Tas cik hnuz 21/4, ntơưv qar tiêx Tây Bắc, tỉnh Sơn La, hnuz ntênhs ntâuz ntơưr thiêz KHCN shông 2026 za zâuv chôngz cán bộ, tsôngv px, shux xênhz thiêz lưx lươngv vũ trang tuôx cxaz chuôz. Hâux lưv no chiê cxơưz tiês huôv tsar khoa học, công nghệ, hlôngr yiêz siêz xar tơưv thiêz hlôngr yiêz số. Jông tiv zix zos jiês piêr kriê 300 ntâu yêz tuôv đros thôngz yax lok vênhx huôv nhênhv thiêz huôv tsar. Hnuz ntênhs tsênhv muôx ntâu huôx tôngv li piêr kriê ntâuz ntơưr, công nghệ, robotics thiêz têx jiês nriêr pâuz lok khoa học, tri thức. Phuôx plov ntơưv ntênhs, zơưv Nguyễn Đình Việt, Chủ tịch Ub tỉnh Sơn La heik mênhx: “Tỉnh tưz yênhx trus cxơưz tiês hlôngr yiêz số haur seiz car, cxơưz tiês zôngv ứng dụng KHCN hâur tsiv uô thiêz luz nênhx; paz têx huôx tôngv hlôngr yiêz xar tơưv, huôv tsar uô nox; thôngx cxix muôz siêz tsôngv px li pênhr xưv thôngz xor mông. Hnuz ntênhs zos têx tsênhv tsênhz tso pov sik côngv jông hâur vênhx huôv nhênhv ntơưr thiêz công nghệ số, cơưv ntơưr đros têx tsênhv tsênhz huôv tsar”./.

Trấn Long-Lan dịch đọc

Tas cik hnuz 21/4, Công an tỉnh Lai Châu tsưr tsix kruôs txos têx tập thêv, lênhx nênhs uô tâu hâux lưv jông hâur yơưz phơưz, ruôr por tsês txuz zuôr muôs, uô luôv zax zênhz lox tsi trơưk chei, sâu tsês 9 poz zênhz đơưz. Tsênhv tsênhz, thâuv 12 six ntâu tar su hnuz 15/4, ntơưv thax tsav xã Sì Lở Lầu, lưv lươngv muôx vax huôv tưz ntêk tâu Thox Xênhv Lik, nhoz tỉnh Điện Biên lok sâuv zuôr muôs zax zênhz tsi trơưk chei. Têx chuôz zênhx sâu tâu muôx 9 poz zênhz đơưz, đros trâu yêz thiêz ntâu zav chuôz zênhx txơưr đuô cik txos. Đhâu qênhz yuôx nzir, Công an tỉnh Lai Châu tưz ntêk zênhx max cxaz 2 lênhx nênhs cik txos, sâu tsês nzir zax zênhz thiêz 100 tsov đeiv ntâu, hâur co muôx nhiêx sâu tâu txix têx nuv uô tsi trơưk chei. Nhiv no, cơ quan muôx vax huôv tsênhv tror qênhz yuôx, uô tsênhz mênhx./.

Khắc Kiên-Riê Lâux cxeik, nhênhv

Nhiv no, ntơưv tỉnh Sơn La, njuôs xav muôx cuz tox cuz jôngr siêz nhoz ntâu thax tsav qơư. Txix qênhx shênhx co, Chi cục qênhz jôngr tỉnh Sơn La canhv pov têx tsưr jôngr thiêz tsôngv px tsuv muôz siêz tsưr ziv siêz xar, uô trơưk PL li têx cui tênhv lok por vêv jôngr. Tiv zix, tsi zôngv hluôr tơưs pêv har jôngr, tsi hlơưr têz jê har jôngr hâur ntu yar ntux cuz sor, ntux kruôr gis ntêr. Têx tiv phaz tsuv chuôz tsar qênhz yuôx, phax tar cuz jôngr, pov thiêz yưr lir nzor têx qơư muôx cuz tsi chiê cuz txuôk dêz đar. Tsôngv px thâuv pov muôx cuz jôngr tsuv zênhx max pov trâu lưx lươngv muôx txơưx jênhv chiê sik côngv yưr lir, gôngr phênhv por vêv tênhx qơư jôngr./.

UBND tỉnh Sơn La-Lan dịch đọc

Hâur ntu têz qơưk huôv tsar, muôx ntâu hlôngr yiêz, têx txux chi vênhx huôv hâur jêx jok tsênhv tâu cxuô thax tsav qơư nhoz tỉnh Điện Biên por hưv, tuôr tsês jông tsi chiê pôngz plox.

Ntơưv xã Núa Ngam, Tsiêz ntor đêx Bun Huột Nặm tâu nthuôr uô jông, đros trâu têx cxênhx cxênhv chei đaz kruô thâuv nzor thiêz cêr lov jêv, hu zâuv chôngz lênhx ntâu tus pêx xênhv, lar heik zos chor hluôk nênhs đros côngv lov jêv. Yuôr ntơưv xã Thanh Yên, têx txux chi vênhx huôv tâu tuôr tsês, tsi so uô đreiv đros trâu xênhz huôx côngv thôngx, paz tsưx phưv tâu truôx têx txux chi jông thâuv nzor li: Đhiê pax vuôk xòe, hu gâux, heik cưr cxiêx tsi chiê pôngz plox.

Tsênhv tsênhz tso pov, thâuv pêx xênhv đros côngv cêr lov jêv, vênhx huôv tsi tiêk nthuôr uô si trâu sơưr đơưk seiz, tsênhv yênhx iz cêr nênhx thâuv tưs tưz zuôr tsuv muôx, paz cxơưz sơưr đơưk cxuô lênhx cxuô tus muôx cêr sik thôngx siêz. Cxuô thax tsav qơư cux moz siêz txos por hưv tsês têx txux chi vênhx huôv đros trâu huôv tsar kinh tế, gra siêz luz nênhx, muôz jông six hơưv trâu sơưr đơưk nthuôr uô têx txux chi heik sâuv chiê sik đros por hưv tsês. Fuô uô yiêz têx tsưr ziv huv đros tsênhv tsênhz tsênhv paz por hưv, tuôr tâu tsês têx txux chi vênhx huôv jông thâuv nzor tsi chiê pôngz plox./.

Báo Điện Biên-Riê Lâux cxeik, nhênhv