Bí thư, cấp ủy, đảng viên uô ntêx hlo kriz uô hlôngr yiêz sôr ntơưv Sơn La

             “Xuz thơưx đảng viên njiz têx phiv liv, pêx xênhv cux li. Tsik zos lênhx tưs cux hluôk chiê pâuz tâu sêi tsênhv njiêz no. Chor đảng viên hnuz nhôngs siêz cux muôx. Đuô thiêz sơưr đơưk cux tsik tâu sưv đros, chôngz lênhx nênhs tsik tâu pâuz txos. Cur zos nênhs kriz tơưv chor paz nênhs hâur zalo tsuv hêik kriê, hu tênhv ciês, chor đảng viên hluôk tsuv sik kriê cov sơưr đơưk pâuz uô”.

             “Hlôngr yiêz sôr li no pir đros pêz chor hnuz nhôngs mak cux njiz ntâu phiv liv, viv tsik đrơưv li cxênhx hluôk lơưv. Taz sik, zuk cux sir jos cơưv shâuv cov pâuz uô têx hâux lưv chiê yax kriê trâu pêx xênhv sơưr đơưk pâuz. Pêz zos chor nênhs sơưr thơưx hâur jok, tsuv tâu uô ntêx hlo”.

               Chor jiês cơưv chi bôv muôx ntâu đuô. Kriz uô chor paz nênhs hâur zalo nhoz cấp ủy, hâur chi bôv thiêz côngv thôngx jok Cang tâu cấp ủy chi bôv sêiz đrơưv kriz uô. Tsênhv njiêz chor jiês cơưv tâu cấp ủy sêiz lax hâur zuk kror zalo uô ntêx mav li kriz uô txos chor chi bôv phưx vưv trâu chor jiês xênhz huôx chi bôv yênhx hli. Thênhv siêz chor chỉ thị, Nghị quyết, Nghị quyết chor jiês xênhz huôx chi bôv, xor mông lok chêix chiv, kriê tsưr ziv uô nox, tsưr ziv uô kinh têr yiêz, hêik pâuz ntux têz uô ruôr hiêv tâu hêik pâuz sêi txos trâu cxuô lênhx nênhs. Niêv tix Hằng thiêz cấp ủy chi bôv muk txos yênhx qơư pêx xênhv nhoz, ziv chuôz zis yax kriê, hêik chor ziv chuôz zis nhoz trâu hâur zalo thiêz kriê sir zôngv, tso têx xor mông, sik thav hêik pâuz têx xor mông: “Zuk kriz sêiz zalo, facebook lok six ntâu thiêz tưz pov tâu kror jông thâuv cxaz chuôz, tiv zix zos muôs têx hax huv. Iz zav li ntơưv zuk thax tsav qơư nhoz mak muôx chor hax huv kôngz nuv ntâu. Chiê muôs tâu sêi txos trâu nênhs sir zôngv, jông tiv zix zos zôngv txos facebook. Hằng tưz live, txix co muôx chôngz nênhs sêiz pâuz txos zuk têx hax huv ntâu đuô. Thâuv live, lơưr cux tênhv zuôr tâu ciês zuk têx hax huv lơưv. Viv li zuk hêik cov pox nhuôs sơưr đơưk sir jos hlôngr yiêz sôr chiê paz trâu zuk chor hax huv muôx tâu chôngz nênhs pâuz txos thiêz zuôr ntâu đuô”.

             24 đảng viên hâur cho bôv uô ntêx hlo txix zuk têx hâux lưv uô tsênhv tsênhz chiê paz uô tâu jông hlôngr yiêz sôr hâur côngv thôngx.

