Uô tsênhz mênhx pluôk nox niêv txir zus mor, paz trâu shux xênhz niêv thiêz txir Lào Cai tso siêz đuô

Đhâu chiê lok uô cê, Tsêr cơưv nhuôs zâu Nguyễn Phúc, phường Yên Bái, tỉnh Lào Cai, muôx 4 qơư tsêr cơưv đros muôx 526 lênhx shux xênhz. Iz hnuz, tsêr uô jâuz mor nox ntơưv tsêr cơưv bax yênhx cxênhz kror jâuz mor, muôx iz pluôk chênhr thiêz oz pluôk nox nzir.

Shux xênhz nhoz ntơưv ntâu tsêr cơưv uô trâu hâux lưv tsưr tsix pluôk nox tsuv tâu bax truôx jông, cxix cxuô. Tsêr cơưv tưz cir hux thôngx đros 10 taz viv cungz têx zav nox thiêz cxuô zav trâu tsêr uô jâuz mor nox, đros co hêik pâuz tsênhz chiê shux xênhz niêv txir pâuz thiêz seiz kaz. Pos Nguyễn Thị Băng, Hiệu trưởng tsêr cơưv puz pâuz: “Uô ntêx tsêr cơưv côngz fênhx bê têx taz viv cungz zav nox chiê shux xênhz niêv txir pâuz tsênhz taz viv cir ntơưr. Tiv oz, tsưr ziv uô jâuz mor hâur niêx hnuz cux tâu côngz fênhx tsênhz mênhx, tâu njuôk xav cxix cxuô tsơưr pưr trâu mê nhuôs, taz por têx pluôk nox chênhr thiêz pluôk nox nzir. Tsênhv njiêz no tâu heik pâuz ntơưv bê ntơưr ntơưv tas nro oz pêz luz tsêr cơưv.Chiê shux xênhz niêv txir lok six tso siêz, đrâuv ban seiz car, tsêr cơưv thâuv tưs cux heik shux xênhz niêv txir jông siêz seiz shuôk qơư uô jâuz mor nox”.

Tưz tsik zos hêik pauz sâuv ntâuz ntơưr, hâux lưv seiz kaz tsênhv tâu hêik ciês txos chor nênhs muôx mê nhuôs tsênhv nox, nhoz thiêz xênhz huôx ntơưv tsêr cơưv pâuz. Niêv tix Vũ Thị Thùy Linh, muôx mê nhuôv tsênhv cơưv ntơưv tsêr cơưv tsênhv qơư tsêr cơưv cxênhx nhuôs zâu Nguyễn Phúc hêik pâuz:“Tsêr cơưv cux hêik pâuz tsênhz têx zav nox thiêz qơư zuôr, paz trâu shux xênhz niêv txir pâuz tsênhz chor nhuôv li nox hâuk lơưr yênhx ciêz. Shux xênhz niêv txir zuôr pâuz tâu chor pluôs nox su, nox thauv zar hnuz kêix thiêz zav cuô mik chor mê nhuôv hâuk. Kror no paz txo grêk qênhx shênhx mê nhuôs tsi nhiêv nox iz cxiê zav nox, đros co zôngx ziv pâuz tâu qir tiv zos mê nhuôs njiz phiv liv. Zov chênhr tiv zix zos tsuôk vêv xênhz ngaz tuk jông zav nox mak shux xênhz niêv txir tso siêz lơưv”.

Tưz tsik zos ntơưv thax tsav đrôngs, ntơưv têx xã tox siêz tsênhv yuôr ntâu txov nhêv, uô truôx tuk jông thiêz tsênhz mênhx hâur pluôk nox niêv txir zus mor cux tâu sir jos uô.

Ntơưv xã Mỏ Vàng, đhâu chiê lok uô cê, tas nro 3 tsêr cơưv sâuv thax tsav puôr lênhx tsưr tsix uô jâuz mor nox trâu shux xênhz niêv txir zus mor đros zuôr xar 2.300 lênhx nhuôs zâu thiêz shux xênhz. Txix ciês hâur shôngk shông cơưv, chính quyênx ntơưv qơư heik têx tsêr cơưv sik côngv truôx jông đros qơư y tế thiêz Ban hlôngr njêx muôs shux xênhz niêv txir sir jos qênhz yuôx, seiz kaz, tiv zix zos nhoz têx ntu zôngx ziv uô tsi truôx tuk zav nox. Zơưv Đỗ Cao Quyền, Chủ tịch UBND xã Mỏ Vàng puz pâuz:“Ciês thâuv hâur shôngk shông cơưv yiêz, Ủy ban xã tưz chox kriê tsêr cơưv sik côngv truôx jông đros trạm y tế thiêz Ban hlôngr njêx muôs shux xênhz niêv txir uô jông lơưr têx cui tênhv lok ngaz tuk zav nox. Đros co, xã cux chox kriê sir jos qênhz yuôx, seiz kaz thiêz phuôx huiz pox nhuôs li pưk txux hâur qênhz yuôx. Tiv zix, shông cơưv no pêz tsênhv chox kriê tsêr cơưv sir zôngv công nghệ, li ntâuk gri Nhật ký điện tử/QR code ntơưv qơư uô jâuz mor nox chiê hêik pâuz tsênhz cxuô xor mông lok qơư uô jâuz mor nox”.

