Zênhx max cxiv uô tsêr yiêz trâu pêx xênhv thax tsav trâus đêx nas uô ruôr hiêv Điện Biên

Ntơưv qơư nhoz jok Háng Pu Xi, xã Xaz Zôngz têx luz tsêr yiêz tsênhv jux juk tâu uô tiêr. Hâur thax tsav, têx kuô tsêr tsênhv pov têx cưx đês, ar, poz jêz trâus đêx nas cuôr yôngz, uô ruôr hiêv, chor tuz lênhv tưz siz zâuv, sir jos sik đros cxiv kho, puôz uô têx vax cov truôx khor. Txơưv yo ntuz hưk tas, têk jiêz yar lo ar li, taz sik lênhx tưs cux sir jos, shir phaz lus sik đros paz uô tsêr trâu pêx xênhv.

Pov chor tuz lênhv khưr, tir yar tir nas yênhx hnuz, tsôngv pêx xênhv hâur jok, txix chor lâul txos têx lênhx hluôk nênhs lênhx tưs cux sik côngv têk, đros paz chor tuz lênhv uô tsêr. Seiz njiê pov têx luz tsêr yiêz jux juk tâu cxiv uô tiêr, tsôngv box tus tưs cux shir phaz, uô tsâus ntâu txos Đảng, têz qơưk thiêz têx tuz lênhv tưz moz siêz paz cxuô chuôz zis muôx qơư nhoz truôx. Zơưv Txôngr Vưx Xênhv Muôk, nhoz jok Háng Pu Xi shir phaz heik:“Tsôngv pêx xênhv hâur jok lok six shir phaz, canr bôv, têz qơưk tưz paz pêz lok six ntâu. Tsêr yiêz truôx khor đuô têx tsêr kuz lok six ntâu, muôx yar tiêx, taz por truôx tuk. Qơư nhoz yiêz no jông đuô thiêz truôx tuk đuô qơư kuz”.

Zơưv Thi Xênhv Muôk, tsar jok Háng Pu Xi heik pâuz: Cxiv uô tsêr hâur cheix ntux nas tưz txov, nhoz thax tsav tox siêz ziv txov đuô viv chor tuz lênhv tsuv tas ntâu côngz đas jos đros thâux xa têx vuôk cxiv puôz tsêr, xi măng muk đhâu têx cêr bluô, ndê tox txos trâu jêx jok. Taz sik, viv tsôngv pêx xênhv, hâux lưv zok muôz, têx tuz lênhv thâuv tưs tưz sir jos, khưx phưv phiv liv chiê uô tâu cxuô hâux lưv. Tsôngv pêx xênhv lênhx tưs cux shir phaz thâuv zuôr muôx tsêr yiêz nhoz thiêz pov tsênhz tâu chor tuz lênhv têx sir jos, cêr moz siêz txos pêx xênhv:“Jông siêz thiêz shir phaz hênhr, viv tsi ntêr tsôngv pêx xênhv zuôr muôx iz qơư nhoz yiêz truôx tuk. Chor canr bôv, chiến sĩ lok six moz siêz txos pêx xênhv, sir jos hâur yênhx hnuz hmo đros paz cxiv uô tsêr, kho li co têx vax tsêr jux juk tâu uô tiêr sei”.

 Đros trâu chor tuz lênhv, tas nro cxix luôs chính trị ntơưv qơư cux tsênhv lok six sir jos paz chiê tsôngv niêv txir lax pêx xênhv nzor muôx qơư nhoz truôx. Chênhr sơưr đơưk têx sir jos sik côngv têk siz paz, tưz cxiz uô sei chiê jux juk uô tiêr tâu nzor têx vax tsêr nhoz trâu tsôngv pêx xênhv. Zơưv Trọng Bình Xênhv Zax, Bí thư Đảng ủy xã Xaz Zôngz heik pâuz:“Ban Thường vụ Đảng ủy xã tưz muôx ntâuz ntơưr chox kriê cxuô cơ quan tsưr tsix, taz viv, têx chi bộ, tsar jok, tsar ban côngz xưv mặt trận thiêz tas nro tsôngv pêx xênhv sik đros siz paz uô. Tsi tiêk no zos chor tuz lênhv lok sik lênhx nênhs tưs hâux lưv, zos xã, zos canr bôv, đảng viên hâux lưv hur si, chênhr viv li sơưr đơưk tsuv sik đros paz hnuz côngz đas jos, chuôz laov paz têx tuz lênhv chiê uô tâu tiêr nzor têx vax tsêr trâu pêx xênhv nhoz”.

