Lào Cai uô tsaz yênhx “ndo txiêx njis” txos têx lênhx nênhs paz pêx xênhv nhoz thax tsav trâus đêx nas uô ruôr hiêv

              Tsaz yênhx muôx hâu nov tỉnh Lào cai thiêz chor huyện, TP, thị xã nhoz hâur tỉnh, đros têx lênhx kruô zos chor nênhs tưz muôx jiês đros paz uô hâux lưv cxiv kho têx tsi jông, chơưv paz pêx xênhv trâus đêx nas uô ruôr hiêv thiêz hur si chor nênhs  trâus moz, muôx lênhx nênhs hâur tsêr trâus tuôs, vax tsêr trâus puôk tsuôx tsi jông tas tưz sir jos hla đhâu cêr pôngz siêz, txov nhêv đhâu đêx nas ruôr hiêv cxaz chuôz. Iz hâur têx lênhx kruô tâu hu tuôx zos pos Sin Thị Tâm, thơưx seiz car qơư y tế xã Nậm Lúc, huyện Bắc Hà-lênhx pox niêv cưk yuôx đros đoanx côngz xưv, xuz thơưx muk đhâu 8 cêik cêr har jôngr trâu jok Nậm Tông-thax tsav qơư trâus xưz poz, sir jos paz chox xa 11 lênhx nênhs trâus saz muk nhoz tsêr kho moz heik: “Cur lok shir phaz thiêz jông siêz tâu hlôngr njêx muôs chor cưk yuôx, bác sĩ hâur Lào Cai cxaz chuôz tsaz yênhx no, cur shir phaz hênhr, tsi pâuz shor zuôr heik li chas, uô tsâus ntâu txos cxuô lênhx cxuô tus sơưr đơưk xưz”.

            Đhâu têx jax pêv, luk thav kriê, xor xưv sâuv đeix xa đuôz, Đoanx nthuôr uô lov jêv Quân khu 2 thiêz têx lênhx txơưx sênhr chêr hu gâux, heik cưr cxiêx ntơưv qơư chor tsaz yênhx uô đuô, cêr lov jêv, lênhx nênhs buôk ti seiz cux li tso đhâu sâuv tivi thiêz têx mạng xã hội zuôr uô trâu sơưr đơưk pov thiêz pâuz nzir lok coz nas chuô lox sôr 3 ruôr hiêv chiê nthuôr đêz đar têx hâux lưv uô jông, cêr sik thôngx siêz thiêz chênhr phax txar jav têx tsi jông tiv đêx nas uô. Tuôx seiz tsaz yênhx txix thâuv piz txos thâuv suôx câuv, Chu Nguyễn Thùy Dương heik pâuz: “Thâuv tâu mnôngs chor lưv lươngv muôx vax huôv thiêz têx lênhx nênhs trâus coz nas chuô sôr 3 nhiv kruôr đhâu uô ruôr hiêv tsênhv chiêx ntơư heik thiêz thav. Lar heik zos seiz tsôngv box hâur tas nro têz qơưk têx cêr moz siêz, paz trâu Lào Cai đhâu chor yêz thâux xa hax huv, zav nox, têx pluôk mor jông siêz puz trâu chor thax tsav, lênhx nênhs uô hâux lưv paz pêx xênhv trâus đêx nas ruôr hiêv ntơư, cur tưz tâur tsi tâuk cuô muôs hlo, viv sơưr đơưk têx siêz jông, cêr hluz paz Lào Cai”.

