Uô tiêr tsêr cơưv thax tsav ntus đriv, bax tok shông cơưv yiêz

Suôz meir txiêr vuôk, poz jêz, đo suôz jêz, xi măng đros suôz yêz đror đrông ntưk ziv uô têx qơư cxiv tsa côngz trênhx Tsêr cơưv Phổ thông dân tộc nội trú Cxênhx iz thiêz Cxênhx oz Lóng Phiêng, tỉnh Sơn La lov jêv đuô. Sâuv têx qơư cxiv puôz siêz, công nhân uô jông luôs hâux lưv xor thêir, đhok kror trôngx, khênh uô cov tiêr têx qar tsêr cơưv ntơưr. Hok hâur yar tiêx tsêr cơưv, meir câuk ar cux tsênhv sir jos uô hâux lưv câuk, fênhx kho têx ar, poz jêz cov qơư tiêx; têx cêr muk lok hâur tsêr cơưv, yar tiêx thiêz qơư cơưv ntơưr tsênhv uô tiêr jux juk. Zơưv Vì Văn Sạy, nhoz jok Tà Vàng, xã Lóng Phiêng jông siêz thiêz shir phaz thâuv zuk têx tuz nhuôs zuôr tâu nhoz cơưv ntơưr hâur qơư truôx jông đuô: “Pêx xênhv cxuô heir nênhs hâur pêz jok lok six shir phaz viv tâu cơưv ntơưr ntơưv no lok six zôngx ziv, tsi tsuv muk cơưv đêz, tsi tas li tsêr cơưv cux lok six truôx kho thiêz jôngr. Đảng, Têz qơưk tsưr ziv moz siêz txos tsôngv box heir nênhs tsơưs ntus đriv têx nhuôs li no, pêz lok six shir phaz”.

Lơưr tsưr ziv, Tsêr cơưv Phổ thông dân tộc nội trú cxênhx iz thiêz cxênhx 2 Lóng Phiêng xeir zuôr iz cxênhz ntâu lênhx shux xênhz. Txos nhiv no, tsêr cơưv tưz xeir zuôr tâu 1.031 lênhx shux xênhz thiêz tsênhv tror xeir nzir 19 lênhx shux xênhz thiêx txâuk. Cưk kriê Nguyễn Ngọc Hưng, thơưx seiz car tsêr cơưv puz pâuz: “Trơưk li tsưr ziv choz, tsêr cơưv muôx 63 lênhx cưk kriê ntơưr, nhiv no tưz bax xeir tâu 47 lênhx nênhs. Xã tưz uô ntơưr hêik pâuz xeir zuôr cưk kriê ntơưr hux thôngx thiêz lênhx nênhs phưx vưv uô têx hâux lưv hâur tsêr cơưv”.

Chiê uô tâu têx hâux lưv tso tơưv, 200 ntâu lênhx công nhân đros ntâu luz meir tâu hu tuôx, pheiz uô ntâu paz sik đros cxiv uô tsêr cơưv. Têx lênhx mak  cxiv uô, kho cov tiêr qơư cơưv ntơưr, muôx kênh lênhx ho kho plas tsêr cov tiêx, đhok vuôk trâu, uô têx thênhv ntêir muk lol; têx paz txơưr đuô mak sir jos cxiv kho têx yar tiêx tsêr cơưv thiêz cêr muk lok hâur tsêr cơưv.....Huôk njôngr têx hnuz ntux yar, kruôr krơưr sơưr đơưk sir jos sik đros uô hâux lưv tsi so hlo; thâuv ntux nas lox mak chor công nhân ho hlôngr muk uô lưv zav hâux lưv trâu saz hâur tsêr. Lơưr zơưv Nguyễn Quang Thuật, thơưx seiz car côngz trênhx, Công ty TNHH MTV K50 Sơn La, txos nhiv no dự án tưz uô tiêr 94% ntâu têx hâux lưv zok muôz: “Tas nro têx lớp cơưv tưz đhok uô tiêr têx chuôz zênhx, muôx txâuk cxuô zav chiê cơưv ntơưr, nhiv no zov chênhr zos luôs hâux lưv qêz suô, tu têx qơư nhoz cơưv lơưv xưz. Pêz sir jos cov txos hnuz 20/8 choz zok qơư trâu têx nhuôs tuôx nhoz cơưv ntơưr”.