Nhiv no, Bộ chỉ huy tuz lênhv tỉnh Điện Biên tsênhv hu zâuv yênhx puô lênhx canr bôv, chiến sĩ hâur Trung đoàn 82, Kho K79 muk trâu têx jêx jok trâus đêx nas uô ruôr hiêv chiê paz pêx xênhv cxiv uô, kho đuô vax tsêr nhoz. Iz phôngz yaox sik tưr uô hâux lưv muôx njiêz luk “30 hnuz sik tưr uô nuv chiê uô tâu nzor têx hâux lưv zok muôz” tưz tâu phuôx tôngv, yênhx đas jos cxơưz uô tiêr tâu sei têx tsêr yiêz trâu pêx xênhv nhoz.

Đại tá Nguyễn Trung Đắc, Chính ủy Bộ chỉ huy tuz lênhv tỉnh Điện Biên heik pâuz, hâux lưv tso tơưv zos zuôr cxiv uô yiêz 80 luz tsêr, kho đuô 241 luz cov tiêr hâur hli 9 no:“Pêz seiz hloz thiêz uô tsâus txos tas nro cxix luôs chính trị, cấp ủy hâu nov cxuô xã thiêz tsôngv pêx têx sir jos paz, đros uô, đros pheiz kênh phiv liv. Tuz lênhv thâux xa vuôk uô tsêr, suôz jêz pêx xênhv cux đros uô hur si, tuz lênhv uô kror tưs pêx xênhv đros paz uô txos co. Tsưr ziv zos chiê cxiv uô tâu nzor têx vax tsêr trâu pêx xênhv nhoz, taz sik sơưr đơưk tưz muôx cêr sik thôngx siêz, siz paz thâuv fuô uô têx hâux lưv heik sâuv”.

Nhoz Háng Pu Xi, têx luz tsêr yiêz truôx khor tưz thiêz tsênhv jux juk uô tiêr. Iz luz tsêr tâu uô tiêr zos khov muôx chor tuz lênhv thiêz tsôngv pêx xênhv sik thôngx siêz, siz paz, sik đros pheiz kênh phiv liv; iz chas ntơư, zos qơư khov truôx, chuôz jos chiê pêx xênhv nzor truôx tuk luz nênhx, huôv tsar uô nox uô hnar./.

                                                                                                                       Vũ Lợi-Riê Lâux cxeik, nhênhv

Sik côngv tês por vêv mê nhuôk tsi trâus ruôr hiêv

Hâur hlik hli 7 nhiv kruôr đhâu, chôngz lênhx ntâu tul nhoz tỉnh Sơn La lok six tsi jông siêz lok txuz hâux lưv Lê Văn Thiệu, 42 shông nhoz xã Hải Châu, Nghệ An tuôx Sơn La thiêz zuôv tul mê nhuôk N.T.A 9 shông nhoz xã Mai Sơn (Sơn La) uô đaz uô tuôs. Hnuz co, mê nhuôv A li niêv txir muk uô têz, tsuôk yuôr tul nhuôv A thiêz iz tul zâu muôx 5 shông nhoz hâur tsêr. Thiệu zos lênhx nênhs tsi muôx hâux lưv uô, khênhr iz lênhx tsar yêz meir muk têx tiv phaz chiê uô tuz saz tuz nhiês. Hnuz co, thâuv muk đhâu tul nhuôv A li tsêr, pov tsuôk yuôr 2 nus muôk nhoz tsêr, viv li tưz lok tsêr thiêz đas tiês zos cưk yuôx kho moz trâu tul nhuôv A thâuv tsênhv zâu, hnuz no tror tuôx chiê tror seiz njuôs tul nhuôv A li qơư mos, đhâu co tưz zuôv tul nhuôv A uô đaz uô tuôs. Thâuv muk uô têz lok, tul nhuôv A heik kriê trâu niêv thiêz txir pâuz, viv li lơưr tưz pov trâu Công an. Lưx lươngv công an đhâu co xav tênhv thiêz tưz ntês tâu Lê Văn Thiệu.

          Uô ntêx co, hli 3/2022, Nguyễn Văn Hoan, xênhz shông 1993, nhoz xã Chiềng Hặc, huyện Yên Châu kuz, nhiv no zos xã Chiềng Hặc, tỉnh Sơn La cux tưz trâus ntês cxov viv ntâu jiês zuôv tul nhuôv H.T.R.L, xênhz shông 2007, zos niêv hloz tul mê nhuôv uô đaz uô tuôs tix hli 8/2020 txos hli 3/2022.