             Tôv ngaz tuk côngv thôngx zos zơưv Đặng Thanh Bình, Phưv Bí thư chi bôv sêiz car cux tưz muôx iz paz nênhs nhoz hâur zalo uô cê chiê txêik jênhv, hêik sêi têx xor mông lok qênhx shênhx ngaz tuk txos trâu pêx xênhv pâuz, phax tar nênhs phamv cxâuv, phax tar tơưs cuz, cuz tox cuz jôngr: “Pêz muôx sik côngv đros Công an xã thiêz tôv ngaz tuk hâur jêx jok, yênhx lix chor nênhs nhoz hâur zalo uô cê chiê hêik pâuz thênhv siêz têx xor mông chox kriê txos trâu pêx xênhv pâuz sêi tiv zix. Phax tar ntux têz ruôr hiêv, lok nas, đêx ngaz cuôr pêz puôr lênhx tso trâu sâuv zalo chiê pox nhuôs sơưr đơưk pâuz tâu”.

             Tưz tsik zos hêik txos têx tsênhv tsênhz, uô tsênhz mak hlôngr yiêz sôr paz uô tâu. Pêx xênhv jok Cang tưz hlôngr yiêz txix jênhv pâuz txos kriz uô. Hâux lưv hêik sơưr đơưk paz đas jos, cxuô zav chiê cxiv tsa jêx jok yiêz, paz trâu chor chuôz zis muôx luz nênhx txov nhêv thôngz đhâu chor zalo, facebook côngv thôngx hâur jok cux paz uô tâu sêi thiêz zôngx ziv đuô lok six ntâu. Sir jos uô cov zos yênhx jêx jok yiêz jông, tsênhv yuôr ntâu kror hâux lưv mak niêv tix Hằng đros chor canr bôv, đảng viên, pêx xênhv nhoz no tsuv sir jos uô: “Chi bôv cux zuôr tror sir jos đros chor đảng viên sir zôngv khoa học công nghệ, hlôngr yiêz sôr trâu huôv tsar kinh têr, uô kôngz nuv. Chor đảng viên zos chor nênhs uô ntêx hlo hâur phongz yaox no chiê pox nhuôs sơưr đơưk njiê pov uô trơưk. Zos Bí thư, nênhs sơưr thơưx, chuôz zis cux muôx ar uô, cur zuôr tror sir jos cơưv shâuv, nriêr pâuz têx khoa học công nghệ, sir zôngv ciês trâu hâur zuk chuôz zis. Txix co tso kriê hâur chi bôv thiêz lriê trâu pox nhuôs sơưr đơưk chiê lơưr uô trơưk”.

             Têx kror uô tâu tsênhv tsênhz paz uô hlôngr yiêz nhoz iz jêx jok tox siêz zos kror puz pov tsênhz mênhx txos têx kror mak Bí thư Đặng Thị Hằng, nhoz jok Cang, xar Chiềng Sung, tỉnh Sơn La uô tâu, paz tâu trâu zuk jêx jok. Jok Cang nhiv no muôx 70 ntâu ziv chuôz zis bluô nux, tsik yuôr chuôz zis pluôs. 183 héc ta têx ar têz uô kôngz nuv hâur jok phênhv ntâu tưz tâu uô cxaz chiv; thax tsav uô tâu 3 chiv iz shông tâu pox nhuôs sir zôngv cxiv luôs zưs đêx cxênhx txuôs thiêz trâu qir hữu cơ. Côngv têk cxiv tsa jêx jok yiêz, pêx xênhv jok Cang tưz gôngr côngv muôx yênhx puô triệu đêiv chiê uô cov tâu 100% chor cêr bê tông muk lok hâur jêx jok. 5 shông tror lok no, jok Cang tsik muôx txuz hâux lưv tsik ngaz tuk tưs hâur jêx jok hlo./.