Tsitiêk ntơưv Lóng Phiêng xưz, 12 côngz trênhx cxiv uô tsêr cơưv ntơưr ntơưv têx xã ntus đriv hâur tỉnh Sơn La cux sir jos sik paz, siz hlôngr njo uô cov tiêr tâu sei. Uô tsaz yênhx "100 hnuz hmo" sir jos uô tiêr 13 tsêr cơưv Phổ thông Dân tộc nội trú 2 cấp, tsưr yưv pênhr hêik têx taz viv tsênhv hu zâuv ntâu tus chôngz lênhx nênhs, chuôz zênhx, meir uz no siz pheiz uô ntâu paz, sik hlôngr njo uô cov tiêr têx côngz trênhx uô ntêx hnuz 30/8 zuôr txos. Zơưv Nguyễn Đức Toàn, Phưv Giám đốc Ban sêiz car dự án yưv pênhr cxiv tsa têx côngz trênhx kôngz nuv thiêz huôv tsar tox siêz tỉnh Sơn La puz pâuz: “Chox kriê heik seiz kaz jông têx côngz trênhx, trơưk six hơưv uô hâux lưv, seiz car truôx têx hâux lưv uô, tsơưr lươngv côngz trênhx; bax sik hux jos đros cxuô sở, nganhx, ntơưv qơư bax têx chuôz zênhx zuôr trâus chiê nzor uô tiêr côngz trênhx bax tâu  trâu shông cơưv yiêz”.

Thâuv suôz đruôl krêz shông cơưv yiêz đror hâur têx tsêr cơưv yiêz nhoz ntus đriv Sơn La, tsi tiêk têx cưk kriê thiêz shux xênhz shir phaz xưz,mak tsênhv zos shux xênhz niêv txir cêr jông siêz tưz ntâu shông tok njôngr zuk têx tuz nhuôs tâu nhoz cơưv ntơưr hâur qơư truôx jông đuô.

VOVTB-Riê Lâux cxeik, nhênhv

Lênhx pox niêv cưk yuôx mênhx cxưx Mường huôv tsar uô nox txix yuôx njuôz

Xênhz zus hâur iz chuôz zis mênhx cxưx Mường muôx cêr chax chês uô yuôx njuôz kho moz ntơưv xã Tạ Khoa, tỉnh Sơn La, niêv tix Hoàng Thị Nghĩa thâuv tưs cux xar njôngr chox têx tsiv gri txix têx yuôx njuôz nhoz zuk têz qơưk txos chôngz lênhx nênhs đuô pâuz txos. Thâuv cơưv tiêr Đại học Dược shông 2011, niêv tix Nghĩa cuêz tênhv tror lok zuk têz qơư yênhx lix ziv chuôz zis tsiv uô yuôx njuôz. Jênhv pov tsoz kriêr li têx tsiv grê, niêv lâuk truôx siêz kriz uô tsưr ziv chos kriêr hữu cơ phưx vưv muôs tơưv saz đrâuv têz qơưk. Shông xuz thơưx, tsâur nuv tâu kriz uô sâuv mênhv chêx 3 héc ta. Txos nhiv no, thax tsav ar chos kriêr hữu cơ tưz krêz đar muôx 10 héc ta ntâu đros muôx 30 ziv chuôz zis cxaz chuôz, gôngr phênhv muôx tsưr ziv huôv tsar uô kôngz nuv hur ntơưv tiv phaz.

Shông 2024, niêv lâuk Nghĩa yênhx lix "Hợp tác xã Ban Mường Xanh", muôx qơư uô hâux lưv ntơưv xã Tạ Khoa, tỉnh Sơn La thiêz qơư muôs hax huv, cungz jix vuv ntơưv phường Chiềng Cơi, tỉnh Sơn La. Tsi tiêk huôv tsar chos kriêr, Hợp tác xã tsênhv cxiv tsa thax tsav tsêz chos đar zuôr xar 80 héc ta đros ntâu zav yuôx đrox njuôz li màng tang, kriêr đuz, bồ hòn thiêz têx zav yuôx đrox njuôz mênhx cxưx ntơưv têx tiv phaz Bắc Yên, Yên Châu, Phù Yên thiêz Mộc Châu. Hâur co, kriêr hữu cơ zos xiv huv chênhr, nto bê hâur HTX. Niêv tix Hoàng Thị Nghĩa, Giám đốc hợp tác xã Ban Mường Xanh puz pâuz: “Hợp tác xã zuôr chêx chôngk kriz đar thax tsav chos, tsiv uô têx xiv huv yuôx đrox njuôz. Hâur co muôx kriêr, yuôx nzuôr plâuz hâu txix txir tuôz ziz, yuôx nzuôr... Tsưr ziv tsênhv zos paz trâu chor pox niêv muôx luz nênhx txov nhêv, chor nênhs tsi muôx hâux lưv uô, chor nênhs mênhx cxưx tsơưs nênhs, chor nênhs trâus sêv khiz luz chêr thiêz paz chiê chor pox niêv muôx cêr shir phaz đuô hâur luz nênhx”.

