Đros trâu tsưr ziv “Tsi chiê lênhx nênhs tưs trâus pôngz kaz”, taz por cxuô lênhx cxuô tus, cxuô chuôz zis puôr lênhx shir phaz lus tok shông yiêz, nox tsiêz 30, Pov tsir điện tử VTC Newss, VOV Tây Bắc thiêz têx taz viv sik hux jos nhiv kruôr muôz 300 poz huv puz trâu têx chuôz zis muôx luz nênhx txov nhêv hâur xã Nậm Lầu thiêz xã Chiềng Ly, huyện Thuận Châu, tỉnh Sơn La. Co zos chor xã txov nhêv hâur huyện Thuận Châu, muôx ntâu ziv chuôz zis pluôs, chuôz zis zuôr xar pluôs; ciês xã Nậm Lâul têx chuôz zis pluôs thiêz zuôr xar pluôs tsav 50% ntâu hâur hur si 1.600 ntâu chuôz zis. Zơưv Nguyễn Duy Trung, Phưv Tsar phongx Lox tôngv, Saz pênhz thiêz xã hội huyện Thuận Châu heik pâuz:“Tsaz yênhx muôz huv tsiêz puz trâu tsôngv box heir nênhs tsơưs heik cxuô, têx chuôz zis pluôs hâur thax tsav huyện Thuận Châu ndax six hơưv tsiêz têz qơưk Naz shông 2025 zos iz tsaz yênhx uô muôx liv. Têx poz huv co tưz paz tôngv zênhx lênhx nênhs pluôs chiê lơưr muôx tsiêz nox đros luôs lưv tus, cux li tôngv zênhx tsôngv box sơưr đơưk puôr lênhx muôx tsiêz nox cxix cxuô, sor si”.

Cux hâur six hơưv no, Pov tsir Điện tử VTC News, VOV Tây Bắc thiêz chor nênhs siêz jông tsênhv choz qơư uô jâuz mor nox trâu shux xênhz trâu tsêr cơưv cxênhx nhuôs zâu Sao Mai, xã Tú Nang, huyện Yên Châu, tỉnh Sơn La./

                                                                                                       Trấn Long-Riê Lâux cxeik, nhênhv

Xar muôx 14.200 kror hax huv Tsiêz đros tas nro nhiêx txiêx zos 7 tiv đêiv ntâu txix sơưr đơưk sik côngv paz zuôr tâu tỉnh Yên Bái khơưk muôz trâu chor chuôz zis pluôs thiêz chuôz zis trâus ntux têz ruôr hiêv uô ntêx tsiêz Têz qơưk. Lơưr co, Ủy ban Mặt trận Têz qơưk tỉnh Yên Bái txêik jênhv chor nhiêx paz txix chor tsưr tsix, cơ quan, taz viv, doanh nghiệp, tiz nênhs siêz jông  hâur thiêz đrâuv tỉnh chiê trâu cxuô thax tsav qơư muôz paz hax huv tsiêz trâu chor chuôz zis pluôs, chuôz zis zuôr xar pluôs, tiz nênhs trâus coz chuô sôr 3 uô ruôr hiêv, sir jos cov tiêr uô ntêx hnuz 9/1. Têx huyện, thị xar, thành phố txêik jênhv, khơưk muôz hax huv uô ntêx hnuz 20/1, (zos hnuz 21/12 zênhz lix). Ủy ban tỉnh Yên Bái hêik sêiz nus, khơưk muôz hax huv paz trâu chor chuôz zis pluôs, chuôz zis trâus ntux têz ruôr hiêv lok lênhx nênhs thiêz vax tsêr tiv coz chuô sôr 3 cov ndar six hơưv, huv lênhx nênhs, huv phênhv paz; cov tas nro chor chuôz zis pluôs, chuôz zis trâus coz chuô sôr 3 uô ruôr hiêv txos sâuv thax tsav puôr lênhx txêik tâu hax huv tsiêz./.