Chiê muôx tâu iz pluôk nox ngaz tuk, hâux lưv seiz car tsik piz txix luz kror chuz mak piz txix ciês têx zav nox. Têx tsêr cơưv heik têx taz viv cungz tsuv muôx cxix cxuô ntâuz ntơưr, pâuz tsênhz mênhx qơư uô. Pos Đoàn Thị Thu Thủy, taz viv cungz zav nox hêik pâuz: “Zos taz viv cungz ntêr shông, pêz sir jos uô jông tiv zix zos txơưx jênhv thiêz tsơưr lươngv zav nox trâu chor nhuôs. Tas nro tsuv zos zav nox hur jông. Xưk li, jâuz tâu zuôr ntơưv têx hợp tác xã muôx tsêr tax, grêix buô zuôr ntơưv qơư tu zus puôr lênhx muôx ntâuz ntơưr, nriêr pâuz qơư zus tsênhz mênhx”.

Shông cơưv 2026–2027, tas nro tỉnh Lào Cai muôx 328 tsêr cơưv tsưr tsix nox nhoz hâur tsêr cơưv trâu 134 cxênhz ntâu lênhx shux xênhz. Tiv thax tsav đar, ntâu tsêr cơưv nhoz thax tsav tsôngv box mênhx cxưx tsơưs nênhs thiêz tox siêz uô trâu hâux lưv tsưr tsix pluôs nox hâur tsêr cơưv tsi siz thôngx. Taz sik txơưv nhoz ntơưv tsênhv qơư lok sik tox siêz, nganhx Zoz zux Lào Cai puôr lênhx uô jông 3 kror zov chênhr: txâuk tsơưr pưr, ngaz tuk zav nox thiêz tsênhz mênhx. Pos Tô Thị Ánh, Phưv Giám đốc Sở Zoz zux tỉnh Lào Cai heik mênhx:“Nganhx li tsưr ziv tsênhv tsênhz zos pluôs nox niêv txir zus mor tsuv uô cov jông 3 kror zos: txâuk tsơưr pưr, ngaz tuk zav nox thiêz trơưk cui tênhv. Lơưr co, pêz chox kriê têx tsêr cơưv tsuv sir jos uô côngz xưv qênhz yuôx, seiz kaz ciês ntơưv qơư zaoz zux; seiz car jông txix hâux lưv xêir tsov txos txêik jênhv zav nox. Têx tsêr cơưv tsuôk cir hux thôngx đros têx tsưr tsix, lênhx nênhs muôx txâuk cxuô kror, txơưx jênhv sâuv thax tsav lơưr phênhz cấp. Tiv zix, tsuv uô tsênhz mênhx hâur hâux lưv tsưr tsix pluôs nox niêv txir zus mor chiê paz trâu shux xênhz niêv thiêz txir thôngx ziv thiêz muôx siêz njênhs njôngr”./.

                                                                                                                        Trịnh Xuân- Lik Thox cxêik nhênhv

Sơn La fuô uô têx faz tsưr ziv huôv tsar công dân sôr

Tỉnh Sơn La tsưr ziv huôv tsar công dân sôr hâux lưv tso tơưv zos zuôr pêx xênhv uô qơư chênhr thiêz chuôz jos hâur ntu hlôngr yiêz sôr; fuô uô tâu truôx dữ liệu sôr, định danh thiêz xav jênhv điện tử, muôz jông six hơưv chiê pêx xênhv buôk ti, sir zôngv dịch vụ công, têx dịch vụ zov chênhr thiêz tsênhv chei sâuv tênhv qơư sôr.

Lơưr co, Sơn La zuôr qênhz shuôs, hlôngr yiêz tsưr ziv đơưk uô têx ntâuz ntơưr hành chính cov zôngx ziv đuô trâu pêx xênhv. Cxuô cơ quan muôx vax huôv jux juk txo grêk tsơưs têx ntâuz ntơưr, sir jos zok nriêr, muôz xor mông huv đros hlôngr trâu ntâuz ntơưr, moz siêz txos xav jênhv thôngz đhâu tài khoản định danh điện tử; iz chas ntơư heik pâuz têx ntâuz ntơưr uô đhâu điện tử huv đros cxuô zav ntâuz ntơưr trâu pêx xênhv.

Têx sở, nganhx uô ntâuz ntơưr hành chính tâu choz hâux lưv qênhz shuôs, hêik pâuz bê ntâuz ntơưr hành chính, dịch vụ công trực tuyến, dịch vụ sôr txâuk cxuô zav ntâuz ntơưr sir zôngv tsênhv chêi cxơưz cxiz tsôngv pêx xênhv hlôngr yiêz li heik sâuv. Luôs hâux lưv qênhz shuôs hâur tas nro tỉnh njuôk xav uô tiêr trâu 3 luz hlik txix hli 7-9/2026; hêik pâuz, cxiv kho tsưr ziv, hâux lưv uô co trâu 3 luz hlik txix hli 10-12/2026 thiêz tror cxiv kho, cxaz nzir lơưr Trung ương li chox kriê.

