Kriê chor nênhs chiv zênhk zênhz cơưv shâuv uô hâux lưv: paz lơưr tror đros côngv thôngx uô nênhx jông

Muôx ntu tưz muôx tâu iz chuôz thênhx shir phaz đros trâu nưk pox niêv siêz jông thiêz 2 tul mê nhuôk mnôngs luk nhoz thax tsav 6, thị trấn Than Uyên, tỉnh Lai Châu, têx hnuz tsi muôx hâux lưv uô, tix lâuk Phan Văn H tưz trâus fôngx zưs hâuz zâuv hâuk zax zênhz, hâuk cov jông iz fâuv li chor fôngx zưs. Tix lâuk H tsi pâuz muôx zênhk txix pok thâuv tưs. Jux jus tsi yênhx nênhs thiêz đhâu têx jiês muôx zênhk zênhz, tix lâuk H tưz uô pos zơưs, pox niêv tsuv muôs tas têx chuôz zênhx muôx tsiv grê hâur tsêr chiê chox muk chơưv kho, taz sik cux tsi jông.

          Hli 10/2024, tix lâuk H tâu chox muk qơư chiv zênhk zax zênhz tỉnh Lai Châu, thâuv chuôk li tsi pâuz uô tul tsi thiêz. Taz sik đhâu têx hnuz txiêr tâu zênhk zênhz, tix lâuk shưv jux jus đros têx chuôv cơưv shâuv hâux lưv uô xuz thơưx. Txơưx tuôr chiêx, xor tôngx chiê uô điện tưv, tix lâuk H thiêx li jênhv pov zuk cux zuôr nriêr tâu hâux lưv uô đhâu thâuv chiv zênhk zênhz yênhx côngz:“Hâur ntu cơưv shâuv cur tưz tâu cán bộ công an thiêz cán bộ kỹ thuật nhoz công ty tuôx heik kriê jông. Cur pov hâux lưv no lok six huv đros thiêz cur. Cur zuôr sir jos cơưv shâuv chiê tov kaz no tror lok tsêr, đros côngv thôngx nhoz uô nênhx cur zuôr muôx tâu iz hâux lưv uô”.

          Chiê học viên thâuv chiv zênhk zênhs tâu tror lok tsêr muôx hâux lưv uô thiêz muôx phênhv sâu tuôx, uô ntêx thâuv krêz têx lớp lox tôngv kho moz thiêz cơưv shâuv hâux lưv uô, qơư chiv zênhk zênhz tỉnh Lai Châu tưz seiz shuôk, sâu zuôr yênhx học viên li ziv chênhv. Viv li, lớp kriê hâux lưv uô tâu krêz taz por huv đros yênhx học viên li hnuz nhôngs, zoz qơưx thâuv tâu tror lok đros côngv thôngx nhoz uô nênhx.

          Ntơưv qar cơưv shâuv hâux lưv uô, qơư chiv zênhk zênhz tỉnh Lai Châu têx hnuz no puôr lênhx tsês 5 six hơưv iz hnuz chiê 130 lênhx học viên tuôx cơưv shâuv hâux lưv uô. Chêx chôngk cơưv shâuv, đros cán bộ kỹ thuật tuôx txix Công ty CP chuôz zênhx điện tử Vcoils Hà Nội li sir jos heik kriê. Tix lâuk Dương Văn Huy, cán bộ kỹ thuật, Công ty CP chuôz zênhx điện tử Vcoils Hà Nội puz pâuz:“Cur tâu công ty pheiz côngz tuôx kriê kỹ thuật trâu học viên chiê tsiv uô chuôz zênhx điện tử. Hâur ntu kriê trâu học viên chiv zênhk zênhz, cur pov lơưr cơưv shâuv sei thiêz uô tâu têx xiv huv tax zoz qơưx”

          Qơư chiv zênhk zax zênhz tỉnh Lai Châu tâu pheiz txix Sở lox tôngv thương binh thiêz xã hội trâu Công an tỉnh Lai Châu seiz car txix kaz hli 2/2025 thiêz txos nhiv no tsênhv muôx 238 lênhx học viên. Hâux lưv thox cxov hâux lưv uô trâu học viên chiv zênhk zênhz nhoz hâur tsưr ziv kho moz, cơưv shâuv hâux lưv uô chiê học viên bax trâu hâux lưv tror lok đros côngv thôngx uô nênhx. Lớp kriê tsiv uô chuôz zênhx điện tử tsênhv huôx tôngv cux zưs lớp xuz thơưx tâu Qơư chiv zênhk zax zênhz tỉnh Lai Châu cir đros Công ty CP chuôz zênhx điện tử Vcoils Hà Nội thiêz qir uô txix hli 3 nhiv kruôr đhâu.

