Sir jos tsưx phưv chor nênhs lâul txix chor câu lạc bôv sik côngv siz paz li têx hâux lưv uô

Tâu yênhx lix txix shông 2023 lơưr tsưr ziv txưv zênhv kriz uô thiêz iz lênhx sik côngv paz 1 triệu đêiv chiê muôx tâu cuiv, txos nhiv no câu lạc bôv cxuô cxênhx nênhs sik côngv siz paz jok Khoa, xar Mường Chanh, tỉnh Sơn La tưz zaz zâuv tâu muôx 50 ntâu lênhx nênhs phênhv ntâu zos chor nênhs lâul hâur jok sik côngv siz paz. Zơưv Lò Văn Ươm, sêiz car câu lạc bôv cxuô cxênhx nênhs sik côngv siz paz jok Khoa puz pâuz: Txix chor cuiv 50 triệu đêiv ntâu sơưr đơưk sik gôngr côngv, câu lạc bôv tưz paz trâu 10 lênhx hôiv viên kir txêik chiê huôv tsar kinh têr, uô tâu jông 2 đôiv nthuôr uô cêr lov jêv, 1 đôiv ntâuk poz, kriz lớp kriê ntơưr Thái lok zos ntơưr poz ziz thiêz tsưr tsix qênhz yuôx, njuôk shuôk đas jos tsik so trâu chor nênhs lâuk:“Pêz kror hâux lưv siz paz mak tsuv hêik tiêk, nhoz chor nênhs lâul muôx nênhs luz nênhx txov nhêv, lâul tsik muôx jos, nhoz iz lênhs. Pêz paz đros uô, paz nhiêx, nôngz kêiz trâu lơưr zus. Yênhx shông, pêz muk sêiz nus, khơưk muôz hax huv trâu chor nênhs lâul. Txix thâuv muôx câu lạc bôv no, sơưr đơưk tưz tuôr tsês tâu jông zuk mênhx cxưx têx vênhx huôv”.

Cux iz zav li, câu lạc bôv cxuô cxênhx nênhs sik côngv siz paz nhoz tôv dân phố Tự Nhiên thiêz tôv dân phố Cọ Bua, phường Mộc Sơn, tỉnh Sơn La tsik so muôx txix 60-70 triệu đêiv muôz trâu chor nênhs lâul kir txêik chiê huôv tsar kinh têr, paz trâu hôiv viên txo grêk yêiz pluôs thiêz tsưr tsix chor huôx tôngv tsoz phưz, por vêv chor nênhs lâul.  Zơưv Lò Hồng Phôm, Chủ tịch Hôiv nênhs lâul phường Mộc Sơn puz pâuz:“Chor câu lạc bôv thiêz hợp tác xã làng nghề li têx huôx tôngv tưz paz tâu trâu chor thành viên, hôiv viên nênhs lâul pluôs, txov nhêv, muôx moz gênhs. Chor thành viên, hôiv viên luz nênhx tâu hlôngr yiêz ntâu lok cxuô kror”.

Câu lạc bôv cxuô cxênhx nênhs sik côngv siz paz zos tsưr ziv tâu Trung ương Hôiv nênhs lâul Việt Nam tso tơưv, chiê paz trâu chor nênhs lâul hlôngr yiêz đuô luz nênhx, muôx nzir txux chi lok tsoz phưz đas jos thiêz chuôz cxaz chor nênhs lâul li têx gôngr côngv, paz trâu xar hôiv.

Lơưr co, xav txos nhiv no, tas nro tỉnh Sơn La tưz huôv tsar tâu 132 câu lạc bôv cxuô cxênhx nênhs sik côngv siz paz, zaz zâuv muôx 1 cxênhz ntâu lênhx nênhs đros uô, tsêx trung uô lơưr 8 tsưr ziv huôx tôngv, hâur co muôx huiz tôngv pênhr jos, tsoz phưz đas jos, por vêv qênhx thiêz kror liv trâu chor nênhs lâul. Iz câu lạc bôv muôx txix 50 lênhx nênhs, hâur co muôx 70% zos chor nênhs lâul, 30% zos chor nênhs hluôk đuô thiêz muôx luz nênhx jông đuô chiê sik côngv paz trâu chor nênhs lâul muôx luz nênhx txov nhêv. Đros tas nro phênhv sâu tâu xar muôx 4 tiv đêiv, chor câu lạc bôv tưz paz trâu yênhx puô lênhx nênhs lâul hlôngr yiêz đuô luz nênhx, huôv tsar kinh têr ziv chuôz zis, muôx nzir phênhv sâu, paz jông trâu huôv tsar côngv thôngx thiêz tsoz phưz đas jos trâu chor nênhs lâul tâu jông đuô. Hôiv nênhs lâul, hâur co muôx chor câu lạc bôv cxuô cxênhx nênhs sik côngv siz paz tưz tsưr tsix njuôk shuôk đas jos tsik so trâu 237 cxênhz ntâu lênhx nênhs lâul. Thôngz đhâu chor câu lạc bôv têx huôx tôngv tưz paz tuôr tsês thiêz phuôx huiz têx vênhx huôv muôx nhoz cxuô thax tsav.

