Hlôngr yiêz sâuv têx jêx jos nênhs La Hủ

Zos lênhx nênhs uô ntơưr thor hla đhâu ziv chuôz zis pluôk shông 2022, tix lâuk Vàng Phì Hừ lok six shir phaz thâuv chuôz zis li trôngz ciêv fix sâu jiês xuz thơưx lok tâu 40 tsov đeiv ntâu. Đrâuv ciêv fix, shông no tix lâuk chuôz zis tsênhv muôx cxaz phênhv sâu txix trâur nuv tu zus tưv chêx chôngk đros 10 ntâu tul thiêz chiv blêx cux sâu tâu ntâu. Tix lâuk Hừ pheiz kênh: Tix lâuk chuôz zis tưz hlôngr 3 hecta ntâu vax thâuv ntêx chos kok ntông, poz cưk chiê chos ciêv fix txix shông 2017. Nhiv no chuôz zis li mênhv chêx ciêv fix tưz sâu tâu, muôx phênhv sâu lơưv viv li chuôz zis tsês phênhv têz qơưk paz txưv trâu ziv chuôz zis txov nhêv txơưr: “ Nhiv no jos pir đros thiêz ntu đrav ntêx mak tsi txov nhêv lơưv thiêz. Thâuv ntêx tsuôk nox kok tox grênhz nox xưz, nhiv no mak muôx ntâu ntâu zav nox đuô, yuôr cxur mak chuôz zis tưs cux muôx. Chuôz zis tsưr tsix nox tsiêz cux xưk li niêx shông, tsi muôx buô lox mak cux muôx buô zâu. Hâur jos chuôz zis tưs cux tuô buô, ziv tưs tsi muôx mak muk ciêz chiê zuôr lok nox tsiêz”.

          Jos Hổi Han zos qơư muôx 130 ntâu ziv chuôz zis tsôngv box La Hủ, đros 500 ntâu lênhx nênhs sik đros nhoz uô nênhx. Thâuv ntêx pox nhuôk hâur jos nhoz tsi chêx chôngk thiêz phênhv ntâu tsuôk khov txos hâux lưv muk zok har jôngr chiê bax trâu luz nênhx. Nhiv no tâu chính quyênx njuôs xav txar lok nhoz chêx chôngk, têx tsaz yênhx, dự án tâu yưv pênhr uô uô cê, viv li pox nhuôk luz nênhx txu grês phênhv tưs têx phêv liv. Đrâuv phênhv sâu txix jôngr lơưr chiv cheix mak nhiêx txiêx paz txưv jix vuv tênhx qơư jôngr, pox nhuôk tsênhv muôx cxaz phênhv sâu txix chos ciêv fix. Niêv lâuk Vàng Por Xừ, tsar jos Hổi Han, xã Bum Tở heik: “2,3 shông jê ntơưv no pox nhuôk chos ciêv fix lok six sir jos tsoz phưz, nhiv no txiêr chês muôs cux jông đuô muk nriêr njuôs chiê muôs, tsi khưr ntâu thiêz. Txix txiêr chês muk muôs, tsiêz shông no pox nhuôk luz nênhx hlôngr yiêz ntâu. Muôx nhiêx txiêx zuôr greix buô, txir ntông, pax, zuôr chuôz zênhx lok phưx vưv tsiêz thiêz”

          Uô tsưr ziv hlôngr yiêz tsoz chos sâuv ar têz nxaz, txos nhiv no tsôngv box Bum Tở tưz chos 600 hecta ntâu ciêv fix, zuôr xar 100 hecta sa nhân xiêr, hâur co muôx 40% ciêv fix tưz txos six hơưv sâu. Lơưr chủ tịch UB xã Bum Tở Vàng Hu Chờ, têx tsoz chos tâu hlôngr yiêz chos nhiv no lok six huv đros, trox ciêv fix uô tâu tsơưr lươngv siêz. Tsôngv box jux jus hlôngr yiêz siêz xar, cêr cor cav, viv li shông 2022 tưz txu grês zuôr xar 7% chor ziv chuôz zis pluôk. Nhiv no chính quyênx xã tsênhv chox kriê tsongv box chos cxaz iz cxiê tsoz chos lur hnuz chiê taz por nox nhoz uô ntêx:“Têx tsaz yênhx tâu krêz uô nhiv no lok six huv đros thax tsav qơư, viv li pox nhuôk luz nênhx hlôngr yiêz ntâu. Tâu ntâu tiv zix zos pox nhuôk li jênhv pâuz lok huôv tsar kinh têr yênhx trus hlôngr yiêz. Tsiêz no, têx chuôz zis txov nhêv, tsi muôx qơư khov vav mak xã vênhv tôngv têx chuôz zis bluô nux hâur jos gôngr paz phênhv tưs chiê tôngv vênhx têx ziv chuôz zis co muôx tâu luz tsiêz sor si đuô”.