          Thôngz sâu txix chiz coaz muôx txơưx jênhv tỉnh Lai Châu, txos tas shông 2024, tas nro tỉnh Lai Châu muôx 5 cxênhz 700 ntâu lênhx nênhs muôx zênhk zax zênhz, hâur co muôx 2 cxênhz 500 ntâu lênhx muôx zênhk zax zênhz, 859 lênhx sir zôngv tsi trơưk chei zax zênhz... Học viên tror muôx zênhk zênhz tâu cơưv shâuv hâux lưv uô đhâu thâuv chiv zênhk zax zênhz tror lok đros côngv thôngx uô nênhx txu grês ntâu. Hâux lưv co tso pov, đrâuv hâux lưv chiv zênhk zênhz, bax tsưr ziv pênhr xưv uô hâux lưv zos tsưr ziv uô tsênhv tsênhz thiêz jông, paz têx lênhx nênhs no tror sir jos uô đuô luz nênhx yiêz thâuv chiv zênhk zênhz yênhx côngz. Thiếu tá Bùi Văn Tường, Tsar qơư chiv zênhk zênhz, Phongx cảnh sát qênhz yuôx nênhs phamv cxâuv lok zax zênhz, Công an tỉnh Lai Châu puz pâuz:“Hâux lưv thox cxov hâux lưv uô nhoz hâur tsưr ziv chiv zênhk zênhz, zos ntu tiv 3, đros njiêz luv heik kriê hâux lưv uô trâu học viên. Tov kaz no thâuv tror lok đros côngv thôngx uô nênhx mak học viên cux zuôr nriêr tâu hâux lưv uô thiêz muôx phênhv sâu cxơưx trâu luz nênhx”.

          Kriê cơưv uô hâux lưv, tsi taz zos tsưr ziv paz lênhx nênhs chiv zênhk zênhz muôx hâux lưv uô thiêz tsênhv zos qơư paz lơưr njênhs njôngr đuô lok zuk luz nênhs đros chuôz zis. Ntơưv Lai Châu, têx lớp kriê hâux lưv uô nhoz têx qơư chiv zênhk zênhz tưz paz tâu têx lênhx nênhs muôx ntu muk zuôv cêr tror truôx siêz đros côngv thôngx uô nênhx, yênhx lênhx nênhs muôx liv trâu xã hội./.

                                                                                                     Khắc Kiên-Txâur Vax cxeik nhênhv

10 shông tsoz chos ntông nox txir tưz vor têx liêx têz nxaz Sơn La

Hâur ntu 2015-2020, Sơn La tsênhv njiz trâus ntâu phiv liv, kinh tế huôv tsar tsi truôx, tsênhv tsi tâu muôx cxix cxuô tsar zav, chuôz zis pluôs ntâu, têx liêx têz phênhv ntâu nxaz tox, tsoz chos niêx shông zos blêx, poz cưk, kok ntông, sâu tsi tâu nju; iz chuôs zis, iz lênhs lav uô iz kro mê njik, tsi huôv tsar uô ntâu; iz chas co cux tsi yuô muôx pênhr uô nox, têx kôngz uô tâu cux tsi yuô muôx nênhs zuôr.....

Tỉnh Sơn La tưz bax nhênhz chơưv, nzaz nzơưv Đảng, têz qơưk têx tsưr ziv, tsênhv chei paz; txix ntơư  tso tơưv ntâu tsưr ziv, chei paz huôv tsar uô kôngz, cxiv tsa qơư nhoz, zênhx max đơưk têx phiv liv. Hâur co lar heik zos Suô luk sôr 121 hnuz 30/11/2015 lok iz cxiê tsưr ziv chos tsoz chos nox txir sâuv ar têz nxaz txos shông 2020; đros thiêz hâux lưv sir jos muôz chor liêx têz nxaz uô blêx, chos poz cưk, kok ntông hlôngr chos tsoz chos nox txir; iz chas ntơư, xav tinhv co zos tas nro cxix luôs chính trị txix tỉnh txos ntơưv qơư hâux lưv zov chênhr. Zơưv Hoàng Văn Chất, kuz Bí thư Tỉnh ủy Sơn La heik:“Hâur 10 shông thâuv ntêx, Tỉnh ủy tưz xeir tsưr ziv huôv tsar uô kôngz trơưk công nghệ siêz thiêz chos tsoz chos nox txir sâuv ar têz nxaz zos huv đros tsênhv tsênhz hâur thax tsav tỉnh.... Xuz thơưx tỉnh tưz uô tâu yênhx côngz, taz sik vênhv tôngv cxuô chuôz zis sir jos huôv tsar uô kôngz txix nhiêk uô trâu nhiêk nox yênhx uô ntâu muôs zos lok six zov chênhr; muôs tâu ntâu têx txir ntông hâur ciêz đrôngs, reik đros jux juk cxuz cêr yeiz pluôs, cxiv tsa luz nênhx truôx tuk, huôv tsar uô bluô nux sâuv chênhr thax tsav qơư mak ntâu lênhx hâu nov tưz tas ntâu côngz đas jos, tsưr ziv cxiv tsa”.