          Uô hiêv txos mê nhuôk- zênhr shar tsi jông txos ê nhuôk lêx ntêr, tsuv muôx tas nro côngv thôngx sik côngv tês phax tar thiêz por vêv mê nhuôk.

          Tsênhv tsênhz nhiv no tso pov cxuô lênhx mê nhuôk njuôs xav zuôr zôngx ziv trâus uô hiêv, txơưv zos nhuôv tuz lok sik nhuôv nxeik, nhoz cxuô hov hnuz nhôngs hâur luz nênhx.

          Lơưr thôngz sâu, txix shông 2020 txos nhiv no, tas nro tỉnh Sơn La muôx 180 ntâu lênhx mê nhuôk (hâur co muôx nhuôv tuz thiêz nhuôv nxeik) trâus zuôv uô đaz uô tuôs, trâus ntâuk tsiv... Qir tiv phênhv ntâu zos mê nhuôv li niêv txir, nênhs tsoz phưz, nênhs cxênhz jê li jênhv pâuz lok phax tar ntâuk tsiv, zuôv uô đaz tuôs tsênhv kis, tsi seiz jông zuk li mê nhuôk. Iz cxiê lênhx mê nhuôk nhoz uô nênhx txov nhêv, tsi tâu muk cơưv ntơưr, tsoz phưz jông viv li zôngx ziv trâus liv zôngv, trâus zuôv uô đaz tuôs. Iz cxiê chuôz zis thâuv mê nhuôv trâus zuôv uô đaz tuôs cux tsi car heik kriê, tsi car pov trâu chiz coaz muôx vax huôv viv nyei, viv txax muôs...

          Ntâu nhênhz chơưv tso pov, têx zênhr shar tov kaz no đhâu thâuv trâus zuôv uô đaz tuôs, trâus ntâuk tsiv zuôr uô trâu mê nhuôk tsi sei đrơưv li luôk têx, cơưv ntơưr tsi hênhr...Lêx ntêr têx co tsi taz zuôr uô zênhr shar txos mê nhuôk luz nênhx tov kaz no mak tsênhv uô zênhr shar txos xã hội, chuôz ndê nhiêx txiêx y tế, pháp lý thiêz nox nhoz xã hội.

          Cxuô lênhx nênhs tsuv muôx txơưx jênhv por vêv mê nhuôk zâu.

          Chiê por vêv mê nhuôk tsi trâus uô hiêv, tsuv muôx chuôz zis, tsêr cơưv ntơưr, côngv thôngx sđ thiêz tas nro xã hội sik côngv tês uô.

          Đros chuôz zis, tiv zix zos têx lênhx uô niêv uô txir, thâuv tưs cux tsuv tsov cưv, mnôngs thiêz đros mê nhuôk thav ntâu đuô chiê pâuz đuô lok zuk mê nhuôk li têx siêz xar. Thôngx cxix, tsuv bax têx tsưr ziv, yênhx tưv, pênhr xưv por vêv zuk thiêz txơưx phênhz pêx têx njuôs xav zuôr uô hiêv txos zuk tiz nênhs. Đros côngv thôngx thiêz tas nro xã hội tsuv muôz siêz jênhv pâuz lok vênhv thix mê nhuôv trâus uô hiêv, cxơưz tiês yax mông, pov nzor thiêz phax tar thâuv njuôs xav muôx têx zuôr uô hiêv txos mê nhuôk. Đrâuv co, tsôngv box cux tsuv hu ciês trâu Tổng đài têz qơưk por vêv mê nhuôk lơưr số 111 chiê heik kriê têx hâux lưv li ntâuk tsiv, uô hiêv txos mê nhuôk chiê tâu heik kriê thiêz paz txưv pháp lý.

          Chox luk: Cui tênhv pháp luật lok yưr lir hâux lưv uô hiêv txos mê nhuôk.

          Pháp luật Việt Nam muôx têx cui tênhv tsênhz mênhx thiêz txos qơư chiê yưr lir têx uô hiêv txos mê nhuôk, lơưr yênhx luôk hâux lưv uô hiêv đros têx phênhv xưv bluô, trâus cơư tux txix 6 txos 20 shông, cơư tas iz tiêv nênhx lok sik muôx têx trâus muôz tuô por tsês đros têx lênhx nênhs uô hiêv zov chênhr txos mê nhuôk./.

                                                                                                       Thu Thùy-Txâur Vax cxeik nhênhv