Bích Thủy-Vàng Lan-Lik Thox cxêik nhênhv

Tsar jok uô ntêx nyuôs huôv tsar kinh tế

              Xênhz thiêz hloz lox hâur iz chuôz zis muôx chôngz mê nhuôv nhoz Chu Va 12, tix lâus Tsaz Xênhv Thox pâuz tsênhz txos chuôz zis cêr txov thiêz phiv liv, chênhr viv li tix lâus thâuv tưs tưz xar njôngr, zuôr uô li chas chiê huôv tsar uô bluô nux sâuv chênhr zuk qơư nhoz. Đhâu thâuv cxiv tsa chuôz zis khov sir jos khưr uô nox, đros trâu txuôs tâu mê njik pênhr, tix lâus tưz zuôr nzir ar têz, txos nhiv no tix lâus Tsaz chuôz zis muôx zuôr xar 2 ha ar têz uô kôngz. Hâur têx liêx têz co tix lâus uô muôx 5 cxênhz txos 6 cxênhz xưv phaz blêx, xav kror đruôz đraz iz chiv hlêis sâu tâu 2 tênhr blêx thiêz 3 cxênhz xưv phaz poz cưk ntêik tâu muôx 2 tênhr. Iz chas ntơư, tix lâus tsênhv chos iz ha txir lưk hmaz lok zos txir lok tsuôk, muôx phênhv sâu tâu truôx tuk. Iz shông, đê sâu tâu txix 15-18 tênhr txir lưk hmaz, gra lok phênhv sâu muôx 150-180 tsov đeiv.

             Lar heik, seiz pov têx jông txix muôx hâu đêx hur, tix lâus tưz sir jos yưv pênhr cxiv uô 6 qơư chiê tu zus njêl tầm đar 400 xưv phaz. Chênhr txix luôs hâux lưv tu zus njêl đêx txiêk no, tưz uô tâu trơưk tsưr ziv, muôx phênhv sâu tâu ntâu, iz shông 6 tênhr njêl, xav kror đruôz đraz tâu muôx iz tyv đeiv, gra lok trâu tix lâus chuôz zis 400 tsov đeiv ntâu nhiêx liv. Đros trâu têx li heik co, tix lâus chuôz zis tsênhv chos nzir 2, 3 cxênhz xưv phaz têz kok kriêr thiêz huôv tsar tu zus 10 tus buô, ntâu tus keiz ok, tsi tas li, tsênhv chos 6 ha txir hơưk, iz shông sâu đê tâu xav kror đruôz 1,2 tênhr, muôx cxaz phênhv sâu tâu ntâu trâu chuôz zis. Iz chas ntơư, tix lâus Tsaz tsênhv seiz car thiêz por hưv 40 ha ntâu har jôngr, paz tsưx phưv tênhx qơư thiêz chiv xênhz đrox tsuôs hâur thax tsav. Tsi tiêk uô bluô nux trâu zuk, tix lâus Tsaz tsênhv muôz hâux lưv uô truôx tuk trâu 3-4 lênhx lox tôngv thiêz.

              Đros trâu muôx txux chi, tsưr ziv jông, tix lâus Tsaz tsi tiêk huôv tsar uô kôngz, tsênhv uô ntâu lưv zav hâux lưv txơưr đuô hur si. Tix lâus uô lax luôv, krêz nzir qơư zuôr muôs hax huv phưx vưv tsôngv lax pêx xênhv, muôs krâur puz tsiêx cxu. Tsi tas li ntơư, tix lâus tsênhv fax thâux hax huv thiêz zuôr meir jov cxur, meir câuk ar phưx vưv luz nênhx niêx hnuz, cxiv tsa hâur thax tsav qơư cux li gra lok phênhv sâu tâu tsi tsơưs trâu chuôz zis. Lar heik, đros trâu têx muôx liv hâur jok Chu Va 12, muôx ntâu chiv xênhz đrox tsuôs, tox trôngz hâur pêk jông, thâuv shênhx, tsi muôx nuv uô tix lâus tsênhv chox kriê cêr trâu tsôngv kruô ndis seiz têz qơưk uô si, kriê kruô pâuz txos têx qơư jông ndis shuôs uô si hâur thax tsav. Hâux lưv uô co tsi tiêk paz tix lâus chuôz zis muôx nzir phênhv sâu, tsênhv sir jos cxơưz paz trâu huôv tsar ju lix hâur qơư nhoz. Tix lâus Tsaz Xênhv Thox heik: Thâuv ntêx pêz tsuôk pâuz chos poz cưk, uô blêx iz chiv, heik cxuô tsuôk txâuk nox, txâuk zôngv xưz, tưz uô tsi tâu bluô nux. Seiz njiê têx liêx têz uz no uô tsi tâu ntâu zav lok six tuôr xuôv hênhr, viv li cur tưz hlôngr yiêz zuz nôngz tsoz chos, txix uô poz cưk, blêx hlôngr chos kok kriêr, txir lưk hmaz....muôx phênhv sâu tâu ntâu đuô. Lar heik zos thâuv pov têx Choz Tsiz nhoz đrav đrôngs tuôx yưv pênhr huôv tsar uô qơư tu zus njêl đêx txiêk tâu trơưk tsưr ziv, cur cux sir jos cơưv shâuv, uô trơưk. Txơưv tiêk zuk qơư tu zus njêl mê đreiv, tsi lox đar taz sik cux muôx phênhv tâu ntâu đuô pir li uô kôngz, chênhr zos li heik co, cur chuôz zis iz hnuz hlôngr yiêz, vav mênhx jux juk”.

