Hloz Hôx têx luk kriê tsik zos chox cêr trâu Đảng bôv thiêz Pêx xênhv cxuô mênhx cxưx Lai Châu. Co zos tsênhv njiêz jiês cơưv tâu Ban Tuyên giáo Tỉnh ủy Lai Châu sik côngv đros Học viện Hồ Chí Minh thiêz chor lênhx tov Đảng; Tsêr cơưv Chính Trị tỉnh Lai Châu tsưr tsix zar hnuz kêix 12/12. Hêik ntơưv jiês cơưv, pos Zax Por Miv, Bí thư Tỉnh ủy Lai Châu khav tênhv, Chủ tịch Hồ Chí Minh têx luk hêik kriê zos kror chox kriê jông thiêz cxix cxuô. Tsênhv njiêz muôx tsiv gri lý luận thiêz tsênhv tsênhz, zos kror chox cêr Trâu Đảng bôv, chinhr quyền thiêz pêx xênhv cxuô mênhx cxưx Lai Châu nhênhz chơưv, cơưv shâuv thiêz uô trơưk. Jiês cơưv zos huôx tôngv ntâuk gri tsênhv tsênhz, chor nhênhz chơưv, sik thav, hêik tsênhz mênhx txos cxuô kror muôx hâur luz nênhx thiêz têx tsưr ziv jông. Đêiv ntơưr li tsiv gri đros thiêz tsôngv box thiêz canr bôv Lai Châu zos kror paz trâu Đảng bôv, pêx xênhv cxuô mênhx cxưx Lai Châu uô tâu jông cxuô kror hâur 70 shông uô lơưr zơưv hloz Hôx têx luk kriê./.

Khắc Kiên-Lik Thox cxêik nhênhv

Hnuz 12/12, thị xã Mường Lay, tỉnh Điện Biên-iz hâur têx thị xã mê grêiv đuô hur si hâur têz qơưk tsưr tsix ntênhs chiv nhênhv 70 shông thị xã tâu tiêx tuk thiêz Hnuz Lâul Hôx xa traz ntơưr phôngv jông txos tsôngv box, canr bôv tỉnh Lai Châu (kuz), nhiv no zos tỉnh Điện Biên. Hli 1/2004, uô lơưr Côx hội Nghị quyết pheiz tỉnh Lai Châu (kuz) yênhx 2 tỉnh zos: Điện Biên thiêz Lai Châu; đhâu têx jiês cxiv kho thiêz hlôngr đuô bê hu; thị xã Mường Lay nhiv no zos iz taz viv hành chính hâur tỉnh Điện Biên, muôx 11 cxênhz ha ar. Zơưv Hoàng Văn Quyền, Chủ tịch Ủy ban thị xã Mường Lay heik pâuz: “Đảng bộ, hâu nov thị xã tsênhv sir jos cxiv tsa thị xã ziv hnuz ziv huôv tsar jông. Lar heik zos đhâu ntâu ntu cxiv tsa thiêz huôv tsar, txos nhiv no thị xã tưz cxiv uô tâu ntâu côngz trênhx jông, tsôngv pêx xênhv luz nênhx tâu gra siêz, hlôngr yiêz jux juk. Uô trơưk Lâul Hôx têx luk kriê, hâur ntu zuôr txos, pêz zuôr sir jos tas txux chi tsưr ziv thiêz têx muôx jông ntơưv qơư, lar heik zos ju lix....chiê paz cxơưz tsôngv pêx xênhv luz nênhx huôv tsar, vav mênhx đuô”./.

Vũ Lợi-Riê Lâux cxeik, nhênhv

Oz jênhv vưv xuz thơưx tsênhv tâu tỉnh Lào Cai tsêx trung sir jos uô hâur hli kaz shông co zos sâu nhiêx txiêx têz qơưk thiêz muôz chor nhiêx pênhr côngz. Xav txos six hơưv no, Lào Cai nhiv kruôr sâu tâu xar muôx 7.000 tiv đêiv, bâuv xar muôx 80% njuôk xav Trung ương choz. Hli kaz shông zos six hơưv Lào Cai sêi đrơưv qênhz shuôk chor phênhv sâu, hêik cov muôz sêi têx nux gri, sir zôngv tsơưs, sir jos txos tas 31/12 sâu tâu muôx 9.500 tiv đêiv, bâuv 111% njuôk xav Trung ương choz. Ciês kror 12.000 tiv đêiv pir li tỉnh njuôk xav txix hâur shôngk shông mak zuôr uô tsik tâu. Chiê uô tâu tiêr jênhv vưv, Lào Cai yuôr muôx nhos 1.000 tiv đêiv tsuv muôz hâur hli kaz shông; thôngx cxix, kriz uô têx jênhv vưv bax yưv pênhr hâur shông 2024./.

An Kiên-Lik Thox cxêik nhênhv

Tỉnh Sơn La tưz paz max cxiv uô yiêz, kho đuô 1.200 ntâu luz tsêr nhoz trâu têx chuôz zis pluôs, chuôz zis zuôr xar pluôs txov nhêv lok tsêr nhoz, xav hur si nhiêx txiêx uô tas xar muôx 80 tiv đeiv hâur shông no. Co zos têx luôs hâux lưv uô tâu txix fuô uô tsưr ziv hu zâuv sơưr đơưk sik đros paz max têx chuôz zis pluôs txov nhêv lok tsêr nhoz hâur thax tsav tỉnh, ntu 2021-2025 thiêz đêx anr paz chuôz zis pluôs, chuôz zis zuôr xar pluôs txov nhêv lok tsêr nhoz hâur têx huyện pluôs sâuv thax tsav tỉnh. Hâux lưv tso tơưv txos shông 2025, tỉnh Sơn La zuôr uô tiêr luôs hâux lưv paz 100% chuôz zis pluôs txov nhêv lok tsêr nhoz hâur thax tsav. Zơưv Đặng Ngọc Hậu, Phưv Chủ tịch Ủy ban tỉnh Sơn La heik pâuz: “Iz hâur têx hâux lưv uô lơưr tsênhv chei truôx tuk xã hội zos paz têx chuôz zis pluôs cxiv uô vax tsêr nhoz thiêz tưz tâu uô tsênhz mênhx hâur Đại hội Đảng bộ tỉnh jiês tiv 15 li Nghị quyết. Đros thiêz têx chuôz zis pluôs lok six txov nhêv tsi muôx nhiêx txiêx, đaz tsi uô vax tsêr, tỉnh tưz muôx tsưr ziv hu zâuv tas nro sơưr đơưk, vênhv tôngv têx tsưr tsix, lênhx nênhs siêz jông paz sik đros paz trâu chor chuôz zis co. Hâur ntu zuôr txos, tỉnh cux muôx tsưr ziv tsênhz mênhx, co zos paz pêx xênhv truôx tuk qơư nhoz, huôv tsar uô nox uô hâuk, muôx chei paz max chiê pêx xênhv hla đhâu cêr pluôs truôx”./.

Lê Hạnh-Riê Lâux cxeik, nhênhv