Txir Hồng Bảo Hà-zos iz zav txir ntông kaz

Pêx xênhv ntơưv thax tsav qơư tsik so hêik tiêk, thâuv tưs suôz đruôk hôiv tsêr mnov Ông Bảy đror nxê ntưk cux zos chêix chor txir hồng piz siêr đax. Cêr lov jêv, shir phaz hâur ntênhk hôiv muôx txix ntơưv yar tiêx tsêr mnov txos trâu chor vax txir ntông, qơư muôx chor txir hồng siêr đax sâuv têx ntông xưk li tsênhv hu zâuv tsôngv kruô tuôx trâu ntơưv no. Ntơưr zos cxuô cxênhx nênhs li têx sir jos, chiê paz muôx tâu chor txir ntông no hâur chêix ntênhk hôiv. Muk iz ndis shuôk chuôz zis luz vax muôx oz pêz châuv tsoz txir hồng lâul, zơưv Phạm Văn Diền, nhoz jok Liên Hà 6, xar Bảo Hà hêik pâuz:“Txix thâuv chos piz txi txir txos nhiv no zos 30-40 shông taz sik tsik muôx shông tưs sâu tsik tâu txir hlo, ziv lâul mak ziv txi txir ntâu, tsuv cxênhv chês zos tsik cxênhv mak chor chês ntông zuôr lor tas. Muôs tâu muôx 10 cxênhz đêiv iz cir, muôx têx tsoz sâu tâu 4-5 puô cir, bâuv sâu tâu li 4-5 triệu đêiv lơưv”.

Txix chor nênhs uô ntêx chor txir ntông, txos nhiv no, hồng tsik muôx nôngz tưz zos yênhx tsoz chos chênhr ntơưv thax tsav qơư, muôx côngz bê zos iz zav hax huv hur, tsik muôx yuôx por vêv đros tsuôs. Lok chor txir hồng li kror tsiv gri, zơưv Nguyễn Văn Khánh, tsar jok Liên Hà 6, hêik mênhx:“Chor txir hồng no mak lok six muôx tsiv gri, txix thâuv ntêx txos nhiv no mak tsik zôngv yuôx đaz tsi paz trâu hlo. Têx thâuv tsênhv tsik muôx iz kror đêx tưs zưs trâu hloz thiêz, đrâuv têx ar têz tiêx mak pox nhuôs trâu mê njil qir trâu xưz, tsik zôngv yuôx por vêv đrox tsuôs hlo, taz sik chor txir hồng cux txi lok six nzư”.

Chênhr muôx tsơưr lươngv jông li hêik co mak suôz bê txir hồng Bảo Hà ziv hnuz ziv tâu khav tênhv. Chor txir ntông no tưz tâu côngz jênhv zos hax huv OCOP hov 3, zos yênhx pêx xênhv ntơưv no iz kror shir phaz thiêz zos iz kror hax huv jông trâu tsôngv kruô thâuv tuôx trâu Bảo Hà.

Lơưr pos Lục Thị Tuyền, canr bôv kinh têr xar, thax tsav chos chor txir hồng ntơưv no xar muôx 300 héc ta, tsêx trung ntơưv chor thax tsav Bảo Hà, Tân An, Tân Thượng nhoz huyện Bảo Yên, tỉnh Lào Cai (kuz). Ntu đhâu, chor txir hồng tâu pox nhuôs chos, sâu lơưr tsưr ziv cxôngx nzor sâuv têx ar têz, chor txir hồng no tsuôk tâu muôs txix ciês chor txir siêr sâuv ntông thiêz chor txir tâu đê lok tsâu xưz:“Zuôr txos no pêz zuôr sir zôngv têx tsưr ziv kỹ thuật yiêz chiê paz trâu pox nhuôs gra siêz đuô tsơưr lươngv têx hax huv, zuôr txos mak muôx nzir têx hax huv li txir hồng kra kruôr gis, jok uô cuô đêx hâuk…. Tsik zos tsuôk tâu muôs têx txir li nhiv no xưz”.

Muk trâu Bảo Hà têx hnuz no, tsôngv kruô tưz tsik zos tâu nriêr pâuz txos têx vênhx huôv jông, mak tsênhv tâu nox chor txir hồng kaz nhiv kruôr đê tâu ciês ntơưv têx vax chos. Co zos iz zav txir ntông kaz, muôx ntơưv thax tsav qơư no./.

                                                                                                                           An Kiên-Lik Thox cxêik nhênhv