Xar muôx 2.800 ziv chuôz zis pluôs, zuôr xar pluôs txov nhêv lok tsêr nhoz zuôr tâu cxuô cấp, cxuô nganhx ntơưv Lai Châu paz uô, kho đuô têx vax tsêr thiêz zuôr uô cov tiêr hâur shông 2025. Uô lơưr tsưr ziv no, tỉnh Lai Châu tưz chox kriê chor cơ quan muôx vax huôv sik côngv đros chinhr quyền cxuô qơư qênhz yuôx, nriêr pâuz chor ziv chuôz zis tsuv tâu paz. Lơưr co, tas nro tỉnh  muôx zuôr xar 5.000 ziv chuôz zis tsuv tâu paz cxiv uô yiêz thiêz kho đuô têx vax tsêr, tsêx trung ntơưv têx huyện tox siêz đêz đrôngs, ntus đriv li Sìn Hồ, Mường Tè, Nậm Nhùn, Phong Thổ. Zơưv Hoàng Kiều Anh, Chủ tịch ủy ban Mặt trận Têz qơưk Việt Nam tỉnh Lai Châu puz pâuz:“Chiê huiz tôngv nzir pênhr jos paz trâu uô hâux lưv kho đuô chor tsêr đaz tuôs, lav nhoz sâuv thax tsav tỉnh, Mặt trận têz qơưk tỉnh tsênhv sik côngv đros têx cơ quan, taz viv, thax tsav qơư sir jos yax kriê, hêik canr bôv công chức, viên chức, đoàn viên, hôiv viên thiêz pêx xênhv sir jos sik tưr uô lơưr phongz yaox. Tiv oz zos kriz uô cxix cxuô, truôx jông têx tsưr ziv chiê huiz tôngv pênhr jos, đros tsưr ziv uô lênhx tưs muôx nhiêx paz nhiêx, lênhx tưs muôx đas jos mak paz đas jos lok sik paz têx chuôz tav cxiv tsa…”./.

                                                                           Khắc Kiên-Lik Thox cxêik nhênhv

Ntu đhâu, Tsênhv qơư nôngz zuz kôngz nuv tỉnh Lào Cai thiêz Công ty CP yưv pênhr jâuz kok Việt nam tưz sik côngv uô siv trâur nuv chos tsơưz Furi 5 phax tar moz đax blôngx panama. Nhiv kruôr đhâu, chêx cuk đhâu chos siv tso pov, txơưv tâu chos ciês sâuv mênhv chêx tsơưz trâus moz thâuv ntêx, taz sik chor tsơưz trâus đax blôngx zos nôngz tsơưz Furi 5 lok six tsơưs. Đros têx kror jông li no, nôngz tsơưz no tâu ntâuk grê zuôr chos đêz đar tâu, paz Lào Cai hôx phưx mênhv chêx chos tsơưz ntâu shông no trâus đax blôngx mak chơưv kho tsi tâu. Zơưv Phạm Quốc Cường, Phưv giám đốc Tsênhv qơư nôngz zuz kôngz nuv Lào Cai puz pâuz:“Txos nhiv no mak khav tênhv tâu tiêk nôngz tsơưz no phax tar tâu qênhx shênhx tsơưz trâus đax blôngx panma, tuôv zênhv tâu ploz tsênhr hâur têz qơưk thiêz muôs tơưv saz đrâuv têz qơưk. Nhiv no nôngz tsơưz no tsênhv tâu tsênhv qơư nôngz zuz jôngr nuv tỉnh Lào Cai muôv muôs”./.

                                                                          Truyền hình Lào Cai-Txâur Vax cxeik nhênhv

Txix cơưv kỳ 2, shông cơưv 2024-2025, tỉnh Yên Bái kriz uô kriê siv cơưv 5 hnuz iz ciêz, txix thưr 2 txos thưr 6 (so thưr 7 thiêz hnuz ciêz) nhoz cxênhx oz sâuv thax tsav tỉnh. Kriz uô kriê siv cơưv 5 hnuz iz ciêz tsuv kriê cov txưv têx tsênhv njiêz, tsaz yênhx lơưr Bôv Zoz zux li cui tênhv; tsik uô trâu cưk kriê ntơưr tsuv kriê ntâu, shux xênhz tsuv cơưv ntâu; huv đros trâu tsênhv tsênhz ntơưv yênhx taz viv thiêz thax tsav qơư. Tsưr ziv cơưv 5 hnuz iz ciêz tâu chôngz cưk kriê ntơưr, shux xênhz niêv txir thiêz shux xênhz sâuv thax tsav thôngx ziv đros, viv so nzir hnuz thưr 7 zuôr paz trâu chor shux xênhz muôx nzir six hơưv nhoz so thiêz cxaz chuôz trâu cxuô huôx tôngv chiê paz muôx nzir đas jos, txux chi; cưk kriê ntơưr muôx nzir six hơưv nhoz so cov muôx jông đas jos, cơưv shâuv, nriêr pâuz nzir lok têx txux chi thiêz tsưr ziv uô hâux lưv./.

                                                                                          Đinh Tuấn-Lik Thox cxêik nhênhv

Kaz ciêz no, 3 cxênhz ntâu lênhx vênhv tôngv viên tuôx txix 42 luz têz qơưk zuôr cxaz chuôz thik đhiê Maraton đhâu têx cêr mê muôx trôngz jôngr chiv xênhz jông nhoz tox siêz Mộc Châu (Sơn La). Têx lênhx vênhv tôngv viên xuz thơưx VN, hâur co muôx vênhv tôngv viên Huy chương cuz SEA Games zuôr đros tưr đhiê đros têx vênhv tôngv viên sâuv ntiêx têz txix 5 txos 70 cei cêr. Ntơưv giải shông 2025 no, têx vênhv tôngv viên zuôr sik đros đhiê muk txos Trôngz yuôx zêx trái tim nhoz thị trấn nông trưởng Mộc Châu. Taz sik, qơư đhiê hâur têx jiês đhiê mak nhoz têx qơư txơưr. Tsênhz mênhx têx vênhv tôngv viên đhiê 70 cei cêr, 42 cei cêr, 21 cei cêr mak qir đhiê txix tsêr so Mường Thanh; đhiê 10 cei cêr qir đhiê txix thax tsav chos txir khơưz Phiêng Cành, yuôr đhiê 5 cei cêr qir đhiê txix thax tsav chos txir khơưz Nà Ka. No puôr lênhx zos têx cêr lok six jông tưz tâu Ban tsưr tsix xeir chiê taz por jông tiv zix trâu têx lênhx vênhv tôngv viên cxaz chuôz jiês tưr thik no./.

                                                                                               CTV-Txâur Vax cxeik nhênhv