             Heik lol tsar jok Tsaz Xênhv Thox têx luôs hâux lưv uô tâu jông thiêz uô ntêx nyuôs hâur cxuô cêr nuv, pos Trần Thị Lượt-Bí thư Chi bộ jok Chu Va  12-xã Bình Lư heik: Tsaz Xênhv Thox zos iz lênhx muôx tsưr ziv, pênhr xưv huôv tsar uô nox, tâu tsôngv pêx xênhv sơưr đơưk njênhs njôngr, kruôs nxiês. Zos iz lênhx tsar jok, Tsaz Xênhv Thox moz siêz lus, lês uô jông têx hâux lưv zok muôz chiê pêx xênhv njênhs, pêx xênhv cơưv shâuv thiêz uô trơưk. Hâur huôv tsar uô nox uô hâuk, Tsaz lok six sir jos, cơưv shâuv luôs lưv tus muôx txux chi huôv tsar uô nox tsưr ziv, uô ntêx nyuôs lok hlôngr yiêz zuz nôngz tsoz chos, tsiêx tu zus, tsi tas li Tsaz Xênhv Thox cux tsênhv moz siêz, sir jos uô ntâu zav hâux lưv txix uô kôngz txos trâu zuôr muôs hax huv, chos tsoz chos nox txir, por hưv jôngr ntông..... Chênhr zos li co, Tsaz chuôz zis luz nênhx iz hnuz tsar ndê jux juk, no zos iz lênhx tsar jok uô ntêx nyuôs hâur cxuô luôs hâux lưv, huôv tsar uô nox uô hâuk coz, zos tsov iêr chi cax chiê luôs lưv tus cơưv shâuv, uô trơưk.

            Tix lâus Tsaz têx hâux lưv uô tâu yênhx côngz tsi tiêk muôx phênhv sâu tâu ntâu, tsênhv tâu tsôngv niêv txir lax pêx xênhv sơưr đơưk hâur jok njênhs njôngr, kruôs nxiês txos. Tix lâus chênhr zos iz lênhx tsar jok uô tâu nuv jông, moz siêz txos pêx xênhv, uô hâux lưv viv tsôngv niêv txir lax pêx xênhv. Đros thiêz côngz đas jos paz cxơưz huôv tsar kinh tế, tsưx phưv truôx tuk thax tsav qơư, tix lâus Tsaz Xênhv Thox tsiv nhos zos tsov iêr chi cax chiê nthuôr đêz đar trâu sơưr đơưk cơưv shâuv, uô trơưk, paz cxiv tsa jok Chu Va 12 thiêz xã Bình Lư ziv hnuz ziv huôv tsar, vav mênhx.

          Phênhv “nôngx mênhx zuôr tsuv pâuz” hnuz no, zos Cơ quan Đeix nta suôz Việt Nam thax tsav faz Bắc đros Tsênhv qơư cxiz kôngz têz qơưk uô./.

Thào Ly-Riê Lâux cxeik, nhênhv