Têx tsưr ziv, đas jos tir ntâuk tros châuz thâuv ntêx nhoz trơưr têx tuz lênhv lâul Điện Biên siêz tsi plox

           “Zos lênhx tuz hluôk, sir jos tir ntâuk tros châuz, tsưx phưv têz qơưk, tsi chiê trâul luôs niêk tsiv, tsiv txov. Pêz chor tuz lênhv cê kư cê sik tưr đhiê tir ntâuk tsav cê hu gâux, thâuv co tir ntâuk tros lok six hênhr cơưk. Thiêz no zos iz jiês pêz chor tuz lênhv sir jos tir ntâuk tros châuz đros têx suôz fov đror đrông ntưk, suôz trax lov jêv lus”.

           Đại tá Nguyễn Hữu Tài, kuz Seiz car Chính trị Trung đoanx 209, Sư đoanx 312, kuz Phưv Cục tsar Cục Quân Huấn, Bộ Tổng tham mưu-lênhx buôk ti đros tir ntâuk tros châuz ntơưv Điện Biên Phủ tưz uô cuô muôs pôngz nthar thâuv tror ndo txos pêz têx tuz lênhv cêr shir phaz tir ntâuk zênhx tros châuz, tsa qix sâuv thơưx tuz tros DeCastries qơư nhoz. Chiê tir ntâuk tâu zênhx tsav tros co, tsưx phưv truôx tuk têz qơưk, thax tsav qơư, ntâu lênhx tuz lênhv đros zơưv tir ntâuk tros châuz tưz tâu tas siv nênhx nhoz Điện Biên Phủ: “Pêz tưz đros têx taz viv tuz lênhv txơưr đuô sirr jos tir ntâuk tros châuz, ntâu jiês pêz tsuv uô ntêx hlo lêiv hôngz poz ntâuk tuô sâuv trôngz D1. Co zos têx jiês tir ntâuk lok six hênhr chiê tsưx phưv tâu truôx qơư tsav tros. Pêz ntâu lênhx thơưx tuz lênhv, chor đros tir ntâuk tsav tưz tâu tas siv nênhx, ntâu tus chôngz lênhx grêix pôngz, nyar đros, tâu tas siv nênhx nhoz qơư tsav tros no, chênhr viv li thâuv heik txos, xar txos chor tuz lênhv co mak lok six moz siêz hênhr”.

             Phạm Thắng, tuz lênhv tir ntâuk tros châuz ntơưv Điện Biên thâuv ntêx, kuz tuz lênhv trung đoanx 102, Trung đoanx thủ đô, nhoz Đại đoanx 308 têx luk thav đros chor tuz sâu xor xưv VOV kuôk no 7 shông, ntâu lênhx nênhs cux tsênhv ndo njôngr. Viv co zos cêr chiv nhênhv thâuv ntu tir ntâuk tros châuz thâuv heik txos têx hnuz nhôngs zơưv đros 11 lênhx tuz lênhv sir jos cưr gra têx triêv fov, muôk txưr, hôngz poz, yuôx uz no muk tir ntâuk tros sâuv trôngz A1: “Pêz chor tuz lênhv gak kror tâuz, hax cơưz muk trâu trôngz A1, zos 10 lênhx trâul tuôs mak zuôr muôx 10 lênhx txơưr đuô tuôx hlôngr. Pêz muk muôx 11 lênhx mak 9 lênhx tâu tas siv nênhx. Thiêz cur xar heik trâu chor tuz lênhv đros cur tir ntâuk tros châuz li nju đuôz njux plis tiêk, sơưr đơưk tror tis lok seiz njiê Điện Biên têx hlôngr yiêz, vav mênhx nhiv no. Tsôngv pêx xênhv sơưr đơưk tuôx ndis seiz trôngz A1 tsuv ndo njôngr, trôngz A1 no muôx yênhx puô, yênhx cxênhz lênhx tuz lênhv tưz tâu tas siv nênhx viv tsưx phưv têz qơưk chiê sơưr đơưk muôx luz nênhx truôx tuk, tsâu sor”.

            Nền bài hát Điệu xòe thương nhau...

