Têz qơưk tsaz yênhx uô hlôngr yiêz jêx jok tox siêz

               Txix têz qơưk tsaz yênhx 1719 têx pênhr nhiêx muôx yênhx tyv đeiv, 2 shông lok no, xã Châu Quế Thượng,. Huyện Văn Yên (Yên Bái) tưz yưv pênhr uô 3 dưv anr côngz trênhx đêx xênhz huôx; paz max zuôr thôngz trâu đêx, meir phưx vưv uô kôngz, paz têx chuôz zis pluôs uô tsêr nhoz, đros trâu ntâu dưv anr mê paz pêx xênhv huôv tsar uô nox. Chiê têx tsênhv chei co muk txos tâu trâu tsôngv box thiêz uô tâu jông, xav tinhv lênhx nênhs paz max tâu xeir tsov txix hâur jêx jok thiêz taz por côngz fênhx, tsênhz mênhx.

             Zơưv Hoàng Văn Ngói nhoz jok Ngòi Mẫu, xã Châu Quế Thượng chuôz zis zos ziv chuôz zis pluôs. Kaz shông 2023, zơưv chuôz zis tâu muôz iz luz meir lêix têz mê. Tsi tiêk paz chuôz zis muôx nzir chuôz zênhx phưx vưv uô liêx têz, luôs lưv tus tsênhv ntiêr zơưv muk lêix lơưr têx liêx têz hur si, txix ntơư uô trâu zơưv muôx hâux lưv uô thiêz muôx nzir phênhv sâu tâu.....

              “Zuk tsi yuô muôx ar uô nox thiêz chuôz zis cux txov nhêv, 3 tus nhuôv muk cơưv tas. Têz qơưk cux moz siêz txos, muôz iz luz meir puz trâu cur chuôz zis chiê tâu muk lêix têz ntiêr, muôx nhiêx txiêx txoz cxơưx trâu chuôz zis thiêz têx tuz nhuôs muk cơưv ntâuz ntơưr”.

            Suối Quyền zos xã tox siêz hâur huyện Văn Chấn, phiv liv muk lol, têx jok nhoz kuôk đêz tsênhv qơư, kinh tế xã hội tsênhv yuôr ntâu txov nhêv. Zơưv Đặng Kim Lý, Chủ tịch Ủy ban xã heik pâuz: Uô lơưr têz qơưk tsaz yênhx 1719, hâur shông 2023, xã tưz tâu phênhz pênhr muôx iz tyv đeiv ntâu chiê paz max têx chuôz zis pluôs lok sâuv zuz nôngz tsoz chos, tsiêx tu zus thiêz chuôz zênhx phưx vưv uô liêx têz. Nhiv no, xã cux tsênhv tror heik cov nzor tâu yưv pênhr cxiv uô, kho đuô cxix luôs đêx xênhz huôx tâu trơưk li chôngz lênhx ntâu tus pêx xênhv tsưr ziv, siêz xar.

             “Côngz đêx xênhz huôx trâu tsôngv pêx xênhv cux zos iz kro phiv liv, phênhv ntâu zos tok đêx pêv têx cưx ha, cưx đês lok zôngv xưz. Hâur ntu zuôr txos, heik cxuô cấp muôx vax huôv tror paz max trâu têx jêx jok chiê sơưr đơưk muôx đêx hur zôngv”.

           Tỉnh Yên Bái nhiv no muôx 46 xã nhoz thax tsav txov nhêv; 2 huyện tox siêz, co zos Trạm Tấu thiêz Mù Cang Chải zos iz hâur têx huyện pluôs yax hâur têz qơưk. Hâur ntu 2021-2023, Yên Bái tưz tsês 700 tyv đeiv ntâu txix têz qơưk tsaz yênhx 1719 li pênhr nhiêx chiê huôv tsar uô têx côngz trênhx, paz max pêx xênhv. Txix phênhv pênhr no, tỉnh tưz fuô uô 9 dưv anr tâu trơưk li tsôngv box heir nênhs tsơưs ntơưv qơư tsưr ziv xar. Pos Lã Thị Liền, Phưv Chủ tịch Ủy ban huyện Văn Yên heik:

             “Pêz cux uô jông luôs hâux lưv yax kriê chiê pêx xênhv pâuz tsênhz lok têz qơưk têx chei paz chiê tsôngv pêx xênhv đros paz hnuz côngz đas jos, tsưr ziv chiê huôv tsar uô nox uô hâuk, sir jos hla đhâu cêr txov”.

                 Pos Lã Thị Liền, Phưv Chủ tịch huyện Văn Yên heik pâuz, uô tâu têx luôs hâux lưv li heik sâuv zos khov thâuv uô tsaz yênhx, tỉnh Yên Bái tưz nzor tso tơưv têx tsưr ziv huv đros trâu tsênhv tsênhz ntơưv qơư; choz hâux lưv tsênhz mênhx trâu Ban chox kriê, cxuô ngênhx cik txos thiêz yênhx thax tsav. Đhâu co, tưz hu zâuv tâu sơưr đơưk sik đros paz pênhr, hnuz côngz đas jos cxiv tsa têx côngz trênhx; paz uô tsêr nhoz, gra siêz tsôngv pêx xênhv txux chi tsưr ziv huôv tsar uô nox; paz txo grêk cêr yeiz pluôs sei thiêz truôx, têx chuôz zis pluôs txo grêk txix 5-6% iz shông.....

               Hâur jiês qênhz yuôx tsênhv tsênhz ntơưv Yên Bái nhiv kruôr đhâu, Ủy viên T.Ư Đảng, Bộ trưởng, seiz car Ủy ban mênhx cxưx Chính phủ Hầu A Lềnh tưz ntâuk grê siêz thax tsav qơư no têx tsưr ziv, hâux lưv uô tâu jông; hâur co muôx uô tâu lok sâuv muôz têx nhiêx txiêx paz tsôngv pêx xênhv huôv tsar uô nox uô hnar, cxiv kho vax tsêr, đêx xênhz huôx, huôv tsar zoz zux.....

               “Lar heik zos uô tsênhz mênhx Đảng, têz qơưk têx tsưr ziv, tsênhv chei paz, fuô kriê cxuô bộ, ngênhx têx ntâuz ntơưr txos trâu ntơưv qơư chiê hâur thax tsav fuô uô trơưk. Đros trâu tso tơưv ntâuz ntơưr li heik sâuv, têx hâu nov cux zênhx max đơưk têx phiv liv, tsi jông; ntơư zos iz hâur têx hâux lưv lok six zov chênhr chiê pêz fuô uô tâu ntâu luôs hâux lưv tso tơưv. Sơưr đơưk tưz lok six sir jos thiêz uô tâu jông”.

              Txos tas shông 2023, xav kror đruôz iz lênhx nênhs nhoz Yên Bái muôx phênhv sâu tâu tax zuôr xar 51 tsov đeiv iz shông, tsar ndê 3 tsov đeiv ntâu iz lênhx nênhs iz shông pir li shông 2022./.

Đinh Tuấn-Riê Lâux cxeik, nhênhv