Nhiv no, Hợp tác xã Ban Mường Xanh muôx 8 lênhx nênhs tsênhv lês uô têx hâux lưv tsiv uô, uômv muôs hax huv thiêz cungz jix vuv yuôx kho moz. Iz chas ntơư, taz viv tsênhv muôz hâux lưv uô trâu txix 30 txos 50 lênhx lox tôngv tiv phaz, gôngr phênhv muôz siêz phênhv sâu thiêz hlôngr yiêz luz nênhx trâu ntâu ziv chuôz zis. Iz shông, hợp tác xã li phênhv sâu tâu muôx 6 tiv đêiv ntâu, tso pov trus huôv tsar jông hâur tsưr ziv uô hợp tác xã reik đros kôngz nuv hur. Niêv tix Lò Thị Chinh, nhân viên hợp tác xã puz pâuz: "Cur uô hâux lưv hâur hợp tác xã, qir thơưx mak tsi tâu pâuz đaz tsi, taz sik tâu têx niêv lâuk heik kriê tsưr ziv, kriê cur iz kro jux juk thiêz tsưr ziv uô têx xiv huv thiêz tsưr ziv chos kriêr, tâu cxaz chuôz huôx tôngv tsiv uô, uô tâu têx xiv huv li đêx yuôx njuôz, yuôx đrox njuôz. Uô hâux lưv ntơưv no, cur tâu cơưv shâuv thiêz huôv tsar truôx tuk, truôx siêz đuô ntâu."

 HTX li iz hâur têx xiv huv nto bê zos cxuô zav yuôx đrox njuôz tâu uô yênhx têx xiv huv li: Đêx yuôx nzuôr chêr, hnaz yuôx nzuôr chêr, hnaz yuôx tsâu tơư. HTX li “Chor yuôx đrox njuôz nzuôr chêr” zos dự án tâu giải 3 ntơưv Tsaz yênhx tưr thik "Paz cxơưz kinh doanh" zos Hôiv LHPN tỉnh nhiv kruôr tsưr tsix. Iz chas ntơư, cxuô zav yuôx đrox njuôz txix blôngx shôngz, txir tuôz ziz, ndông yuôx cux tsênhv tâu HTX kriz đar tsưr ziv uô, tsik so hlôngr yiêz lok tsơưr lươngv, xiv huv. Njuôk xav hâur shông 2027, Hợp tác xã zuôr muôs tơưv trâu ciêz đrôngs têx xiv huv hữu cơ li cuô yuôx nzuôr plâuz hâu txix txir tuôz ziz, cuô yuôx nzuôr ntiv, cuô yuôx so plas tsêr txix yuôx đrox njuôz đros ntâu xiv huv tsoz phưz đas jos thiêz luz nênhx jông trâu tênhx qơư. Niêv tix Hoàng Thị Nghĩa, heik pâuz nzir: "Luz bê zos jông txix blôngx, thiêz xar zôngv chênhr têx kror tsênhv tsênhz muôx hâur tiv phaz gôngr phênhv chuôz tsar zôngv yuôx đrox njuôz hâur luz nênhx chiê hlôngr yiêz zuk cux xưk li chuôz zis thiêz cxuô lênhx nênhs li đas jos txix zôngv têx xiv huv yuôx đrox njuôz lok six zôngx ziv nhoz Việt Nam"

Yênhx trus uô zuk li siêz xar njôngr zos huôv tsar uô têx xiv huv yuôx đrox njuôz, lênhx nxeik mênhx cxưx Mường Hoàng Thị Nghĩa tưz paz trâu chôngz lênhx ntơưv qơư muôx hâux lưv uô, tiv zix zos pox niêv thiêz têx lênhx lox tôngv muôx luz nênhx txov nhêv./.

Thào Ly- Txâur Vax cxeik nhênhv