           70 shông thâuv ntêx, qơư tir ntâuk tros châuz Điện Biên Phủ tsuôk zos iz thax tsav por tox đo, kror tưs cux pov kơưx kênhk viv bôngk, hôngz poz tuô; cxiê qơư muôk txưr, triêv fov, bôngk, hôngz poz tơưs sư niêz. Nhiv no, suôv qơư co tưz yênhx iz đrôngs huôv tsar xưk luôs 2 chas thax tsav, taz sik cux tsênhv tuôr thiêz por hưv tâu tsês têx qơư di tích thâuv ntu tir ntâuk tros châuz. Têx cêr lịch sử, chiv nhênhv ntơư uô trâu sơưr đơưk ndo njôngr chiê xưk li iz cêr choz kriê cxênhx hluôk xênhz thiêz hloz lox hâur ntu têz qơưk tiêx tuk ndo njôngr txos chor lâul thâuv ntêx têx tsiêx njis, côngk đas jos tsưx phưv, cxiv tsa têz qơưk truôx tuk, vav mênhx./.

Vũ Lợi-Riê Lâux cxeik, nhênhv

Điện Biên, đhâu 70 shông ntâuk zênhx tros châuz

          Nhạc giải phóng…

          Đhâu shông 1954 thâuv jiês tsav txênhz tir ntâuk tros châuz Pháp, Điện Biên qir hla trâu ntu cxuôv yeiz thiv pluôk, cxiv kho têz qơưk. Tror ndo txos ntu Điện Biên Phủ têx hnuz xuz thơưx nhiv kruôr tâu tiêx tul, zơưv Vũ Văn Kiệm, tsôngv box nhoz phường Mường Thanh, TP Điện Biên Phủ pheiz kênh: “Thâuv co tsuôk muôx 3,4 luz tsêr, txix pêv trôngz A1 txos jê tsênhv qơư ciêz tsi muôx luz chiz coaz tưs hlo. Điện Biên Phủ tâu tiêx tul tsôngv box luz nênhx tsênhv lok six yeiz pluôk, tiv zix zos tsôngv box mênhx cxưx, iz hnuz nox 2 pluôk cux tsi tsâu plaz”

          Cux hâur ntu co, đros khẩu hiệu “Seiz Tây Bắc zos zuk li têz qơưk” ntâu cán bộ, chiến sĩ Điện Biên, hluôk nênhs yungz phongz, dân công hỏa tuyến cux tưz tror muk kuz têz qơư chox pox niêv, tuz nhuôk tuôx Điện Biên sik côngv siêz đros tsôngv box têx mênhx cxưx Điện Biên cxiv kho têz qơưk, qơư mak lơưr tưz sir tas đas jos trox nya tơưv txênhz chiê têz qơưk tâu tiêx tul.

          Thâuv têz qơưk tâu tiêx tul, tsôngv box luz nênhx njiz lok six ntâu phêv liv. Mênhv chêx chos blêx liêx muôx tsi ntâu viv tsôngv box muôx cêr cor cav chos blêx têz, ntâu mênhv chêx nhoz niêv tiêx Mường Thanh phênhv ntâu zos chiê tso tsiêx cxu, tsi tâu huôv tsar uô kôngz nuv lok sik huôv tsar uô mê, chêx cuk tsi siêz, tsiv grê kinh têr kis, tsôngv box luz nênhx muôx txos 90% zos trâus yeiz. Txix qênhx shênhx co, Đangv, têz qơưk muôx chủ trương nhênhz chơưv, seiz car thiêz cuiz tênhv yưv pênhr cxiv tsa côngz tsinhx tso đêx Nậm Rốm chiê paz tsôngv box krêz phaz, tsêz chos blêx sâuv đras liêx Mường Thanh. Côngz tsinhx tưz gôngr phênhv taz por cungz đêx zưs thiêz huôv tsar yênhx đras liêx Mường Thanh lox đar, muôx tsiv grê kinh têr siêz, uô muôx trus hlôngr yiêz jông lok kôngz nuv, uô cxur Điện Biên kaz nto bê tas nro têz qơưk. Zơưv Trần Công Chính, Chủ tịch Hội hluôk nênhs yungz phongz tỉnh Điện Biên heik: “Khov muôx đêx txix côngz tsinhx Nậm Rốm zưs trâu đras liêx Mường Thanh, tsôngv box huôv tsar uô kôngz nuv jông đuô. Thâuv ntêx tsi muôx côngz tsinhx đêx liv no, tsôngv box tso ar têz tsês tsi uô, yênhx cxênhz hecta ar taz sik nhiv no txơưv 5 txos 10 yiv pox nhuôk cux chos blêx tas tas. No cux zos tsôngv box li iz hlôngr yiêz jông lok siêz xar tsưr ziv uô hâur huôv tsar kôngz nuv”.

