Ntâuk gri đhâu 1 shông sik côngv huôv tsar uô du lịch nhoz 8 tinhr Tây Bắc thiêz thành phố Hồ Chí Minh puz pov, tas nro chor kruô tuôx trâu têx thax tsav qơư no hâur shông 2023 bâuv xar muôx 60% tas nro têz qơưk. Jiês ntâuk gri tsaz yênhx sik côngv huôv tsar du lịch nhoz têx tỉnh no hnuz 25/12 ntơưv Lào Cai cux puz pov, đhâu ntâu sir jos, đros xar muôx 70 triệu lênhx kruô tuôx, têx tỉnh no tưz uô tâu tiêr thiêz siêz đuô tsưr ziv tso tơưv, chuôz ndê xar muôx 30% pir li shông 2022. Hâur shông 2023, chor tỉnh, thành phố no tưz kriz uô ntâu xor xưv li: Festivla lok têx jông jav nhoz Tây Bắc ntơưv thành phố Hồ Chí Minh; Ciêz Du lịch Vênhx huôv Tây Bắc ntơưv thành phố Cần Thơ, TP. HCM, Hà Nội… Tiv zix, Ciêz vênhx huôv-Du lịch Tây Bắc thiêz TP.HCM ntơưv tỉnh Luông-pha-bang (Lào) zos têx tỉnh no kror xor xưv xuz thơưx ciês tâu tsưr tsix trâu saz đrâuv têz qơưk./.

An Kiên-Lik Thox cxêik nhênhv

Shông 2023, tỉnh Điện Biên jiês xuz thơưx tok tâu iz tsov lênhx kruô tuôx ndis shuôs têz qơưk, tsar ndê zuôr xar 25% pir li shông 2022; hâur co, kruô ntiêx têz muôx nhos 7.500 lênhx nênhs. Lar heik ju lix Điện Biên hâur shông đhâu zos uô tâu jông luôs hâux lưv kriz ntênhs hội: Ntơư zos ntênhk pax lâus thiêz Hnuz hội vênhx huôv, thêv thao-ju lix cxuô heir nênhs tỉnh Điện Biên jiês tiv 7; cxuô jiês tưr thik thêv thao hâur thax tsav thiêz sâuv tas nro têz qơưk. Iz chas ntơư, piêr kriê, krêz uô jông têx côngz trênhx li: qơư txi côngv chor tuz lênhv tâu tas siv nênhx, viv tir ntâuk tros châuz, tsưx phưv têz qơưk ntơưv Điện Biên Phủ, têz qơưk li qơư di tích lịch sử tir ntâuk trol châuz Điện Biên...... Zơưv Nguyễn Minh Phú, Giám đốc Sở Vênhx huôv, Thêv thao thiêz ju lix tỉnh Điện Biên heik pâuz: Thôngz sâu hâur shông, xav hur si tỉnh li phênhv sâu tâu txix ju lix tax zuôr xar 2 cxênhz tyv đeiv, tsar ndê 27% pir li shông uô ntêx: “Muôx têx heik, iz tsov lênhx kruô tuôx ndis seiz têz qơưk txos Điện Biên zos iz kro jông, txơưv hâur ntu nhiv kruôr đhâu yar yêz za Điện Biên tsuv tax nduô tsês tsi uô hâux lưv chiê cxiv kho, uô đuô têx côngz trênhx. Bâuv li co lênhx kruô đros thiêz chor tỉnh huôv tsar mak no tsi luôx tưs, taz sik Điện Biên co zos iz kro lok six sir jos. Chiê uô tâu têx li heik co zos khov tas nro cxix luôs chính trị moz siêz, sir jos chox kriê fuô uô tâu jông cxuô luôs hâux lưv thiêz côngv thôngx xã hội, tsôngv pêx xênhv sơưr đơưk gra siêz txux chi tsưr ziv jênhv pâuz”./.

Vũ Lợi-Riê Lâux cxeik, nhênhv

Công an huyện Mộc Châu, tỉnh SơnLa nhiv kruôr sik côngv đros chor lưx lươngv muôx vax huôv cxov tâu Tráng Pà Chống, zus shông 1955, nhoz xar Lóng Sập, huyện Mộc Châu, tỉnh Sơn La thâux gra xar muôx 12.000 njiêr yuôx shơư zax zênhz ntơưv thax tsav jok Pu Nhan, xar Lóng Sập, huyện Mộc Châu (Sơn La). Đrâuv zax zênhz, lênhx nênhs no tsênhv gra đros iz traz fov Carbine, muôx bang muôk txưr thiêz oz luz muôk txưr hâur fov. Nhiv no txuz hâux lưv tsênhv tror tâu qênhz yuôx, nriêr pâuz cov tsênhz mênhx chiê xưv lik lơưr chêi têz qơưk li cui tênhv./.

VOVTB-Lik Thox cxêik nhênhv

Zênhx Pênhz phax trôngx đriv ntiêx têz Lào Cai nhiv kruôr đros cxuô taz viv cik txos hlơưr por tsês zuôr xar iz tênhr njêl tầm tưz tuôs zuôr saz đrâuv luôs têz qơưk lol. Uô ntêx co, ntơưv thax tsav ntus đêx đas jê đriv têz hâur thax tsav Kim Thành, phường Duyên Hải, TP Lào Cai, chor tuz lênhv pênhz phax ntơưv qơư qênhz pov 02 luz fuôx gox thâux ntâu hnaz sênhr, xav hur si muôx zuôr xar iz tênhr njêl tầm, tas nro chor njêl co tưz tuôs tas. Sâuv cêr tsênhv muôx iz paz nênhs taz tov tuôx tok gra chor hax huv co. Lưv lươngv muôx vax huôv tưz sâu tsês tas nro fuôx gox, têx hax huv thiêz chox 3 lênhx nênhs cik txos lok ntơưv Zênhx Pênhz phax Trôngx đriv Lào Cai chiê nus cov tsênhz mênhx. Đhâu nus, 3 lênhx nênhs sâuv krêz lênhk tiêk, chor njêl tầm co tâu iz tus nênhs nhoz saz Trung Quốc ntiêr thâux 5 tsov đeiv nhiêx./.

An Kiên-Riê Lâux cxeik, nhênhv