Siêz njênhs njôngr yiêz sâuv thax tsav nênhs La Hủ

nhoz uô nênhx

          Kuôk nor 2,3 shông tov ntêx, niêv lâuk Vax Phù Mé chuôz zis li 6 hecta ar têz tsuôk li tso tsês khôngz tsi chos tul tsi viv ar tsuôs. Taz sik txix thâuv tiv phaz krêz uô Đề án hlôngr yiêz kôngz nuv, niêv lâuk truôx siêz hlôngr yiêz tas nro mênhv chêx ar chiê chos ciêv fix, iz zav tsoz chos công nghiệp tâu tỉnh paz nôngz zuz, tsưr ziv chos thiêz sâuv zuôr xiv huv. Niêv lâuk Vax Phù Mé pheiz kênh:        “Khov muôx Đảng thiêz têz qơưk li chính sách paz txưv lok huôv tsar chos ciêv fix sâuv thax tsav, cur chuôz zis sir jos cxaz chuôz chos. Txos nhiv no, đros mênhv chêx ciêv fix chos txix ntâu shông tov ntêx tưz muôx têx lênhx nênhs, doanh nghiệp tuôx sâu zuôr blôngx, chês. Đros mênhv chêx nhiv kruôr chos, cur tưz zôngv ar chiê txos cxaz kriêr tox grênhz, tso lok phênhv sâu truôx tul đuô”.

          Tsi taz niêv lâuk Mé chuôz zis mak tas nro jos Nậm Xả- qơư muôx 130 ntâu ziv chuôz zis tsôngv box mênhx cxưx La Hủ nhoz uô nênhx, nhoz xã Bum Tở cux muôx ntâu hlôngr yiêz jông. Txix iz jos txov nhêv nhoz uô nênhx pêv tox siêz, nhiv no tsôngv box tưz tâu sik đros nhoz chêx chôngk, muôx tênhv tênhz, cêr muk lok, muôx tsêr cơưv ntơưr, trạm y tế jông đuô. Niêv lâuk Pờ Lò Pứ, nhoz jos Nậm Xá heik:“Thâuv ntêx cur chuôz zis luz nênhx lok six txov nhêv, tsôngv box hâur jos phênhv ntâu zos chuôz zis pluôk. Tâu Đảng thiêz têz qơưk tsov cưv paz txưv, cur chuôz zis tưz yưv pênhr huôv tsar uô nox, tsêz chos, tu zus. Txos nhiv no chuôz zis luz nênhx jông đuô lơưv. Cur chuôz zis cux zuôr krêz cxaz qơư muôv muôs hax huv chiê phưx vưv pox nhuôk hâur jos zoz qơưx sir zôngv, muôx phênhv sâu truôx tul”.

          Xav tênhv tsênhz huôv tsar kinh têr zos kror zov chênhr chiê paz muôz siêz luz nênhx trâu tsôngv box mênhx cxưx tsơưs nênhs, xã Bum Tở tưz chuv tôngv krêz uô ntâu tsưr ziv li: huôv tsar thax tsav chos ciêv fix, sa nhân, kriêr tox grênhz, mắc ca...côngv đros tu zus nhux tưv nhux đas chêx chôngk. Txos nhiv no, tas nro xã muôx 700 ntâu hecta ciêv fix, 200 ntâu hecta sa nhân xiêr, zuôr xar 210 hecta kriêr tox grênhz thiêz yênhx châuv hecta yuôx njuôz txơưr. Zơưv Đao Văn Khánh, Chủ tịch UB xã Bum Tở, tỉnh Lai Châu puz pâuz:“Tsôngv box La Hủ zos mênhx cxưx tsơưs nênhs muôx luz nênhx njiz ntâu phêv liv, txix qênhx shênhx co, pêz tsênhv chêx chôngk cxuô tsaz yênhx, tsưr ziv, nghị quyết, tiv zix zos têx chính sách chiê paz tsôngv box sir jos huôv tsar uô bluô nux. Pêz tsênhv chox kriê huôv tsar zaoz thôngz txos jêx jos, 2 zos chêx chôngk hlôngr yiêz tsoz chos chiê pox nhuôk txơưx zôngv têx khoa học kỹ thuật yiêz lok tsiv uô tsêz chos li zuz nôngz, qir zuôv...Đrâuv co, sir jos kriê pox nhuôk huôv tsar muôx chêx cuk têx trâur nuv, taz por luz nênhx trâu tsôngv box”.

          Đros chính sách kôngz nuv, chính sách puz txeik pênhr tsov cưv txix Zênhx hangx chính sách xã hội cux gôngr phênhv paz cxơưz tsôngv box huôv tsar cêr uô nox. Txix hâur shôngk shông 2025 txos nhiv no, zuôr xar 600 jiês ziv chuôz zis ntơưv xã Bum Tở tâu txeik pênhr huôv tsar uô nox. Pênhr nhiêx paz tsôngv box car chêx tâu hâux lưv uô, zuôr 150 ntâu tul tsiêx cxu sha nhuôk, cxiv tsa 66 côngz tsinhx đêx hur thiêz tsêr vêv xênhz...Zơưv Vàng Văn Ngọc, nhoz jos 11, xã Bum Tở heik:“Cur chuôz zis tâu txeik 50 tsov đeiv, zuôr nhux sha nhuôk, nhiv no nhux sha tâu cxaz mê nhuôk, paz chuôz cxaz phênhv sâu trâu chuôz zis. Uô tsâus Đảng, têz qơưk thiêz Zênhx hangx chính sách tưz paz trâu cur chuôz zis”

          Đros tas nro têx chính sách paz txưv tâu krêz uô, đros tsôngv box li chinhz yênhx chuv tôngv sir jos huôv tsar cêr uô nox, tox siêz Bum Tở tưz muôx têx hlôngr yiêz tsênhv tsênhz. Txix têx luôk hâux lưv uô tâu jông co, tsôngv box La Hủ heik taz thiêz tsôngv box têx mênhx cxưx tsơưs nênhs nhoz Lai Châu heik cxuô zuôr yênhx trâus uô hlôngr yiêz têx jêx jos, khav tênhv siêz njênhs njôngr lok iz luz nênhx tov kaz no huôv tsar jông đuô, truôx tul thiêz tsâu sor đuô sâuv zuk têz qơưk./.

