Sir jos uô hâux lưv cxiv tsa tsi so, paz tsôngv box thax tsav trâus đêx nas uô ruôr hiêv nzor muôx vax tsêr nhoz

Nhoz tox siêz jok Mà Sử 1, xã Sàng Ma Sáo, txix tas cik sơưr nzor, huôz ha tưz yêv tsi tâu tas, taz sik têx lênhx công nhân tưz tuôx hur si trâu ntơưv qơư cxiv tsa, tus tsông poz jêz, tus đo xuôz jêz, xi măng, tus cxiv puôz foz nja tsêr.....uô hâux lưv lov jêv ntưk. Tix lâus Lường Văn Lính, lênhx seiz car chor cxiv tsa heik: “Pêz tưz cxiv tsa lok six ntâu côngz trênhx, taz sik jiês xuz thơưx tâu uô dưv anr jông siêz li no. Pêz lênhx tưs cux puôr lênhx sir jos chiê paz tsôngv box uô tâu tsêr sei, sơưr đơưk shir phaz muôx vax tsêr yiêz nhoz”.

Dưv anr qơư nhoz yiêz trâu tsôngv box trâus đêx nas uô ruôr hiêv ntơưv Sàng Ma Sáo zos Bộ Tư lệnh Quân khu 2 uô tsưr yưv pênhr, Tổng công ty 789 (Bộ Côx phax) lênhk nhav cxiv tsa. Dưv anr qơư nhoz co muôx 60 luz tsêr cxiv uô trơưk tsôngv box Hmôngz cêr nênhx phôngz cxưx, xav tas hur si muôx 3,5 ha ar. Lơưr trung úy Nguyễn Chí Trung, Trung đoanx 174, Sư đoanx 316, iz chas têx uô tuôr thênhv txos li: Tox siêz phiv liv muk lol, ntux nas ntâu, pok huôz, muôx ntâu poz jêz, tsuv pôngz ntâu six hơưv, hnuz nhôngs tsông têx poz jêz chiê tsơưs uô ruôr hiêv txos luôs 2 chas thax tsav nhoz jê iz ndis, viv li tổ, đội tsi so siz hlôngr njo uô hâux lưv, txơưv têx hnuz têz qơưk sơưr đơưk so lok cux tsi so. Trung úy Nguyễn Chí Trung heik: “Pêz chor canr bôv thâuv tưs tưz heik sơưr đơưk sir jos uô hâux lưv, siz hlôngr njo uô nuv trơưk Lâul Hôx, sir jos uô thơưv hnuz thơưv hmo viv tsôngv pêx xênhv ntơưv qơư chiê uô tiêr tâu nzor têx luôs hâux lưv zok muôz, cov tsôngv pêx xênhv muôx vax tsêr khor truôx nhoz”.

Trơưk li zơưv Shôngx Xênhv Vưx, Chủ tịch ủy ban xã Sàng Ma Sáo, thâuv hli 9/2024, coz nas chuô lox sôr 3 tưz uô 130 ntâu chuôz zis trâus ruôr hiêv lok vax tsêr nhoz, hâur co 5 luz tsêr trâus puôk tsuôx, tsi jông tas. Dưv anr hâux lưv tso tơưv zos sir jos uô tiêr luôs hâux lưv heik sâuv uô ntêx hnuz 30/6 chiê pêx xênhv muôx vax tsêr nhoz uô ntêx cheix ntux nas:“Thâuv uô tiêr qơư yêik txar tsôngv pêx xênhv muk nhoz, choz zok, cấp ủy, pêz hâu nov ntơưv qơư zuôr hux jos truôx đros Ủy ban huyện thiêz têx phongx, ban cik txos chiê xeir, qênhz shuôs sêz chuôz zis tưs nhiv no tsi muôx ar nhoz chiê yêik txar lok nhoz, truôx tuk luz nênhx”./.

An Kiên-Riê Lâux cxeik, nhênhv

Sơn La uô li chak chiê phax tar caz moz trâu chor tsiêx tu zus thâuv hlôngr chêix?

Lơưr nriêr pâuz, ciês hâur hli 4 no, ntơưv phường Chiềng Cơi thiêz phường Quyết Tâm, thành phố Sơn La, tỉnh Sơn La tưz pov muôx moz vưv nhoz chor đêr. Thâuv pov muôx caz moz, chor ziv chuôz zis tưz hêik ciês trâu chor lưx lươngv muôx vax huôv pâuz, sêi đrơưv cxov cơư thiêz xưv lik, viv li tsik muôx yưv têx phiv liv tưs.

