Zar hnuz kêix 13/12, Đaix nta suôz Việt Nam (VOV) thiêz Tỉnh ủy Lai Châu tưz cir Tsaz yênhx sik côngv yax mông ntu 2024-2026. Tsaz yênhx no tâu zơưv Đỗ Tiến Sĩ, Bí thư Đảng ủy, Tổng Giám đốc VOV thiêz pos Zax Por Miv, Bí thư Tỉnh ủy Lai Châu cir, đros muôx chor taz viv VOV thiêz chor sở, ban, nganhx tỉnh Lai Châu sêiz pov njôngr. Pos Zax Por Miv, Bí thư Tỉnh ủy Lai Châu ntâuk gri siêz Đaix nta suôz Việt Nam têx luôs hâux lưv yax mông hâur ntu đhâu. Tsaz yênhx cir sik côngv muôx tsiv gri lok six zov chênhr, paz gra siêz đuô tsênhv njiêz uô côngz xưv sik côngv nhoz tỉnh Lai Châu thiêz VOV; paz trâu Lai Châu uô tâu truôx jông cxuô luôs hâux lưv tso tơưv, sir jos txos shông 2030 yênhx tỉnh huôv tsar truôx jông lok cxuô zav nhoz thax tsav tox siêz faz Bắc: “Saz Lai Châu, tỉnh zuôr paz zênhx max chiê Đaix nta suôz Việt Nam pâuz tâu cxuô xor mông thiêz yax kriê cov cxix cxuô lok cxuô zav muôx hâur tỉnh chiê tso trâu sâuv VOV. Tror paz zôngx ziv trâu chor nênhs sâu xor xưv VOV pâuz tâu cxix cxuô xor mông lok chinhr triv hâur tỉnh. Thôngx cxix, hêik pâuz têx xor mông trâu VOV lok tỉnh cxuô luôs hâux lưv tso tơưv thiêz uô tâu truôx jông”

An Kiên-Lik Thox cxêik nhênhv

Lơưr số laov thôngz sâu txix Sở kôngz nuv thiêz huôv tsar nôngx cxênhz, tỉnh Lào Cai nhiv no muôx 184 xiv huv OCOP. Tas nro tỉnh nhiv no uôx 8 tsênhv qơư heik kriê thiêz muôv muôs xiv huv OCOP. 98% xiv huv OCOP tâu muôv muôs sâuv sàn điện tử. Đrâuv co, tỉnh li têx xiv huv OCOP cxaz chuôz heik kriê ntơưv têx huôx tôngv muôv muôs li: ntênhs ciêz OCOP Quảng Ninh cheix ntux sor 2023; heik kriê xiv huv OCOP reik đros vênhx huôv têx tỉnh tox siêz faz Bắc…Tỉnh Lào Cai tso tơưv tsưr ziv txos shông 2025 muôx tsơưs tiv zix 240 xiv huv tâu côngz jênhv tax xiv huv OCOP jông ndê muk./.

Báo Lào Cai-Txâur Vax cxeik nhênhv

Pâuz tsênhz txos côngz xưv đơưk tu ntơưv thax tsav qơư li kror zov chênhr, ntu đhâu, cxuô thax tsav qơư nhoz Yên Bái tưz sirjos uô jông chor tôv đơưk tu li têx huôx tôngv. Viv li, hâur 8.700 ntâu lênhx thành viên nhoz xar muôx 1.400 tôv đơưk tu ntơưv thax tsav qơư puôr lênhx tâu xêir tsov jông, zos chor nênhs sir jos uô hâux lưv, pâuz txos chêi têz qơưk, têx phongx cxưx thiêz zos nênhs muôx suôz bê hâur côngv thôngx. Xav txix shông 2014 txos hli 12/2023, chor tôv đơưk tu tưz đơưk tu tâu muôx 20 cxênhz ntâu txuz hâux lưv, muôx 91% ntâu nhoz cxuô kror hâux lưv li: đêx ar, siz zuôr thiêz chuôz zis, siz char, siz chês, siz txênhz hâur côngv thôngx… Txis co, paz txo grêk tsơưs têx ntâuz ntơưr sik pênhr hla đhâu thênhv, truz ntêr, phar tar chor nênhs phamv cxâuv, tuôr truôx sik côngv siêz, truôx tuk-ngaz tuk xar hôiv ntơưv thax tsav qơư. Zơưv Trần Thế Công, Trưởng phòng Tư pháp huyện Yên Bình, tỉnh Yên Bái puz pâuz: “Txix thâuv uô chêi đơưk tu txos nhiv no, tưz muôx cxuô cấp ủy đảng, chinhr quyền li lênhx tov, chox kriê, tsov cưv tsik so  txix huyện txos thax tsav qơư. Chor tôv đơưk tu tsik so tâu uô truôx jông; Sở Tiw pháp thiêz ủy ban huyện cux tsik so tsưr tsix chor lớp kruôz kriê txux chi trâu chor nênhs đơưk tu têx hâux lưv ntơưv thax tsav qơư, thiêz phênhv tưs tax tâu têx zoz qơưx thiêz jênhv vưv tso tơưv”./.

Thừa Xuân-Lik Thox cxêik nhênhv

Giải têx CLB cheix câuk za têz qơưk jiês tiv 4 zuôr tror tâu tsưr tsix ntơưv thị xã Mường Lay, tỉnh Điện Biên txix hnuz 31/12 txos hnuz xiêz 3/1/2024. No zos iz hâur têx huôx tôngv chiê hơưv tos shông yiêz Jax shông thiêz chiv nhênhv 70 shông ntâuk zênhx lix xưv Điện Biên Phuv (xiêz 7/5/1954-7/5/2024). Nhiv no tưz muôx 50 lênhx phi công tuôx txix têx CLB cheix câuk za sâuv tas nro têz qơưk đăng cir cxaz chuôz. Đrâuv co têx tsưr ziv taz por txiv ngaz, chơưv paz thâuv tsưr tsix, tsưr ziv taz por y tế, tsoz phưz đas jos thâuv tsưr tsix cux tâu uô jông, tsưr ziv heik kriê ju lix tỉnh Điện Biên shông 2024. Zơưv Hoàng Văn Quyền, Chủ tịch Ub thị xã Mường Lay puz pâuz: “Pêz tưz sik côngv đros Sở vênhx huôv thiv thao, ju lix thiêz têx nganhx muôx lênhx coaz tso tơưv tsưr ziv tsênhz mênhx. Txos nhiv no tưz sik côngv đros têx CLB cheix câuk za Hà Nội chiê bax cxuô zav taz por trâu tsưr tsix giải tưr thik yênhx côngz”./.

Vũ Lợi-Txâur Vax cxeik nhênhv