Đhâu 70 shông xav txix thâuv ntâuk zênhx tros châuz Điện Biên Phủ, chor tuz lênhv hluôk đrav ntêx tưz sir tas đas jos, tsưr ziv, trox nya uô ntêx hlo tir ntâuk zênhx tros châuz ntơưv Điện Biên Phủ, cux tsênhv ndo njôngr txos têx hnuz tir ntâuk tros châuz cuz siêz lul. Chiê tir ntâuk zênhx tros châuz nto bê thôngz ntiêx têz trâu hnuz 7/5/1954, ciês huyện Thuận Châu, tỉnh Sơn La tưz muôx yênhx cxênhx lênhx hluôk nênhs uô ntêx hlo sir tas đas jos, tsưr ziv, trox nya đros tir ntâuk tros châuz. Thâuv co, luz jok tưs, xar tưs nhoz Thuận Châu cux muôx chor hluôk uô ntêx hlo đros tir ntâuk tros châuz. Zơưv Lường Văn Sinh nhoz jok Cọ, xar Tông Cọ, huyện Thuận Châu lok six jông siêz thâuv zos lênhx hluôk nênhs tiv zix hâur 24 lênhx hluôk nênhs nhoz xar Tông Cọ đros xa têx kôngz krâur trâu bôv đôiv: “Thâuv co cur tsuôk muôx 15 shông, sir jos uô trơưk hloz Hôx têx luk hêik tiêk “Hnuz nhôngs kik mak uô têx hâux lưv zâu huv zuk đas jos”. Li co zuk cux muk uô hâux lưv đros ntâuk tros châuz, cưr tâu bâuv li chak mak cưr. Têx thâuv mak 15 cir, têx thâuv zos 20 cir”.

Nguyễn Thủy-Lik Thox cxêik nhênhv

Trơưk li pos Mã Én Hằng, Phưv chủ tịch Ủy ban Mặt trận tổ quốc Việt Nam tỉnh Lào Cai, txix nhiv no txos tas shông 2025, Lào Cai sir jos paz uô cov tâu 10 cxênhz ntâu luz tsêr nhoz trâu têx chuôz zis txov nhêv. Luôs hâux lưv co zos uô hơưv tok phôngz yaox tas nro têz qơưk sik côngv têk paz têx chuôz zis txov nhêv cxiv uô vax tsêr nhoz truôx txos shông 2025 nhiv kruôr tâu Thủ tướng Chính phủ phuôx tôngv hâur hlik hli 4 nhiv kruôr đhâu. Pos Hằng heik pâuz: “Paz cxiv uô tsêr nhoz trâu têx chuôz zis txov nhêv zos Mặt trận tổ quốc thiêz têx tsưr tsix chính trị, xã hội iz hâur têx hâux lưv zov chênhr. Niêx shông pêz puôr lênhx cxiv tsa tsưr ziv fuô uô luôs hâux lưv co chiê cxiv uô tsêr niêv côngv siêz, tsêr Chữ thập đỏ......Lào Cai xav tinhv hâur ntu zuôr txos, zuôr tror sir jos uô lơưr phôngz yaox sik tưr uô têx nuv jông li heik sâuv, nzaz nzơưv ntâu pênhr jos chiê fuô uô tâu têx hâux lưv tso tơưv”./.

An Kiên-Riê Lâux cxeik, nhênhv

Txơưv tiêk ntu đhâu, chor cơ quan muôx vax huôv tỉnh Yên Bái tưz sir jos uô jông côngz xưv sêiz car Têz qơưk lok ngaz tuk, vêv xênhz lox tôngv sâuv thax tsav, taz sik cux tsênhv yuôr têx txuz uô cxâuv tiv ntâu qir tiv. Hâur co muôx txuz hâux lưv pôngz siêz uô 7 lênhx nênhs tuôs, 3 lênhx nênhs trâus saz nhiv kruôr muôx yưv ntơưv Công ty cổ phần Xi măng thiêz Khoangr yax Yên Bái. Kror no puz pov hâux lưv no tsuv tâu sir jos uô cov jông đuô hâur ntu zuôr txos. Zơưv Phan Huy Cường, Phưv Chủ tịch Liên đoàn Lox tôngv tỉnh Yên Bái puz pâuz nzir: “Pêz têx hâux lưv uô zos tror sêiz kaz jông uô lơưr têx tsênhv chêi, hâur co muôx sêiz kaz lơưr chêi têz qơưk lok ngaz tuk vêv xênhz lox tôngv zuôr tâu sir jos uô jông đuô. Tror sir jos uô côngz xưv kriê thiêz uô têx hâux lưv sêiz kaz lok ngaz tuk lox tôngv trâu công đoàn cov muôx nzir têx txux chi tsưr ziv đuô”./.

Tuấn Xuân-Lik Thox cxêik nhênhv

Công an tỉnh Lai Châu nhiv yơưz phơưz tâu iz txuz nziêk đas, ntêk tâu 3 lênhx nênhs fêv nziêk đas luôs lưv tus nhiêx txiêx, chuôz zênhx chuôz tav, sâu tsês tâu 350 tsov đeiv thiêz iz kro kuôr hlâu đax, iz cxiê zav chuôz zênhx txơưr đuô cik txos. Ntơưv cơ quan qênhz yuôx, Vân Văn Sum, zos iz hâur têx lênhx nênhs fêv trâul ntêk krêz lênhk tiêk, kror kuôr hlâu ntơư zos Tẩn Seo Lụ, xênhz shông 1986, nhoz jok Lản Nhì Thàng, xã Lản Nhì Thàng, huyện Phong Thổ li thiêz no zos cuz chuôr. Lụ zos iz lênhx nênhs uô hâux lưv hâur xã Lản Nhì Thàng tâu choz muk muôs cuz trâu tix lâus Phàn Phủ Liều, grê nhiêx zos 830 tsov đeiv. Đặng Phó Cường krêz lênhk tiêk, 350 tsov đeiv zos chor nhiêx Tẩn Seo Lụ muôz chiê muk đas nziêk tix lâus Liều tsuv thêv 480 tsov đeiv zuôr kror cuz chuôr heik sâuv. Đhâu thâuv têx lênhx nênhs đros Lụ uô hâux lưv tsi trơưk chei trâul ntêk cxov tâu, Tẩn Seo Lụ tưz tso têk khiêr gâuv thiêz hnuz 21/4 Lụ thiêx tuôx lênhk zuk cêr cxâuv ntơưv cơ quan công an. Nhiv no, cơ quan muôx vax huôv tsênhv taz tov qênhz yuôx cov tsênhz mênhx./.

Khắc Kiên Kiên-Riê Lâux cxeik