Hêir nênhs M’nông, tỉnh Đắk Lắk kriz ntênhk txi côngv hâur đêx, thor cov muôx ntux yar, ntux nas, tsôngv px khưr sâu tâu ntâu kôngz

          Têis cik sơưr nzor, ntơưv yar tiêx côngv thôngx jos Đôn, xã ntus đriv Krông Na, huyện Buôn Đôn, tỉnh Đắk Lắk, cxuô lênhx sđ tưz shir phaz lul bax cxuô zav li grêix, chơưr chiê kriz ntênhk hội txi côngv hâur đêx. Zơưv Y Lươm Knul, Phưv Chủ tịch UB xã Krông Na shir phaz lul hêik pâuz:“Nhoz xã Krông Na, huyện Buôn Đôn, ntênhk txi côngv hâur đêx muôx liv lox trâu tsôngv px hêir nênhs M’nông. Co zos hêir nênhs M’nông ntênhk txi côngv cxôngx nzor, muôx đros đrêiv hâur luz nênhx tsik chiê pôngz plox”

Trơưk li hêir nênhs M’nông, ntênhk txi côngv hâur đêx zos uô tsâus trâu đaz xênhz têz, xênhz qơư, uô tsâus trâu luz ntux tưz tso đêx lok trâu tsôngv px sir zôngv thiêz muôx ntux yar, ntux nas, sđ khưr sâu tâu ntâu kôngz lôngk, muôx luz nênhx tsâu sor. Ntênhk hội txi côngv tâu kriz uô trâu thâuv tsôngv px sđ khưr sâu kôngz lôngk tas thiêz bax muk uô chiv kôngz yiêz. Zơưv Y Thơng Kđoh nhôzs Trí, xã Krông Na shir phaz lul hêik pâuz:“Hâur ntu đrav ntêx muôx chôngz lênhx px đros txi côngv, thiêz sđ tsênhv sik côngv paz cxur, grêix, chơưr, kêiz buô…gra tuôx uô cê hâur hnuz kriz ntênhk txi côngv. Ntênhk txi côngv hâur đêx tâu kriz uô txix hli 3 txos hli 6 niêx shông; ntơư zos thor cov muôx ntux yar ntux nas paz tsôngv px sđ têx kôngz lôngk hloz jông, sâu tâu ntâu kôngz thiêz thor cov sđ muôx jông đas jos”

Hêir nênhs M’nông ntênhk txi côngv hâur đêx, thâuv tưs cux muôx oz lênhx sik côngv đros txir nênhz uô. Txir nênhs tsuv zos chor lâuk muôx côngz nto bê hâur côngv thôngx thiêz pâuz tsênhz lok ntênhk txi côngv têx muôx liv, tsiv grê. Ntơư zos lênhx hlôngr njêx muôs trâu jêx jos chiê đros đaz xênhz têz, xênhz qơư, plis đêx plis ar thav. Thâuv txir nênhs piz txi côngv đros trâu suôz đruôk tôngx, cxêz tôngx đror lov jêv muôx njiêz luk thor cov muôx ntux yar ntux nas paz tsôngv px sđ khưr sâu tâu ntâu kôngz, muôx luz nênhx tsâu sor. Pos H Nụ Bu Dăm, nhoz jos Ea Mar, xã Krông Na hêik pâuz nzir:“Tus đêx Sêrêpôk no cux muôx đros đrêiv tsôngv px nhoz thax tsav ntus đriv co đhâu ntâu tiêv lok. Ntênhk txi côngv hâur đêx muôx liv lox trâu tsôngv px hâur thax tsav no luz nênhx nox nhoz, muk lok hâur niêx hnuz, sđ muôx luz nênhx tsâu sor”

          Ntênhk txi côngv hâur đêx zos côngv thôngx hêir nênhs M’nông nhoz thax tsav ntus đriv iz ntênhk hội muôx liv, tsiv grê hâur luz nênhx niêx hnuz, cxơưz cxiz trâu tsôngv px tsưx phưv truôx têx hâur đêx, muôx cêr côngv siêz jông, sik chos huôv tsar truôx zuk hêir nênhs têx txux chi, vênhx huôv jông cxôngx nzor tsik chiê pôngz plox./.

