Lào cai sir jos cov ngaz tuk jông trâu chor pak đêx hâur chêix ntux nas chuô

Hâur jiês lok nas chuô lox lịch sử (chuô Yagi) shông 2024, luz pak đêx Thác Bà-zos luz pak đêx uô ntâu kror muôx chor đêx txos 3,9 tiv yiv thôngx tưz muôx ntu zuôr tsuv ruôr iz kror njưs thêir chiê tso đêx ntưk muk tiv chor đêx ntưk lok trâu hâur pak lok six ntâu.

Sâu chênhz zênhv txix txuz hâux lưv co, shông no, côngz xưv bax phax tar ntux nas chuô, đêx ngaz cuôr tưz tâu tễ xtaz viv cik txos bax uô jông đuô… Zơưv Nguyễn Mạnh Cường, Phưv Tổng Giám đốc Công ty Cổ phần Tsêr mêir đêx tênhv Thác Bà puz pâuz:

“Pêz tưz bax têx poz jêz, chuôz zênhx… đros tsưr ziv “4 ntơưv qơư”. Tsik so sêiz shuôk jông têx txơưr txar hâur pak đêx; tsik so nriêr pâuz xor mông lok ntux nas chuô txix 44 trạm njuôk ntux yar ntux nas sâuv pak đêx. Pêz cux uô hâux lưv đros Tsênhv qơư njuôk ntux yar ntux nas têz qơưk chiê muôx tâu têx xor mông hêik pâuz sêi, paz trâu tso têx đêx hâur pak đêx cov huv đros. Haur shông 2025, pêz cux tsik uô tsưr ziv kho đuô tôv mêir sôr 3, chiê tas nro 3 tôv mêir huôx tôngv tâu hâur chêix ntux nas chuô, phax tar tâu jông têx phiv liv muôx yưv, txo grêk tsơưs chor đêx, txo grêk tsơưs đêx uô ruôr hiêv txos zar đrav kaz”.

Tưz tsik zos têx côngz trinhx lox, chor côngz trinhx pak đêx zâu trâus ruôr hiêv hâur coz chuô sôr 3 shông 2024 thiêz chor côngz trinhx tsik jông cux tâu sêiz đrơưv kho đuô chiê paz ngaz tuk jông hâur chêix ntux nas chuô shông no.

Ntơưv công trinhx đêx liv Trại Lần, xar Bảo Ái, tỉnh Lào Cai (xar Mông Sơn, huyện Yen Bình, tỉnh Yên Bái kuz), coz chuô sôr 3 shông 2024 tưz uô ruôr hiêv txos njưs thêir đêx. Nhiv no côngz trinhx tsênhv tâu kho đuô thiêz sir jos cov ngaz tuk jông. Zơưv Nguyễn Tấn Phúc, Giám đốc Công tu TNHH Tư vấn, Yưv pênhr thiêz Cxiv tsa Lâm Phúc-taz viv kho đuô côngz trinhx hêik pâuz:

“Thâuv taz viv tsik tâu kho đuô mak tơư njưr thêir đêx tưz trâus xưz poz, njưs thêir cux tưz pov xưz, đêx cxênhv lok thiêz txơưr txar mê njil. Txos nhiv no, taz viv tưz kho đuô tâu xar muôx 97% thiêz tsênhv sir jos kho cov tiêr tas nro hâur muôx nhos 5 hnuz zuôr txos”.

Lơưr qênhz yuôx hâur shôngk shông 2025 puz pov, muôx 110 luz pak đêx ngaz tuk hov A, 23 luz pak đêx ngaz tuk hov B, tsik muôx luz pak tưs nhoz ntu phiv liv tsik ngaz tuk. Taz sik, nganhx muôx vax huôv cux hêik cxuô thax tsav qơư sir jos sêiz shuôk, phax tar cov jông.

