Tsôngv box tox siêz Lào Cai vav chiê siêz têx tsênhv chei txix Đại hội 14 zuôr nzor fuô uô hâur luz nênhx

           Heik suô luk Đại hội 14 nhiv kruôr đhâu, Tổng Bí thư Tô Lâm heik mênhx: Đại hội muôx luk hu lơưk tas nro Đảng, tas nro tsôngv pêx xênhv, têx tuz lênhv thiêz tsôngv box nênhs Việt Nam uô nênhx nhoz saz đrâuv 2 chas têz qơưk tsuv sik thôngx siêz, sir jos sik tưr uô hâux lưv jông viv têz qơưk; têx cơ quan, taz viv, tsưr tsix, lênhx nênhs tsuv sir jos txix têx nuv uô tsênhv tsênhz, paz cxơưz pêz têz qơưk ziv hnuz ziv huôv tsar; pêx xênhv luz nênhx iz hnuz tsâu sor, vav mênhx jux juk..... Đảng viên Hoàng Hương Giang nhoz jok Yên Ninh 12, phường Yên Bái, tỉnh Lào Cai shir phaz lok Tổng Bí thư lul heik thiêz chiê siêz trâu têx hlôngr yiêz thâuv Nghị quyết Đại hội uô lơưr hâur luz nênhx: “Đại hội tưz seiz lax, thôngz đhâu têx tsưr ziv, tsênhv chei jông thiêz zov chênhr chiê cxiv tsa têz qơưk huôv tsar sei thiêz truôx. Đảng viên, tsôngv pêx xênhv vav njôngr Đảng Nghị quyết Đại hội 14 zuôr nzor uô lơưr hâur luz nênhx, tsi tiêk têz qơưk huôv tsar, pêx xênhv luz nênhx truôx tuk, tsâu sor, txux chi vênhx huôv tâu tuôr tsês thiêz tox siêz, qơư kis, thax tsav tsôngv box heir nênhs tsơưs puôr lênhx huôv tsar, pêx xênhv luz nênhx vav mênhx”.

           Tix lâus Hoàng Mạnh Linh, Phưv Bí thư Tỉnh đoanx, Tsar ban côngz xưv Đoanx tuz nxeik hluôk thiêz nhuôs zâu, Cơ quan Ủy ban Mặt trận Tổ quốc Việt Nam tỉnh Lào Cai heik: Hâur ntu têz qơưk hlôngr yiêz, chor tuz nxeik hluôk Lào Cai nhiv no tâu uô nênhx, hloz lox hâur ntu huôv tsar, tâu buôk ti txos khoa học, công nghệ thiêz moz siêz sik tưr huôv tsar uô nox, uô hâux lưv viv côngv thôngx. “Hluôk nênhs Lào Cai chos luk zuôr tror “sik thôngx siêz-uô ntêx nyuôs-xar tơưv txux chi jông-huôv tsar”, muôz Đảng Nghị quyết uô lơưr hâur luz nênhx, chiê hluôk nênhs thax tsav ntus đriv đros paz côngz đas jos cxiv tsa, cxơưz têz qơưk huôv tsar”.

            Cơưv suôx câuv Đại hội 14, têx tsưr tsix Đảng tưz zênhx max heik kriê, cơưv shâuv, uô tsênhz mênhx thiêz fuô uô ntâu luôs hâux lưv trơưk têx tsênhv njiêz ntâuz ntơưr Đại hội; hu zâuv cxuô pênhr jos, krêz uô têx muôx jông, sik thôngx siêz tas nro tsôngv box chiê uô tâu truôx cxuô luôs hâux lưv Đại hội tso tơưv. Zơưv Trịnh Xuân Thành, Bí thư Đảng ủy xã Sơn Lương, tỉnh Lào Cai heik: “Đảng Đại hội 14 zos iz kro jông, zov chênhr cxơưz cxiz tas nro tsôngv pêx xênhv sik tưr uô hâux lưv jông. Uô trơưk Đảng têx tsênhv chei yiêz, xã Sơn Lương zuôr sir jos huôv tsar sei thiêz truôx, nzor uô tiêr hâux lưv tso tơưv txos shông 2030 yênhx xã huôv tsar yiêz, pêx xênhv luz nênhx tsâu sor, truôx tuk, vav mênhx”.

Đinh Tuấn-Riê Lâux cxeik, nhênhv