Trung thu txos qơư trâus đêx nas cuôr yôngz

         Sik đros jâuv nox thax nduôr, tâu seiz đhiê pax vuôk, hnar tsôngs yo jông jav thiêz tơưk tênhz ndis uô si….zos lok six ntâu têx lênhx mê nhuôk zâu nhoz tox siêz txov nhêv li têx siêz xar njôngr, hâur co muôx têx lênhx mê nhuôk nhoz xã Chiềng Lao, huyện Mường La, tỉnh Sơn La- qơư trâus ruôr hiêv hnhar hâur jiês đêx nas cuôr yôngz hli 8 nhiv kruôr đhâu.

          Tsaz yênhx “Hli đra chi txos cur jêx jos” tưz muôx iz luz tsiêz trung thu nzor thiêz sor si txos têx mê nhuôk nhoz no. Zos mê nhuôk hâur chuôz zis tsuv ciêr chênhr txar qơư nhoz hâur jiês đêx cuôr yôngz, Trần Ngọc Hà, nhoz jos Nà Lếch, xã Chiềng Lao đros têx fôngx zưs tuôx ntơưv jos li tsêr vênhx huôv txix nzor chiê tos tâu nox tsiêz trung thu uô si lov jêv: “Cur lok six shir phaz hnuz no tâu têx hloz, txir nzơưv hâur đoanx txưv zênhv tuôx tsưr tsix tsiêz trung thu trâu pêz. Cur zuôr tror sir jos cơưv ntơưr, mnôngs niêv txir lul, hloz lox yênhx iz lênhx nênhs jông, muôx liv…”

          Jiês đêx nas hâur hli 8 nhiv kruôr đhâu tưz cuôr yôngz ntâu luz tsêr nhoz xã Chiềng Lao, huyện Mường La, Sơn La. Txos nhiv no, 23 ziv chuôz nhoz thax tsav muôx tox poz tưz tâu bax qơư nhoz yiêz taz por, hâur co muôx 18 ziv chuôz zis tưz cxiv tiêr tsêr nhoz.

          Txơưv tsênhv yuôr têx phêv liv đhâu jiês đêx cuôr yôngz, taz sik pov têx mê nhuôk tâu tos tsiêz trung thu sor si, pox nhuôk cux phênhv tưs jông siêz đuô. Zơưv Lường Văn Toàn, Bí thư Chi bộ, tsar jos Nà Lếch, xã Chiềng Lao, huyện Mường La heik: “Têx ziv chuôz zis tsêr nhoz trâus đêx cuôr yôngz txos nhiv no pox nhuôk tưz ngaz tul luz nênhx, yuôr iz cxiê tsênhv jux jus ngaz tul đros têx cấp, têx nganhx li tsov cưv. Hnuz no lok six shir phaz muôx đoanx txưv zênhv tuôx tsưr tsix tsiêz trung thu, viv ntâu ziv chuôz zis cux tsênhv yuôr ntâu phêv liv, tsi muôx thax nduôr nox tsiêz, no zos iz phênhv huv lok six muôx ziz njiêz đros pox nhuôk”.

          Hnuz pôngz jux jus sâuv trôngz siêz, nhoz jê niêv đêx đar jông jav, tsêr vênhx huôv jos Nà Lếch tơưk tênhz pov cêr luk, shir phaz tsưr tsix tsiêz trung thu lov jêv. 200 ntâu lênhx mê nhuôk hâur jos tâu heik gâux, đhiê pax vuôs; ntâu lênhx mê nhuôk zâu tsênhv tâu niêv chox tuôx uô si; 50 phênhv huv tâu khơưk muôz txos têx mê nhuôk pluôs, muôx luz nênhx txov nhêv, tiv zix zos hâur jiês đêx cuôr yôngz nhiv kruôr đhâu.

          Tsaz yênhx “Hli đra chi txos cur jêx jos” gra têx nduôr thax txos cxuô lênhx nhuôv zâu, zos CLB txưv zênhv hluôk Sơn La, CLB hành trình đỏ, Phongx cảnh sát phax cuz tuô cuz thiêz chơưv nanv (Công an tỉnh Sơn La), huyện đoàn Mường La, Tsêr uô mor nox Suối hẹn thiêz têx lênhx nênhs siêz jông hâur thiêz đrâuv tỉnh Sơn La sik côngv paz. Tix lâuk Vừ Hà Thuận, Phưv Chủ nhiệm CLB txưv zênhv hluôk Sơn La puz pâuz: “Đhâu jiês đêx cuôr yôngz mak lok six ntâu ziv chuôz zis trâus zênhr shar hnhar, CLB tưz xeir xã Chiềng Lao chiê tsưr tsix tsiêz trung thu trâu têx mê nhuôk, huiz tôngv têx lênhx nênhs paz txưv, nênhs siêz jông gôngr paz chiê tsưr tsix tsiêz trung thu trâu têx mê nhuôk. Đros siêz xar njôngr têx me nhuôk muôx tâu iz luz tsiêz trung thu uô si lov jêv, sir jos đuô hâur luz nênhx, pov tâu côngv thôngx thiêz xã hội li têx tsov cưv paz txưv txos”.