Đhâu ciês thâuv chinhr quyền 2 cấp piz uô hâux lưv, cxuô thax tsav qơư tưz sêi đrơưv uô truôx jông Ban Chi huy phax tar ntux têz ruôr hiêv thiêz zok nriêr chơưv paz, phêiz côngz jênhv vưv tsênhv tsênhz chiê kriz uô tâu jông têx xor mông, tiv zix zos ntơưv têx qơư nhoz zar kaz chor pak đêx lox, trơưk ntus đêx. Zơưv Nguyễn Vinh Quang, Phưv Chủ tịch Ủy ban xar Thác Bà, tỉnh Lào Cai (thax tsav thị trấn Thác Bà thiêz chor xar Vũ Linh, Bạch Hà, Hán Đà, Vĩnh Kiên, Đại Minh huyện Yên Bình, tỉnh Yên Bái kuz) puz pâuz:

“Ntơưv xar Thác Bà zos muôx tsêr mêir đêx tênhv thiêz ntâu ziv chuôz zis uô nênhx nhoz trơưk oz saz ntus đêx Chảy-cê zos nhoz zar kêz đêx tsêr mêir. Xar tưz kriz uô têx tsưr ziv “4 ntơưv qơư”, bax jông cxuô kror ntơưv chor jêx jok, côngz trinhx zov chênhr, qơư zôngx ziv njiz trâus phiv liv; tsưr tsix sêiz jor yênhx hnuz hmo thâuv muôx ntux nas chuô. Uô jông côngz xưv thôngz xor mông, yax mông tsik so txos trâu sơưr đơưk pâuz jông têx xor mông, chiê bax tâu jông têx tsưr ziv phax tar”.

Đros chinhr quyền thiêz nganhx muôx vax huôv, pêx xênhv nhoz zar kaz pak đêx, trơưk ntus đêx-chor nênhs zôngx ziv trâus hiêv ciês zos muôx yưv têx phiv liv, đêx huôv lox pur siêz cux tsik so bax uô jông phax tar ntux têz ruôr hiêv txix sêiz kaz truôx jông têx hêik pâuz thiêz bax uô jông têx tsưr ziv phax tar, txar qơưk nhoz.

Niêv tix Trần Thi Thu Phương-ziv chuôz zis nhoz trơưk ntus đêx Chảy ntơưv xar Thác Bà, tỉnh Lào Cai hêik pâuz: trâus phiv liv txix coz chuô Yagi shông 2024, niêv tix chuôz zis tưz trâus đêx ngaz xar muôx 2 thiêr uô trâu ntâu chuôz zênhx trâus puôk tsuôx. Chênhr viv li shông no niêv tix chuôz zis thiêz pox nhuôs tưz bax uô jông têx tsưr ziv chiê phax tar:

“Đhâu thâuv trâus ruôr hiêv li co mak cur chuôz zis thiêz pêx xênhv nhoz ntơưv no thâuv tưs cux bax kriz uô tâu têx tsưr ziv chiê por vêv trâu lênhx nênhs thiêz cxuô zav zos pak đêx tso đêx ntơưk lok ntâu lok sik muôx lok nas, đêx huôv lox, li: Ti vi, tuv txiêk, mêir nxuô khâuz ndơưk… tưz tâu yêv muk trâu qơư siêz đuô thiêz bax kriz uô têx tsưr ziv txar qơưk nhoz zos muôx yưv đêx huôv, ngaz cuôr lox”.

Txơưv tưz bax kriz uô jông côngz xưv phax tar, taz sik tỉnh Lào Cai yiêz cux tsênhv zôngx ziv njiz trâus têx ruôr hiêv hâur kriz uô côngz xưv paz ngaz tuk jông trâu chor pak đêx tiv thax tsav phiv liv; côngz trinhx pak đêx zâu, txik nhoz uô cê; iz cxie luz pak đêx tưz tâu cxiv tsa ntêr shông, muôx tsik txâuk têx ntâuz ntơưr hêik pâuz, uô trâu lax xav jênhv tâu cxuô kror chiê por vêv trâu côngz trinhx…/.

Trịnh Xuân-Lik Thox cxêik nhênhv