Xar muôx 5 six zuôr tsâuk ntux 18/4, ntơưv xar Phiêng Cằm, tỉnh Sơn La tưz muôx lok nas chuô lox đros lơưr, uô ruôr hiêv ntâu txos pêx xênhv luz nênhx thiêz uô nox.

Coz nas chuô đros lơưs lok sêi xưz taz sik lok lox thiêz lok lơưs ntâu, muôx ntâu luz lơưs lox, uô hiêv ntâu txos iz cxiê thax tsav tsoz chos thiêz cxuô zav.

Ciês đhâu muôx lok nas đros lơưs, chinhr quyền tưz huiz tôngv lưx lươngv ntơưv qơư qênhz yuôx, paz trâu pêx xênhv kho đuô têx trâus ruôr hiêv trơưk tsưr ziv “4 ntơưv qơư”, đros co zos qênhz shuôk, thôngz sâu têx trâus ruôr hiêv chiê muôx tsưr ziv paz trâu pêx xênhv.

Đros ntux nas chuô txơưr txar phiv liv, sơưr đơưk tsuv sêiz shuôk jông xor mông hêik pâuz lok ntux yar ntux nas, kho đuô têx vax tsêr, por vêv tsoz chos, tsiêx tu zus chiê txo grêk tsơưs têx trâus ruôr hiêv. Nhiv no têx trâus ruôr hiêv tsênhv tâu tror sir jos kho đuô./.

Trấn Long-Lik Thox cxêik nhênhv

Txix têx njuôk xav zôngx ziv muôx chuô lox, xoz, lok lơưs thiêz nas hloz nhoz ntâu thax tsav qơư, Ban seiz car phax tar têx tsi jông tỉnh Sơn La tưz tso tơưv côngz tênhv zênhx max, heik cxuô thax tsav, taz viv sei đrơưv fuô uô têx tsưr ziv phax tir thêir.

Cxuô thax tsav qơư tâu heik cov sox seiz njôngr ntux têx txơưr txar, heik trâu yênhx jêx jok, tiv zix zos thax tsav tox siêz đêz đrôngs; kriê pêx xênhv cxiv kho, cxênhv têx vax tsêr, qơư tu zus tsiêx cxu cov truôx khor; tsơưs muk lol saz đrâuv jôngr thâuv muôx chuô lox; bax sâu nzor têx kôngz lôngk siêr jông sâu, por hưv tsiêx cxu, qênhz shuôs truôx tuk têx côngz trênhx đêx liv, qơư côngz đêx. Iz chas ntơư, heik sơưr đơưk tsi tâu uô hâux lưv uz no saz đrâuv jôngr thâuv muôx xoz lox, ntux đuz nxông chiê truôx tuk. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz, đros trâu cxuô faz tsưr ziv fuô uô xuz thơưx, ntơưv qơư tsênhv fuô uô tsưr ziv phênhz, truôx tuk qơư nhoz trâu tsôngv pêx xênhv thax tsav trâus ntux uô ruôr hiêv. Shông 2025 tâu phênhz 200 tyv đeiv fuô uô 16 dưv anr, côngz trênhx zuôr trâus txos, njuôk xav uô tiêr thiêz muôz nhiêx thêv hâur shông 2026: “Đêx anr tưz tâu BCH Đảng bộ tỉnh thôngz đhâu; nhiv no Ủy ban tỉnh tưz thôngz đhâu tsưr ziv fuô uô. Đhâu thâuv Ban thường vụ Tỉnh ủy thôngz đhâu tsưr ziv uô Đêx anr no mak Ủy ban tỉnh zuôr heik tsênhz mênhx tsưr ziv fuô uô. Hâur 82 qơư phênhz trâu pêx xênhv nhoz tưz xav tinhv hâur Đêx anr, tỉnh cux xav mênhx, chor thax tsav tưs zuôr fuô uô ciês hâur shông 2026, qơư tưs zuôr uô hâur ntu txuôk lơưr.... Hâux lưv zov chênhr tso tơưv zos truôx tuk luz nênhx trâu tsôngv lax pêx xênhv”./. 

Thu Thùy-Riê Lâux cxeik, nhênhv

Ntơưv xar Tân Uyên, tỉnh Lai Châu nhiv kruôr muôx txuz cuz jôngr ntơưv jok Hua Cưởm 2. Khov pov tâu nzor thiêz sir jos tuô hluôr tơưl, chor hluôr tơưl tưz tâu tir tar, tsik txêik cuz ntâu. Uô ntêx co, pêx xênhv pov muôx hluôr tơưl chis cuz jôngr thiêz hêik trâu lưx lươngv muôx vax huôv pâuz. Đhâu co, ntơưv qơư tưz chiê muôx 300 lênhx nênhs muk tuô hluôr tơưl. Qơư chis cuz nhoz har jôngr phax phưv Hoàng Liên Sơn, thax tsav phiv liv, muôx chor đrox nhov ntâu, uô phiv liv ntâu trâu côngz xưv tuô hluôr tơưl. Lưx lươngv muôx vax huôv tưz luôx têx đrox nhov, luôx cêr tir tar hluôr tơưl txêik cuz, viv li tưz paz tuô tâu hluôr tơưl. Nhiv no lưx lươngv cux tsênhv sêiz jor, sêiz shuôk jông thiêz nriêr pâuz thax tsav trâus ruôr hiêv thiêz nriêr pâuz qir tiv.

Ntơưv Lai Châu tsênhv zos chêix ntux kruôr, zôngx ziv muôx cuz jôngr siêz. Cxuô thax tsav qơư tsênhv sir jos yax kriê trâu pêx xênhv cov uô tâu jông hâux lưx phax cuz, tuô cuz jôngr./.

Khắc Kiên-Lik Thox cxêik nhênhv

Têx shông jê lok no, tsôngv pêx xênhv xã Bát Xát, tỉnh Lào Cai tưz sir jos uô lơưr khoa học-kỹ thuật trâu chos txir pur lux, đhâu ntơư chos tâu trơưk têk, txi txir jông thiêz jux juk khav tinhv tsoz chos txir pur lux zos tsoz chos chênhr hâur thax tsav qơư.

Txix tsưr ziv huôv tsar uô nox li thâuv ntêx, tsôngv box tưz hlôngr pâur chos chor txir pur lux tsơưr lươngv siêz; uô trơưk heik kriê txix: Uô ar, trâu qir, chos txos tu têx pax, paz têx txir pur lux hloz lox jông, txi txir lox siz luôs. Khov co, iz ha sâu đê têx txir pur lux tâu 20-25 tênhr, ntâu liêx têz mak sâu đê tâu 30 ntâu tênhr txir iz ha. Gri muôs ntơưv têz zos txix 15-20 cxênhz đeiv iz cir, gra lok phênhv sâu tâu truôx tuk trâu pêx xênhv.

Hâur ntu zuôr txos, ntơưv thax tsav qơư tror sir jos uô lơưr têx tsưr ziv yiêz, uô trơưk VietGAP thiêz chuôz tsar sik đros sâu zuôr, chiê muôs tâu gri, cxiv tsa suôz bê txir pur lux Bát Xát huôv tsar truôx./.

Báo Lào Cai-Riê Lâux cxeik, nhênhv