          Trung thu tâu tsưr tsix nzor đros pox nhuôk thax tsav trâus đêx cuôr yôngz heik taz thiêz pox nhuôk tox siêz, thax tsav txov nhêv heik cxuô lok six muôx ziz njiêz thâuv tâu têx lênhx nênhs siêz jông sik côngv tês paz max. No zos têx paz tôngv vênhx, cxơưz cxiz pox nhuôk sir jos đuô hla đhâu têx phêv liv, nzor ngaz tul luz nênhx./.

Lê Hạnh-Txâur Vax cxeik nhênhv

Nzir 2 zav tâu paz hâur yênhx hli, 3 zav txơưr tâu tso tsês phênhv nhiêx paz txix shông 2023

             Nzir lênhx nênhs tâu paz

            Bôv Tài chinhr li Thông tư sôr 44 tâu uô trơưk txix hnuz 5/9/2022 cui tênhv sêiz car thiêz sir zôngv nhiêx txiêx sir zôngv tsik so kriz uô tsênhv chêi, têx paz trâu nênhs muôx côngz trâu têz qơưk, nênhs muôx côngz trâu têz qơưk li chor nênhs cxênhz jê thiêz nênhs cxaz chuôz ciês ntâuk tros châuz.

           Thông tư hêik mênhx, 2 zav tâu sơưv phênhv paz yênhx hli zos:

          Canr bôv, chiến sĩ công an cxaz chuôz kháng chiến ntâuk tros châuz Mỹ muôx tsơưs đuô 20 shông uô côngz xưv hâur nganhx công an tưz so hâux lưv, tơưv tuz lênhv tror lok ntơưv qơư nhoz lơưr Thủ tướng Chinhr phuv li Cuêz tênhv sôr 53 shông 2010;

        Lênhx nênhs cxaz chuôz ntâuk tros châuz Mỹ chơưv paz têz qơưk muôx tsơưs đuô 20 shông uô côngz xưv hâur quân đội, tưz tâu chiê tror lok ntơưv qơư nhoz lơưr Thủ tướng Chinhr phuv li Cuêz tênhv 142 shông 2008 thiêz Cuêz tênhv sôr 38 shông 2010.

          Uô lơưr paz iz jiês trâu iz cxiê lênhx nênhs li: Quân nhân, canr bôv muk qơư ntâuk tros châuz B, C, K hâur ntu ntâuk tros châuz Mỹ chơưv paz têz qơưk tsik muôx nênhs cxênhz jê tsuv tu zus zuk thiêz quân nhân, canr bôv tâu Đảng chiê tror nhoz faz Nam đhâu Hiệp định Giơ-ne-vơ shông 1954 lơưr Chinhr phuv li Nghị định sôr 23 shông 1999; nênhs cxaz chuôz ntâuk tros châuz Mỹ chơưv paz têz qơưk tsik tâu sơưv Đảng, Têz qơưk têx tsênhv chêi paz lơưr Thủ tướng Chinhr phuv li Cuêz tênhv sôr 290 shông 2005 thiêz Cuêz tênhv sôr 188 shông 2007; hluôk nênhs uô ntêx hlo thâuv ntêx tưz uô tiêr jênhv vưv hâur ntâuk tros châuz lơưr Thủ tướng Chinhr phuv li Cuêz tênhv sôr 40 shông 2011…

             Đuô li, Thông tư 44 cux hêik tsênhz mênhx têx phênhv sir zôngv ciês trâu chor nênhs tâu sơưv li: Sir zôngv trâu chơưv kho, paz đas jos ntơưv tsêr; paz zuôr têx chuôz zênhx paz đas jos…

            3 Lênhx nênhs tâu tso tsês têx phênhv paz

          Lơưr co, tso tsês phênhv paz xar hôiv, paz nhiêx txiêx tsoz phưz, tu zus yênhx hli trâu chor nênhs li đrav kaz:

           Lênhx nênhs tsik jênhv têx chế độ, tsênhv chêi paz tsik so txix 3 hli tror sâur;

           Lênhx nênhs tsik uô lơưr cơ quan têz qơưk muôx vax huôv li hêik pâuz lok hâux lưv xav jênhv đuô phênhv trâus saz, xav jênhv đuô kror tsuv tâu paz xar hôiv lok sik têx xor mông txơưr phưx vưv trâu côngz xưv sêiz car lênhx nênhs;

            Lênhx nênhs trâus cơưv tux txix 1 hli tror sâur zos nênhs tsênhv tâu sơưv phênhv paz xar hôiv yênhx hli./.

Thu Thùy-Lik Thox cxêik nhênhv