Pos Nguyễn Thị Ngọc Lan, Tôv tsar tôv 2, phường Chiềng Cơi, thành phố Sơn La, tỉnh Sơn La hêik: “Nhiv kruôr đhâu sâuv thax tsav tưz pov muôx đêr moz vưv, chinhr quyền tưz hêik pâuz, yax kriê txos tas nro pêx xênhv thiêz chor chuôz zis pâuz tsuv cxax yuôx cxix cxuô trâu chor đêr, mir lok zos yưk thiêz chor tsiêx tu zus hâur chuôz zis chiê phax tar moz vưv trâu tas nro pêx xênhv, trâu cxuô lênhx nênhs hâur chuôz zis thiêz côngv thôngx jêx jok”.

Nhiv no Sơn La tsênhv piz hla trâu ntu hlôngr chêix, qiv hơưv txơưr txar phiv liv zos kror zôngx ziv trâu chor caz moz nhoz tsiêx cxu huôv xênhz thiêz siz cik moz sêi. Đros caz moz txơưr txar phiv liv, chor canr bôv, nhân viên thú y tỉnh Sơn La tsênhv muk trâu yênhx ziv chuôz zis yax kriê, hêik chor chuôz zis tu zus tsiêx cxu uô vêv xênhz jông trâu têx tsêr guôx; bax cov cxix cxuô têx chuôz zênhx, yuôx phưx vưv chiê phax tar caz moz trâu tas nro chor tsiêx cxu zuôr xar 500.000 tuk nhux, tưv; 600.000 ntâu tuk buô thiêz yênhx châuv yênhz tuk kêiz ol, tsiêx tu zus txơưr….

Niêv tix Lò Thị Tươi, nhân viên thú y phường Chiềng Cơi, thành phố Sơn La, tỉnh Sơn La puz pâuz: “Hâur ntu hlôngr chêix, caz moz zôngx ziv huôv xênhz, pêz tưz côngv đros chor tôv, jêx jok chiê yax kriê trâu chor nênhs tu zus thiêz cxax yuôx phax tar caz moz cov ngaz tuk jông trâu zuk cux li côngv thôngx jêx jok”.

Txix hâur shôngk shông txos nhiv no, tỉnh Sơn La tưz pov muôx moz ơưk buô Châu Phi, moz poz sâuv tơưr grêix, moz tơưv ndâux hlê trâu nhoz chor tsiêx cxu ntơưv huyện Vân Hồ thiêz huyện Yên Châu, tsuv muôz hlơưr phâuk por tsês muôx 80 ntâu tuk, nhiv no yuôr 70 ntâu tuk tsênhv tâu kho moz; uô phiv liv tsik tsơưs txos pêx xênhv li hâux lưv tu zus.

Zơưv Nguyễn Ngọc Toàn, Chi cục trưởng Chi cục tu zus, thú y thiêz tsiêx đêx tỉnh Sơn La puz pâuz: Ciês pov muôx huôv xênhz caz moz, Chi cục tưz sik côngv đros chor lưx lươngv muôx vax huôv cêv kuôk, qênhz yuôx caz moz, njuôk shuôk caz moz, tsuôs yuôx tuô lov caz moz, xưv lik chor tsiêx cxu trâus moz. Đros co zos muôz muôx 2.000 ntâu lir yuôx hóa chất, zuôr xar 22.000 côngz yuôx vắc xin phax tar moz vưv, 41.000 ntâu côngz yuôx vắc xin phax tar moz tơưv ndâux hlê trâu trâu chor huyện, thị xar, thành phố kriz uô côngz xưv cxax yuôx phax tar caz moz: “Iz chas côngz xưv cxax yuôx phax tar caz moz, Chi cục cux sik côngv đros têx huyện, thành phố, tiv zix zos chor xar, jêx jok muk txos ciês trâu chor ziv chuôz zis, yax kriê trâu pêx xênhv pâuz sir jos uô jông côngz xưv phax tar caz moz trâu chor tsiêx cxu, cux li têx kror jông txix hâux lưv cxax yuôx phax tar caz moz trâu chor tsiêx cxu, tiv zix zos phax tar iz cxiê zav caz moz, li: Tơưv ndâux hlê trâu, moz poz sâuv tơưr grêix, moz vưv nhoz chor tsiêx cxu…”.

Đros chor lưx lươngv muôx vax huôv li têx sir jos uô, cxuô lênhx nênhs cux tsuv sir jos gra siêz txơưx jênhv uô jông cxax yuôx vắc xin phax tar caz moz trâu chor tsiêx cxu, cxax cov txâuk, cov txưv, huv zos chor yuôx vắc xin lơưr cui tênhv, txo grêk tsơưs tiv zix têx trâus ruôr hiêv./.

Trấn Long-Lik Thox cxêik nhênhv