Sir jos huôv tsar uô nox txix têx pênhr nhiêx tsênhv chei

Thâuv ntêx, niêv lâul Lê Thị Ánh Hồng, nhoz jok 8, thị trấn Phước Dân, huyện Ninh Phước chuôz zis zos chuôz zis txov nhêv tâu têz qơưk paz max. Kuôk no 2 shông, niêv lâul Hồng tâu Hội pox niêv vir ndâuk thị trấn Phước Dân tso kêr txeik tsêr nhiêx tsênhv chei xã hội huyện 60 tsov đeiv. Txix phênhv pênhr no niêv lâul cxiv uô qơư, zuôr 3 cxênhz tus nôngz keiz thiêz 100 tus keiz grêix lok zus. Iz hnuz, niêv lâul khơưk tâu 150 luz kê keiz, iz luz muôs 3 cxênhz đeiv. Đros trâu phênhv sâu tâu txix muôs fâuv keiz grêix, đhâu yưx tas têx nhiêx txiêx zuôr krâur, zuôr yuôx puz, xav kror đruôz đraz iz hlik niêv tâu nhos 20 tsov đeiv. Niêv lâul Hồng luôs hâux lưv tu zus keiz ntêk kê muôs tâu ntâuk grê uô tâu trơưk tsưr ziv thiêz tsênhv tâu Hội pox niêv huyện Ninh Phước fuô kriê trâu ntâu lênhx pox niêv vir ndâuk hâur tas nro huyện cơưv shâuv, uô trơưk:“Cur zos iz lênhx hội viên pox niêv, cur kêr txeik tsêr nhiêx pênhr huôv tsar tu zus keiz cux pov uô tâu trơưk siêz xar. 3 cxênhz tus keiz, iz hnuz sâu tâu 2 tsov đeiv nhiêx. Zuôr txos cur cux xar tror kêr txeik pênhr chiê zuôr keiz lok zus nzir”.

Niêv lâul Trần Thị Kim Chi-Chi hội tsar Chi hội Pox niêv jok 8, thị trấn Phước Dân, huyện Ninh Phước heik pâuz: Chiê muôz jông six hơưv trâu têx lênhx pox niêv vir ndâuk huôv tsar kinh tế chuôz zis thôngz đhâu kêr txeik pênhr tu zus tsiêx cxu, chos kôngz lôngk, zuôr muôs hax huv, Hội pox niêv thị trấn Phước Dân tưz sir jos đros tsêr nhiêx tsênhv chei xã hội huyện fuô kriê têx pênhr tso hội pox niêv vir ndâuk kêr txeik. Txos nhiv no, tas nro têx pênhr tso chor pox niêv vir ndâuk kêr txeik huôv tsar uô nox zos Hội pox niêv thị trấn Phước Dân seiz car zos 42 tyv đeiv ntâu thiêz iz cxênhz chuôz zis txeik. Đhâu qênhz yuôx, hur si têx lênhx pox niêv vir ndâuk kêr txeik pênhr puôr lênhx sir zôngv tâu trơưk tsưr ziv, muôx phênhv sâu tâu trâu chuôz zis, txix ntơư, hu zâuv chôngz lênhx ntâu tus pox niêv vir ndâuk cxaz chuôz xênhz huôx, têx ziv chuôz zis pox niêv pluôs txo grêk tsơưs jux juk hâur yênhx shông:“Đros trâu sir jos uô nuv, moz siêz lês uô jông hâux lưv zok muôz, cur zos lênhx thơưx chiê têx pox niêv vir ndâuk muôz nhiêx cxênhx txuôs tuôx tsês hâur niêx hnuz, thâuv tưs txos cheix thêv trâu tsêr nhiêx thiêx tsi yuô phiv liv trâu chuôz zis. Cur sir jos paz chor chuôz zis txov nhêv kêr txeik pênhr, krêz hâu cêr, kriê tsưr ziv chiê lơưr huôv tsar uô nox, cơưv shâuv nzir luôs lưv tus txơưx uô nox ntơư tsưr ziv.....”.

Thâuv ntêx, niêv lâul Phan Thị Mỹ Chi, nhoz jok Nam Cương, xã An Hải cux zos iz hâur têx chuôz zis sir jos hla đhâu txov nhêv txix kêr txeik tsêr nhiêx tsênhv chei xã hội pênhr huôv tsar uô nox uô hâuk. Shông 2021, niêv lâul Chi tâu Hội Liên hiệp pox niêv xã tso kêr txeik tsêr nhiêx tsênhv chei xã hội huyện 60 tsov đeiv. Muôx pênhr, niêv lâul Chi tưz huôv tsar chos 720 ntâu xưv phaz têz njuôs shôngz. Yưx tas têx côngz đas jos tu, nhiêx txiêx ntiêr nênhs đros uô, xav kror đruôz đraz iz hlik chuôz zis sâu tâu 30 tsov đeiv iz hlik, paz niêv lâul thêv tas têx nux grik hâur tsêr nhiêx thiêz txoz cxơưx tâu trâu chor tuz nhuôs muk cơưv ntâuz ntơưr:“Cur cux tâu Hội pox niêv xã kriê tsưr ziv buôk ti kêr txeik tsêr nhiêx stênhv chei xã hội 60 tsov đeiv, cur yưv pênhr huôv tsar chos 360 ntâu xưv phaz liêx têz. Txix hnuz lor sâu têx njuôs shôngz, iz tas cik lor tâu 53 cir, iz cir 45 cxênhz đeiv. Cur uô tsâus ntâu Hội pox niêv thiêz tsêr nhiêx tsênhv chei xã hội. Thâuv ntêx pêz uô kôngz mak tsi truôx tuk li no, txix thâuv tâu buôk ti têx pênhr txeik huôv tsar chos njuôs shôngz muôs li heik sâuv, cur chuôz zis luz nênhx tưz hlôngr yiêz ntâu. Cur cux sik đros Hội pox niêv yax kriê trâu chor vir ndâuk sơưr đơưk pâuz tsênhz lok têx muôx liv thiêz jông txix chos njuôs shôngz chiê sik đros huôv tsar uô, hla đhâu cêr pluôs”.