                                                                                                        Đinh Tuấn-Lik Thox cxêik nhênhv

Phongx Cảnh sát zoz thôngz, Công an tỉnh Lai Châu thôngz sâu, txos hnuz 15/01 chor nênhs uô cxâuv chei cheix yêz muk lol tâus cêr tsar ndê chôngz lênhx. Tsênhv tsênhz, lưv lươngv Cảnh sát zoz thôngz ntơưv qơư tưz uô ntâuz ntơưr bluô 256 lênhx nênhs, tâu muôx nhos 800 tsov đeiv nhiêx, tsar ndê zuôr xar 13% txuz thiêz xar muôx 43% nhiêx bluô pir li ntu uô ntêx co. Trung tá Đỗ Văn Hùng, Phưv tsar Phongx Cảnh sát zoz thôngz, Công an tỉnh Lai Châu heik pâuz: Nghị định 168/2024 tso tơưv tsar ndê phênhv xưv bluô trâu têx uô cxâuv chei cheix yêz muk lol tâus cêr. Qir tiv muôx chôngz lênhx ntâu tus trâus cxâuv zos viv pêx xênhv tsi tâu mênhx lok têx cui tinhv xưv bluô yiêz. Cxuô cơ quan muôx vax huôv thiêz lưv lươngv lês uô têx luôs hâux lưv heik sâuv zuôr sik hux jos yax kriê thiêz xưv bluô chiê sir jos gra siêz lênhx nênhs cheix yêz muk lol tâus cêr tsưr ziv jênhv pâuz, lar heik zos hâur ntu zuôr txos thiêz đhâu tsiêz têz qơưk:“Hâur ntu zuôr txos thiêz đhâu tsiêz têz qơưk, Phongx Cảnh sát Zoz thôngz, Công an tỉnh Lai Châu tưz nhênhz chơưv trâu Ban Giám đốc cxiv tsa tsưr ziv chiê fuô uô têx faz tsưr ziv uô hâux lưv. Sir jos xưv bluô txos qơư chor nênhs uô cxâuv chei cheix yêz muk lol tâus cêr, tiv zix zos têx li: Hâuk chơưr bia uô ntêx thâuv zuôr tsar yêz muk lol tâus cêr, tsar yêz muk chênhr tsi trơưk cui tinhv. Iz chas ntơư, cux zuôr sir jos yax mông, fuô kriê têz qơưk chei truôx tuk zoz thôngz txos trâu tas nro tsôngv box sơưr đơưk thiêz cxuô luz tsêr cơưv, chiê txo grêk tsơưs têx txuz uô yêz siz yar siz tsông tâus cêr”./.

                                                                                                           Khắc Kiên-Riê Lâux cxeik, nhênhv

Sâuv thax tsav tỉnh Sơn La, muôx ntux no cxaz nzir txix hnuz 12/1 txos nhiv no tưz uô muôx no chênhr no njiv đros lok tê, uô trâu ntâu thax tsav tsoz chos, tiv zix zos cà phê nhoz TP Sơn La trâus ruôr hiêv. Lơưr nriêr pâuz xuz thơưx, tas nro chor cà phê trâus ruôr hiêv sâuv thax tsav thành phố xar muôx 96 héc ta ntâu, zos ntơưv: xar Chiềng Đen, Hua La; Chiềng Cọ. Njuôk xav trâus pôngz plox lok kinh têr muôx nhos 4 tiv đêiv. Đhâu muôx ciês lok tê, Ủy ban thành phố Sơn La tưz chox kriê Tsênhv qơư Dịch vuv kôngz nuv thành phố sik sôngv đros Ủy ban chor xar, phường tso canr bôv muk yax kriê, hêik pêx xênhv kriz uô têx tsưr ziv đơưk kho têx phiv liv tiv lok tê uô ruôr hiêv txos chor tsoz chos./.

                                                                                                         Thu Thùy-Lik Thox cxêik nhênhv