Muôx ntâu tsưr ziv tsoz phưz chor nhuôs zâu nhoz Lai Châu

Tsưr ziv “Vax jâuz hur trâu chor nhuôs” tâu Zênhx Pênhz phax Huổi Luông kriz uô txix hli 9 tsêiz no. Tsưr ziv no tâu uô txix tsênhv tsênhz muôx chor shux xênhz nhoz hâur tsêr cơưv Cxênhx iz thiêz Cxênhx oz niêv txir zus mor sâuv thax tsav muôx chôngz lênhx thiêz hâur pluôs nox yênhx hnuz muôx tsik txâuk chor jâuz chiê nox. Txos thâuv kaz ciêz, chor chiến sĩ sik đros uô ar, chos jâuz thiêz tu têx jâuz chiê paz muôx jâuz trâu chor tsêr cơưv ntơưr.

Chor vax jâuz njuôz jông tâu uô txix chor tuz lênhv hluôk nhoz ntux đriv li oz cxêik têk. Chor jâuz li jâuz krưr lok zos jâuz poz, jâuz njuôz, jâuz muống… khov trâu chêix chiv, txos chêix tưs mak uô têx zav jâuz co lok six njuôz jông. Đhâu thâuv sâu, tas nro chor jâuz tâu chor chiến sĩ muôz paz trâu chor tsêr cơưv ntơưr. 6 chêix tưz đhâu, yênhx tấn jâuz njuôz sâu tâu tưz phênhv tưs paz hlôngr yiêz đuô chor pluôs nox trâu chor shux xênhz. Cưk kriê Đỗ Thị Thu Hà, Tsêr cơưv Phôv thôngz Mênhx cxưx niêv txir zus mor Cxênhx oz Huổi Luông, huyện Phong Thổ, tỉnh Lai Châu hêik: Tsôngv box cxuô mênhx cxưx sâuv thax tsav luz nênhx nhiv no tsênhv yuôr ntâu txov nhêv. Têz qơưk têx phênhv paz lok pluôs nox trâu chor shux xênhz oz pêz shông lok no tsik txâuk tiv gri têx hax huv chuôz ndê, viv li bôv đôiv pênhz phax chor jâuz paz trâu têx tsêr cơưv ntơưr, tưz paz gra siêz đuô tsơưr lươngv pluôs nox trâu chor shux xênhz:“Tsêr cơưv Phôv thôngz Mênhx cxưx niêv txir zus mor Cxênhx oz Huổi Luông muôx 326 shux xênhz nhoz hâur tsêr cơưv niêv txir zus mor lok six chôngz. Tsêr cơưv cux tưz tsưr tsix trâu chor nhuôs têx tsưr ziv chiê chos jâuz, taz sik cux tsik tâu txâuk trâu chor pluôs nox yênhx hnuz. Viv li tsêr cơưv cux tsuv zuôr nzir txix ntơưv têx ciêz thiêz jê no chor bôv đôiv tưz paz jâuz trâu chor tsêr cơưv ntơưr. Chor jâuz no cux tưz paz txo grêk tsơưs nhiêx txiêx trâu chor nhuôs thiêz txix co cux tưz paz trâu pluôs nox yênhx hnuz muôxx ntâu zav đuô”.

