Yên Bái sir jos gra siêz “luz nênhx shir phaz” hâur yênhx chuôz zis

Tưz tsik zos thav đros pox niêv mê nhuôv lok kinh têr, mak yênhx hnuz, đhâu thâuv tas six hơưv uô hâux lưv tix lâus Nguyễn Đức Khải, nhoz xar Châu Quế Hạ, huyện Văn Yên (Yên Bái) ho tror lok đros pox niêv mê nhuôv uô jâuz mor nox. Pox niêv muôs huv zâuv, đros trâu mê nhuôv tsênhv zâu viv li lok six khưr, lơưr tix lâus Khải, sik phiêz kênh thiêz sik paz uô têx hâux lưv hâur tsêr chênhr zos paz trâu pox niêv muôx nzir six hơưv txoz cxơưx trâu têx mê nhuôv; thiêz co cux zos iz tsưr ziv chiê paz trâu chuôz zis muôx luz nênhx sor so, lov jêv thiêz shir phaz:“Pox niêv zos nênhs tuôr tsês cxuô zav, yênhx hli cur puôr lênhx muôx nhiêx hli trâu pox niêv tuôr tas hur si, tsuôk tuôr tsês iz kror mê chiê zuk sir zôngv xưz. Muôz nhiêx trâu pox niêv tuôr mak zuk cux tsik cxơưx, zos zuk tuôr xưz mak muôx têx thâuv zuôr zôngx ntâu, uô phiv liv txos kinh têr hâur tas nro chuôz zis”.

Txoz cxơưx txos yênhx lênhx nênhs li đas jos cux zos kror tâu yênhx ziv chuôz zis nhoz Yên Bái sir jos uô jông. Tưz tsik zos muôx moz mak muk tsêr kho moz, gênhk mak nhoz so… mak kror no tsênhv tâu txoz cxơưx đhâu yênhx pluôs nox, zav nox lơưr yênhx lênhx nênhs siêz nhiêv.

Niêv tix Thanh Ngà, nhoz phường Minh Tân, thành phố Yên Bái phêiz kênh: Ziv chuôz zis muôx 3 fâuv nênhs sik đros uô nênhx nhoz uô cê viv li chor nênhs hâur chuôz zis pluôs nox tsik so tâu niêv tix uô huv zos, chiê sơưr đơưk puôr lênhx nox kaz lok, muôx đas jos jông thiêz shir phaz:“Cur lok six txoz cxơưx txos chor nênhs hâur chuôz zis li đas jos đhâu chor pluôs nox yênhx hnuz, viv li thâuv sơưr nzor mak cur muk zuôr zav nox txix thâuv lok six nzor chiê zuôr tâu têx zav nox kaz lok trâu niêv uô pluôs nox thâuv tar su, hok pluôs hmo mak muôx six hơưv ntâu đuô viv li cur uô trâu sơưr đơưk nox. Tiv zix txos thâuv kaz ciêz, cur zuôr uô chor zav nox chuôz zis nhiêv, chiê sơưr đơưk sik đros nox. No cux zos kror shir phaz trâu cur thiêz cur ziv chuôz zis”.

Đros yênhx ziv chuôz zis sir jos uô jông hâur cxiv tsa ziv chuôz zis tsâu sor, vax huôv siz luôs, shir phaz, Hôiv Liên hiệp Pox niêv tỉnh Yên Bái cux tưz kriz uô ntâu huôx tôngv chiê paz gra siêz luz nênhx shir phaz trâu chor ziv chuôz zis, li: Yênhx lix 12 tôv yax mông côngv thôngx lok pox niêv txir nênhx vax huôv siz luôs thiêz đơưk kho têx kror hâux lưv phiv liv cik txos pox niêv thiêz chor nhuôs zâu; Tsưr tsix sik thav tsênhv lok chêi nhoz hâu nov cấp ủy, chinhr quyền ntơưv thax tsav qơư đros canr bôv, hôiv viên thiêz cxuô cxênhx pox niêv lok têx vênhv thix pox niêv tsuv pâuz thiêz thav txos; yênhx lix “Chi hội pox niêv 5 tsik uô, 3 hur”, “Chi hôiv pox niêv shir phaz”; chor câu lạc bộ “Ziv chuôz zis shir phaz”, “Ziv chuôz zis uô nênhx jông”, “Tu zus mê nhuôv muôx đas jos jông, kriê mê nhuôv ciêz”, “Tsik chiê chor nhuôs zâu tsik txâuk tsơưr pưr shưz”…. Đros co zos paz huôv tsar 117 tsưr ziv uô nox trâu chuôz zis hôiv viên txov nhêv; paz uô tsêr “Tsêr sor siêz jông” trâu pox niêv pluôs, zuôr xar pluôs…

