Lào Cai: Tsuv chuôz tsar seiz car, yưr lir hâux lưv ntor luôx jôngr chiê chos ciêv Fix

  Quơs qênhz jôngr thax tsav Bảo Nhai, huyện Bắc Hà, tỉnh Lào Cai muôx 5 lênhx cán bộ, taz sik ho sêiz car 3.000 hecta jôngr sâuv thax tsav tsik zôngx ziv muk lok tâu. Liv zôngv têx phiv liv co, muôx tsi tsơưs lênhx nênhs tưz nhiês chos ciêv fix hâur ar jôngr. Thâuv muôx chiz coaz muôx txơưx jênhv tuôx yax kriê têx cui tênhv chei sêiz car jôngr cux njiz trâus têx phêv liv. Zơưv Bùi Văn Long, Trạm tsar Trạm qênhz jôngr thax tsav no puz pâuz:"Thâuv pêz uô jênhv vưv, muk njiz ciês tsôngv box mak lơưr muôx têx lo luk chêv lưx lươngv uô zênhr shar txos hâux lưv ruôr por tsês tsoz ciêv fix chos tsi trơưk chei hâur têx jôngr txưr".

          Txix hâur shôngk shông 2020 txos nhiv no, huyện Bắc Hà tưz xưv bluô 80 lênhx nênhs uô cxâuv chêi chos têx ciêv fix thiêz ntor por tsês 30 hecta tsoz ciêv fix tâu chos tsi trơưk chei hâur har jôngr. Hâur co, muôx têx lênhx nênhs uô cxâuv hnhar trâus tik cêr cxâuv. Taz sik, hâux lưv nhiês ntor luôx jôngr chiê chos ciêv fix cux tsi tâu tso tsês. Zơưv Trần Văn Chuyên, Phưv Hạt tsar Hạt qênhz jôngr huyện Bắc Hà puz pâuz:"Tsôngv box mênhx cxưx tsơưs nênhs nhoz no li jênhv pâuz tsênhv kis, tiv oz zos tsoz ciêv fix li liv zix chox lok tsênhv muôs tâu grê siêz. Viv li, txơưv tâu yax mông, vênhv tôngv taz sik pox nhuôs cux cxoz txưv uô cxâuv cêr chei"

          Lơưr zơưv Đặng Xuân Phương, Chủ tịch UB xã Nậm Đét- tiv phaz tâu seiz zos qơư chos ntâu ciêv fix tiv zix nhoz Bắc Hà, tiv zix zos ntu 2019-2020 sâuv thax tsav muôx txuz ntor luôx 20 hecta ntâu jôngr chiê nhiês chos ciêv fix. Txos nhiv no, qênhx shênhx  co tưz tâu sêiz car truôx, taz sik cux tsênhv njiz trâus têx phiv liv. Hâur co iz phênhv zos tiv cêr cor cav tsêz chos  txix nzor lok, iz phênhv zos tiv hâux lưv choz ar tsênhv muôx têx tsi tâu huv đros:        "Pêz cux sik côngv đros Ban sêiz car jôngr thiêz Hạt qênhz jôngr chiê tror qênhz yuôx têx qơư tsôngv box cxoz txưv ntor luôx jôngr. Thôngx cxix, tror yax mông, vênhv tôngv tsôngv box tsik luôx ntor jôngr,  seiz car truôx jôngr ntông, choz trâu yênhx lênhx nênhs sêiz car, thâuv co thiêx uô jông đuô hâux lưv sêiz car jôngr"

          Đros ntơư, iz cxiê huyện nhoz thax tsav tỉnh Lào Cai- cux muôx yưv chor nênhs nhiês chos ciêv fix tsik trơưk chêi trâu hâur têx har jôngr li hêik sâu. Têx hâux lưv txênhz ar jôngr chiê chos ciêv fix tsênhv uô zênhr shar txos têx har jôngr txưr. Zos tsi tâu xưv bluô txos qơư zuôr uô ruôr hiêv txos trôngz jôngr ntông tiv qênhx shênhx ntor luôx jôngr. Viv li, têx côngz xưv muôx lênhx coaz txos sêiz car, tsưx phưv jôngr tsuv uô cov tâu truôx, tsik chiê têx jôngr ntông trâus ruôr hiêv./.