Tsưr ziv“Vax jâuz hur trâu chor nhuôs” ntơưv xar ntus đriv Huổi Luông, huyện Phong Thổ zos iz kror hêik tơưv ntâu sik côngv jông nhoz quân thiêz pêx xênhv ntơưv thax tsav ntus đriv. Txos chor hnuz kaz ciêz lok sik tsik thâuv tsik cơưv ntơưr, tsêr cơưv tsưr tsix trâu shux xênhz muk sêiz shuôk Zênhx Pênhx phax. Ntơưv no, shux xênhz ho đros chor bôv đôiv chos jâuz, cơưv tsưr ziv uô nênhx, paz trâu chor nhuôs txơưx uô nênhx, muôx txơưx jênhv thiêz pâuz tsênhz đuô txos jênhv vưv por vêv ntus đriv têz qơưk. Nguyễn Thị Thu Hương, shux xênhz Tsêr cơưv Phôv thôngz Mênhx cxưx niêv txir zus mor Tsêr cơưv Cxênhx oz Huổi Luông hêik:“Pêz uô tsâus ntâu txos chor bôv đôiv tưz paz jâuz trâu pêz chiê pêz muôx tâu pluôs nox kaz đuô. Thiêz pêz cux tâu muk ndis shuôk lơưr têx tsưr ziv chos jâuz. Pêz pov chor bôv đôiv lok six gruôs, txơưx uô thiêz paz trâu pêz cơưv shâuv tâu ntâu kror hâur luz nênhx”.

Xar ntus đriv Huổi Luông, huyện Phong Thổ, tỉnh Lai Châu zos thax tsav muôx ntâu tsôngv box mênhx cxưx thiêz phênhv ntâu zos tsôngv box mênhx cxưx tsơưs nênhs luz nênhx tsênhv txov nhêv. Nhiv no chor tsêr cơưv ntơưr sâuv thax tsav muôx 700 ntâu lênhx shux xênhz tâu tsêr cơưv ntơưr paz pluôs nox nhoz hâur tsêr cơưv niêv txir zus mor, hâur co tsêr cơưv Cxênhx oz thiêz Cxênhx iz muôx 500 ntâu lênhx shux xênhz nhoz hâur tsêr cơưv niêv txir zus mor. Kror tâu chor Zênhx Pênhz phax Huổi Luông paz têx jâuz nox tưz paz trâu chor tsêr cơưv ntơưr txo grêk tsơưs nhiêx txiêx, hlôngr yiêz đuô pluôs nox trâu chor shux xênhz. Đại úy Phan Thành Nam, Chính trị viên phưv Zênhx Pênhz phax Huổi Luông, huyện Phong Thổ puz pâuz:“Txos nhiv no tsưr ziv “Vax jâuz hur trâu chor nhuôs” tưz sâu tâu muôx 5 chiv chiê muôz paz trâu chor shux xênhz têx tsêr cơưv ntơưr sâuv thax tsav. Đhâu tsưr ziv no tưz paz hêik tơưv tâu têx kror jông lok  chor bôv đôiv pênhz phax, cux li chor hluôk nênhs chiê uô truôx jông đuô sik côngv quân thiêz pêx xênhv. Hâur ntu zuôr txos chi đoàn Zênhx zuôr tror kriz uô nzir tsưr ziv no sâuv thax tsav chiê muôx nzir ntâu jâuz njuôz paz trâu chor shux xênhz”.

Txix tsưr ziv “Vax jâuz hur trâu chor nhuôs” nhoz Zênhx Pênhz phax Huổi Luông, nhiv no, chor pênhz phax tưz sik côngv uô ntơưv ntâu jêx jok trơưk thax tsav ntus đriv Lai Châu. Chor tuz lênhv pênhz phax li hâux lưv uô tsênhv tsênhz thiêz muôx tsiv gri no tsênhv đros đrêiv nganhx zoz zux, cơ quan muôx vax huôv thiêz chinhr quyền thax tsav qơư sir jos paz trâu chor nhuôs tuôx cơưv ntơưr, cov tov ntêx no muôx tâu iz luz nênhx jông đuô.

Tsaz yênhx mênhx cxưx thiêz huôv tsar hnuz no tsuôk xâuk li no xưz. Thor phôngv tsôngv box, sơưr đơưk nhoz jông thiêz mav njiz đuô tsôngv box, sơưr đơưk trâu chor tsaz yênhx tov ntêx no./.

VOV4-Lik Thox cxêik nhênhv

Chiê sơưv nhiêx shar so lâuk siêz, nênhs lox tôngv thor gôngr BHXH siêz pok tâu?

