Faz Bắc: Hla đhâu têx phêv liv txix cxiv uô cêr zaoz thôngz

               Hâur hli 12 nhiv kruôr đhâu, qơư yar yêz za Điện Biên tos têx lênhx kruô xuz thơưx tuôx sâuv luz yêz za A321 Hãng yêz za têz qơưk Việt Nam- VN Airlines. No zos hâux lưv jông, tsi taz tso pov nganhx yêz za li luôk hâux lưv coaz tsôngv mak tsênhv zos Điện Biên thiêz têx tỉnh thax tsav Tây Bắc li trus huôv tsar KTXH, li zơưv Lê Thành Đô, Chủ tịch UB tỉnh Điện Biên puz pâuz:

          “No tso pov trus huôv tsar yiêz trâu tỉnh Điện Biên li: zos jiês chiê tỉnh Điện Biên cxơưz tiês têx huôx tôngv cxơưz cxiz yưv pênhr, huôv tsar ju lix txix tỉnh li têx muôx jông jav, tiv zix zos tos têx luôk hâux lưv coaz tsôngv hâur shông ju lix têz qơưk Điện Biên 2024 thiêz chiv nhênhv 70 shông ntâuk zênhx lix xưv Điện Biên Phuv”.

          Ntơưv tỉnh Sơn La, xav tênhv cxix luôk zaoz thôngz muôx pưs txux coaz tsôngv hâur huôv tsar KTXH, viv thâuv ntêx thax tsav lox đar, hâux lưv muk lok thiêz muôv muôs hax huv njiz ntâu phêv liv, uô têx lênhx nênhs yưv pênhr tsi xar yưv pênhr, viv li têx shông jê ntơưv no, tiv phaz no tưz chuv tôngv huôv tsar zaoz thôngz chiê chuôz tsar sik côngv.

          Lơưr zơưv Lê Hồng Minh, Phưv Chủ tịch UB tỉnh Sơn La, nghị quyết Đại hội Đảng bộ tỉnh Sơn La jiês tiv 15 xav tênhv yưv pênhr uô uô cê cxix luôk zaoz thôngz zos iz hâur 3 luôk hâux lưv zov chênhr thiêz zos 1 hâur 9 jênhv vưv coaz tsôngv tsuv tsov cưv yưv pênhr hâur ntu 2020-2025. Nhiv no tiv phaz tsênhv krêz uô 2 dự án zaoz thôngz lox zos cêr muk chênhr Hòa Bình-Mộc Châu thiêz tror krêz qar yêz za Nà Sản đhâu zuôr xar 20 shông cơư trôngx. Hâur co, dự án cêr muk chênhr Hòa Bình- Mộc Châu tsênhv tâu sir jos krêz uô, sir jos krêz côngz hâur quý 4 shông 2024. Lok pênhr jos yưv trâu dự án, zơưv Lê Hồng Minh puz pâuz, txơưv zos tiv phaz tox siêz yuôr ntâu phêv liv, taz sik đros siêz xar “Zaoz thôngz tsuv uô uô ntêx chiê krêz cêr” tỉnh Sơn La tưz tsov cưv yưv pênhr chiê krêz uô:

          “Đrâuv TW li njuôs xav paz 3 cxênhz 400 tỷ đeiv, HĐ tỉnh Sơn La tưz tso tơưv Nghị quyết lok muôz pênhr nhiêx. Ntơưv jiês HĐ tỉnh krêz cơưv hnuz 19/12 nhiv kruôr đhâu mak tưz tso tơưv 1 Nghị quyết thiêz zos muôz 1 cxênhz 538 tỷ đeiv trâu phênhv tsi tâu txâuk yưv pênhr uô dự án, njuôs xav zos 4 cxênhz 938 tỷ đeiv”.