Txos nhiv no, Sơn La zos tỉnh muôx liêx têz chos ntâu tsoz chos nox txir đuô hur si hâur faz Bắc, xav tas nro chor têz ntông nox txir thiêz txir tuôz ziz zos 85 cxênhz ntâu ha, shông 2025 njuôk xav sâu đê tâu 510 cxênhz tênhr, kror đruôz đraz iz ha zuôr tâu txix 150-300 tsov đeiv iz shông; iz cxiê thax tsav, qơư huôv tsar chos tâu ntâu, tu jông muôx têx tax 400-500 tsov đeiv iz ha, pir li shông 2016 tưz tâu gri đuô lok six ntâu.

Thax tsav muôx 200 ntâu zav txir shôngz txir ntông đros thiêz xav hur si liêx têz chos muôx 4.500 ha; 335 doanh nghiệp, HTX chos 9 cxênhz ntâu ha tsoz chos nox txir; yênhx cxênhz ha têz tsoz chos li heik sâuv đhok uô tâu qơư zưs đêx, tâu côngk nhav uô tâu trơưk cui tinhv; 14 xiv huv tâu Cục sở hữu trí tuệ muôz ntơưr côngk nhav por hưv; 8 thax tsav uô lơưr tsưr ziv yiêz trâu tsoz chos; zuôr xar 60 xiv huv txir ntông tâu côngk nhav OCOP..... Jux juk cxiv tsa, muôx suôz bê hâur ciêz đrôngs têz qơưk thiêz sâuv ntiêx têz, txix shông 2017-2025, Sơn La tưz muôs 158 cxênhz ntâu tênhr txir ntông trâu ciêz đrôngs 15 luz têz qơưk, hâur co muôx ntâu ciêz đrôngs lox li: Nhật, Úc, Pháp, Anh thiêz iz cxiê têz qơưk Liên minh châu Âu txơưr đuô. Zơưv Nguyễn Xuân Cường, Kuz ủy viên BCH T.Ư Đảng, kuz Bộ trưởng Bộ Kôngz nuv thiêz huôv tsar tox siêz ntâuk grê:“Xuz thơưx tsuv côngk nhav tỉnh Sơn La uô tâu jông, đhâu 10 shông tưz hlôngr yiêz ntâu, txix têx côngz trênhx, cêr huôv tsar uô nox, tsôngv pêx xênhv luz nênhx xênhz huôx. Thâuv ntêx, tsi yuô muôx lênhx nênhs pâuz txos Sơn La, nhiv no heik txos kôngz nuv công nghệ siêz zos heik txos Sơn La. Sơn La têx luôs hâux lưv uô tâu tsênhv nthuôr đêz đar txos trâu 2 chas thax tsav cơưv shâuv, uô trơưk”.

Zơưv Hoàng Quốc Khánh, Bí thư Tỉnh ủy Sơn La heik pâuz, ntơưv qơư zuôr fuô uô ntâu tsưr ziv chiê tror huôv tsar tsoz chos nox txir truôx tuk, gra siêz suôz bê, gri muôs hâur ntu zuôr txos. Hâur co, cxơưz cxiz huôv tsar tsoz chos nox txir truôx tuk, hur jông; tror cxiv tsa thiêz huôv tsar têx thax tsav chos ntâu; tror muôx nhiêx txiêx paz phưx vưv huôv tsar uô nox, por hưv, tsiv uô têx xiv huv:“Tỉnh zuôr tror nhênhz chơưv, tso tơưv iz cxiê tsênhv chei cxơưz cxiz huôv tsar uô nox, zuôr muôs têx txir ntông hâur thax tsav tỉnh; huôv tsar công nghiệp tsiv uô xiv huv, tsov cưv paz max tỉnh chor txir ntông hur jông muôs trâu 2 chas thax tsav, têz qơưk đrâuv; gra siêz chor tuz luôv, têx qơư sik hux jos hâux lưv uô, cxơưz cxiz zuôr muôs xiv huv truôx tuk đhâu ntâu qơư, ntâu thax tsav”./.

                                                                                                   VOVTB-Riê Lâux cxeik, nhênhv