Tsaz yênhx “Bôv đôiv Pênhz phax paz huv tsiêz trâu pêx xênhv jêx jos” tâu tsưr tsix ntơưv 44 qơư, nhoz 22 xar ntus đriv tỉnh Lai Châu, đros muôx zuôr xar 3.800 lênhx nênhs hâur xar muôx 2.000 ziv chuôz zis pluôs thiêz chuôz zis tâu têz qơưk paz. Ntâu ziv chuôz zis pluôs thiêz chuôz zis tâu têz qơưk paz ntơưv Lai Châu tưz cxaz chuôz trâu tsaz yênhx “Bôv đôiv Pênhz phax paz huv tsiêz trâu pêx xênhv jêx jos” thiêz zuôr hax huv thiêz njuôk shuôk moz tsik tas nhiêx. Tsaz yênhx no ntơưv Lai Châu tâu tsưr tsix txix nhiv no txos tas hnuz 20/12 zênhz lix. Đại tá Lê Công Thành, Phưv Chinhr ủy Bôv Chỉ huy Bôv đôiv Pênhz phax Lai Châu puz pâuz:“Tsaz yênhx muôx lok six ntâu têx huôx tôngv nthuôr uô cêr lov jêv, têx luk phôngv tsiêz trâu pox nhuôs, khơưk muôz hax huv puz trâu chor chuôz zis tâu têz qơưk paz, chuôz zis pluôs, chor nhuôs shux xênhz hâur tsaz yênhx paz trâu chor nhuôs tuôx tsêr cơưv ntơưr, tuz nhuôs puôs pênhz phax. Đros co zos têx huôx tôngv krưr nduôr txâuv puôz, tuôr nduôr, uô têx zav uô si cxôngx nzor. Thiêz tiv zix, iz ziv chuôz zis đrâuv txêik tâu têx phênhv paz hâur tsaz yênhx, puôr lênhx tâu muôz ntơưr chiê zuôr hax huv tsik tas nhiêx txiêx, đros muôx txâuk cxuô zav trâu pox nhuôs cov lơưr muôx tâu iz luz tsiêz nox tsâu sor, shir phaz”./.

                                                                                                     Khắc Kiên-Lik Thox cxêik nhênhv

Trơưk li hâux lưv gra siêz luz nênhx trâu tsôngv pêx xênhv hâur thax tsav mak tỉnh Yên Bái nhiv kruôr tso tơưv, shông 2025, ntơưv qơư sir jos cov uô tâu luôs hâux lưv co tax 68% ntâu pir li shông 2024. Hâur co, uô huv đros tsôngv pêx tsưr ziv, siêz xar zos zuôr xar 59%; Chiê uô tâu têx li heik sâuv, tỉnh Yên Bái xav tinhv tror sir jos yax kriê chiê hu zâuv tas nro cxix luôs chính trị, tas nro xã hội thiêz tsôngv pêx xênhv fuô uô jông cxuô luôs hâux lưv gra siêz luz nênhx trâu sơưr đơưk. Iz chas ntơư, sir jos cxiv kho têx tsi jông tiv trâus coz nas chuô sôr 03 shông 2024 uô ruôr hiêv, khưx phưx thiêz huôv tsar uô nox, lax luôv, truôx tuk luz nênhx trâu pêx xênhv; uô cxuô luôs hâux lưv huôv tsar kinh tế, xã hội.... huv đros pêx xênhv; Tsoz phưz đas jos, gra siêz luz nênhx trâu tsôngv pêx xênhv.... Đhâu ntơư, sơưr đơưk jux juk muôx luz nênhx tsâu sor, vav mênhx./.

                                                                                                Đinh Tuấn-Riê Lâux cxeik, nhênhv

Têx hnuz đhâu, phongz yaox tso nyar siêz jông tưz tâu nganhx Tênhv tênhz Sơn La sir jos kriz uô, đros tso tâu yênhx puô taz viv nyar iz shông; đhâu co, khav tênhv tâu cêr siêz jông thiêz puz pov tâu têx sik côngv truôx jông nhoz nganhx tênhv tênhz thiêz côngv thôngx ntơưv thax tsav qơư. Nhiv kruôr đhâu, yênhx puô canr bôv, công nhân viên nganhx Tênhv nhoz tỉnh Sơn La tưz sik đros cxaz chuôz tsaz yênhx “Ntênhk ciêz EVN tso nyar jiês tiv 10”. Đhâu co tưz tso tâu xar muôx 100 taz viv nyar, paz phêiz kênh têx phiv liv trâu chor nênhs muôx moz jiês kaz shông thiêz hêik tơưv tâu têx tsiv gri jông lok cêr siz hluz, sik côngv siêz, txơưx jênhv hâur xar hôiv./.

                                                                                                       Trấn Long-Lik Thox cxêik nhênhv

Têx hnuz no, chor huyện Bắc Yên, Mộc Châu, Vân Hồ, Thuận Châu....hâur tỉnh Sơn La no njiv; iz cxiê xã tox siêz lok six no njiv hênhr. Ntâu qơư huôz pok niêz, tas cik sơưr nzor thiêz thâuv hmo tưz muôx tê sav chuôs tsi ntơưv têx. Chor tsêr cơưv nhoz thax tsav tox siêz, lar heik zos têx tsêr cơưv cxênhx nhuôs zâu, shux xênhz nox nhoz hâur tsêr cơưv, cơưv ntơưr niêv txir zus mor.....txơưv no njiv, taz sik viv shux xênhz vax tsêr txov nhêv, niêv txir tsuv muk uô nox đêz lok sik khưr uô liêx têz viv li khênhr chiê mê nhuôv nhoz hâur tsêr cơưv yênhx hnuz chiê cưk kriê seiz jor. Shux xênhz li niêv txir, cưk kriê tưz siz chos gra tơưk tuôx trâu ntơưv tsêr cơưv chiê chor cưk kriê trâur trâu shux xênhz ntê, râuz đêx shux xênhz hâuk thiêz nzuôr têk tơư, taz por lớp cơưv, qơư nhoz sor si. Cưk kriê Lê Trung Kiên, Phưv thơưx seiz car tsêr cơưv Phổ thông dân tộc niêv txir zus mor cxênhx 2 Co Mạ, huyện Thuận Châu, Sơn La heik pâuz:“Co Mạ zos xã tox siêz, khênhr no njiv đuô hur si pir li 2 chas thax tsav, đros trâu co tsênhv muôx huôz jis niêz, lok tê thiêz, uô ruôr hiêv ntâu txos shux xênhz đas jos thiêz cêr cơưv txux. Xưk li têx hnuz đhâu, tsi so no njiv, tsêr cơưv tưz sox seiz njôngr têx mông heik pâuz thiêz qênhz shuôs, qênhz yuôx shux xênhz qơư nhoz, qơư cơưv ntơưr, bax trâu shux xênhz nox nhoz hâur tsêr cơưv muôx txâuk pav vor, jâuz mor sor si nox”./.   

                                                                                               Lê Hạnh-Riê Lâux cxeik, nhênhv