Kriê xeir hâux lưv uô trâu shux xênhz heir nênhs tsơưs cơưv tas ntơưr cxênhx 3 nhoz tox siêz sơn La

Đhâu 4 jiês cxaz chuôz piêr kriê, zos tsêr cơưv Phổ thông dân tộc nội trú tỉnh Sơn La tsưr tsix, Tòng Thị Tiên, heir nênhs Poz Ziz, shux xênhz lớp 12 A, nhoz xã Mường Sại, huyện Quỳnh Nhai, tỉnh Sơn La tưz tâu pâuz nzir txos ntâu txux chi, tsưr ziv chiê tso siêz đuô thâuv xeir muk cơưv Học viện Cảnh sát nhân dân. Tòng Thị Tiên heik: Xar tâu uô Cảnh sát zos Tiên tsưr ziv xar njôngr ntêr lok, chênhr viv li Tiên thâuv tưs tưz sir jos cơưv txux chiê uô tâu trơưk li zuk tsưr ziv, siêz nhiêv. Đhâu tsêr cơưv têx jiês piêr kriê, cur ziv truôx siêz thiêz sir jos đuô chiê tưr thik tâu jông: “Thôngz đhâu tsêr cơưv 4 jiês piêr kriê, cur tror xeir muk cơưv đại học, cur xar tưr thik muk cơưv Học viện Cảnh sát nhân dân, co cux zos cur tsưr ziv xar ntêr lok. Hâur ntu cơưv nzir têx txux chi, cur tưz pâuz tâu kror tưs ndo tsi yuô tâu jông, tsi tsênhz chiê cơưv cxaz, txix ntơư sir jos chiê tưr thik tâu jông trơưk siêz xar”.

Iz phênhv zos viv vav tsêr txov nhêv, kinh tế chuôz zis phênhv ntâu khov trâu têx liêx têz; iz kro thiêz zos seiz pov nhiv no sơưr đơưk luz nênhx huôv tsar, lênhx tưs cux xar uô khax jông, viv li đhâu tưr thik tas ntơưr lớp 12, Miv Xênhv Muôk, heir nênhs Hmôngz, shux xênhz lớp 12E, nhoz xã Phiêng Ban, huyện Bắc Yên xav tinhv zuôr xeir muk cơưv txux chi uô jông gâux. Miv heik: Đhâu tsêr cơưv têx jiês piêr kriê, Miv tưz pâuz tsênhz txos zuôr xeir muk cơưv đaz tsi, uô zav hâux lưv tưs. Hâur ntu cơưv txux chi tsưr ziv uô hâux lưv, Miv cux muôx têx nriêr tâu nhiêx paz chuôz zis; đhâu cơưv tiêr mak zuôr muôx hâux lưv uô, zôngx ziv đuô pir li tưr thik muk uô nuv trâu têx cơ quan uô hâux lưv têz qơưk: “Cur xar tiêk, têz qơưk huôv tsar, lênhx tưs cux xar uô cov zuk jông gâux, khax jav, viv li cur xeir muk cơưv uô zav hâux lưv co chiê cê txuôs tâu mê njik nhiêx txiêx, paz niêv txir thiêz tov kaz đhâu cơưv tas zuôr tsi yuô cxơưx, tsi khov txos niêv txir ntâu”.

Jiês tưr thik cơưv tiêr ntơưr lớp 12 shông no, tsêr cơưv Phổ thông dân tộc nội trú tỉnh Sơn La muôx 260 ntâu lênhx shux xênhz đas cir dưv thik; hâur co 200 ntâu lênhx xeir muk cơưv đại học, yuôr đuô li zos cơưv txux chi uô hâux lưv. Zơưv Nguyễn Danh Tân, thơưx seiz car tsêr cơưv heik pâuz: Chiê bax têx txux chi, tsưr ziv xeir cơưv huv đros, tsêr cơưv tưz hux jos đros ngênhx zoz zux, têx công ty tsưr tsix nuv uô, piêr kriê 4 jiês xeir tsưr ziv cơưv trâu 2 cxênhz ntâu lênhx shux xênhz hâur tas nro tsêr cơưv cxaz chuôz.

Khov tâu piêr kriê, xeir qơư cơưv, niêx shông, shux xênhz hâur tsêr cơưv đhâu tưr thik cơưv tiêr ntơưr lớp 12 zuôr tror xeir muk cơưv siêz đuô, lok sik cơưv uô hâux lưv trơưk zuk tsưr ziv, siêz nhiêv huv đros tsênhv tsênhz, cux li xã hội zoz qơưx zuôr trâus txos, hlôngr viv nhoz tsêr tsi muôx hâux lưv uô truôx: “Tsêr cơưv tưz hux jos đros ntâu luz tsêr cơưv Đại học, têx công ty, lar heik zos têx tsêr cơưv thiêz qơư uô hâux lưv saz têz qơưk đrâuv chiê buôk ti piêr kriê trâu chor shux xênhz. Đhâu têx jiês piêr kriê, shux xênhz hâur tsêr cơưv tưz to tâuz, pâuz tsênhz đuô, zuôr xeir muk cơưv thiêz uô zav hâux lưv tưs”.

Jiês thik cơưv tiêr ntơưr lớp 12 shông no, tỉnh Sơn La muôx 13.500 ntâu lênhx shux xênhz đas cir dưv thik, đros trâu tsêr cơưv Phổ thông dân tộc nội trú Sơn La, nhiv no luôs hâux lưv piêr kriê têx li heik sâuv trâu shux xênhz cơưv zuôr tas ntơưr, tiv zix zos chor nhuôs shux xênhz heir nênhs tsơưs tsênhv tâu cxuô luz tsêr cơưv sir jos fuô uô. Đhâu ntơư, tsi tiêk paz chor shux xênhz xeir tâu tsêr cơưv, hâux lưv uô trơưk tsưr ziv, siêz nhiêv, tsênhv huv đros trâu luz nênhx, chuôz zis. Xeir tâu qơư cơưv trơưk tsưr ziv xar, zuôr paz têx tuz nhuôs tso siêz thiêz sir jos đuô hâur cêr cơưv txux chiê muôx phênhv sâu truôx tuk, cxơưz paz luz nênhx hâur ntu zuôr txos./.