               Ntơưv tsaz yênhx, zơưv Trịnh Xuân Trường, Chủ tịch Ủy ban tỉnh Lào Cai tưz xa luk uô tsâus txos hâu nov Đảng, têz qơưk, Côx hôiv, Chính phủ; cxuô ban, bộ, ngênhx T.Ư, cxuô thax tsav qơư, lưv lươngv vũ trang, tsôngv pêx xênhv hâur tas nro têz qơưk thiêz nênhs Việt Nam uô nênhx nhoz đrâuv 2 chas têz qơưk têx cêr paz, tôngv zênhx, sik pheiz kênh pôngz siêz, đros Lào Cai zok nriêr chor nênhs trâus plox mông, chơưv paz lênhx nênhs trâus saz, cxiv kho têx tsi jông đhâu đêx nas uô ruôr hiêv. Iz chas ntơư, ndo txiêx njis, uô tsâus ntâu txos têx lênhx nênhs sir jos uô hâux lưv phax tir thêir đêx nas uô ruôr hiêv hâur niêx hnuz hmo viv côngv thôngx. Têx luôs hâux lưv uô jông co đros trâu sơưr đơưk li sir jos hla đhâu phiv liv tưz thiêz tsênhv cxơưz đas jos trâu Lào Cai nzor truôx tuk đhâu trâus đêx nas ruôr hiêv. “Tỉnh Lào Cai thâuv tưs tưz sir jos hla đhâu phiv liv, sik thôngx siêz, siz hluz siz paz chiê sơưr đơưk nzor truôx tuk, huôv tsar uô nox uô hâuk, muôx luz nênhx tsâu sor, tsiv nhos trâu tas nro têz qơưk cêr moz siêz, paz max”.

              Coz nas chuô sôr 3 lok trâu Lào Cai tưz uô 151 lênhx nênhs trâus tuôs thiêz plox mông, 50 lênhx nênhs trâus saz, uô ruôr hiêv tas ntâu tsôngv pêx xênhv têx vax tsêr, chuôz zênhx chuôz tav, njuôk xav têx trâus ruôr hiêv, puôk tsuôx tas zuôr xar 7 cxênhz tyv đeiv. Thiêz trơưk li ntâuk grê, no zos têx trâus uô ruôr hiêv hnhar yax hâur lịch sử nhoz Lào Cai hâur 100 ntâu shông đhâu./.

An Kiên-Riê Lâux cxeik, nhênhv

“Pox niêv uô tâu truôx hâux lưv tu zus, yax kriê mê nhuôv” nhoz xã tox siêz tỉnh Lâm Đồng

             Chi hội pox niêv jok 1, xar Đưng K’Nớ, huyện Lạc Dương, tỉnh Lâm Đồng li qơư “Pox niêv uô tâu truôx hâux lưv tu zus, yax kriê mê nhuôv” tâu yênhx lix trâu hli 8 shông 2012 đros muôx 10 lênhx hôiv viên, txos nhiv no qơư co tưz muôx 61 lênhx hội viên. Niêv tix Bon Niêng K’Pớt, sêiz car qơư tu zus, yax kriê mê nhuôv puz pâuz, thâuv ntêx no chor pox niêv jok 1 jênhv pâuz tsênhv kik uô trâu hâux lưv tsoz phưz, tu zus têx mê nhuôv, cxiv tsa chuôz zis tsik tâu vav mênhx, txix thâuv muôx qơư tu zus, yax kriê mê nhuôv txos nhiv no, chor pox niêv tưz jênhv pâuz siêz đuô, sir jos tu zus têx mê nhuôv tâu cxix cxuô thiêz jông đuô: “Txix thâuv yênhx lix qơư tu zus, yax kriê txos nhiv no, chor pox niêv tưz pâuz tâu txos zuk têx hâux lưv hâur luz nênhx kinh têr-xar hôiv thiêz chuôz zis. Xênhz zus tuk nhuôv tiv pêz tưz tâu txo grêk tsơưs ntâu. Thành viên chor qơư tu zus puôr lênhx muôx mê nhuôv ciêz, cơưv ntơưr txơưx”.

