Cxơưz Sơn La yênhx tsênhv qơư kinh tế-xã hội hâur thax tsav Tây Bắc

5 shông Sơn La huôv tsar thiêz  hlôngr yiêz,

Pov cov chính trị ntơưv Đại hội tso pov, hâur six cxiv 2020-2025, Sơn La chuôz tsar xav kror đruôz đraz tâu 5% ntâu iz shông, iz lênhx nênhs muôx phênhv sâu tâu xav kror đruôz đraz zuôr xar 62 tsov đeiv iz shông; sir jos cxiv tsa tỉnh Sơn La yênhx tsênhv qơư huôv tsar kôngz nuv lơưr công nghệ siêz hâur thax tsav Tây Bắc; tsênhv qơư tsiv uô kôngz nuv, tsênhv qơư cuô mik, txir ntông hâur thax tsav Tây Bắc: Têx côngz trênhx tâu moz siêz cxiv uô jông, hlôngr yiêz txix qơư kis txos tox siêz.

Ntâu luôs hâux lưv fuô uô tâu jông li: Zuôr xar 12.400 chuôz zis txov nhêv tâu paz uô tsêr nhoz, tas muôx 610 tyv đeiv ntâu nhiêx txiêx; chor chuôz zis pluôs txo grêk tsơưs txix xar muôx 22% shông 2021 yuôr zuôr xar 8% lok shông 2025. TP Sơn La (kuz) tâu UNESCO côngk nhav zos TP cơưv txux chi sâuv tas nro ntiêx têz. Têz qơưk thax tsav ju lix Mộc Châu tâu côngk nhav zos qơư jông lok shông 2024, 2 shông siz lơưr liês tâu kruôs txos zos qơư chiv xênhz đrox tsuôs jông sâuv ntiêx têz trâu tsôngv kruô 2 chas thax tsav tuôx ndis shuôs uô si; tuôr truôx cêr sik hux jos jông đros 9 tỉnh hâur têz qơưk Lào..... Heik ntơưv jiês krêz Đại hội, zơưv Hoàng Quốc Khánh, Bí thư Tỉnh ủy Sơn La heik mênhx:

“5 shông đhâu, txơưv njiz trâus ntâu phiv liv, taz sik khov tâu T.Ư Đảng, Côx hôiv, Chính phủ moz siêz chox kriê zênhx max; đros trâu cxuô ban, bộ, ngênhx T.Ư, Đảng bộ, hâu nov thiêz tsôngv pêx xênhv cxuô heir nênhs hâur tỉnh sik hux jos truôx, siz paz tưz thôngx siêz, sir jos uô tâu ntâu luôs hâux lưv jông. Têx uô tâu co tưz muôz qơư chuôz jos trâu cxiv tsa thiêz huôv tsar tỉnh hâur chor shông zuôr txos”.

Nhạc nhẹ nhàng....

Tsưr ziv, hâux lưv huôv tsar hâur ntu zuôr txos

Nzênh trâu ntu 2025-2030, Sơn La tso tơưv hâux lưv, sir jos cxiv tsa Đảng thiêz cxix luôs chính trị hur jông, truôx. Uô lơưr têx muôx jông, sik thôngx siêz, por hưv, tuôr tsês cxuô heir nênhs têx txux chi vênhx huôv; tror hlôngr yiêz tsưr ziv, txux chi, sir jos huôv tsar khoa học, công nghệ, hlôngr yiêz sôr. Huôv tsar sei thiêz truôx, zuôr kôngz nuv hax huv công nghệ siêz, công nghiệp tsiv uô kôngz zos chênhr, reik đros huôv tsar ju lix chiv xênhz đrox tsuôs, vênhx huôv; cxiv tsa tỉnh Sơn La yênhx tỉnh huôv tsar, yênhx tsênhv qơư kinh tế xã hội hâur thax tsav Tây Bắc, tsênhv qơư tsiv uô xiv huv kôngz nuv hâur thax tsav trung du thiêz tox siêz faz Bắc, zov chênhr zos ju lix hâur thax tsav trung du thiêz tox siêz faz Bắc, ntus đriv Việt Nam-Lào.

Hlôngr njêx muôs Bộ Chính trị, Ban Bí thư, heik chox kriê Đại hội, pos Bùi Thị Minh Hoài, Ủy viên Bộ Chính trị, Bí thư Thành ủy Hà Nội tưz phôngv jông thiêz kruôs txos têx luôs hâux lưv Đảng bộ thiêz tsôngv pêx xênhv tỉnh Sơn La uô tâu hâur ntu đhâu. Iz chas ntơư heik mênhx txos 5 hâux lưv zov chênhr mak tỉnh Sơn La tsuv moz siêz txos chiê fuô uô tâu trơưk li tưz tso tơưv.

Hâur co, Đảng bộ, hâu nov, tuz lênhv thiêz pêx xênhv tỉnh Sơn La tror fuô kriê jông, tsưr tsix uô trơưk têx tsưr ziv, tsênhv chei, lar heik zos Bộ Chính trị têx Nghị quyết; tỉnh tsuv sir jos hlôngr yiêz têx ntâuz ntơưr, lar heik zos hlôngr yiêz ntâuz ntơưr reik đros hlôngr yiêz sôr; sir jos chox kriê, huôv tsar kinh tế, xã hội; tsưx phưv thiêz cxiv tsa vênhx huôv jông zos qơư khov trâu huôv tsar truôx.

“Tỉnh tsuv krêz uô têx muôx jông, fuô uô tâu truôx têx hâux lưv zov chênhr chiê tror huôv tsar cxuô luôs hâux lưv, ngênhx kinh tế, sir jos uô tâu jông hâux lưv tso tơưv, paz cxơưz uô tâu tiêr chuôz tsar tas nro têz qơưk truôx jông hâur ntu 2026-2030 thiêz têx ntu txuôk lơưr co. Txix Sơn La zos iz qơư zov chênhr hâur thax tsav Tây Bắc, thax tsav Trung du thiêz tox siêz Bắc Bộ, tsuv moz siêz txos uô jông hâux lưv tsưx phưv truôx tuk thax tsav qơư; krêz đar sik hux jos đros 2 chas thax tsav, paz cxiv tsa, cxơưz 2 têz qơưk Việt Nam-Lào cêr fôngx zưs ziv hnuz ziv truôx jông, cxiv tsa đriv têz Việt Nam-Lào truôx khor, sik đros huôv tsar./.

                                                                                                Thanh Thủy, Lê Hạnh-Riê Lâux cxeik, nhênhv