          Hâur 5 tỉnh Tây bắc, Yên Bái zos tỉnh xuz thơưx tax 100% chor xã muôx cêr yêz ô tô muk txos ciês tsênhv qơư xã. No zos iz yênhx tix jông, viv zos tỉnh tox siêz, ar têz nxaz, pênhr yưv uô zaoz thôngz tsơưs, tsôngv box luz nênhx tsênhv yuôr ntâu phêv liv, taz sik đros tsưr ziv “Têz qơưm thiêz tsôngv box sik đros uô”, Yên Bái tưz sir jos vênhv tôngv, yax mông, thôngx ziv uô ntâu txox cêr muk lok. Tix lâuk Triệu Tài Tiến, Tsar jos Suối Quyền, xã Suối Quyền, huyện Văn Chấn, tỉnh Yên Bái puz pâuz:

          “Tsôngv box Yên Bái tsênhv txov nhêv. Taz sik heik txos tsưr ziv uô cêr muk lok mak pox nhuôk lênhx tưs cux thôngx ziv. Ntâu ziv chuôz zis muôs ciêv fix, muk uô nox đêz cux xa nhiêx txiêx lok gôngr côngv, viv lênhx tưs cux xar njôngr muôx tâu têx txox cêr jông muk lok đuô”

          Lơưr thôngz sâu, hâur ntu 2021-2025, sâuv thax tsav tỉnh Yên Bái tưz muôx 26 dự án, côngz tsinhx tsênhv zos UB tỉnh cuiz tênhv yưv pênhr, đros tas nro pênhr yưv uô zos 13 cxênhz tỷ đeiv. Hâur co, muôx 17 dự án, côngz tsinhx huôv tsar cxix luôk zaoz thôngz, tsav 74% pênhr yưv uô têx côngz tsinhx zov chênhr. Cux đros co, tỉnh cux chêx chôngk, huiz tôngv pênhr jos huôv tsar zaoz thôngz nôngx cxênhz lơưr Đề án huôv tsar zaoz thôngz nôngx cxênhz tỉnh Yên Bái 2021-2025, reik đros tsaz yênhx têz qơưk li qơư tsov txos….Khov co txos nhiv no, Yên Bái tưz uô tiêr 8 tul qox tuôv đhâu tul niêv đêx Liêz, đros yênhx cxênhz cei cêr zaoz thôngz nôngx cxênhz tâu krêz yiêz, luôv bê tông, gôngr phênhv cxơưz tiês huôv tsar KTXH têx tiv phaz, tiv zix zos nhoz têx xã tox siêz, thax tsav tsôngv box mênhx cxưx tsơưs nênhs…

          Đrâuv têx dự án heik sâuv, ntơưv têx tiv phaz txơưr hâur thax tsav Tây Bắc nhiv no cux tưz thiêz tsênhv muôx ntâu côngz tsinhx zaoz thôngz tâu krêz uô li: dự án sik côngv thax tsav kror ar Hoàng Liên thiêz dự án sik côngv zaoz thôngz Lai Châu đros cêr muk chênhr Nội Bài-Lào Cai; dự án cêr muk chênhr Nội Bài-Lào Cai muk Sa Pa thiêz dự án qơư yar yêz za Sa Pa, tỉnh Lào Cai./.

VOVTB-Txâur Vax cxeik nhênhv

Yên Bái uô jông hâux lưv tir thêir têx hax huv chuôr, hax huv tsi jông hâur kaz shôngk shông

                  Uô luôs hâux lưv phax tir thêir têx hax huv chuôr, hax huv tsi jông hâur ntu zuôr txos Tsiêz thiêz đhâu tsiêz têz qơưk Jax shông 2024, têx hnuz đhâu lok no, chor nênhs uô hâux lưv seiz car ciêz đrôngs nhoz têx huyện, thị xã, TP hâur Yên Bái tsênhv sir jos qênhz yuôx shuôs têx qơư zuôr muôs huv hâur thax tsav. Zov chênhr zos qênhz yuôx têx ntâuz ntơưr đas cir zuôr muôs huv, qơư tsiv uô têx hax huv, ntơưr lo chiv.... Zơưv Vũ Thành Long, Phưv thơưx seiz car ciêz đrôngs sôr 2, TP Yên Bái heik pâuz:

                  “Iz chas hâux lưv seiz car hâur thax tsav, pêz tsênhv yax kriê chei têz qơưk trâu têx tsưr tsix, lênhx nênhs , chor nênhs sir zôngv tsi tâu chuôz têk paz zuôr muôs, sir zôngv têx hax huv chuôr, hax huv tsi jông, tsi pâuz tsênhz qơư tsiv uô, tsi taz por vêv xênhz truôx tuk zav nox”.