Iz hâur têx hâux lưv zov chênhr zos huôv tsar, uô tâu jông lơưr VNeID thiêz tài khoản định danh điện tử. Sơn La zuôr sir jos fuô kriê pêx xênhv đas cir, uô tài khoản định danh điện tử phênhv 2; uô huv đros têx ntâuz ntơưr, xor mông thiêz sir zôngv VNeID hâur đơưk uô têx ntâuz ntơưr hành chính, dịch vụ công trực tuyến, xa sơưr đơưk têx luk heik, thix ziv cux xưk li lênhk txêik cơ quan lês uô hâux lưv têz qơưk têx heik pâuz.

Tỉnh hux jos đros Bộ Công an thiêz têx cơ quan Trung ương jux juk huôv tsar VNeID yênhx nền tảng sôr muôx ntâu têx jông, huv đros chiê khơưk tsês dữ liệu sôr, định danh thiêz xav jênhv điện tử, uô têx ntâuz ntơưr đhâu mạng xã hội, thêv nhiêx uz no, iz chas ntơư yênhx qơư pêx xênhv uô hâux lưv đros Têz qơưk.

Lar heik, Sơn La xav tênhv hlôngr yiêz sôr tsuv uô đros trâu taz por cxuô lênhx pêx xênhv tâu buôk ti, lar heik zos nhoz thax tsav txov nhêv, thax tsav ntus đriv thiêz têx lênhx nênhs muôx luz nênhx txov nhêv. Tỉnh zuôr tsưr tsix têx jiês buôk fuô kriê ciês ntơưv têx thax tsav qơư tsi yuô muôx nênhs uô têx ntâuz ntơưr li heik sâuv, sir zôngv VNeID thiêz dịch vụ công trực tuyến.

Công an cấp xã, Tổ công nghệ số côngv thôngx, Mặt trận Tổ quốc, Đoanx hluôk nênhs, Hôiv pox niêv thiêz têx tsưr tsix chính trị - xã hội tror sir jos uô jông luôs hâux lưv zok muôz, zênhx max paz kriê pêx xênhv uô tài khoản định danh điện tử, uô cxuô zav ntâuz ntơưr huv đros hlôngr yiêz sôr.

Đros trâu gra siêz txux chi sôr, Sơn La moz siêz cxiv tsa cêr uô nênhx vav mênhx, vênhx huôv sâuv tênhx qơư sôr. Têx luôs hâux lưv yax mông, piêr kriê lok cêr uô nênhx, heik lul jông sâuv mạng xã hội tâu sir jos fuô uô, paz pêx xênhv gra siêz txux chi, tsưr ziv jênhv pâuz, jux juk hlôngr yiêz cêr uô nênhx jông, siz hluz siz paz, sik thôngx siêz thâuv zôngv mạng xã hội.

Tsôngv pêx xênhv tâu cxơưz cxiz, thâuv zuôr heik kriê, tso têx xor mông, sơưr đơưk zuôr tsuv xar uô ntêx, qênhz shuôs tsênhv njiêz, tsi heik têx luk tsi jông, uô ruôr hiêv lok sik heik kriê xor mông tsi trơưk chei, tsi muôx tsênhz. Cxuô cơ quan, tsưr tsix, côngv thôngx cux tâu cxơưz cxiz cxiv tsa tênhx qơư  uô nênhx jông, truôx tuk.

Huôv tsar công dân sôr viv li tsi tiêk zos sir zôngv têx dịch vụ công nghệ, mak tsênhv jux juk uô yênhx têx lênhx nênhs muôx txux chi, tsưr ziv, siêz xar jông hâur ntu nhiv no.

UBND tỉnh Sơn La hêik hâux lưv fuô uô tsưr ziv sôr 215/KH-UBND reik đros hlôngr yiêz ntâuz ntơưr hành chính, hlôngr yiêz sôr, Đề án 06 thiêz tỉnh têx tsaz yênhx huôv tsar kinh tế - xã hội; muôz têx hâux lưv uô tâu phưx vưv tsôngv pêx xênhv, doanh nghiệp uô qơư khov, chuôz jos chiê lês uô tâu jông cxuô luôs hâux lưv zok muôz.

Tỉnh Sơn La jux juk uô tâu yênhx côngz công dân số, sir zôngv thiêz tâu sơưv têx dịch vụ số zôngx ziv, truôx tuk, vav mênhx; paz cxiv tsa hâu nov ntơưv qơư lês uô cxuô luôs hâux lưv trơưk li hlôngr yiêz sôr, xã hội sôr thiêz cxơưz cxiz huôv tsar kinh têr - xã hội hâur thax tsav tỉnh./.

                                                                                                             Thanh Thủy-Riê Lâux cxeik, nhênhv