                                                                                      Tsu cxêik nhênhv-PV H Xíu, TT Tây Nguyên

Tâuv tsuôz- Tsôngv box Hmôngz Hà Giang li zav nox reik đros đreiv luz nênhx

Pos Hầu Thị Chấu tưz zuôr muôx 70 shông hnuz nhôngs nhoz xã Thanh Vân, huyện Quản Bạ, tỉnh Hà Giang puz pâuz, txix thâuv tsênhv zâu pos tưz pov têx pos, têx niêv uô zav nox tâuv tsuôz. Txos nhiv no, zav nox kaz no tsênhv six fênhx muôx đros đreiv hâur têx ziv chuôz zis tsôngv box Hmôngz nhoz no li têx pluôk mor nox:“Chiê uô tâu tâuv tsuôz tsuv muôx tâuv pâur. Thâuv tâuv tâu tsâu đêx cov jông chox muk jov yênhx cuô tâuv, đhâu co muôz hâu txos thâuv bâu muôz cxaz cuô kâuz, tâu uô txix jâuz kâuz tâu đê pêv har jôngr lok đo shơư uô cê. Chor cuô kâuz no paz uô trâu tâuv muôx njik kâuz thiêz cuô tâuv khor đuô. Cuô tâuv tsuôz tsuv muôx jâuz njuôz- iz zav jâuz kaz nto bê nhoz tox siêz Hà Giang. Jâuz đê lok muôz nzuôr cov hur, cxôngr mos thiêz hâu đros cuô tâuv, thâuv cuô tâuv bâu lok six tsư kaz, muôz cxaz jâuz bleik ok cxôngr lok sik shơư mak ziv tsư kaz đuô, nox kaz njêr lok sik nox tsuôs cux tâu, lơưr yênhx ziv chuôz zis li siêz nhiêv nox”.

Tâuv tsuôz khênhr tâu nox đros mor cuôv- tsôngv box Hmôngz iz zav nox shưv jê tâu uô txix hmôngr poz cưk. Thâuv nox cuô tâuv đros mor cuôv, jâuz njuôz tsư kaz, cuô tâuv muôx njik kâuz, mor cuôv tsư ha mak lok six huv thiêz kaz jông, nox iz jiês zuôr ndo njôngr hâur siêz tsi plox. Tix lâuk Phạm Văn Thành, iz lênhx nênhs txix Hà Nội tuôx ndis seiz Hà Giang, jiês xuz thơưx tâu nox tâuv tsuôz pheiz kênh: “Jiês xuz thơưx cur tuôx Hà Giang, muk ciêz tâu nox ntâu zav nox kaz nhoz tiv phaz, cur pov lok six kaz. Đrâuv mor cuôv, cuz thaz lok sik chơưr poz cưk…muôx iz zav nox cur ndo njôngr viv lok six kaz co zos tâuv tsuôz. Zos zav nox thâuv tưz iz jiês tâu nox mak zuôr ndo njôngr hâur siêz tsi plox”.

          Tâuv tsuôz tưz yênhx tsôngv box Hmôngz iz zav nox reik đros đreiv hâur luz nênhx. Viv li, txơưv luz nênhx muôx ntâu hlôngr yiêz, đros muôx ntâu zav nox cxaz kaz txix têx mênhx cxưx txơưr, taz sik tâuv tsuôz cux tsênhv six fênhx tâu ntâu chuôz zis nênhs Hmôngz nhoz no tuôr tsês li iz zav nox kaz nto bê tsuôk zuk mênhx cxưx thiêx li muôx:

          Tuôx txos tox siêz Hà Giang- tsôngv kruô tsuv ndo njôngr muk ciêz tox siêz chiê tâu nox siv tsôngv box Hmôngz nhoz no li zav nox kaz tâuv tsuôz no./.

                                                                                                   Txâur Vax cxiv sâu thiêz cxeik nhênhv