Hêik ntơưv jiês cơưv Hôiv đôngx tỉnh Lào Cai thâuv kaz shông 2023, zơưv Trịnh Xuân Trường, Chủ tịch Ủy ban tỉnh Lào Cai tưz hlôngr njêx muôs chinhr quyền hêik zuôr sir jos uô cov tiêr têx luôs hâux lưv hâur shông 2024. Chủ tịch Ủy ban tỉnh Lào Cai hêik mênhx, shông 2023 muôx ntâu kror phiv liv, taz sik kinh têr ntơưv thax tsav qơư cux chuôz ndê, jiês xuz thơưx siêz đuô 70.000 tiv đêiv, ndê 3 thênhv pir li shông kuz ndê sơưr tiv 39 hâur tas nro têz qơưk; chor hâux lưv du lịch, đối ngoại, vênhx huôv-xar hôiv uô tâu ntâu kror jông. Taz sik, cux muôx ntâu kror tsik tâu trơưk li siêz xar, txix chuôz ndê kinh têr, txos sâu nhiêx txiêx têz qơưk, huôv tsar công nghiệp, kinh têr trôngx đriv, cxiv tsa jêx jokyiêz…, hâur co muôx ntâu qir tiv. Zơưv Trịnh Xuân Trường hêik mênhx: “Tiv iz zos tsuv sir jos uô đros muôx txơưx jênhv siêz hâur uô têx côngz xưv, tiv zix zos nênhs sơưr thơưx. Tiv oz, zos sơưr đơưk tsuv sir jos, tsik nyêi thiêz sir jos uô tas nro cxuô kror cov tâu jông đuô. Tiv pêz, zos sir jos chuôz cxaz sêiz car têz qơưk nhoz tas nro cxuô kror hâux lưv…”./.

An Kiên-Lik Thox cxêik nhênhv

32 Nghị quyết coaz tsôngv lok huôv tsar KTXH, tsưr ziv yưv pênhr huôv tsar thiêz muôz pênhr, têx cơ chế, chính sachs….tưz tâu HĐ tỉnh Sơn La thôngz đhâu ntơưv jiês khiêz phêv tiv 8 HĐ tỉnh Sơn La khóa 15, six cxiv 2021-2026 nhiv kruôr tsưr tsix jê ntơưv no. Đrâuv 15 Nghị quyết zos UB tỉnh heik lok kinh tế- nhiêx txiêx, têx teiv plor HĐ tỉnh Sơn La tưz seiz shuôk, thôngz đhâu ntâu nghị quyết pháp chế; vênhx huôv- xã hội thiêz mênhx cxưx. Phuôx plov suôv câuv jiês khiêz phêv, zơưv Nguyễn Thái Hưng, Chủ tịch HĐ tỉnh Sơn La thix ziv têx cấp, têx nganhx krêz uô uô cê têx tsưr ziv chiê uô zênhx liv 28 chỉ tiêu KTXH tsênhv shông 2024; hâur co tiv zix zos hlôngr yiêz lok zaz zâuv yưv pênhr thiêz cxơưz tiês uô têx dự án coaz tsôngv, côngz tsinhx tsênhv hâur tỉnh; car chêx têx phêv liv trâu doanh nghệp hâur tsiv uô, muôv muôs, cxiv tsa suôz bê, krêz đar niêv ciêz muôv muôs thiêz muôs tơưv saz đrâuv têz qơưk./.

Lê Hạnh-Txâur Vax cxeik nhênhv

Lơưr thôngz sâu sâuv thax tsav tỉnh Yên Bái nhiv no muôx zuôr xar 350 yêz ô tô huôx tôngv lơưr tsưr ziv yêz thâux xa kruô, tsêx trung ntâu tiv zix nhoz thành phố Yên Bái. Tas nro chor yêz no puôr lênhx tsik uô lơưr cêr chêi têz qơưk têx cui tênhv li: tsik thêv nhiêx sê trâu têz qơưk; tsik muôx jênhv vưv trâu nênhs lox tôngv, thôngx cxix uô muôx yưv sik txênhz kruô tsik huv đros trâu chor yêz thâux xa kruô hêik cxuô thiêz yêz thâux xa kruô muk lok trơưk six hơưv hnuz nhôngs hêik taz. Thiếu tá Khuất Thị Hằng, Đội trưởng Đội cảnh sát qênhz yuôx lok kinh têr thiêz chức vụ, Công an thành phố Yên Bái puz pâuz, tsuôk đhâu 5 lênhx nênhs tâu qênhz yuôx hâur jiês kriz uô côngz xưv qênhz yuôx xưv lik chor zav yêz no mak tưz pov iz lênhx nênhs tsik muôx ntơưr tsar yêz taz sik tưz tsar yêz thâux xa kruô li no tâu muôx oz shông; 1 lênhx nênhs trâus sâu tsês ntơưr tsar yêz lơưv taz sik oz pêz hnuz tov kaz cux tror tsar yêz chiê thâux xa kruô: “Pêz taz viv tror sik côngv truôx đros chor Cảnh sát zoz thôngz zuôr tror sir jos uô jông hâux lưv qênhz yuôx chor yêz thâux xa kruô li hêik co cov uô chak lok taz por jông chor huôx tôngv chêix yêz thâux xa kruô muk lok li no cov lơưr uô jông lơưr cêr chêi têz qơưk têx cui tênhv thiêz tsik uô tuôr xuôv pôngz plox têz qơưk têx nhiêx sê”./.

TTTB-Lik Thox cxêik nhênhv

Công an huyện Sìn Hồ, tỉnh Lai Châu puz pâuz, taz viv nhiv kruôr uô lênhv ntês 1 lênhx nênhs chiê tror qênhz yuôx, uô tsênhz mênhx lok hâux lưv nhiês nriêr zok khoáng cxax tsi trơưk cêr chei. Co zos Lò Văn Chính, xênhz shông 1978, nhoz jos Xá, phường Na Lay, thị xã Mường Lay, tỉnh Điện Biên. Lơưr ntâuz ntơưr txuz án, hnuz 17/10/2022, Lò Văn Chính trâus UB xã Chăn Nưa xưv bluô uô cxâuv hành chính lok nriêr zok khoáng cxax tsi muôx chiz coaz muôx vax huôv li ntâuz ntơưr tso chei, trâus bluô 2 tsov đeiv. Taz sik, thâuv trâus xưv bluô, Chính tsi uô trơưk. Hnuz 12/9/2023, Công an huyện Sìn Hồ đros UB xã Chăn Nưa muk seiz car qênhz yuôx ntơưv thax tsav Huổi Co Yêu, nhoz jos Chiềng Chăn 1, xã Chăn Nưa tror pov Lò Văn Chính nriêr zok poz jêz thạch anh tsi trơưk cêr chei./.

Khắc Kiên-Txâur Vax cxeik nhênhv