          Txix ntâu tsưr ziv uô li: Cơưv sik thav, nus têz, muôz ntâuz ntơưr sêiz, yax kriê, nriêr pâuz… thiêz uô đros ntâu tsênhv njiêz yax kriê, qơư tu zus tưz paz trâu hôiv viên pâuz têx txux chi chênhr lok Chêi siz zuôr thiêz chuôz zis, tsưr ziv xênhz zus mê nhuôv, tsơưr pưr shưz trâu chor pox niêv xênhz nhuôv hâur chêr, tsưr ziv tu zus, tsoz phưz têx mê nhuôv cov khoa học, uô têx pluôs nox muôx txâuk tsơưr pưr thiêz têx tsưr ziv phax tar caz moz chiê mê nhuôv huôv tsar muôx jông đas jos… Niêv tix Rơ ông L’Yồng, uô hâux lưv hâur qơư tu zus, yax kriê mê nhuôv hêik pâuz: “Thâuv tsik tâu đros uô hâux lưv hâur qơư tu zus mak tsuôk nox jâuz đros mor xưz, nhiv no mak pâuz uô pluôs nox trâu chor mê nhuôv, muôx kê, muôx grêix uô trâu chor mê nhuôv nox zuôr paz muôx têx tsơưr pưr đuô”.

              Đhâu chor jiês xênhz huôx, chôngz lênhx pox niêv tưz pâuz ntâu đuô, nriêr pâuz têx tsưr ziv chiê tu zus mê nhuôv, tsoz phưz  chuôz zis jông, đhâu co sir zôngv uô hâur zuk luz nênhx. Khov co chuôz zis hôiv viên muôx luz nênhx jông, shir phaz đuô. Niêv tix Bon Niêng Kđơng, xênhz huôx trâu qơư tu zus co puz pâuz: “Tưz tsik zos tâu nriêr pâuz têx tsưr ziv tu zus mê nhuôv, qơư tu zus tsênhv paz kriê txux chi lok đas jos xênhz zus mê nhuôv, uô niêv ngaz tuk thiêz kriê têx tsưr ziv phax tar tsik muôx mê nhuôv huv đros. Tâu sơưr đơưk sik phêiz kênh têx chênhz zênhv tu zus mê nhuôv hâur ziv chuôz zis”.

             Zơưv Bon Niêng Ha Krai, Phưv Chủ tịch Ủy ban xar Đưng K’Nớ puz pâuz, jok 1 nhiv no muôx 207 ziv chuôz zis, 859 lênhx nênhs đros muôx 90% ntâu zos tsôngv box mênhx cxưx tsơưs nênhs. Txix thâuv qơư tu zus tâu kriz uô, tưz paz uô hlôngr yiêz pox nhuôs li jênhv pâuz, siêz xar. Khov co, 10 shông ntâu đhâu, sâuv thax tsav jok 1 tsik yuôr mê nhuôv tsik txâuk tsơưr pưr shưz, tsik muôx mê nhuôv tso ntơưr tsês; 5 shông jê lok no tsik muôx siz zuôr nzor, siz zuôr cxênhz jê, tas nro chor nhuôv hâur hnuz nhôngs puôr lênhx tâu muk cơưv ntơưr, 100% ziv chuôz zis zos chuôz zis vênhx huôv: “Hâur ntu đhâu câu lạc bôv no uô tâu ntâu kror jông, tiv zix zos hâur côngz xưv tu zus jông têx mê nhuôv, tsik muôx yưv ntâuk tsiv hâur chuôz zis, txiêz nanv xar hôiv”.

            “Qơư tu zus” nhoz jok 1, xar Đưng K’Nớ tưz uô tâu jông đros muôx ntâu huôx tôngv jông tsênhv tsênhz thiêz zos yênhx kror qơư paz trâu chor pox niêv sik phêiz kênh, cơưv shâuv têx txux chi jông lok tu zus têx mê nhuôv, cux li tsưr ziv uô nênhx jông hâur ziv chuôz zis thiêz xar hôiv, gôngr phênhv paz cxiv tsa jêx jok jông jav, chuôz zis chor hôiv viên pox niêv muôx luz nênhx tsâu sor, shir phaz./.

TTTN-Lik Thox cxêik nhênhv