                                                                                                                Khắc Kiên-Txâur Vax cxeik nhênhv

Paz trâu tsôngv box heir nênhs tsơưs đros têz qơưk hlôngr yiêz thiêz huôv tsar

Uô tâu luôs hâux lưv zok muôz thiêz tâu 06/09 hâux lưv tso tơưv

Têz qơưk tsaz yênhx huôv tsar kinh tế-xã hội thax tsav tsôngv box heir nênhs tsơưs thiêz tox siêz ntu 2021-2025 tưz uô tiêr thiêz ntâu đuô 06/09 hâux lưv tso tơưv, hâur co lar heik zos txo grêk cêr pluôs thax tsav tsôngv box heir nênhs tsơưs, lênhx nênhs muôx phênhv sâu tâu ntâu, tsôngv pêx xênhv sơưr đơưk tâu buôk ti txos zoz zux, y tế, têx pênhr jos huôv tsar tưz taz por jông đuô, sơưr đơưk muôx chei, vax huôv siz luôs đuô; tsôngv pêx xênhv thax tsav tsôngv box heir nênhs tsơưs thiêz tox siêz luz nênhx tâu gra siêz đuô pir li thâuv ntêx. Co zos têx zov chênhr, uô tâu jông lar kruôs txos hâur ntu 2021-2025 viv tưz sir jos hla đhâu phiv liv, cêr txov thâuv muôx moz Covid-19 huôv xênhz; ntiêx têz muôx ntâu cuz nxor, tsi truôx tuk; ntux nas uô ruôr hiêv hnhar trâu pêx xênhv lok lênhx nênhs thiêz chuôz zênhx chuôz tav, tiv zix ntơưv thax tsav tsôngv box heir nênhs tsơưs thiêz tox siêz. Hâur ntu co, uô trơưk Bộ Chính trị chox kriê, T.Ư Đảng, Côx hôiv, Chính phủ tưz moz siêz txos huôv tsar thax tsav tsôngv box heir nênhs tsơưs thiêz tox siêz, iz chas ntơư Ban chox kriê T.Ư, Bộ Mênhx cxưx thiêz Tôn giáo, cxuô cấp, cxuô ngênhx, tsôngv box, têx tuz lênhv thiêz tas nro cxix luôs chính trị tưz sik thôngx siêz, siz paz sir jos hla đhâu cxuô phiv liv.

Chênhr zos li heik co, tsaz yênhx ntu I tưz uô tâu têx hâux lưv zov chênhr, uô qơư chuôz jos trâu ntu zuôr txos. Iz chas têx luôs hâux lưv uô tâu, tsưr tsix fuô uô tsaz yênhx cux yuôr iz cxiê hâux lưv uô tsi tâu tsi tiêr li: Tsênhv fuô uô tsi uô cê, pheiz uô ntâu ntu, ntâu hâux lưv; choz hâux lưv tsi tsênhz mênhx; ntâuz ntơưr hành chính ntâu; iz cxiê lênhx pêx xênhv tsi yuô moz siêz txos, tsi sir jos, tsênhv zôngx ziv tror trâus yeiz pluôs.....

Paz trâu tsôngv box heir nênhs tsơưs sir jos huôv tsar uô bluô nux

Thủ tướng Chính phủ tso tơưv hâux lưv trâu tsaz yênhx hâur ntu zuôr txos zos: Uô tsênhz mênhx Đảng tsưr ziv, têz qơưk têx tsênhv chei, Bộ Chính trị, Ban Bí thư, Côx hôiv, Chính phủ cêr chox car, chox kriê chiê gra siêz luz nênhx trâu tsôngv pêx xênhv thax tsav heir nênhs tsơưs thiêz tox siêz, trơưk tsưr ziv shông uô kaz jông đuô shông uô ntêx, six cxiv uô kaz uô tâu ntâu luôs hâux lưv đuô six cxiv uô ntêx.... Chiê tsôngv pêx xênhv thax tsav heir nênhs tsơưs thiêz tox siêz siz cơưv shâuv, uô trơưk, sir jos hla đhâu yeiz pluôs, huôv tsar uô bluô nux, muôx luz nênhx tsâu sor, vav mênhx.

Têx luôs hâux lưv tsuv tuôr xav cov jông, hâur co taz por sơưr đơưk muôx chei, vax huôv siz luôs lok sâuv cơưv txux chi, seiz njuôk shuôs đas jos, vênhx huôv-xã hội, lok têz qơưk têx chei paz; zok nriêr, muôz ntâu hâux lưv uô trâu pêx xênhv chiê sir jos hla đhâu cêr pluôs, huôv tsar uô bluô nux truôx; Iz chas co, têx hâux lưv ntơư tsuv tsênhv tsênhz thiêz jông, zôngx ziv qênhz yuôx, zôngx ziv seiz kaz, zôngx ziv pâuz thiêz uô, ntâuk grê tsi chiê lênhx nênhs tưs trâus pôngz kaz hâur ntu têz qơưk huôv tsar./.

                                                                                                         Chinhpu.vn-Riê Lâux cxeik, nhênhv