Ndax chiv nhênhv 70 shông ntâuk zênhx tros châuz Điện Biên Phủ, hâur 2, 3 hnuz đhâu, Bộ Y tế tưz fuô uô ntâu hâux lưv muôx liv ntơưv tỉnh Điện Biên. Hâur tsêr kho moz Đa khoa tỉnh Điện Biên, Bộ y tế, T.Ư hội cưk yuôx hluôk Việt Nam đros trâu têx tsêr kho moz lox nhoz Hà Nội thiêz tsêr kho moz đa khoa tỉnh Điện Biên tưz sik đros seiz njuôk shuôs moz thiêz pheiz yuôx tsi zuôr nhiêx trâu iz cxênhz ntâu lênhx pêx xênhv cxuô heir nênhs nhoz tỉnh Điện Biên. Heik ntơưv jiês seiz njuôk shuôs moz, pheiz yuôx co, zơưv Trần Văn Thuấn, Thứ trưởng Bộ Y tế heik mênhx: “Bộ Y tế thâuv tưs tưz moz siêz txos chor tỉnh tsênhv yuôr ntâu chuôz zis pluôs, txov nhêv li Điện Biên. Chênhr zos li heik co, tưz choz kriê ntâu txux chi tsưr ziv trâu tỉnh Điện Biên. Hnuz no Bộ Y tế thiêz têx tsêr kho moz saz T.Ư tror tuôx qênhz shuôs đuô têx chuôz zênhx seiz njuôk shuôs, kho moz, lênhx nênhs uô hâux lưv, tsi tiêk ntơưv tỉnh mak tas nro hâur huyện chiê pâuz tâu tsênhz Điện Biên tưz fuô uô tâu têx hâux lưv, txux chi tưs; yuôr kror nuv, zav txux chi tsưr ziv tưs uô tsi tâu tâu chiê sik paz, sik kriê cov uô tâu jông đuô”./.

          Vũ Lợi-Riê Lâux cxeik, nhênhv

Tỉnh Lai Châu tso tơưv tsưr ziv huôv tsar sâm sâuv thax tsav (sâm Lai Châu) yênhx nganhx hax huv muôx tsiv gri kinh têr siêz, zos hax huv chênhr ntơưv thax tsav qơư, zos yênhx têx hax huv jông hâur têz qơưk. Chor sâm zuôr paz muôx hâux lưv uô, muôx nzir phênhv sâu trâu pêx xênhv, huôv tsar kinh têr-xar hôiv thax tsav tsôngv box mênhx cxưx tsơưs nênhs; paz trâu côx phax, ngaz tuk. Tsênhv tsênhz, tỉnh sir jos txos shông 2030, thax tsav chos sâm Lai Châu tâu xar muôx 3.000 héc ta, ntơưv têx huyện Mường Tè, Nậm Nhùn, Sìn Hồ, Phong Thổ, Tam Đường, Tân Uyên thiêz iz cxiê thax tsav qơư huv đros chos zav tsoz chos no. Tas nro thax tsav chos sâm zuôr tâu cungz mã sôr thax tsav chos thiêz nriêr pâuz qơư chos./.

Khắc Kiên-Ly dịch đọc

Coz nas lok đros chuô lox zar hnuz kêix 20/4 ntơưv cxuô thax tsav qơư hâur tỉnh Sơn La, tưz uô ruôr hiêv tas ntâu têz qơưk thiêz tsôngv pêx xênhv têx côngz trênhx, chuôz zênhx chuôz tav. Lok nas lox đros khâur jênhs chuô tưz uô puôk tsuôx tas 330 ntâu luz tsêr, ciês huyện Thuận Châu muôx 271 luz tsêr trâul puôk tsuôx, hâur co 2 luz tsêr trâul nas chuô njơưx poz vâu tas hur si; huyện Quỳnh Nhai muôx 60 luz tsêr trâul uô ruôr hiêv tas 30-70%. Nas chuô cux njơưx uô ntâu tsoz shôngz ntông lox trâul vâu lor thiêz uô tsi jông tas ntâu kôngz lôngk. Ntơưv huyện Phù Yên, nas chuô cux uô ruôr hiêv, vâu lor tas 10 ntâu tus ndêx tênhv, tas nro huyện tsi muôx tênhv tênhz tơưk. Ntâu côngz trênhx tsêr cơưv ntơưr, tsêr nhoz, cêr muk lol....cux trâul nas chuô uô ruôr hiêv, puôk tsuôx ntâu. Nhiv no, luôs hâux lưv khưx phưx têx tsi jông heik sâuv tsênhv tâu cxuô thax tsav qơư sir jos fuô uô chiê pêx xênhv truôx tuk luz nênhx. Zơưv Đặng Quang Hưng, Chủ tịch Ủy ban huyện Phù Yên, tỉnh Sơn La heik pâuz: “Pêz tsênhv chox kriê cxuô taz viv, cxuô xã, tsôngv pêx xênhv, uô lơưr tsưr ziv 4 ntơưv qơư chiê khưx phưx, cxiv kho têx tsi jông, sir jos taz por yêz muk lol tâu đhâu, tsôngv pêx xênhv muôx tênhv tơưk pov cêr, tsi chiê uô tuôr thênhv txos cêr cơưv ntơưr, truôx tuk luz nênhx; chox kriê yêik txar têx chuôz zis hâur thax tsav riêz nênhs muk nhoz qơư truôx tuk. Huyện zuôr bax tsưr ziv khưx phưx nzor chiê taz por luz nênhx trâu tsôngv pêx xênhv”./.

Lê Hạnh-Riê Lâux cxeik, nhênhv

Ntơưv tỉnh Yên Bái, coz nas đros chuô lox hmo 19 thiêz têis cik 20/4 tưz uô 2 lênhx nênhs thiêz 150 luz tsêr nhoz huyện Lục Yên trâus saz thiêz puôk tsuôx. Hâur co muôx 3 luz tsêr trâus poz vâu tas hur si, 27 luz tsêr trâus za trur txix 50 txos 70%; 220 héc ta tsoz chos trâus hiêv… njuôk xav tas xar muôx 2,5 tiv đêiv.

Đhâu trâus hiêv, Ban sêiz car phax tar ntux têz ruôr hiêv thiêz zok nriêr chơưv paz cxuô thax tsav qơư tưz sêiz đrơưv khưx phưx lơưr tsưr ziv “4 ntơưv qơư”, qênhz yuôx têx trâus hiêv; sêiz nus chor nênhs trâus saz. Uô ntêx co, coz nas đros chuô lox hmo 17/4 sâuv thax tsav huyện Lục Yên, tỉnh Yên Bái  cux uô xar muôx 60 luz tsêr trâus puôk tsuôx, 1 lênhx nênhs trâus saz, njuôk xav trâus hiêv tas xar muôx 1,3 tiv đêiv. Qiv hơưv txơưr txar phiv liv, pox nhuôs sơưr đơưk tsuv sêiz shuôk chiê phax tar tâu jông trâus ntux têz ruôr hiêv./.

Trịnh Xuân-Lik Thox cxêik nhênhv