Đà Nẵng: Chuv tôngv phax tar moz poz tês tơư kror ndâux trâu mê nhuôk zâu

Têx hnuz đhâu lok no, fênhx pheiz iz hnuz, Khoa y học nhiệt đới- tsêr kho moz phụ sản-nhi Đà Nẵng tsi so tos thiêz kho moz txix 20 txos 30 lênhx nênhs trâus moz poz tês tơư kror ndâux. Tix lâuk Nguyễn Đức Huy, nhoz xã Hòa Sơn, huyện Hòa Vang, thành phố Đà Nẵng muôx mê nhuôk tâu zuôr xar 1 shông hnuz nhôngs trâus moz tês tơư kror ndâux tsênhv kho moz ntơưv tsêr kho moz puz pâuz: Chuôz zis chox mê nhuôk tuôx kho moz thâuv mê nhuôk uô cuz, ntuôr, sơưr hlưr đêx iz ndis kror ndâux, xiz tês. Mê nhuôk tưz kho moz tâu 5 hnuz lơưv mak tsi pov jông moz:“Mê nhuôk cuz 39 txos 40 tưv, tuôx seiz njuôs bác sĩ muôx yuôx hâuk viv li jông đuô. Hâur xiz tês, xiz tơư, iz ndis kror ndâux pov tơưv hlưr đêx. Nhiv no mê nhuôk tsi tâu jông moz viv li tror nhoz ntơưv tsêr yuôx chiê kho moz”.

Lơưr bác sĩ Nguyễn Hải Thịnh, Tsar khoa y học nhiệt đới, tsêr kho moz phụ sản-nhi Đà Nẵng, hâur têx lênhx mê nhuôk tuôx kho moz, muôx ntâu lênhx trâus moz tês tơư kror ndâux hov 2B, tsuv sir zôngv têx tsưr ziv paz chuôz cxaz đas jos, uô pa. No zos zav moz huôv sei lơưr yênhx six hơưv viv li lok six riêz nênhs, zôngx ziv uô zênhr shar txos mê nhuôk li đas jos, txox siê. Moz khênhr uô mê nhuôk tsi xar nox hâuk, lok kâuz ndâus, tơưv poz sâuv tês tơư, hâur châus. No zos zav moz cik khênhr huôv xênhz lơưr 2 jiês hâur iz shông. Jiês 1 txix hli 3 txos hli 6, jiês 2 txix hli 9 txos hli 11. Moz khênhr huôv xênhz sâuv mê nhuôk tsi tâu muôx 5 shông, hâur co mê nhuôk txix 1 txos 3 shông zos njuôs xav trâus moz siêz tiv zix.

          Xav txix hâur shôngk shông txos nhiv no, sâuv thax tsav thành phố Đà Nẵng muôx 258 lênhx mê nhuôk trâus moz tês tơư kror ndâux. Chiê chuv tôngv phax tar moz, Sở y tế TP heik tsênhv qơư seiz car moz TP thix ziv têx phongx y tế quận, huyện, tsênhv qơư y tế quận, huyện chuôz tsar seiz car jông qênhx shênhx moz, pov, yưr lir txos qơư lênhx nênhs trâus moz, qơư huôv xênhz moz. Nganhx y tế TP cux heik têx tiv phaz, qơư zaoz zux, têx lênhx uô niêv uô txir tsuv chuv tôngv tsoz phưz, por vêv zuk mê nhuôk. Bác sĩ Nguyễn Hải Thịnh, tsar khoa y học nhiệt đới- tsêr kho moz phụ sản-nhi Đà Nẵng heik:“Hâur iz luz hlik đhâu, nênhs moz poz tês tơư kror ndâux tuôx seiz njuôs thiêz kho moz ntơưv tsêr kho moz chuôz ndê. Ntơưv khoa tưz muôx 2 lênhx moz poz tês tơư kror ndâux trâus moz hnhar tsuv cxax yuôx kho moz. Đhâu iz ntu kho moz txix 7 txos 10 hnuz, têx mê nhuôk tưz jông đuô thiêz tâu tso muk tsêr. Tsênhv nhoz ntu moz huôv xênhz, heik kriê têx lênhx uô niêv uô txir, zuk mê nhuôk thâuv njuôs xav trâus moz tês tơư kror ndâux li uô cuz, lok kâuz ndâus ntâu, tsi xar nox hâuk, tơưv hlưr đêx tsuv chox ciês muk qơư y tế chiê tâu bác sĩ seiz njuôs thiêz kho moz”./.

VOVMT-Txâur Vax cxeik nhênhv

CHÊI TÊZ QƠƯS

UÔ LƠƯR THỦ TƯỚNG CHINHR PHUV LI CHỈ THỊ LOK CHUÔZ

CXAZ CÔNGZ XƯV TAZ POR NGAZ TUK ZOZ THÔNGZ CÊR AR HÂUR QÊNHX SÊNHX YIÊZ

Tror tsêx trung kriz uô truôx jông Đảng, Têz qơưk têx tsưr ziv chox kriê hâur côngz xưv ngaz tuk zoz thôngz; uô cxix cxuô txơưx jênhv hâur sêiz car têz qơưk lok ngaz tuk zoz thôngz. Nênhs sơưr thơưx cấp ủy chor sở, nganhx, chinhr quyền cxuô cấp muôx txơưx jênhv cxix cxuô lok côngz xưv taz por ngaz tuk zoz thôngz cik txos kror hâux lưv, thax tsav qơư zuk sêiz car. Tas nro chor txuz txiêz nanv zoz thôngz phiv liv muôx yưv tsuv tâu sêiz shuôk, xưv lik jông chor tập thể, tiz nênhs cik txos li txơưx jênhv.

