Ntơưv jiês khiêz phêv tiv 10, côx hôiv khóa 15 tưz thôngz đhâu Chei jênh số số 113 muôx txux zôngv txix hnuz xiêz 1/7/2026. Nganhx y tế tỉnh Sơn La tsênhv chuv tôngv krêz uô têx tsưr ziv nzor chox Chei lok uô hâur luz nênhx, gôngr phênhv muôz siêz tsơưr lươngv jênh số thiêz cxơưz tiês huôv tsar KTXH. Nhiv no nganhx tsênhv chêx chôngk yax mông, heik kriê njiêz luv yiêz, tsưr ziv uô yiêz cov huv đros thax tsav tox siêz; thôngx cxix muôz siêz pênhr xưv trâu chor cán bộ thiêz phuôx huiz pưs txux chor cộng tác viên jênh số nhoz tiv phaz. Pos Nguyễn Thị Ánh Hồng, Phưv chi cục tsar chi cục jênh số Sơn La puz pâuz: “Hâur ntu tos nghị định heik kriê uô têx vênhv thix hâur Chei, pêz tưz thiêz tsênhv tror nhênhz chơưv heik trâu UB tỉnh muôz trâu HĐ tỉnh kho đuô, cxaz nzir, hlôngr Nghị quyết paz trâu cộng tác viên, paz têx vênhv thix cik txos seiz car, njuôs xav mê nhuôv mos. Tror nhênhz chơưv chiê thix ziv tỉnh tso tơưv têx chính sách paz têx gơưv niêv txir xênhz txâuk 2 tul mê nhuôv uô ntêx thâuv txos 35 shông hnuz nhôngs. Thiêz uô têx cui tênhv tâu tso tơưv hâur Chei jênh số thiêz Chính phuv li nghị định heik kriê đhâu thâuv Nghị định yiêz tâu tso tơưv”./.

Bích Thủy-Lan cxêik nhênhv

Xar Lê Lợi, tỉnh Lai Châu nhiv kruôr tsưr tsix yax kriê, hêik thiêz cir jênhv tso tsês têx phongx cxưx pôngz kaz, cxiv tsa luz nênhx vav mênhx hâur tsôngv box Mảng ntơưv 2 jok Nậm Sập thiêz Pá Sập. Pêx xênhv tâu hêik pâuz tsênhv njiêz nghị quyết 15, jênhv pâuz têx kror tsik jông txix chor phongx cxưx pôngz kaz li tsik đăngk cir siz zuôr, xênhz zus chôngz mê nhuôv, uô nênhz chiê kho moz, tso yar têx tsiêx cxu… Đhâu co paz gra siêz jênhv pâuz, jux juk paz hlôngr yiêz luz nênhx. Muôx 65 ziv chuôz zis cir jênhv uô lơưr luz nênhx vav mênhx. Chinhr quyền ntơưv qơư hêik chor ziv chuôz zis uô cov jông, sik côngv siêz huôv tsar kinh têr, cxiv tsa luz nênhx vênhx huôv ntơưv qơư nhoz./.

Báo Lai Châu-Lik Thox cxêik nhênhv

Hnuz 16/4, ntơưv xã Chế Tạo (Lào Cai) tsưr tsix ntênhs krêz côngz uô dự án chaz tênhv tênhz têz qơưk lok jos Nả Háng- iz hâur têx thax tsav txov nhêv tiv zix nhoz tiv phaz, qơư muôx tsôngv box Hmôngz nhoz uô nênhx. Nả Háng nhoz thax tsav por hưv tsiêx cxu, đrox tsuôk Mù Cang Chải, zos jos tsi muôx tênhv tênhz, tsi muôx cêr yêz ô tô, tsi muôx tsêr cơưv ntơưr. 32 ziv chuôz zis đros muôx nhos 180 lênhx nênhs nhoz uô nênhx ntơưv no phênhv ntâu muk đhâu cêr tox trôngz, txơưv txov nhêv li ntơưv tsênhv px cux sir jos por vêv jôngr ntông, muk qênhz yuôx, gôngr phênhv tuôr tsês yênhx châuv cxênhz hecta jôngr. Dự án tênhv tênhz têz qơưk tâu njênhs njôngr zuôr paz truôx tul luz nênhx, huôv tsar uô xênhz yar kôngz nuv, tror muôz siêz chêx cuk côngz xưv por vêv jôngr. Zơưv Nguyễn Anh Tuấn, GĐ Công ty tênhv jos Lào Cai pheiz kênh: “Thâuv sik côngv 2 tỉnh pêz cux seiz shuôk đuô tas nro têx jêx jos tsi tâu muôx tênhv tênhz. Thiêz no zos iz hâur têx dự án phêv liv tiv zix đros tỉnh Lào Cai yiêz. Pêz xav tênhv iz hâux lưv lax li no, ziv lax mak tsuv ziv sir jos đuô. Taz sik zos hâux lưv cê lax thiêz cê coaz tsôngv li ntơưv tâu car chêx mak zuôr paz muôx tâu ntâu chênhz zênhv, đas jos chiê uô yênhx côngz đuô trâu tov kaz no”./.

An Kiên-Lan cxêik nhênhv