An Kiên- Txâur Vax cxeik nhênhv

Sir jos uô têz qơưk luôs hâux lưv seiz car têx fuôx gox thiêz lênhx nênhs tsar fuôx gox muk lol hâur thax tsav

Hâur ntu đhâu, chor cơ quan, taz viv thiêz ntơưv qơư hâur tỉnh Sơn La tưz sir jos chox kriê, fuô uô jông têx tsưr ziv taz por truôx tuk zoz thôngz, lar heik zos truôx zoz thôngz cêrd dêx hâur thax tsav qơư. Taz sik, têx fuôx gox, lênhx nênhs tsar fuôx gox muôx tsi txâuk têx ntâuz ntơưr uz no tsi trơưk chei têz qơưk cui tinhv muk lol tsênhv ntâu, zôngx ziv uô tsi truôx tuk zoz thôngz sâuv cêr đêx. Chiê tror sir jos uô hâux lưv taz por truôx tuk zoz thôngz cêr đêx hâur thax tsav, hnuz xiêz 07/10/2022, Chủ tịch Ủy ban tỉnh tso tơưv ntâuz ntơưr sôr 3861 heik:

Công an tỉnh: Sir jos uô luôs hâux lưv yax mông, kriê têz qơưk chei zoz thôngz cêr đêx sâuv thax tsav thiêz têx cui tinhv chei têz qơưk lol taz por truôx tuk zoz thôngz cêr đêx; chox kriê lưv lươngv Cánh sát zoz thôngz cêr đêx, Công an chor huyện sir jos uô hâux lưv qênhz yuôx, qênhz shuôs, xưv bluô ntov jông têx lênhx nênhs uô cxâuv chei truôx tuk zoz thôngz cêr đêx hâur thax tsav lơưr têz qơưk cui tinhv.

Sở Zoz thôngz: Tror yax mông, kriê lok đas cir têx fuôx gox muk lol sâuv đêx hâur thax tsav thiêz kriê cơưv tsar fuôx gox, tưr thik, qênhz yuôx têx ntơưr côngk nhav uô hâux lưv, tsar fuôx gox trâu lênhx nênhs tsar fuôx gox.

Ủy ban chor huyện Thuận Châu, Quỳnh Nhai, Mường La, Mai Sơn, Bắc Yên, Phù Yên, Mộc Châu, Vân Hồ: Sir jos uô luôs hâux lưv yax mông, fuô kriê têz qơưk Chei cheix fuôx gox muk lol sâuv thax tsav, lar heik zos Chei têz qơưk têx cui tinhv lok fuôx gox thiêz tsar fuôx gox thâuv muk lol hâur đêx; hux jos đros uô hâux lưv qênhz shuôs, đas cir têx fuôx gox thiêz heik tsưr fuôx gox kho têx fuôx gox tưz đhok uô thâuv ntêx ntơư khưx phưx têx tsi jông chiê tâu qênhz yuôx muôz ntơưr côngk nhav đas cir muk lol zos muôx txâuk têx ntâuz ntơưr. Seiz car, seiz kaz truôx chor qơư chiv chir đhok uô fuôx gox li têx hâux lưv uô, heik cov têx qơư muôx tsi txâuk ntâuz ntơưr, chuôz zênhx uô hâux lưv co tso tsês; tsi chiê muôx yưv têx li: Đhok uô thiêz zuôr muôs chor fuôx gox tsi trơưk cui tinhv, tsi taz por truôx tuk….; tror uô lơưr jông chei đas cir thiêz seiz car fuôx gox muk lol hâur đêx sâuv thax tsav.

Chox kriê Ủy ban cxuô xã sâu bê têx tsưr tsix, lênhx nênhs hâur thax tsav muôx zoz qơưx zuôr ntơưr côngk nhav uô hâux lưv, tsar fuôx gox muk lol hâur đêx sâuv thax tsav xa trâu huyện li cơ quan lês car uô đreiv têx nuv heik sâuv chiê sâu jênhv, iz chas co heik trâu têx qơư kriê tsar fuôx gox muôx txâuk qơư kriê txux chi tsưr ziv trâu têx lênhx nênhs tsar fuôx gox muk lol hâur thax tsav zos Cục đêx liv Việt Nam tưz côngz chiê krêz lớp kriê tsưr ziv tsar fuôx gox, thik, qênhz yuôx lênhx nênhs tsar fuôx gox têx ntâuz ntơưr cov tâu trơưk li têx tsưr tsix, lênhx nênhs hâur thax tsav li zoz qơưx.

Hux jos đros đas cir, qênhz yuôx thiêz heik tsưr fuôx gox cxiv uô tsưr ziv trâu fuôx gox tưz đhok uô tâu thâuv ntêx co khưx phưx têx tsi jông, muôx tsi txâuk chiê tâu qênhz yuôx muôz ntơưr côngk nhav đas cir zos txâuk têx ntâuz ntơưr. Seiz car, seiz kaz truôx chor qơư chiv chir đhok uô fuôx gox, heik cov tso tsês tsi puz têx qơư muôx tsi txâuk ntâuz ntơưr uz no uô hâux lưv; tsi chiê muôx yưv qênhx shênhx đhok uô têx fuôx gox tsi taz por truôx tuk thiêz por hưv tênhx qơư  muôs trâu luôs lưv tus tsar muk lol.

Tror uô jông luôs hâux lưv đas cir thiêz seiz car têx fuôx gox hâur thax tsav lơưr chei têz qơưk.

Chủ tịch Ủy ban tỉnh heik cxuô cơ quan, taz viv fuô uô jông trơưk têx li heik sâuv./.

(Bích Thủy-Riê Lâux cxeik, nhênhv)