Tror kriz uô thiêz phuôx huiz tâu jông chor câu lạc bôv cxuô cxênhx nênhs sik côngv siz paz li huôx tôngv hâur ntu zuôr txos, pos Mùi Thị Thủy, Phưv Chủ tịch Hôiv nênhs lâul tỉnh Sơn La puz pâuz:“Gra siêz chor câu lạc bôv li tsơưr lươngv huôx tôngv tsuv muôx tas nro cấp ủy, chinhr quyền cxuô cấp li têx huôx tôngv. Paz trâu chor nênhs lâul nhoz chor câu lạc bôv uô tâu jông têx hâux lưv đuô. Iz zav li txêik pênhr, sêiz shuôk đas jos tsik so, tâu hêik pâuz, yax mông, hêik kriê Đảng, têz qơưk têx tsênhv chêi…”./.

                                                                                                                                    Bích Thủy-Lik Thox cxêik nhênhv

PHÊNHV: TAZ POR TÊNHV TÊNHZ HÂUR CHEIX

 NTUX NAS

          Chiê taz por tênhv tênhz hâur cheix ntux nas, tsôngv box tsuv qênhz yuôx uô nênhx cxix luôk tênhv tênhz, kho đuô têx qơư đhok tênhv thiêz chuôz zênhx phax tar qơư tênhv. Thâuv muôx ntux nas, tsuv tuô cầu dao tênhv, ro têx phích njiê tênhv chuôz zênhx tênhv tsi zôngv txos, jav đêz têx qơư riêz nênhs li ndêx tênhv, xor tênhv tu, tsi cor têx chuôz zênhx tênhv thâuv tês ntuz đêx. Đhâu ntux nas, tsi cxoz max tơưk tênhv tênhz mak tsuv qênhz yuôx cov jông cxix luôk tênhv tênhz uô ntêx thâuv tơưk chiê sir zôngv.

          Seiz shuôk uô ntêx thâuv muôx ntux nas

           Qênhz yuôx cxix luôk tênhv: Seiz shuôk tas nro cxix luôk tênhv hâur tsêr, qênhz yuôx cêr tênhv, chuôz zênhx tênhv, cầu dao, ổ cắm...

          Kho đuô tênhv tênhz: qơư tso tênhv tsuv đhok trâu têx qơư siêz đuô chiê tsi trâus đêx ngaz, chiê mê nhuôk tsi cor trâus thiêz tsi trâus ntuz đêx….

          Đhok têx chuôz zênhx phax tar quô tênhv: Bax têx chuôz zênhx phax tar quô tênhv li (RCD/ELCB) trâu cxix luôk tênhv tênhz hâur tsêr.

          Kho đuô têx côngz tsinhx: Kho đuô trur tsêr, fiêx, côngz tsinhx txơưr chiê tsi trâus zơưk trur, za uô zênhr shar txos cêr tênhv tênhz.

          Txiêr por tsês têx chês ntông: Sik côngv đros nganhx tênhv tênhz txiêr por tsês têx chês ntông jê cêr tênhv, jav qênhx shênhx ntông trâus lor uô xor tênhv tu thiêz trâus zênhr shar.

          Nam: Thâuv muôx ntux nas chuô

          Nữ: Tuô tênhv tênhz: Thâuv tsêr trâus đêx ngaz lok sik njuôs xav zuôr trâus ngaz, tsuv ciêr chênhr tuô cầu dao tênhv, aptomat.

          Ro têx phích njiê tênhv đros têx chuôz zênhx tênhv tsi zuôr trâus li tivi, meir tính, nzuôv tênhv.

          Jav đêz têx thax tsav riêz nênhs: Tsi nhoz jê têx ndêx tênhv, trạm tênhv, xor tênhv trâus tu, ntông lor uô zênhr shar txos cêr tênhv lok sik têx thax tsav trâus đêx ngaz muôx chuôz zênhx tênhv.

          Tsi cor lênhx nênhs trâus tênhv quô: Zos pov muôx lênhx nênhs trâus tênhv tênhz quô cuz, tsuv ciêr chênhr tuô tênhv, zôngv pak kruôr chiê yâuv xor tênhv muk thiêz zôngv têx chuôz zênhx kruôr chiê truz lênhx nênhs trâus tênhv quô lok, tsi zôngv tês khôngz cor trâu lênhx nênhs co.

          Tsik kho đuô tênhv tênhz: Tsi kho đuô tênhv tênhz zos tsi muôx yênhx tưv txux chi, tsuv hu trâu nganhx tênhv lok sik chiz coaz muôx txơưx jênhv chiê tâu paz txưv.

          Nam: Đhâu jiês ntux nas chuô.

          Nữ: Tsi max tơưk tênhv tênhz: Thâuv đêx grês tas, tsi cxaz max krêz cầu dao ciês tav siv co.

          Qênhz yuôx cov jông: Tsuôk tâu krêz tênhv thâuv tưz qênhz yuôx seiz shuôk jông tas nro têx chuôz zênhx tênhv hâur tsêr, têx trâus liêv, tsi taz por mak tsuv hlôngr yiêz lok sik kho đuô.

          Hu đhok tênhv tênhz tuôx paz: Zos pov muôx têx trâus liêv, tsuv pov trâu thợ tênhv txơưx lok tênhv tênhz tuôx qênhz yuôx thiêz kho đuô uô ntêx thâuv tror sir zôngv./.

                                                                                                                  Hồng Việt-Txâur Vax cxeik nhênhv