Uô truôx jông kỷ luật, cêr chêi, uô truôx jông sêiz car têz qơưk lok ngaz tuk zoz thôngz. Chuôz cxaz qênhz yuôx, xưv lik truôx chor cơ quan sêiz car têz qơưk lok zoz thôngz, lưx lươngv uô lơưr cêr chêi têz qơưk lok zoz thôngz, chinhr quyền ntơưv qơư thiêz têx lưx lươngv txơưr li têx uô cxâuv, uô zuôv cêr chêi cik txos yưv pênhr cxiv tsa, sêiz car lok ngaz tuk zoz thôngz. Hâur ntu xưv lik têx uô cxâuv lok ngaz tuk zoz thôngz tsuv uô truôx jông lơưr cêr chêi têz qơưk “Tsik jav lênhx tưs hlo”, tas nro têx kror uô cxâuv lok ngaz tuk zoz thôngz tsuv tâu xưv lik truôx jông lơưr cêr chêi têz qơưk têx cui tênhv.

Tsêx trung xưv lik truôx jông têx uô cxâuv zos qir tiv uô muôx yưv chor txuz txiêz nanv zoz thôngz zov chênhr, li: chêix yêz muk chênhr, hâuk chơưr bia, zax zênhz “lôngx đhok” nzir têx đaz yêz, thâux ntâu, thâux chôngz nênhs… Tsuv uô truôx jông hâux lưv qênhz yuôx, xưv lik chor nênhs tsaz yêz hâuk chơưr, bia chiê paz muôx hlôngr yiêz jông, sir jos cov sơưr đơưk pâuz tâu jông txos vênhx huôv “tưz hâuk chơưr, bia lơưv mak tsik tsar yêz”. Chuôz cxaz qênhz yuôx têx yêz, xưv lik truôx têx uô cxâuv thiêz sir jos txưr chor yêz tas six hơưv sir zôngv, đăng kiểm muk lok tâus cêr.

Tror hlôngr yiêz lok tsênhv njiêz, tsưr ziv uô côngz xưv yax kriê, piêr pâuz, zoz cêr chêi têz qơưk lok zoz thôngz cov zôngx ziv pâuz tâu, huv đros trâu yênhx thax tsav, mênhx cxưx, hnuz nhôngs, tiv zix zos chor hluôk nênhs, shux xênhz, tsôngv box mênhx cxưx tsơưs nênhs… chiê paz muôx tâu hlôngr yiêz lok jênhv pâuz thiêz huôx tôngv hâur côngz xưv taz por ngaz tuk zoz thôngz.

Tsik so qênhz yuôx, hêik cov kho đuô, cxaz nzir uô cov tiêr têx cêr chêi têz qơưk lok ngaz tuk zoz thôngz huv đros trâu tsênhv tsênhz huôv tsar kinh têr-xar hôiv, taz por cov cxix cxuô, thôngx ziv hâur cxiv luôs cêr chêi têz qơưk.

Uô cxix cxuô cêv kuôk zoz thôngz đros cêv kuôk huôv tsar kinh têr-xar hôiv nhoz tỉnh, têx nganhx thiêz thax tsav. Kho đuô cov sêiz têx qơư phiv liv lok ngaz tuk zoz thôngz thiêz têx kror tsik huv zos hâur tsưr tsix zoz thôngz. Gra siêz tsơưr lươngv ngaz tuk kỹ thuật thiêz por vêv tênhv qơư trâu têx chuôz zênhx zoz thôngz.

Chuôz cxaz sêiz car têz qơưk trâu têx huôx tôngv đăngk cir, đăng kiểm, sêiz car chuôz zênhx zoz thôngz cêr ar. Chuôz cxaz sêiz car côngz xưv thox cxov, cungz ntơưr tsar yêz sâuv thax tsav tỉnh, phax tar têx kror tsik jông hâur huôx tôngv thox cxov.

Chuôz cxaz yưv pênhr trâu uô vax tsêr cxuô kror, chuôz zênhx trâu chor lưx lươngv uô côngz xưv taz por ngaz tuk zoz thôngz. Huiz tôngv, sir zôngv jông chor pênhr jos chiê chuôz cxaz đas jos trâu chor lưx lươngv uô hâux lưv taz por ngaz tuk zoz thôngz; đas jos chơưv paz trâu sơưr đơưk.

Kriz uô cxix cxuô têx tsưr ziv phax tar, khưx phưx muk lok tsik tâu sâuv cxuô ntu cêr zoz thôngz chênhr, zoz thôngz hâur têx đrôngs. Chuôz cxaz uô têx tsưr ziv taz por ngaz tuk ciêz đrôngs, sêiz car têx cêr, ntus cêr; muôx tsưr ziv sir zôngv ar huv zos chiê cêv kuôk, cxiv tsa chor qơư đrêk yêz, txêik tok kruô, huôv tsar zav zoz thôngz công côngv hâur thax tsav đrôngs./.

Bích Thủy-Lik Thox cxêik nhênhv