơưk tsưr ziv tâu uô tsênhz mênhx, tsuv muôx têx hlôngr yiêz buôk ti. Hâur co tsuv muôz têx hâux lưv paz pox niêv, txir nênhx muôx vax huôv siz luôs fuô uô cê đros  trâu têz qơưk tsaz yênhx zov chênhr têx dưv anr. Thiêz têx li co tsuv muôx cxuô bộ, ngênhx seiz car uô dưv anr fuô kriê tsênhv tsênhz lok têx chei, nhiêx txiêx thiêz tsưr ziv uô, đros Văn phongx seiz car têz qơưk tsaz yênhx thiêz Ủy ban Mênhx cxưx car seiz. Tsuv hlôngr yiêz côngz xưv gra siêz txux chi, pênhr xưv. Hlôngr yiêz tsưr ziv, moz siêz txos luz nênhx, sir jos yax mông, fuô kriê khov trâu côngv thôngx; xav tinhv đuô têx zov chênhr chiê yưv pênhr thiêz tror tuôr truôx, nthuôr đêz đar đuô têx luôs hâux lưv uô tâu chiê luôs lưv tus, lưv thax tsav cơưv shâuv, uô trơưk./.

Bảo Thái VOV2-Riê Lâux cxeik, nhênhv

Livestream ntơưv ciêz tox siêz Lai Châu: Tsưr ziv uô yiêz hâur ntu kinh têr sôr

“Livestream zuôr muôs tâu ntâu hax huv đuô, tâu njiz chôngz lênhx nênhs đuô, muôx chôngz nênhs pâuz txos zuk têx hax huv đuô pir li zuk tsuôk tso trâu sâuv facebook xưz”.

“Muôs hax huv li no mak zuk zos nênhs nhoz luz đraz paz muôs hax huv nhoz pêx xênhv txos trâu nênhs zuôr. Muôs hax huv livestream mak muôs tâu jông đuô. Xav mak iz jiês ciêz li no thâuv têis cik sơưr nzor chor hax huv yuôr lok six ntâu taz sik txos zuôr tar su mak muôs tas chor huv lơưv. Muôs tâu têx hax huv trâu pox nhuôs mak zuk cux muôx tâu nhiêx côngz, zuk cux shir phaz hênhr”.

Niêv tix Mai Thị Duyên thiêz niêv tix Hảng Thị Sua nhoz tỉnh Lai Châu tưz muôx 2 txos 3 shông chênhz zênhv muôs têx hax huv txix tsưr ziv livestream ntơưv chor ciêz. Pov pox nhuôs muôx têx hax huv kôngz nuv jông, tsiv gri li: sâm, đương quy, tam thất, txir tsơưz kuk… mak lơưr ho tuôx paz piêr pâuz muôs chor hax huv no đhâu sâuv mạng. Tưz tsik zos txâuk nox xưz mak tsênhv paz trâu lơưr uô tâu bluô nux.

Txix oz pêz lênhx nênhs, txos nhiv no chor nênhs livestream muôs têx hax huv kôngz nuv ntơưv ciêz San Thàng muôx lok six chôngz nênhs, phênhv ntâu zos pox niêv. Iz lênhx nênhs livestream muôs tâu ntâu hax huv cux tâu muôx 1 tsov nhiêx côngz. Đros chor nênhs xưk li niêv tix Tẩn U Mẩy, nhoz xar Pu Sam Cáp, txix thâuv muôx chor nênhs no tưz paz trâu lơưr muôs tâu ntâu hax huv ciês ntơưv têx ciêz:

“Thâuv ntêx pêz chor hax huv chox tuôx muôs ntơưv ciêz mak chor nênhs nhoz qơư kik tsik pâuz txos, chor hax huv txơưv lok six kaz jông lok cux lax muôs tâu. Nhiv no muôx chor nênhs paz muôs hax huv online  viv li muôs tâu zôngx ziv đuô, muôx hnuz cur muôs tâu 5 txos 7 triệu đêiv”.

Niêv tix Mai Xênhv Zax, nhoz huyện Sìn Hồ (kuz), tỉnh Lai Châu hêik pâuz, tưz tsik zos lievstream chiê muôs chor sâm ntơưv ciêz San Thàng xưz, kror tưs muôx uô ciêz mak niêv tix oz niêv txir puôr pênhx tuôx thiêz nriêr chor hax huv jông tsiv gri, tâu chôngz nênhs nhiêv zuôr chiê piêr pâuz thiêz muôs đhâu sâuv mạng. Chiê cov chor nênhs nhoz đêz zuôr, chor hax huv kôngz nuv piêr pâuz muôs đhâu livestream tsuv muôx tsơưr lươngv jông, ngaz tuk. Chor nênhs zuôr nhoz têx tỉnh thâuv tưz tênhv zuôr, chor hax huv no zuôr tâu xa muk txos ciês trâu lơưr, lơưr kriz sêiz shuôk huv zos tsơưr lươngv li piêr pâuz mak thiêz thêv nhiêx zuôr:

“Cur muôs chor sâm Lai Châu txix tsưr ziv lievtream tâu muôx 3 shông no lơưv. Nriêr tâu hax huv jông mak cur ho livestream chiê muôs. Nhiv no cux muôs sưv trâu chor nênhs zuôr lơưv viv hax huv muôx tsơưr lươngv jông, viv li chor nênhs zuôr cux hu tuôx cov paz nriêr muôs trâu lơưr. Muôs li no mak yênhx shông cux muôx tâu nhiêx txâuk chiê chuôz zis sir zôngv, ntâu đuô pir li chor blêx, poz cưk”.

Khov muôx chor jiês kriê txux chi kinh doanh sâuv nền tảng sôr, cxiv tsa, piêr pâuz lok chor hax huv kôngz nuv muôx nhoz ntơưv thax tsav qơư mak tsôngv box tox siêz Lai Châu muôx nzir kror hâux lưv uô yiêz, paz trâu uô nox, zuôr muôs têx hax huv tâu jông đuô. No cux zos têx kror paz trâu zuôr muôs, paz trâu pêx xênhv ntơưv thax tsav qơư muôs tâu têx hax huv, hok chor nênhs sir zôngv nhoz cxuô qơư hâur têz qơưk mak cux pâuz txos thiêz zuôr tâu têx hax huv muôx nhoz tox siêz tsơưr lươngv jông./.

Thanh Thủy-Lik Thox cxêik nhênhv