Suôz loa nta suôz nhoz tox siêz Sơn La

            Tiếng tuyên truyền trên loa….

          Hâur niêx hnuz, suôz loa nta suôz tưz tâu tso nhoz cxuô jêx jok tox siêz Tà Xùa, huyện Bắc Yên, tỉnh Sơn La. Đrâuv chor tsaz yênhx yax kriê lok Đảng, Têz qơưk têx chêi, Bí thư Chi bôv, tsar jok Bệ, xar Tà Xùa-zơưv Trư Xênhv Thox cux tsik so hêik trâu pox nhuôs hâur jêx jok pâuz lok têx huôx tôngv hâur jêx jok đhâu chor loa nta suôz no: “Lok six jông, huv đros, têx thâuv muk lok muôx lok nas chuô, viv li muôx loa li no mak zôngx ziv đuô, muôx hâux lưv đaz tsi lok tsuôk hêik sâuv loa no trâu pox nhuôs sơưr đơưk pâuz xưz”.

          Xưk chôngz lênhx nênhs hâur jok, pos Pàng Xênhv Zax zôngx ziv pâuz tâu têx xor mông hêik đhâu loa nta suôz hâur jok txơưv tiêk nhoz tsêr lok sik muk uô têz cux mnôngs tâu hur si:

           Băng tiếng Mông

        Tà Xùa zos xar tox siêz, chor jêx jok tsik nhoz siz jê, cêr muk lok đaz tuôs, phiv liv. Chor loa nhoz tsênhv qơư xar thiêz 8 qơư loa nta suôz ntơưv têx jêx jok tưz paz trâu têx xor mông tâu xa txos pox nhuôs sêi đuô.

       Nênhs sêiz car hâux lưv nta suôz ntơưv thax tsav qơư-zơưv Đinh Thế Anh, côngz chức vênhx huôv xar hôiv xar Tà Xùa, huyện Bắc Yên tsik so tuôx uô hâux lưv nzor thiêz muk tsêr lis đuô sơưr đơưk hêik pâuz, chor tsaz yênhx hâur yênhx hnuz mak tsik so tâu cxiv sâu truôx jông, têx tsênhv njiêz tưs zov chênhr zuôr tâu tso uô ntêx chiê xa trâu pêx xênhv pâuz cov sêi thiêz nzor tiv zix: “Cur zuôr sêiz car tso ciês loa nta suôz ntơưv xar chiê tso nta suôz ntơưv thax tsav tsênhz qơư, ntơưv chor jêx jok mak zuôr xa trâu nênhs sêiz car ntơưv jok tso nta suôz. Six hơưv tso ntơưv jêx jok mak zuôr khov trâu pox nhuôs muk uô liêx têz nzor lok lis, chiê tso cov huv đros cui tênhv, têx chêi hâur jêx jok”.

            Đhâu ntâu shông sir zôngv loa nta suôz cxôngx nzor, nhiv no, jok Lá, xar Gia Phù, huyện Phù Yên, Sơn La tưz tâu lôngx đhok chor loa kỹ thuật sôr. Zuôr txos no, zơưv Đinh Văn Huấn, bí thư chi bôv, tsar jok Lá zuôr tsik thav muk trâu tsêr vênhx huôv chiê hêik pâuz, mak zuôr tso tâu đhâu điện thoại di động; têx xor mông cux zuôr tâu xa txos trâu pox nhuôs sêiz đuô, zôngx ziv đuô: “Pêz jêx jok muôx oz luz loa, tsik so tso yax kriê Đaix nta suôz Việt Nam chor tsaz yênhx, xar chor tsaz yênhz têz qơưk cxiv tsa jêx jok yiêz, thiêz thênhv siêz têx chỉ thị, ntâuz ntơưr chox kriê, cux li chi bôv têx nghị quyết… puôr lênhx tâu tso nta suôz chiê pox nhuôs mnôngs, pâuz tâu thiêz uô trơưk”.

          Đros Đaix nta suôz Việt Nam, Đaix nta đuô-nta suôz tỉnh, Tsênhv qơư yax mông-vênhx huôv têx huyện chor tsaz yênhx, cxiv luôs nta suôz nhoz cxuô thax tsav qơư sâuv thax tsav tỉnh Sơn La tưz zos yênhx qơư chiê paz xa têx xor mông zov chênhr, tiv zix zos ntơưv têx jêx jok nhoz đêz, tox siêz, qơư tsênhv njiz ntâu kror phiv liv lok viễn thông, mạng internet… Zơưv Đinh Văn Tiệp, Phưv Chủ tịch Ủy ban xar Gia Phù, huyện Phù Yên, Sơn La hêik pâuz: “Chiê kriz uô tso tâu jông cxiv luôs nta suôz, thường trực Ủy ban xar chox kriê chor nênhs uô hâux lưv kriz uô tso yênhx hnuz, yênhx ciêz, muôx tsênhv njiêz cik txos têx huôx tôngv ntơưv thax tsav qơư, chiê pox nhuôs pâuz tâu thiêz uô trơưk têx tsênhv njiêz co hâur huôv tsar kinh têr xar hôiv”.

          Nhiv no, cxiv luôs nta suôz ntơưv cxuô thax tsav qơư sâuv tỉnh Sơn La tsênhv jux juk hlôngr txix mạng muôx hluô trâu mạng tsik muôx hluô. Zuôr txos no, tỉnh zuôr tror qênhz yuôx têx chuôz zênhx nhoz cxiv luôs trạm nta suôz têx xar chiê nzor paz yưv pênhr, zuôr thiêz kho đuô têx chuôz zênhx, kriz đar đuô thax tsav tso nta suôz, chiê paz trâu cxuô thax tsav qơư mnôngs thiêz pâuz tâu sêi đuô têx xor mông. Đros co zos muôx têx phênhv paz nzir trâu chor canr bôv sêiz car, kriz tso têx chuôz zênhx nta suôz ntơư thax tsav qơư./.

Lê Hạnh-Lik Thox cxêik nhênhv