Tas cik hnuz 22/2, đại tướng Tô Lâm, Ủy viên Bộ chính trị, Bộ trưởng Bộ công an tưz muôx jiês uô hâux lưv đros Ban thường vụ tỉnh rủy Lào Cai. Ntơưv Phêv ziv, Bộ trưởng Tô Lâm ntâuk grê siêz chêx cuk Lào Cai tưz tax tâu hâur ntu đhâu; thôngx cxix njênhs njôngr thôngx ziv đros Lào Cai li têx tsưr ziv huôv tsar thiêz têx dự án coaz tsôngv reik đros uô Bộ chính trị li Nghị quyết số 11 lok huôv tsar thax tsav trung du, tox siêz faz Bắc. Đros jênhv vưv taz por txiv ngaz phax tar nênhs phamv cxâuv, Bộ trưởng Tô Lâm xar tiêk, lưx lươngv Công an xã tsuv uô ntêx nyuôk nhoz tiv phaz lok txiv ngaz, viv tas nro têx vênhv thix muôx lênhx coaz txos txiv ngaz puôr lênhx zos txix tiv phaz: “Pêz tsuv taz por cxiv tsa tâu têx thax tsav, jêx jos, xã tsi muôx nênhs phamv cxâuv, tsi muôx lênhx nênhs uô cxâuv cêr chei, tsi muôx tiv nanv, tsi muôx zax zênhz. Têx xã jông mak huyện thiêx jông, huyện tưs cux jông mak tỉnh zuôr jông; tỉnh tưs cux jông mak têz qơưk zuôr tâu taz por; yênhx xã, yênhx tiv phaz tsuv sik tưr thik chiê uô”./.

An Kiên-Txâur Vax cxeik nhênhv

Liên đoanx lox tôngv tỉnh Điện Biên nhiv kruôr tsưr tsix njiz njêx muôs têx doanh nghiệp muôx tsưr tsix công đoanx, chiê chuôz tsar têx tsưr tsix công đoanx thiêz doanh nghiệp nênhs lox tôngv li cêr coaz siv fôngx zưs sik paz; iz chas ntơư mnôngs nênhs lox tôngv heik lơưr têx tsưr ziv, siêz xar thiêz công đoanx doanh nghiệp têx hâux lưv uô. Zơưv Tẩn Minh Long, Chủ tịch Liên đoanx lox tôngv tỉnh Điện Biên heik pâuz, hâur ntu đhâu, txơưv tsênhv yuôr ntâu txov nhêv, taz sik cxuô cấp công đoanx thâuv tưs tưz sir jos moz siêz, txoz cxơưx luz nênhx trâu têx đoanx viên, công nhân viên chức lox tôngv. Taz por jông têx chei paz trâu nênhs lox tôngv li: Nhiêx hli, bảo hiểm xã hội, bảo hiểm y tế, bảo hiểm trâul pôngz hâux lưv uô.... Txix ntơư đoanx viên, nênhs lox tôngv muôx hâux lưv uô, luz nênhx truôx tuk. Zơưv Tẩn Minh Long, Chủ tịch Liên đoanx lox tôngv tỉnh Điện Biên heik: “Đros thiêz têx cơ quan, taz viv, doanh nghiệp hâur tsưr tsix huôv tsar uô lax luôv zuôr muôs huv mak tsuv muôx têx tsaz yênhx paz trâu đoanx viên, nênhs lox tôngv chiê lơưr muôx hâux lưv uô, luz nênhx truôx tuk, txo grêk tsơưs têx tsi jông li: Trâul pôngz hâux lưv uô....”./.

Vũ Lợi-Riê Lâux cxeik, nhênhv

Têx hnuz hâur shôngk shông yiêz, thax tsav ntus đriv Sông Mã, Sơn La shir phaz tsưr tsix ntênhs phêv hlơưr shaz ntơưv tsêr mnov Hai Bà Trưng nhoz jos Thống Nhất,. xã Chiềng Khương, huyện Sông Mã, SƠn La. No tsi taz zos iz vênhx huôv jông mak tsênhv zos jiês chiê Sông Mã heik kriê di tích lix xưv no, heik kriê têx cêr vênhx huôv mênhx cxưx jông nhoz thax tsav ntus đriv. Krêz uô ntêx zos ntênhs gra đêx txix niêv đêx Sông Mã lok tsêr mnov Hai Bà Trưng, đros siêz xar njôngr muôx tâu ntux nas jông, sâu tâu chiv cheix, tsôngv box lênhx tưs cux muôx jông đas jos, chuôz zis muôx luz nênhx tsâu sor, shir phaz.. Lơưr co zos jiês hlơưr shaz đros ntâu huôx tôngv txi côngv txos têx lênhx nov txơưx njê, têx zênhz shôngx sir tas đas jos trox nyar chiê cxiv tsa thiêz por vêv têz qơư ntu co./.

Lê Hạnh-Txâur Vax cxeik nhênhv

Txos 9 six ntâu tas cik hnuz 22/2, txuz hluôr tơưk cuz jôngr hâur har jôngr lâul Hoàng Liên, thị xã Sa Pa, tỉnh Lào Cai tưz tâu tuô tuôs. Đhâu 5 luz six hơưv, 4 paz nênhs muôx nhos 600 lênhx muk 4 faz tuôx đros tuô hluôr tơưk, tưz tuô tâu têx hluôr tơưk cuz xuz tsuôs, har jôngr tsi chiê txeik chis cuz trâu thax tsav đar. Uô ntêx co, đhâu tưz tuô tâu tas têx hluôr tơưk txeik cuz jôngr , muôx 3 six ntâu zar hnuz kêix 21/2, tror muôx hluôr tơưk txeik chis cuz ntơưv thax tsav jê jok Dền Thàng, xã Tả Van, saz jê tỉnh Lai Châu tuôx. Viv thax tsav muk lol phiv liv thiêz hmo ntux, đoanx côngz xưv uô hâux lưv tuô hluôr tơưk njiz lok six ntâu phiv liv. Lơưr zơưv Tô Ngọc Liễn, Chủ tịch Ủy ban thị xã Sa Pa, đhâu thâuv pâuz tsênhz qơư txeik chis cuz, tas nro chor nênhs uô hâux lưv tuô hluôr tơưk uô ntêx ntơư tror sir jos sik đros tuô têx qơư trâul cuz mê, qơư hluôr tơưk tsênhv chiêx tsi chiê txeik chis cuz đêz đar.

Hâur tas cik hnuz 22/2, Ủy viên Bộ Chính trị, Bí thư T.Ư Đảng, Chánh án Tòa án thênhv siêz Nguyễn Hòa Bình tưz tuôx shuôs, tôngv zênhx têx lưv cxaz chuôz tuôx hluôr tơưk cuz jôngr ./.

An Kiên-Riê Lâux cxeik, nhênhv