Chiê sơưv nhiêx shar so lâuk siêz nênhs lox tôngv thor gôngr BHXH siêz pok tâu?

          Nhiêx shar so lâuk gôngr BHXH zuôr trâus tâu cui tênhv ntơưv Grê 89, Chei BHXH 2014- tsênhz mênhx li đrav kaz:

1.Nênhs lox tôngv zos têx lênhx nênhs uô chế độ nhiêx shar zos têz qơưk cui tênhv mak nhiêx shar gôngr BHXH zos nhiêx shar lơưr ngạch, bậc, cấp bậc quân hàm thiêz têx phênhv paz lok hâux lưv uô, lok shông uô hâux lưv…(zos muôx).

2.Đros nênhs lox tôngv gôngr BHXH lơưr chế độ nhiêx shar zos nênhs sir zôngv lox tôngv cuiz tênhv mak nhiêx shar yênhx hli gôngr BHXH zos phênhv nhiêx shar thiêz phênhv paz nhiêx shar lơưr pháp luật li cui tênhv lok lox tôngv.

Txix hnuz xiêz 1/1/2018 tror muk, nhiêx shar yênhx hli gôngr BHXH zos phênhv nhiêx shar, phênhv paz nhiêx shar thiêz têx phênhv cxaz nzir txơưr lơưr pháp luật li cui tênhv lok lox tôngv.

-Zos nhiêx shar yênhx hli cui tênhv ntơưv khoản 1 thiêz khoản Grê no siêz đuô 20 jiês nhiêx shar cơ sở mak nhiêx shar yênhx hli gôngr BHXH bâuv 20 jiês phênhv nhiêx shar cơ sở.

Đros co, Bộ lox tôngv thương binh thiêz xã hội li khoản 2 Grê 30 thông tư 59 shông 2015 tâu kho đuô txix khoản 26 Grê 1 thông tư 06 shông 2021 cux heik kriê nhiêx shar yênhx hli zos hâur pâus nênhs lox tôngv  gôngr BHXH zuôr trâus muôx:

- Phênhv nhiêx shar lơưr côngz xưgv uô lok sik hâux lưv uô tâu heik hâur hôx thôngx lox tôngv.

- Têx phênhv paz nhiêx shar chiê cxaz nzir lok theox chênhv lox tôngv, côngz xưv uô, qơư xênhz huôx, lok zaz zâuv nênhs lox tôngv mak phênhv nhiêx shar thôngx ziv hâur hôx thôngx tsi tâu xav txos lok sịk xav tsi tâu cxix cxuô.

- Têx phênhv cxaz nzir xav tenhv tâu chor nhiêx txiêx tsênhz mênhx thiêz thêv yax six đros phênhv nhiêx shar tâu thôngx zav hâur hôx thôngx lox tôngv hâur yênhx jiês thêv nhiêx shar.

Li ntơưv, hâux lưv chiê sơưv nhiêx shar so lâuk siêz nênhs lox tôngv thor gôngr BHXH siêz mak tsi tâu. Viv, têx saz tsuôk tâu gôngr BHXH tsov lơưr têx phênhv nhiêx txiêx tưz thôngx ziv tsênhz mênhx hâur hôx thôngx lox tôngv, tsi chiv chir xeir gôngr BHXH đros phênhv nhiêx shar siêz đuô.

Cxaz chuôz BHXH zuôr trâus zuôr tâu sơưv têx chế độ tưs?

Ntơưv Grê 4 Chei BHXH 2014 muôx cui tênhv 05 chế độ thâuv cxaz chuôz BHXH zuôr trâus li đrav kaz:

-Chế độ moz gênhs;

-Chế độ xênhz zus nhuôk;

-Chế độ txiêz nanv lox tôngv, moz tiv hâux lưv uô;

-Chế độ so lâuk;

-Chế độ paz txưv nênhs cxênhz jê thâuv nênhs gôngr BHXH tâu tas siv nênhx./.

Thu Thùy-Txâur Vax cxeik nhênhv