Pos Hà Thị Đóa, Phưv Chủ tịch Hôiv liên hiệp pox niêv tỉnh Yên Bái puz pâuz, đhâu 2 shông ntâu kriz uô têx huôx tôngv hêik sâur, chor txuz ntâuk tsiv hâur chuôz zis thiêz chor txuz siz đrâux tưz tâu txo grêk tsơưs ntâu pir li ntu đrav ntêx; phênhv ntâu têx kror tsik jông, phiv liv hâur yênhx chuôz zis puôr lênhx tâu nriêr pâuz thiêz đơưk kho tâu sêi:“Chor câu lạc bộ zuôr tsuv xênhz huôx. Taz sik, đros câu lạc bôv “Chuôz zis shir phaz” mak zuôr xênhz huôx lơưr têx kror hâux lưv tsênhv tsênhz, sir jos txoz cxơưx trâu chuôz zis, têx mê nhuôv; uô lơưr cêr chêi têz qơưk têx cui tênhv lok phax tar têx txiêz nav, phax tar siz zuôr nzor, siz zuôr cxênhz jê… đhâu xênhz huôx mak chor pox niêv sơưr đơưk cux muôx six hơưv chiê sik phêiz kênh lok tsưr ziv tsoz phưz trâu têx mê nhuôv, tsoz phưz zuk, viv chor pox niêv sơưr đơưk muôx đas jos jông mak thiêx tsoz phưz tâu trâu chuôz zis”.

Ntơưv Đại hôiv Đảng bôv tỉnh jiês tiv 19, ntu 2020-2025, Yên bái tưz jiês xuz thơưx ciês tso tơưv tsưr ziv lok luz nênhx shir phaz trâu pêx xênhv. Đhâu iz đraz six cxiv kriz uô, txos nhiv no, pêx xênhv nhoz Yên Bái luz nênhx shir phaz tưz tax tâu 62% ntâu – zos phênhv lok six shir phaz. Tsưr ziv uô txos tas shông no, pêx xênhv luz nênhx shir phaz tax tâu muôx 65% ntâu, ndar txos muôx tâu luz nênhs shir phaz jông tiv zix.

Chiê uô tâu tsưr ziv no, Yên Bái zuôr tror sir jos kriz uô cxiv tsa ziv chuôz zis shir phaz. Iz chas co zos tsêx trung kriz uô 3 kror luôs hâux lưv lok luz nênhx shir phaz zos: tso siêz lok luz nênhx; tso siêz lok tênhv qơư; pêx xênhv li hnuz nhôngs thiêz chor shông uô nênhx nhoz./.

Thừa Xuân-Lik Thox cxêik nhênhv

PHÊNHV TRUÔX TUK ZOZ THÔNGZ SÔR 1

TSƯR ZIV

Tsưr tsix uô lơưr phôngz yaox sik tưr “taz por truôx tuk zoz thôngz hâur thax tsav tỉnh Sơn La” ntu 2023-2025

Lênhx nênhs sik tưr uô truôx tuk zoz thôngz: Tập thêv, lênhx nênhs nhoz cxuô sở, ban, ngênhx, tsưr tsix, đoanx thêv nhoz Ban truôx tuk zoz thôngz tỉnh; Ban truôx tuk zoz thôngz cxuô huyện, TP.

