Kathy luz tsêr-zos qơư jông trâu tsôngv kruô sơưr đơưk tuôx ndis seiz uô si

Tas cik sơưr nzor nhoz jok Tuôr, tsi hnor yêz muk lol đrông ntưk đhâu txox cêr lox 14, cêr muk trâu jok zos luôv suôz jê, xi măng đu lus đhâu têx vax tsêr, têx liêx têz cà phê, kôngz lôngk njuôz xiêz trơưk 2 saz ntus cêr. Kathy luz tsêr tâu muôz shôngz ntông đhok uô jông đros trâu muôx ntêir ndê muk lol xưk li chor lâul txux chi tsưr ziv iz txưv uô vax tsêr nhoz, muôx yar tiêx đar pho, muôx tsêr mor hur si.

Tsêr uô tâu tiêr lok shông 2023, 02 shông đhâu, xav kror đruôz đraz iz shông Kathy luz tsêr co txeik tok muôx 200 lênhx kruô tuôx nhoz so, hâur co 80% zos kruô ntiêx têz, chôngz đuô hur si zos kruô têz qơưk Pháp, Mỹ, Anh, Thụy Điển.... Tsôngv kruô tuôx ndis seiz thiêz nhoz so ntơưv Kathy tsêr txeik tok kruô heik sâuv zuôr tâu pâuz txos tsôngv box Êđê nhoz no luz nênhx xênhz huôx, tâu đros tsôngv box uô jâuz mor nox, đros tsôngv box muk uô liêx têz, ntok ntâuz, hâuk têx chơưr xơưk..... Iz lênhx kruô nhoz têz qơưk Inđônêsia tuôx heik shir phaz lus li no:“No zos jiês xuz thơưx cur tuôx seiz Việt Nam. Kror uô trâu cur nhiêv đuô hur si zos huôz chuô lax nziês, uô tsôngv pêx xênhv nhoz no luz nênhx cux nox nhoz tâu jông xưk li têx huôz chuô ntơư. Tuôx txos no pov cxuô tsar zav jông thiêz lax siêz đuô. Têx zav nox lok cux kaz, heik lol nênhs Êđê luz nênhx txix xênhz huôx txos nthuôr uô têx txux chi cêr lov jêv cxôngx nzor, lok six jông cơưk”.

Tsôngv kruô cux gra ntâu têx jông thiêz yiêz trâu niêv lâul Belly, tsôngv pêx xênhv hâur jok. Ntơư zos iz lênhx pox niêv têz qơưk Pháp tsưr ziv choz kriê têx nhuôs zâu tsi cor xor tôngx; kruô têz qơưk Anh tsưr ziv heik lul huv niêv huv txir, tus hloz tus zâu, siz kriê uô nênhx.... Tưz pâuz luk Pháp, niêv lâul Belly tror sir jos cơưv nzir ntâu zav luk heik txơưr đuô li: Luk Anh, luk Thụy Điển...chiê muôx têx chox kriê tsôngv kruô cêr ndis seiz têz qơưk uô si trơưk sơưr đơưk siêz nhiêv, piêr kriê trâu kruô pâuz ntâu đuô txos zuk heir nênhs têx txux chi vênhx huôv. Tsi tas li, niêv lâul H Belly cux kriê kruô pâuz nzir  txos têx hâux lưv uô thâuv nzor:“Cur cxơưz cxiz tsôngv niêv txir lax pêx xênhv uô pax ntâuz, xơưs tsôngk yo hnar, uô chơưr xơưk, ntâuk đruôl tôngx, nxêz tôngx. Cur zuôr zos lênhx nênhs sâu zuôr hur si chor hax huv heik co chiê phưx vưv tsôngv kruô. Thâuv muôx ntâu lênhx kruô tuôx, cur zuôr đros tsôngv niêv txir lax pêx xênhv sơưr đơưk phưx vưv kruô. Thâuv pov kruô nhoz têz qơưk Pháp, têz qơưk Mỹ lơưr tuôx ndis uô si txos mak tưz cxơưz cxiz sơưr đơưk hâur jok lok six ntâu. Thiêz pov kruô 2 chas têz qơưk đrâuv tuôx zuôr têx tsôngk, jâuz, txir ntông, iz zav huv tưs gra muk puz trâu chor nênhs cxênhz jê chiê tâu seiz, tsôngv pêx xênhv tưz njênhs thiêz pâuz tâu tiêk, têx zuk heik zos muôx tsênhz. Txix ntơư, sơưr đơưk moz siêz đros uô, đros tuôr tsês, por hưv chiê têx txux chi cêr nênhx vênhx huôv”.

