Hnuz 16/1, Pov tsir điện tử VTC News đros VOV Tây Bắc, chor nênhs siêz jông tưz tsưr tsix uô tiêr tsêr uô jâuz mor nox trâu shux xênhz tsêr cơưv nhuôs zâu Sao Mai, xar Tú Nang, huyện Yên Châu, tỉnh Sơn La.

Côngz trinhx muôx nhiêx txiêx uô zos 200 triệu đêiv, đhâu xar muôx 2 hli kriz uô tưz tâu uô tiêr thiêz muôx cxix cxuô têx chuôz zênhx chiê uô jâuz mor nox trâu shux xênhz thiêz cưk kriê ntơưr hâur tsêr cơưv. Lơưr cưk kriê Lò Thị Thúy, Hiệu trưởng tsêr cơưv nhuôs zâu Sao Mai, shông cơưv no tsêr cơưv muôx zuôr xar 550 lênhx shux xênhz, phênhv ntâu zos tuz nhuôs tsôngv box mênhx cxưx tsơưs nênhs muôx luz nênhx txov nhêv. Tsêr uô jâuz mor nox trâu shux xênhz tâu uô tiêr thiêz muôz lok sir zôngv ndax jiês Tsiêz Têz qơưk paz trâu chor cưk kriê ntơưr thiêz shux xênhz hâur tsêr cơưv ntơưr muôx nzir cxuô kror chiê sik tưr uô cov tiêr jông têx jênhv vưv hâur shông cơưv no:“Tâu paz cxiv tsa tsêr uô jâuz mor nox no mak tsêr cơưv ntơưr lok six shir phaz, cưk kriê thiêz shux xênhz hâur tsêr cơưv ntơưr lok six jông siêz, tiv zix zos chor nhân viên uô jâuz mor nox, tsik tsuv cxơưx txos ntux yar ntux nas lơưv. Nhiv no muôx tsêr uô jâuz mor nox chiê uô cov huv zos lơưr tsưr ziv, txix uô zav nox nhôngk, txos uô têx zav nox siêr, lok six ngaz tuk trâu chor nhuôs, chor nhuôs tâu nox kaz, huv vêv xênhz đuô”./.

                                                                                              Trấn Long-Lik Thox cxêik nhênhv

Đhâu hlo Chính phủ ntênhs phuôx tôngv lok tsaz yênhx paz uô tsêr nhoz trâu têx chuôz zis pluôs, chuôz zis txov nhêv hâur tas nro têz qơưk, tỉnh Lào Cai tưz tso tơưv Nghị quyết, đêx anr thiêz tsưr ziv paz uô tsêr nhoz têx ziv chuôz zis li heik sâuv. Hâur ntu txix shông 2024-2025, thax tsav qơư no muôx 11 cxênhz ntâu luz tsêr tsuv tâu paz cxiv uô, kho đuô. Txos nhiv no tưz krêz côngz uô tâu zuôr xar 6 cxênhz luz tsêr, muôz nhiêx txiêx uô luôs hâux lưv co tax 52% ntâu pênhr tsaz yênhx. Lào Cai chos luk txos hnuz 30/6/2025 zuôr uô tiêr luôs hâux lưv paz uô tsêr nhoz trâu têx chuôz zis pluôs. Zơưv Trịnh Xuân Trường, Chủ tịch Ủy ban tỉnh Lào Cai heik:“Hâur Thủ tướng côngz tênhv heik Bí thư Tỉnh ủy zos pêz Tsar ban chox kriê seiz no zos hâux lưv zov chênhr chiê hu zâuv tas nro cxix luôs chính trị sik đros uô. Hâur ntu fuô uô, pêz tsuv uô jông  luôs hâux lưv yax kriê, vênhv tôngv côngv thôngx sơưr đơưk sik đros paz, siz kriê tsưr ziv uô, lar heik zos ntơưv qơư, tsuv choz hâux lưv tsênhv tsênhz trâu lênhx nênhs sơưr thơưx. Têx suôv qơư txov nhêv yax tsuv muôx lưv lươngv vũ tranh, tiv zix zos công an thiêz tuz lênhv paz max”./.

                                                                                          An Kiên-Riê Lâux cxeik, nhênhv

Tỉnh Điện Biên nhiv kruôr tso tơưv tsưr ziv paz uô tsêr nhoz trâu 169 ziv chuôz zis muôx côngz trâu têz qơưk, đros tas nro nhiêx txiêx uô xar muôx 7 tiv đêiv.

Lơưr Ủy ban tỉnh Điện Biên li cuêz tênhv, 56 ziv chuôz zis zuôr tâu paz cxiv uô tsêr nhoz yiêz, iz ziv chuôz zis tâu paz 60 triệu đêiv thiêz 113 ziv chuôz zis txơưr đuô tâu paz 30 triệu đêiv iz chuôz zis chiê kho đuô tsêr nhoz. Chor nhiêx paz xar muôx 6,8 tiv đêiv zos Trung ương, thax tsav qơư muôz paz đros muôx côngv thôngx thiêz chuôz xênhv sik côngv đros paz chiê uô./.

                                                                                    Vũ Lợi-Lik Thox cxêik nhênhv

Têx hnuz zuôr txos tsiêz, qơư tsav yêz thâux xa kruô muk lol tỉnh Lai Châu tưz uô tiêr cxuô luôs hâux lưv bax yêz uz no chiê phưx vưv, thâux xa tsôngv pêx xênhv muk lol.

Trơưk li zơưv Lê Xuân Thoan, Phưv Giám đốc seiz car qơư tsav yêz thâux xa kruô muk lol tỉnh Lai Châu, hâur ntu zuôr txos tsiêz têz qơưk 2025, qơư tsav yêz thâux xa kruô muk lol Lai Châu tưz bax tâu zuôr xar 300 luz yêz chiê thâux xa kruô muk lol trâu 58 txox cêr hâur tỉnh thiêz 2 chas tỉnh phưx vưv tsôngv pêx xênhv sơưr đơưk. Chor yêz co phênhv ntâu zos yêz kruô muôx qơư jâuv, txax pư taz por phưx vưv tâu jông tsôngv kruô muk lol hâur têx hnuz so tsiêz:“Pêz cux tưz hux jos truôx đros cxuô taz viv yêz lox zuôr hu zâuv ntâu luz yêz thâux xa kruô chiê phưx vưv tsôngv pêx xênhv sơưr đơưk hâur six hơưv tsiêz têz qơưk no. Trơưk li pêz njuôk xav, cux li cxuô taz viv muôx yêz lox thâux xa kruô muk lol, têx kruô muk lol hâur ntu zuôr txos tsiêz no phênhv ntâu zos muk trâu chor tỉnh tiêx đras li: Nam Định, Thái Bình, Ninh Bình, Vinh, Hà Tĩnh.... Nhiv no taz viv cux tưz qênhz shuôs thiêz pâuz tâu chor kruô đas cir zuôr muk lol hâur têx hnuz zuôr txos tsiêz đhâu doanh nghiệp cux li đhâu têx lênhx tsưr yêz, chiê sir jos uô luôs hâux lưv phưx vưv tsôngv pêx xênhv zoz qơưx muk lol”./.

                                                                            Khắc Kiên-Riê Lâux cxeik, nhênhv