Zơưv Trần Quốc Bảo, Phưv Giám đốc Phongx giao dịch tsêr nhiêx tsênhv chei xã hội huyện Ninh Phước heik, txix taz viv phênhv tso txeik, lok six ntâu lênhx pox niêv, lar heik zos têx lênhx muôx luz nênhx txov nhêv lok sik heir nênhs tsơưs ntơưv qơư tưz sir jos hla đhâu phiv liv, huôv tsar uô nox, muôx luz nênhx truôx tuk:“Tsêr nhiêx tsênhv chei xã hội Ninh Phước chuôz tsar hux jos đros 4 tsưr tsix Hội tso têx lênhx nênhs txov nhêv kêr txeik pênhr huôv tsar uô nox, hâur co Hội pox niêv tsav 50% tas nro têx pênhr tso kêr txeik hâur huyện. Đhâu fuô uô tsaz yênhx nhiêx txiêx tso txeik tsêr nhiêx tsênhv chei li pênhr, Hội pox niêv hux jos cxiz sei uô tâu jông luôs hâux lưv co, muôz tâu pênhr nhiêx txos trâu chuôz zis pluôs thiêz têx tsaz yênhx txơưr đuô trâu tsôngv box buôk ti. Đhâu qênhz yuôx ntâuk grê, sơưr đơưk sir zôngv têx pênhr txeik huôv tsar uô nox tâu trơưk tsưr ziv. Hâur ntu zuôr txos, tsêr nhiêx tsênhv chei nhênhz chơưv trâu cấp ủy hâu nov ntơưv qơư chox kriê têx Hội đoanx thêv hux jos đros tsêr nhiêx tsênhv chei”.

Sik hux jos truôx đros tsêr nhiêx tsênhv chei xã hội, txix ciês hâur shôngk shông, Hội Liên hiệp pox niêv huyện Ninh Phước tưz chox kriê Hội Liên hiệp pox niêv cxuô xã, thị trấn cxiz uô jông hâux lưv yax kriê lok Chính phủ têx pênhr nhiêx txiêx tsov cưv thôngz đhâu têx jiês cơưv giao ban, xênhz huôx chi bộ, tổ Hội pox niêv; đhâu têx ntơưr pov tsir, Zalo, Facebook...chiê paz chor pox niêv vir ndâuk thiêz tsôngv pêx hâur thax tsav pâuz tsênhz lok Đảng, têz qơưk têx chei kriê, chei paz trâu nênhs pluôs, têx lênhx tâu sơưv chei paz txơưr đuô.

Xav txos tas hli 9 shông 2023, muôx 8 cxênhz lênhx pox niêv vir ndâuk hâur thax tsav huyện tâu buôk ti txos tsêr nhiêx tsênhv chei xã hội huyện li pênhr txeik, xav hur si muôz tâu 270 tyv đeiv ntâu trâu sơưr đơưk kêr txeik thôngz đhâu 135 tổ cxênhx txuôs thiêz kêr txeik pênhr. Pos Hồ Thị Kiều Chinh, Phưv Giám đốc tsêr nhiêx tsênhv chei xã hội tỉnh heik, hâur ntu zuôr txos, Tsêr nhiêx tsênhv chei xã hội tỉnh zuôr tror sir jos đros Hội Liên hiệp pox niêv thiêz têx Hội, đoanx thêv uô jông hâux lưv qênhz yuôx, seiz kaz, taz por têx pênhr txeik tâu sir zôngv trơưk tsưr ziv, siêz xar:“Hâur ntu nhiv kruôr đhâu, Hội Liên hiệp pox niêv tỉnh tưz sir jos đros tsêr nhiêx tsênhv chei tỉnh chox kriê hội pox niêv cxuô cấp tsưr tsix fuô uô jông chính phủ têx tsaz yênhx nhiêx txiêx txos trâu chuôz zis pluôs, chor nênhs tâu sơưv têx chei paz txơưr đuô, xav hur si têx nhiêx muôz trâu sơưr đơưk kêr txeik zos iz cxênhz tyv đeiv ntâu, tsav 41% pir li muôz trâu 32 cxênhz lênhx kruô txeik. Tsưr tsix cơưv shâuv tsưr ziv yuôr trâul trâu canr bôv hội cơ sở cxuô cấp, cxiv kho gra siêz tsơưr lươngv nhiêx txiêx....”.

                                               VOV4-Riê Lâux cxeik, nhênhv