Trấn Long-Riê Lâux cxeik, nhênhv

Bắc Kạn, Cao Bằng bax txâuk yuôx vắc xin cxax phax moz kruô piêk

Hâur côngz xưv cxax yuôx no, tỉnh Bắc Kạn tâu Trung ương paz 4.520 côngz yuôx vắc xin phax moz kruô piêk, kruô piêk-rubella trâu tas nro njuôk xav 4.450 côngz yuôx zos thax tsav qơư hêik pâuz. Tỉnh Bắc Kạn tưz tsưr tsix cxax yuôx hâur ntu đhâu thiêz nzor qênhz yuôx, cxax nzir trâu chor nênhs tsênhv tsik tâu cxax yuôx. Ntơưv chor jêx jok nhoz đêz, tox siêz, thax tsav qơư tưz tsưr tsix chiê nênhs muk cxax yuôx txos ciês ntơưv têx jêx jok. Zơưv Nguyễn Tiến Tôn, Giám đốc Tsênhv qơư phax tar caz moz tỉnh Bắc Kạn puz pâuz: “Cxuôr kror mak pêz cux tưz muôx tâu chênhz zênhv đhâu chor jiês cxax yuôx phax moz Covid-19 thâuv ntêx no, cxuô kror txix bax têx chuôz zênhx, txos chor canr bôv cux muôx chênhz zênhv đuô. Pêx xênhv đhâu jiês cxax yuôx phax moz Covid-19 cux tưz pâuz phax tar caz moz đuô thiêz chox chor mê nhuôv tuôx cxax yuôx. Chor nênhs mak pêz zuôr qênhz yuôx đuô viv muôx ntâu lênhx uô niêv uô txir tưz chox zuk chor mê nhuôv muk cxax yuôx ntơưv têx qơưk cxax yuôx txơưr”.

Ntơưv tỉnh Cao Bằng, thax tsav qơư muôx moz kruô piêk huôv xênhz hênhr đros xar muôx 3.200 lênhx nênhs trâus moz txix hâur shôngk shông txos nhiv no. Hâur jiês cxax yuôx vắc xin tiv 1 tưz suôv câuv, Cao Bằng tâu muôz muôx 11.700 ntâu côngz yuôx thiêz tưz kriz uô cxax yuôx trâu xar muôx 9.200 lênhx nhuôv ntơưv 2 huyện Bảo Lâm thiêz Bảo Lạc, tax tâu muôx 94% ntâu. Hâur côngz xưv cxax yuôx jiês 2, Cao Bằng tror tâu Trung ương muôz nzir xar muôx 12.700 côngz yuôx thiêz tưz kriz uô cxax yuôx ntơưv tas nro chor thax tsav qơư hâur tỉnh. Txos nhiv no, Cao Bằng tưz cxax tâu xar muôx 7.100 lênhx nhuôv. Pos Bế Thị Bạch, Giám đốc Tsênhv qơư phax tar caz moz tỉnh Cao Bằng puz pâuz: Iz cxiê niêv txir tưz đăngk cir trâu mê nhuôv cxax yuôx, iz cxiê lênhx nhuôv tsik tâu cxax yuôx li muôx moz, chơưv kho moz lok sik tsik tsuv cxax yuôx. Iz chas co, cux muôx iz cxiê lênhx uô niêv uô txir pâuz tsik tâu tsênhz tsik tâu thôngx ziv chiê mê nhuôv cxax yuôx. Cao Bằng tsênhv sir jos yax kriê trâu chor uô niêv uô txir chox chor mê nhuôv tuôx cxax yuôx, đros co zos sir jos hêik kriê têx tsưr ziv phax tar caz moz:  “Nhiv no chor tsêr cơưv ntơưr, chor jêx jok puôr lênhx sir jos yax mông hêik kriê lok moz kruô piêk li: tsik chiê chor nhuôv zâu muk jê trâu chor mê nhuôv xav tiêk trâus moz kruô piêk, chox đêiv bos kror ndâux ntơưv têx qơưk muôx chôngz nênhs, uô vêv xênhz tiz nênhs, kror njưs, kror ndâux, kror muôs trâu mê nhuôv cov jông hâur yênhx hnuz, bax cov txâuk tsơưr pưr, uô sor trâu mê nhuôv luz chêr. Ntơưv tsêr cơưv mak tsuv uô vêv xênhz cov hur jông, lax nziês thiêz txâuk pov cêr. Tsik so tsuôs yuôx tuô lov caz moz trâu têx chuôz zênhx cơưv ntơưr, chuôz zênhx uô si thiêz qar cơưv ntơưr. Thâuv pov chor mê nhuôv xưk li trâus moz mak nzor cêv kuôk thiêz chox mê nhuôv muk trâu têx qơưk y têr chiê tâu njuôk shuôk thiêz chơưv kho moz cov sêi”.

Têx hnuz zuôr txos, chor tỉnh Bắc Kạn, Cao Bằng, tror qênhz yuôx, cxax nzir trâu chor mê nhuôvhâur hnuz nhôngs tsik tâu cxax lok sik cxax tsik tâu txưv chor côngz yuôx cov chor mê nhuôv tâu cxax yuôx vắc xin tsơưs tiv zix zos 95%./.

TTĐB-Lik Thox cxêik nhênhv