Vân Hồ cxiv tsa cêr côngv siêz, tsưx phưv truôx thax tsav qơư nhoz txix ciês ntơưv qơư

Jok Lóng Luông, xã Vân Hồ muôx 230 ziv chuôz zis, 1.200 ntâu lênhx nênhs, phênhv ntâu zos tsôngv box mênhx cxưx Hmôngz nhoz uô nênhx. Ntâu shông tov ntêx, no zos iz hâur têx jêx jok zov chênhr lok zax zênhz nhoz Sơn La thiêz tas nro têz qơưk; txos nhiv no hâur jok tsênhv muôx 20 ntâu lênhx nênhs tsênhv trâus xưv bluô, nhoz tux tiv cik txos zax zênhz.

Đhâu thâuv kriz uô trâur nuv chinhr quyênx tiv phaz oz cấp, phongz yaox Tas nro tsôngv box por vêv txiv ngaz têz qơưk tror tâu xã Vân Hồ thiêz têx jêx jok cxơưz tiês uô. Ntơưv jok Lóng Luông, Tổ txiv ngaz, paz sik côngv seiz car jêx jok tưz tâu yênhx lix thiêz tuôr truôx huôx tôngv, yax six pâuz tâu qênhx shênhx, yax mông, vênhv tôngv tsôngv box uô trơưk cêr chei, pov nzor, heik kriê thiêz cxaz chuôz car chêx têx vênhv thix muôx yưv ciês ntơưv qơư. Tix lâus Zax A Chá, Tổ tsar Tổ txiv ngaz jok Lóng Luông puz pâuz: “Uô côngz xưv por vêv txiv ngaz hâur jok, pêz yax kriê trâu pox nhuôs tsik uô cxâuv cêr chei, tsik cxaz chuôz muôv muôs, tsês chiê, sir zôngv zax zênhz,  tsuv chêx chôngk uô nox, huôv tsar kinh têr”.

Khov phongz yaox tâu kriz uô đêz đar, đros muôx chôngz lênhx nênhs cxaz chuôz, Lóng Luông tưz muôx têx hlôngr yiêz tsênhv tsênhz, đros têx cêr tâu krêz đar, têx luz tsêr yiêz jông tâu cxiv uô, pêx xênhv luz nênhx jux juk tâu hlôngr yiêz. Zơưv Zax A Thào, Bí thư Chi bộ, Tsar jok Lóng Luông puz pâuz: “Thâuv ntêx, Lóng Luông zos thax tsav phêv liv lok ngaz tuk. Taz sik, khov cấp ủy, chinhr quyênx li tsov cưv; lưx lươngv Công an li têx sir jos, đros hâux lưv yax mông tâu kriz uô đêz đar viv li tsôngv box li jênhv pâuz tưz hlôngr yiêz lok six ntâu”.

Tsi taz chêx chôngk ntơưv têx thax tsav zov chênhr, phongz yaox "Tas nro tsôngv box por vêv txiv ngaz têz qơưk" nhoz Vân Hồ tsênhv ziv hnuz ziv huôv tsar đêz đar, yênhx tas nro cxiv luôs chính trị thiêz yênhx lênhx tsôngv box li txơưx jênhv. Lơưr thôngz sâu hâur 6 luz hli hâur shôngk shông 2026, Công an xã tưz txeik jênhv đơưk tu 10 xor mông heik pâuz lok nênhs phamv cxâuv, đơưk tu 06 xor mông; pov, ntêk tâu 19 txuz/ 24 lênhx nênhs phamv cxâuv, hâur co 17 txuz/22 lênhx nênhs phamv cxâuv lok zax zênhz, tik cêr cxâuv qênhz yuôx 17 txuz/22 lênhx nênhs. Thiếu tá Khổng Hoàng Anh, Phưv tsar Công an xã Vân Hồ puz pâuz cxaz: “Công an xã Vân Hồ tưz chuv tôngv heik trâu Đảng uỷ, UBND xã yênhx lix lưx lươngv cxaz chuôz por vêv ANTT ntơưv qơư; pheiz côngz canr bôv sêiz car yênhx thax tsav, yax six qênhz yuôx seiz car ntơưv qơư”.

Nhiv no, sâuv thax tsav xã Vân Hồ tsênhv tuôr truôx 252 paz sik côngv seiz car, 29 tôv đơưk tu txuz plâuz, 29 paz dân phongx, 29 tôv txiv ngaz ntơưv qơư. Têx tuêv, paz lênhx nênhs no huôx tôngv muôx chêx cuk ntơưv têx jêx jok, tiểu khu. Têx trâur nuv uô tưz phuôx huiz jông tsôngv box li pưk txux hâur côngz xưv phax tar, qênhz pov, heik kriê nênhs phamv cxâuv thiêz đơưk tu têx phiv liv muôx yưv ciês ntơưv qơư; gôngr phênhv txo grêk tsơưs têx txuz nuv phưx txuôx, tuôr truôx txiv ngaz thiêz ngaz tul ntơưv yênhx thax tsav qơư nhoz. Zơưv Nguyễn Huy Anh, Bí thư Đảng uỷ xã Vân Hồ, tỉnh Sơn La puz pâuz: “Đảng uỷ xã zuôr tror chuôz tsar lênhs tov, chox kriê đros côngz xưv taz por txiv ngaz; thôngx cxix tsov cưv cxiv tsa têx tsưr ziv huôv tsar KT-XH, muôz siêz luz nênhx vênhx huôv trâu pêx xênhv reik đros por vêv thiêz phuôx huiz tsiv gri vênhx huôv mênhx cxưx”.

