Ủy ban tỉnh Yên Bái nhiv kruôr muôx ntâuz ntơưr hêik pâuz lok kriz uô siv kriê thiêz cơưv ntơưr hâur 5 hnuz iz ciêz nhoz cxênhx oz. Lơưr co, Ủy ban tỉnh Yên Bái thôngx ziv đros tsưr ziv kriê thiêz cơưv ntơưr 5 hnuz iz ciêz, txix thưr 2 txos thưr 6 (so hnuz thưr 7 thiêz hnuz ciêz) nhoz cxênhx oz. Hâux lưv kriz uô kriê thiêz cơưv ntơưr siv 5 hnuz iz ciêz tsuv tâu uô huv zos, txưv tsênhv njiêz, tsaz yênhx lơưr Bôv Zoz zux li cui tênhv, tsik uô trâu chor cưk kriê ntơưr tsuv kriê ntâu thiêz shux xênhz tsuv cơưv ntâu. Tsưr ziv no zuôr tâu kriz uô siv txix cơưv kỳ 2 shông cơưv 2024-2025./.

                                                                                                                 VTV-Lik Thox cxêik nhênhv

Ntơưv xã Chiềng La, huyện Thuận Châu, tỉnh Sơn La, chênhr zos muôx têx pak đêx ntơưv qơư, tsôngv px hâur thax tsav qơư co tưz huôv tsar tu zus ok chax đaz njuôz txix hâur shôngk shông 2024, muôx 20 chuôz zis đros huôv tsar tu zus. Co zos chor nôngz ok hâur thax tsav qơư, tsi yuô trâus cik moz ơưk. Ok Chiềng La poz cxa mê, kaz grêix, muôx chôngz lênhx nhiêv zuôr thiêz kruôs txos, krêz hâu cêr yiêz trâu tsôngv pêx xênhv hâur thax tsav huôv tsar uô nox. Tix lâus Quàng Văn Mạnh, nhoz jok Cát Lót heik pâuz:“Thâuv ntêx cur chuôz zis phênhv ntâu zos zus keiz chiê tâu tuô nox xưz. Tâu xã yax kriê, vênhv tôngv huôv tsar tu zus chor ok heik sâuv, cur tưz zus fâuv xuz thơưx thiêz tâu muôs lơưv, nhiv no cur tror huôv tsar zus fâuv 2 muôx 200 tus chiê tror nthuôr uô đar xã Chiềng La luôs hâux lưv tu zus hâur thax tsav qơư. Zus chor ok co mak lok six zôngx ziv, tsi yuô trâus muôx moz ơưk thiêz gra lok phênhv sâu tâu trâu chuôz zis”./.

                                                                                                    VOVTB-Riê Lâux cxeik, nhênhv

Shông 2023, mênhx cxưx Hà Nhì ntơưv chor xar ntus đriv Mường Nhé li txux chi uô têx tsôngk yo tâu côngz jênhv zos Di sản vênhx huôv phi vật thể têz qơưk. Côngz bê no tưz tsik zos côngz jênhv txos têx tsiv gri lịch sử, vênhx huôv, mak tsênhv zos kror paz trâu mênhx cxưx Hà Nhì tuôr tsês chiêz thiêz phuôx huiz têx txux chi jông cxôngx nzor no. Pos Pờ Mỳ Lế, Bí thư Đảng ủy xar Sen Thượng, huyện Mường Nhé puz pâuz: chinhr quyền ntơưv qơư tsik so cxơưz cxiz cxênhx hluôk cơưv shâuv thiêz tuôr tsês chiê hâux lưv uô têx tsôngk yo cxôngx nzor no. Chor pox niêv muôx hnuz nhôngs siêz txơưx uô cux tsênhv sir jos kriê zuk mênhx cxưx têx txux chi no trâu sơưr đơưk cơưv shâuv cov tsik trâus pôngz plox:“Hâur ntu đhâu, cấp ủy chinhr quyền xar đros chor pox niêv txơưx uô cux tsênhv kriê trâu cxênhx hluôk cov zuk mênhx cxưx têx txux chi, vênhx huôv uô chor tsôngk yo no tsik trâus pôngz plox. Chor pox niêv pâuz xơưk têx tsôngk yo mak sir jos kriê trâu têx tuz nhuôs, kriê trâu tsôngv box Hà Nhì pâuz chiê mênhx cxưx Hà Nhì têx vênhx huôv, txux chi no tâu tuôr tsês jông”./.

                                                                                                   Vũ Lợi-Lik Thox cxêik nhênhv

Chor tuz hluôk tsar yêz meir muk lol tâus cêr uô tsi truôx tuk zoz thôngz hâur thax tsav huyện Mộc Châu (Sơn La) tưz trâus lưv lươngv muôx vax huôv qênhz pov, xưv bluô. Tsênhv tsênhz, đhâu qênhz yuôx, Cảnh sát zoz thôngz, công an huyện Mộc Châu tưz qênhz pov 03 lênhx tuz hluôk, iz tus xênhz shông 2007, nhoz xã Mường Sang, huyện Mộc Châu, iz tus xênhz shông 2008 nhoz xã Tân Lập, huyện Mộc Châu thiêz iz tus xênhz shông 2009 nhoz đrôngl Mộc Châu, huyện Mộc Châu tsar yêz meir tsi muôx biển số, tsi ntông câuk mov yêz, tsar yêz muk chênhr tsik trơưk chêi. Đhâu qênhz yuôx, chor tuz hluôk heik sâuv puôr lênhx tsi muôx ntơưr tsar yêz thiêz tsi tâu txâuk shông tsar yêz; tsi tas li chor yêz 3 lênhx tuz hluôk co tsar cux muôz hlôngr, kho đuô txơưr tsi trơưk cui tinhv. Chênhr viv li, Cơ quan Công an tưz uô ntâuz ntơưr bluô 3 lênhx tuz hluôk no trơưk đreiv li chei têz qơưk cui tinhv. Iz chas ntơư, chor tuz hluôk co niêv thiêz txir cux trâus bluô nhiêx, viv muôz yêz trâu chor mê nhuôv tsik tâu txâuk shông tsar muk lok tâus cêr./.

                                                                                                                  CTV-Riê Lâux cxeik, nhênhv