                   Ntu no, ntơưv cxuô thax tsav qơư nhoz Yên Bái, muôs lok six ntâu zav hax huv phưx vưv tsôngv pêx xênhv zuôr nox tsiêz li: Chơưr bia, đêx kaz jiz, nduôr thax, zênhz gaz ntơưr, tsôngk tril yo, khâu trâu....đros thiêz gri truôx tuk.

                  Tix lâus Nguyễn Anh Quân, nhoz phường Yên Ninh, TP Yên Bái heik pâuz, trơưk li tix lâus thiêz cơ quan muôx vax huôv heik kriê, tix lâus chuôz zis thiêz phênhv ntâu cxuô lênhx sơưr đơưk puôr lênhx zuôr huv ntơưv têx ciêz đrôngs lox, qơư muôs ntâu huv, viv co zos têx qơư muôx suôz bê, muôx hax huv jông, pâuz tsênhz qơư tsiv uô.

                 “Zuôr txos tsiêz 30, têx qơư zuôr muôs huv cux muôx têx tsaz yênhx txo grêk gri hax huv, 10, 20, 30%; hur tiz si cxuô zav hax huv puôr lênhx muôx ntơưr lo chiv, pâuz tsênhz qơư, gri muôs”.

                  Zơưv Trần Hùng Tuấn, Phưv Cục tsar seiz car ciêz đrôngs tỉnh Yên Bái heik pâuz: Txix thâuv txos kaz shôngk shông, ntâu lênhx nênhs liv zôngv sơưr đơưk khênhr zuôr txos ntâu têx hax huv, lơưr muôz iz cxiê huv tsi jông lok muôs shơư lok sik tsar ndê gri xiv huv, Cục seiz car ciêz đrôngs tỉnh Yên Bái tưz bax hux jos đros cxuô ngênhx muôx vax huôv chuôz tsar qênhz yuôx, qênhz shuôs gri, tsơưr lươngv, qơư tsiv uô têx hax huv zuôr muôs hâur ntu no. Đros trâu co zos xưv bluô cov txos qơư chor nênhs zuôr muôs hax huv chuôr, hax huv tsi jông, tsi taz por truôx tuk vêv xênhz zav nox.....

                 “Iz chas luôs hâux lưv qênhz yuôx mak cux tưz yax kriê, vênhv tôngv  tsôngv box thâuv zuôr muôs hax huv tsuv seiz shuôs jông têx ntơưr lo chiv, qơư tsiv uô, hax sir zôngv, tsi zuôr têx huv luôs lưv tus muôs tâus cêr lok sik sâuv mạng xã hội tsi pâuz tsênhz qơư......Iz chas ntơư, pêz cux muôx sôr xor tôngx, qơư txeik sơưr đơưk têx lul heik tsi jông siêz thâuv zuôr tâu têx hax huv tsi jông, hax huv chuôr chiê zênhx max heik trâu lưv lươngv seiz car ciêz đrôngs pâuz thiêzxưv bluô”.

                  Zơưv Trần Hùng Tuấn cux heik pâuz, shông 2023, lưv lươngv muôx vax huôv tỉnh Yên Bái tưz xưv bluô 317 txuz lok sâuv zuôr muôs hax huv chuôr, hax huv tsi jông, bluô tâu 7 tyv đeiv ntâu nhiêx (tsar ndê 205% pir li shông uô ntêx). Luôs hâux lưv qênhz yuôx, qênhz shuôs ciêz đrôngs zuôr muôs huv nhiv no tsênhv tror tâu sir jos fuô uô, chiê tsôngv pêx xênhv sơưr đơưk bax tok nox iz luz tsiêz shir phaz lus, truôx tuk./.

Tuấn Xuân-Riê Lâux cxeik, nhênhv