          Đros car chêx cêr yeiz pluôs, Đảng bộ, chính quyênx thiêz tsôngv box têx mênhx cxưx tỉnh Điện Biên cux chêx chôngk cxiv kho niêv đrôngs đhâu ntu trâus bôngk ruôr hiêv. Txix têx qơư tsav txênhz trâus ruôr hiêv hnhar, đros TW li paz max, Điện Biên tưz chêx chôngk tror cxiv kho đuô thiêz sir jos yênhx niêv đrôngs huôv tsar, hlôngr yiêz li nhiv no.

          Ntơưv phêv ziv côngz fur njuôs xav tỉnh Điện Biên, ntu 2021-2030, ndar txos shông 2050 nhiv kruôr tsưr tsix hâur hli 3, tỉnh Điện Biên cux tso pov tsênhz mênhx txix nhiv no txos shông 2030 tiv phaz zuôr tâu njuôs xav yênhx iz hâur têx tsênhv qơư ju lix, jix vuv, y tế hâur thax tsav, seiz hâux lưv yưv pênhr cxuô zav, uô zaoz thôngz muk lok zos trus uô ntêx hlôngr yiêz. Zơưv Lê Thành Đô, Chủ tịch UB tỉnh Điện Biên khav tenhv: “ Hâur ntu zuôr txos, lênhs tov tỉnh zuôr sir jos, hlôngr yiêz, xar tơưv, truôx siêz đuô thiêz lênhs tov, chox kriê lơưr chinhz yênhx chuv tôngv, sei đrơưv, sir jos hla đhâu cxuô phêv liv, truôx siêz cxiv tsa thiêz huôv tsar tỉnh Điện biên yênhx tỉnh huôv tsar jông hâur thax tsav”.

          Cux ntơưv jiês côngz fur njuôs xav tỉnh Điện Biên, Phưv thủ tướng chính phuv Trần Hồng Hà xar tiêk: đhâu 70 shông ntâuk zênhx Điện Biên Phuv, tas nro ntiêx têz pâuz txos, Đảng bộ, chính quyênx tỉnh Điện Biên tsuv tror tuôr truôx siêz txơưv haox, sir jos sik côngv siêz tas nro tsôngv box chêx chôngk chox Điện Biên yênhx qơư chi cax lul lok hlôngr yiêz jông nhoz faz Tây têz qơưk. “Tsuv tsov cưv sik côngv, phuôx huiz têx thax tsav hâur tỉnh li têx muôx jông nhoz ntơưv qơư, tiv zix zos zaoz thôngz, năng lượng, hạ tầng số, cxix luôk y tế, zaoz zux, vênhx huôv thiêz txix co zaz zâuv yưv pênhr, tiv zix zos têx dự án zov chênhr, coaz tsôngv…phưx vưv trâu tsưr ziv jênhv vưv tâu tso tơưv hâur tỉnh li njuôs xav cux xưk li Nghị quyết 11 li njuôs xav, zos njuôs xav têx tỉnh thax tsav tox siêz faz Bắc”.

          Nền nhạc…

          Điện Biên tsi taz zos thax tsav cơưx mênhv reik đros jiês ntâuk zênhx lix xưv Điện Biên Phuv nto bê tas nro ntiêx têz mak tsênhv zos tỉnh muôx ntâu têx jông nhoz thax tsav chiê huôv tsar kinh têr, tiv zix zos ju lix, vênhx huôv…Phuôx huiz têx co, cấp ủy, chính quyênx thiêz tsôngv box têx mênhx cxưx tỉnh Điện Biên tsênhv sir jos hâur yênhx hnuz, khưx phưx têx phêv liv, cxiv tsa chiê Điện Biên huôv tsar truôx vênhs hâur ntu zuôr txos./.

Lợi,Hạnh-Txâur Vax cxeik nhênhv