Txix têx li heik co, jux juk ziv hnuz ziv muôx ntâu paz kruô zok nriêr cêr tuôx ndis seiz uô si, đros tsưr ziv xar pâuz txos têx txux chi vênhx huôv jông thâuv nzor, uô trâu tsôngv pêx xênhv Êđê hâur jok ziv muôx cêr jông siêz, shir phaz đuô. Tsi tas li, muôx nzir ntâu luz tsêr tâu cxiv uô, kho đuô chiê txeik tok kruô tuôx nhoz, so ndis shuôs têz qơưk uô si; nthuôr uô têx vênhx huôv côngv thôngx, txux chi cêr lov jêv ntâuk đruôl tôngx nxêz tôngx phưx vưv tsôngv kruô đros sơưr đơưk suôz luôs, heik luk lov jêv ntưk yênhx tas hmo. Pos H Drian Niê, 80 shông heik shir phaz lus li no:“Cur lok six jông siêz thiêz shir phaz thâuv pov ziv hnuz ziv muôx ntâu kruô tuôx ndis seiz têz qơưk txos hâur thax tsav, hur si kruô hâur thiêz đrâuv 2 chas têz qơưk zok nriêr cêr tuôx trâu jok Tuôr. Lơưr tsi tiêk nhiêv txos qơư nhoz muôx huôz chuô jông, tsênhv nhiêv txos têx zav nox, jâuz hur mak pêx xênhv uô tâu hâur liêx têz thiêz. Chiê jok Tuôr ziv hnuz ziv huôv tsar, hu zâuv tâu ntâu tus chôngz lênhx kruô tuôx uô si ndis seiz têz qơưk, mak zuôr tsuv pâuz luk Anh, luk Pháp, no zos iz kro lok six zov chênhr cơưk. Cur vav chiê siêz, chor hluôk zuôr sir jos cơưv shâuv têx li heik co. Chênhr têx li no, zuôr paz pêz buôk ti tâu jông đros têx lênhx kruô ntiêx têz, cxơưz jok Tuôr yênhx qơư jông trâu tsôngv kruô tuôx ndis shuôs uô si”.

Têx luz tsêr lox đar txeik tok tsôngv kruô hâur thiêz 2 chas thax tsav đrâuv tuôx ndis shuôs têz qơưk uô si, têx zav nox kaz, suôz đruôl tôngx nxêz tôngx đror....ziv uô trâu muôx cêr lov jêv, têx txux chi tsi tiêk zos thâuv nzor, tưz hlôngr yiêz, yênhx txux chi vênhx huôv jông, muôx đros đreiv hâur luz nênhx xênhz huôx niêx hnuz, nthuôr đêz đar trâu tsôngv lax pêx xênhv hâur jok Êđê đros por hưv, tuôr tsês tsi chiê pôngz plox./.

                                                                                                               VOVTN-Riê Lâux cxeik, nhênhv 

                                                                 Festival “Faz Bắc – Điện Biên 2025”

Trơưk li zơưv Trần Quốc Cường, Bí thư Tỉnh ủy Điện Biên: Festival zos jiês hêik kriê têx muôx jông ntơưv qơư li: lịch sử, vênhx huôv thax tsav faz Bắc pêz têz qơưs. Co cux zos chiê cxơưz cxiz huôv tsar cxuô qơư ndis uô si, sêiz shuôk têz qơưs, huôv tsar uô nox, vênhx huôv txuôk đros cxuô têz qơưs sâuv ntiêx têz. Hêik ntơưv jiês kriz cơưv, Phưv Chủ tịch têz qơưs Võ Thị Ánh Xuân xav tênhv: Festival “Faz Bắc – Điện Biên 2025”, iz chas hêik lok têx vênhx huôv, txux chi, qơư ndis uô si ntơưv qơư, cux tsênhv paz cxơưz cxiz têx vênhx huôv tsiv grê thiêz lênhx nênhs VN trâu tsôngv kruô cxuô têz qơưs sâuv ntiêx têz qơưs pâuz txos:“Cxuô ban, bộ, ngành Trung ương tsuv moz siêz paz max txos, cxuô tsênhv qơư, hâur ntơư muôx cxuô tỉnh thax tsav faz Bắc thiêz đrôngl HCM, tsuv huôv tsar truôx cxuô qơư ndis uô si, sêiz shuôk têz qơưs cov truôx đrênhk. Cxuô doanh nghiệp hâur têz qơưs thiêz sâuv ntiêx têz tsuv sik đros nhênhz chơưv huôv tsar cxuô qơư ndis uô si cov huv đros thax tsav faz Bắc. Txix ntơư, cxuô têz qơưs sâuv ntiêx têz thiêz pâuz ntâu txos VN têx vênhx huôvj, txux chi jông huv đros hâur ntu têz qơưs hlôngr yiêz nhiv no”

Txix têx cêr lov jêv, sênhr chêr đros trâu suôz kênhx, suôz trax huv đros tsôngk kruô siêz nhiêv thiêz uô trâu tsôngv kruô pâuz txos têx muôx jông ntơưv qơư. Pos Trần Thị Phương, iz lênhx px nhoz Điện Biên Phủ, tỉnh Điện Biên shir phaz lul heik pâuz: “Têx cêr lov jêv co jông hênhr thiêz huv đros tsôngv kruô siêz nhiêv thiêz chor tuz nxêik hluôk uô cêr lov jêv co tsênhv hluôk, hnar zuk hêir nênhs têx tsôngk tiêz, tsôngk yo jông jav. Têx cêr lov jêv no jông hênhr”

Festival “Faz Bắc – Điện Biên 2025”, kriz uô ntâu cêr lov jêv; ntơư zos ntênhk hội muk lok ntâus cêr. Ntơưv qơư tir ntâuk zênhx tros châuz Điện Biên Phủ; kriz cơưv hêik lok huôv tsar qơư ndis uô si faz Bắc thiêz đrôngl HCM, zos tsênhv qươ muôx ntâu vênhx huôv txux chi jông cxôngx nzor.

Điện Biên, zos thax tsav qơư tir ntâuk zênhx tros châuz đrav ntêx, uô trâu cxuô têz qơưs sâuv ntiêx têz pâuz txos thiêz zos qơư tuôr tâu tsês cxuô zav, txux chi, vênhx huuôv jông tsiv grê muôx đros đrêiv luz nênhx hâur niêx hnuz thiêz zos qơư muôx chôngz lênhx kruô pâuz txos huv đros siêz nhiêv./.

                                                                                                                Tsu cxêik nhênhv- Vũ Lợi,CQTT Tây Bắc