Txix iz thax tsav qơư muôx yưv ntâu kror phiv liv lok txiv ngaz, ngaz tuk, Vân Hồ tưz thiêz tsênhv jux juk muôx têx trus hlôngr yiêz jông, tsi tiêk hlôngr yiêz têx jêx jok, têx trâur nuv huôv tsar huôv nox muôx chêx cuk, mak tsênhv hlôngr yiêz hâur yênhx lênhx nênhs li siêz xar, txơưx jênhv đros hâux lưv por vêv txiv ngaz sâuv thax tsav chênhr zos chiê thax tsav qơư kriz uô muôx chêx cuk têx muôx jông, zaz zâuv yưv pênhr, muôz siêz pêx xênhv luz nênhx, cxiv tsa Vân Hồ ziv hnuz ziv jông jav, vav mênhx./.

Thu Thùy-Txâur Vax cxeik nhênhv

"Phênhv cxiv tsa Đảng"

CM 3: Bộ Chính trị Nghị quyết số 57-NQ/TW: Sir jos hlôngr yiêz tsưr ziv xar, xav jênhv chinhr triv, sir jos chox car, yax kriê, paz muôx têx hlôngr yiêz, pênhr jos yiêz hâur tas nro xã hội lok huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk.

Têx cấp uỷ, tsưr tsix đảng, canr bôv, đảng viên tsuv jênhv pâuz cxix cxuô kror zov chênhr thiêz uô truôx jông Đảng, têz qơưk têx tsưr ziv, cêr chêi lok hlôngr yiêz sôr, huôv tsar khoa học, công nghệ, hlôngr yiêz xar tơưv, xav jênhv tsênhz mênhx txơưx jênhv, sir jos kriz uô.

Lênhx nênhs sơưr thơưx tsuv seiz car, chox kriê; canr bôv, đảng viên tsuv uô ntêx nyuôs.

Hâux lưv hlôngr yiêz sôr, huôv tsar khoa học, công nghệ, hlôngr yiêz xar tơưv tâu xav jênhv tsênhz mênhx hâur cơ quan, tsưr tsix, taz viv, thax tsav qơư li tsaz yênhx, tsưr ziv uô hâux lưv yênhx shông; hâux lưv uô zos kror chiê ntâuk grê têx hâux lưv uô tâu, ntâuk grê sik tưr, khơưk kruôk yênhx shông.

Chiê chor canr bôv muôx txux chi khoa học kỹ thuật uô hâux lưv huv đros hâur cấp uỷ cxuô cấp.

Huôv tsar truôx chor canr bôv, đảng viên li sik côngv siêz, car xar tơưv, car uô, muôx txơưx jênhv hâur huôv tsar khoa học, công nghệ, hlôngr yiêz xar tơưv thiêz hlôngr yiêz sôr.

Muôx tsaz yênhx yax mông, zaoz zux jông chiê gra siêz jênhv pâuz, txơưx jênhv, huôv tsar khoa học, công nghệ thiêz hlôngr yiêz xar tơưv, uô hlôngr yiêz sôr hâur tas nro cxiv luôs chinhr triv, pêx xênhv thiêz doanh nghiệp, paz muôx njênhs njôngr, sir jos hlôngr yiêz hâur xã hội.

Kriz uô đêz đar phongz yaox "Cơưv shâuv txux chi sôr", nriêr pâuz, muôx nzir txux chi khoa học, công nghệ, txux chi sôr hâur canr bôv, công chức thiêz Pêx xênhv; têx phongz yaox kriz uô, xar tơưv, paz uô tâu jông đuô têx hâux lưv, tsơưr lươngv lox tôngv, cxơưz tiês sir jos, truôx siêz uô hâux lưv, phuôx huiz pênhr xưv, txux chi Việt Nam uô cov tiêr tsưr ziv, jênhv vưv huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk.

Kriz uô ntâu tsưr ziv khơưk kruôk huv đros trâu têx nênhs khoa học, nênhs xar tơưv, têx doanh nghiệp, tsưr tsix, tiz nênhs uô tâu jông hâur huôv tsar khoa học, công nghệ, hlôngr yiêz xar tơưv thiêz hlôngr yiêz sôr; sir zôngv jông txos yênhx kror xar tơưv, hlôngr yiêz kỹ thuật, tsưr ziv jông hâur uô hâux lưv, paz uô tâu sêi têx hâux lưv, txơưv tiêk zâu tiv zix./.

Bích Thủy-Lik Thox cxêik nhênhv