Tsênhv njiêz sik tưr:

a) Niêx shông, cxuô cơ quan, taz viv, ntơưv qơư tror fuô uô jông têx luôs hâux lưv tâu choz lơưr tỉnh Sơn La tsưr ziv taz por truôx tuk zoz thôngz hâur thax tsav; tso tơưv zênhx max têx ntâuz ntơưr chox kriê, heik fuô uô lơưr phôngz yaox sik tưr; uô jông têx tsênhv njiêz cik txos hâux lưv tâu choz; tsi so qênhz yuôx, qênhz shuôs thiêz xưv bluô têx uô cxâuv lok tsi truôx tuk zoz thôngz.

b) Uô jông lơưr Chính phủ, cxuô Bộ, ngênhx T.Ư, Tỉnh ủy, HĐND tỉnh, Ủy ban tỉnh Sơn La li chox kriê lok taz por truôx tuk zoz thôngz cêr ar, cêr đêx hâur thax tsav thiêz khưx phưx têx yêz muk lol tsi thôngz; Têz qơưk tsưr ziv taz por truôx tuk zoz thôngz cêr ar ntu 2021-2030 thiêz uô ndar txos shông 2045; Chính phủ Nghị quyết sôr 48 lok chuôz tsar taz por truôx tuk zoz thôngz thiêz phax tir thêir têx yêz muk lol tsi thôngz ntu 2022-2025.

c) Hlôngr yiêz thiêz uô jông hâux lưv yax mông, piêr kriê chei têz qơưk lol truôx tuk zoz thôngz txos trâu cxuô lênhx cxuô tus tsar têx yêz lox muk lol; zov chênhr zos Chei zoz thôngz cêr ar kho đuô, chei phax tar chơưr bia têx tsi jông; Chính phủ Nghị định sôr 100/2019 lok xưv bluô uô cxâuv hành chính hâur cheix yêz muk lol tâus cêr sâuv cêr ar thiêz cêr hlâu; kriê cxaz têx tsưr ziv uô hâux lưv trâu lênhx nênhs lês uô têx nuv li heik sâuv; piêr kriê chei têz qơưk cui tinhv thiêz cxiv tsa vênhx huôv zoz thôngz trâu chor tsưr yêz, lênhx nênhs tsar yêz thâux hax huv, kruô muk lol; tsưr yưv pênhr, lênhx nênhs yưv pênhr cxiv tsa thiêz nênhs tsar yêz, lar heik zos têx lênhx cheix yêz muk lol tâus cêr; sir jos uô hâux lưv fuô kriê chei têz qơưk têx cui tinhv lok truôx tuk zoz thôngz trâu tsôngv box heir nênhs tsơưs, tox siêz đêz đrôngs; cxiv tsa thiêz fuô uô lơưr yax kriê vênhv tôngv tsưx phưv têx lax caz xor thêir cêr, ntus cêr muk lol sâuv ar thiêz hâur đêx.

d) Gra siêz, uô jông hâux lưv têz qơưk seiz car taz por truôx tuk zoz thôngz; cxiv tsa tiêr têx cui tinhv, tsênhv chei lok truôx tuk zoz thôngz; huôv tsar uô têx côngz trênhx zoz thôngz thiêz tsưr tsix zoz thôngz jông, truôx tuk; gra siêz tsơưr lươngv kriê tsưr ziv tsar yêz, thik tsar yêz, muôz ntơưr tsar yêz; cxiv tsa cxix luôs chơưv paz chor nênhs uô yêz siz yar siz tsông tâus cêr trâul moz, trâul saz.

đ) Ban truôx tuk zoz thôngz cxuô huyện, TP muôx têx tsưr ziv jông chiê txo grêk tsơưs chor nênhs trâul tuôs tiv uô yêz siz yar siz tsông tâus cêr hâur thax tsav; tsi chiê muôx yưv têx txuz uô yêz siz yar siz tsông tâus cêr sâuv cêr ar, cêr đêx trâul saz; zênhx max qênhz shuôs, uô jông Ban truôx tuk zoz thôngz cấp huyện, cấp xã li têx hâux lưv tâu choz.

Six hơưv uô lơưr: Phôngx yaox sik tưr li heik sâuv tâu fuô uô txix shông 2023 txos shông 2025.

Tsưr tsix uô: Têx lênhx thơưx chor cơ quan, taz viv, ntơưv qơư thiêz lưv lươngv vũ trang seiz lok têx tsênhv tsênhz lơưr hâux lưv zok muôz chiê fuô uô phôngz yaox sik tưr truôx tuk zoz thôngz, taz por tâu jông trơưk tsưr ziv./.

                                Bích Thủy-Riê Lâux cxeik, nhênhv