          Hâux lưv cxuôv yeiz thiv pluôk đros ntâu chính sách paz txưv tsôngv box huôv tsar kinh têr tưz tâu truôx siêz uô nhoz thax tsav tsôngv box mênhx cxưx La Hủ txix yênhx châuv shông no. Taz sik, têx chính sách co tsuôk phuôx huiz tâu chêx cuk thâuv Đảng, têz qơưk tso tơưv đề án txơưr lok huôv tsar KTXH thax tsav tsôngv box La Hủ. Ntâu côngz tsinhx, dự án lox tâu uô tiêr, chox lok sir zôngv thiêz phuôx huiz chêx cuk, gôngr phênhv jông lok huôv tsar KTXH, txu grês cêr pluôk truôx vênhs. Zơưv Đao Văn Khánh, Chủ tịch UB huyện Mường Tè- tỉnh Lai Châu puz pâuz: Đề án tưz muôx 5 xã thax tsav tsôngv box La Hủ tâu sơưv, đros ntâu chính sách, đề án lok huôv tsar KTXH, cxơưz cxiz muôv muôs xiv huv kôngz jôngr nuv, zôngv KHKT lok tsêz chos, tu zus. Khov co, thax tsav tsôngv box La Hủ tưz tâu hlôngr yiêz ntâu lok cơ sở cxuô zav, tsôngv box luz nênhx yênhx trus tâu hlôngr yiêz:“Huyện zuôr chêx chôngk chox kriê cấp ủy, chính quyênx yax mông chiê tsôngv box huôv tsar KTXH, taz por luz nênhx trâu chuôz zis. Huyện cux tưz thix ziv UB tỉnh tror cxiv tsa đề án huôv tsar KTXH txơưr trâu ntu tov kaz nhoz thax tsav tsôngv box La Hủ. Thâuv đề án tâu thôngz đhâu, sâuv chor pênhr jos Trung ương thiêz tỉnh paz, huyện zuôr chêx cuk cxiv tsa côngz tsinhx đêx xênhz huôx, zaoz thôngz, đêx liv thiêz txar qơư nhoz trâu tsôngv box”./.

                                                           (K.Kiên-Txâur Vax cxeik nhênhv)

           Sa Pa kriz uô ntâu tsưr ziv chiê paz trâu pêx xênhv huôv tsar uô nox

Shông 2021, phường Hàm Rồng, thiv xar Sa Pa kriz uô dự án “Huôv tsar chos cuô txoz hax huv”. Pov chor ziv chuôz zis cxaz chuôz dự án chos cuô txoz muôx tâu phênhv sâu siêz, tix lâus Tsu Xênhv Muôk, mênhx cxưx Hmôngz nhoz tôv 3, phường Hàm Rồng tưz uô ntâuz ntơưr thor tâu paz nôngz thiêz cuêz tênhv hlôngr xar muôx 2000 thiêr ndis ar liêx chos blêx tsik jông chiê chos cuô txoz txuôv lơưr dự án no. Tix lâus chuôz zis li chiv cuô txoz xuz thơưx ciês hâur shông no tưz sâu tâu lok muôx 100 triệu đêiv ntâu. tưz tsik zos chos cuô txoz xưz, tix lâus Tsu tsênhv sik hlôngr chos oz chiv jâuz hâur thax tsav ar têz no, iz shông cux paz trâu tix lâus chuôz zis sâu tâu xar muôx 100 triệu đêiv. Xav chos cuô txoz thiêz chos jâuz tưz paz trâu tix lâus Tsu chuôz zis muôx tâu phênhv sâu 200 triệu đêiv ntâu iz shông:

Cux xưk li tix lâus Tsu chuôz zis, tix lâus Chống Xênhv Hav, mênhx cxưx Hmôngz, cux nhoz ntơưv tôv 3, phường Hàm Rồng hlôngr đuô xar muôx 2000 thiêr ndis ar đaz tuôs tsik jông chiê chos jâuz, phênhv ntâu zos chos jâuz krưr lok zos jâuz poz thiêz chos oz chiv iz shông. Tix lâus Chống Xênhv Hav puz pâuz: đros thax tsav no mak zuôr sâu tâu 5 tấn jâuz, đros gri muôs txix 5.000-8.000 đêiv iz cir zuôr paz trâu chuôz zis sâu tâu xar muôx 40 triệu đêiv. Zuôr txos no, tix lâus chuôz zis njuôk xav zuôr kriz đar nzir thax tsav chos jâuz thiêz chos cuô txoz chiê muôx nzir phênhv sâu.

Tôv 3, phường Hàm Rồng muôx 175 ziv chuôz zis mak nhiv no tưz muôx 2/3 chor chuôz zis hâur tôv cxaz chuôz chor tsưr ziv, dự án zos phường kriz uô. Hâur co, cxaz chuôz ntâu zos chor tsưr ziv, dự án li chos jâuz, chos cuô txoz thiêz atiso. Ciês dự án chos cuô txoz muôx 37 ziv chuôz zis cxaz chuôz, đros muôx 9,5 héc ta, txos nhiv no chor chuôz zis tưz sâu thiêz muôs tas, pir li chos blêx mak sâu tâu siêz đuô 10 jiês. Ntâu ziv chuôz zis cxaz chuôz chor tsưr ziv, dự án uô nox no muôx tâu phênhv sâu txix 100 txos 200 triệu đêiv. Tix lâus Dinh Xênhv Hav, Tôv tsar tôv 3, phường Hàm Rồng, thiv xar Sa Pa puz pâuz:

Nhiv no, phường Hàm Rồng, thiv xar Sa Pa muôx txos 85 héc ta chos jâuz thiêz 15 héc ta ntâu chos cuô txoz. Đuô li, phường cux tsênhv kriz uô ntâu dự án txơưr, li: “Dự án huôv tsar chos tâuz tưs đros trâu sâu zuôr muôs hax huv”; “Dự án tu zus buô đuz ntơưv thax tsav qơư”; “Dự án chos địa lan”; “Tsưr ziv chos dâu tây”… Cxaz chuôz chor dự án, pêx xênhv tâu paz zuz nôngz, kỹ thuật thiêz iz phênhv pênhr nhiêx. Ntâu ziv chuôz zis cxaz chuôz chor dự án tưz muôx tâu phênhv sâu siêz, truôx tuk luz nênhx, txo grêk yêiz pluôs truôx đrênhk, jux juk uô bluô nux, txo grêk tâu 53 ziv chuôz zis pluôs pir li shông uô ntêx. Taz sik, phường nhiv no cux tsênhv yuôr 219 ziv chuôz zis pluôs hâur tas nro 800 ntâu ziv chuôz zis hâur tas nro phường. Kror no uô trâu chinhr quyền cxuô cấp tsuv sir jos paz trâu pox nhuôs đuô chiê txo grêk yêiz pluôs txix hâux lưv sir jos hlôngr yiêz tsoz chos, tsiêx tu zus. Tix lâus Sẳng Xênhv Muôk, Phưv chủ tịch Ủy ban phường Hàm Rồng puz pâuz:

Chêix ntux yiêz no, sâuv thax tsav phường Hàm Rồng, thiv xar Sa Pa tưz muôx nzir ntâu luz tsêr yiêz lox jông, khor kho. Sâuv têx ntar trôngz, têx liêx têz, têx kôngz lôngk tsênhv njuôz xiêz, hloz lox, huôv tsar jông, zuôr paz trâu pêx xênhv sơưr đơưk muôx tâu iz chiv kôngz sâu tâu ntâu, đros muôx chinhr quyền cxuô cấp ntơưv thax tsav qơư li têx sir jos thiêz têx tsưrziv uô nox jông paz trâu pêx xênhv./.

                                                        (Lik Thox cxiv sâu thiêz cxêik nhênhv)