Shông 2023, tỉnh Lào Cai tâu Trung ương choz muôx 1.700 tiv đêiv ntâu chiê uô têz qơưk 3 Tsaz yênhx. Txos nhiv no, muôz têx pênhr nhiêx nhiv kruôr tâu muôx 50%. Hâur têz qơưk 3 Tsaz yênhx, mak Tsaz yênhx tsưr ziv têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz tsênhv njiz ntâu phiv liv tiv zix. Qir tiv zos tsênhv muôx tsik tâu txâuk têx ntâuz ntơưr chox kriê txix têx bôv, nganhx, Trung ương, txos nhiv no tsaz yênhx no nhiv kruôr muôz tâu muôx 30% ntâu lơưr tsưr ziv tâu choz. Chiê muôz tâu siêz tiv zix, tỉnh Lào Cai tsênhv sir jos chox kriê cxuô cấp, cxuô nganhx hâur kriz uô… Pos Dung Xênhv Zax, Phưv Chủ tịch Ủy ban tỉnh Lào Cai puz pâuz: “Pêz tsênhv kriz uô têx tsưr ziv co zos hâur kriz uô phêiz côngz jênhv vưv tsênhv tsênhz trâu nênhs sơưr thơưx cơ quan taz viv, thôngz đhâu ban chox kriê tsaz yênhx tsưr ziv uô hâux lưv. Hâur sêiz car ntơưv thax tsav qơư sir jos choz vax huôv trâu cxuô cấp chiê lơưr kriz uô tâu jông đuô tiv zix zos huyện, xar. Tỉnh Lào Cai yênhx lix 4 đoàn zos chủ  tịch tỉnh thiêz chor phưv chủ tịch, chor giám đốc sở muk qênhz yuôx 4 thax tsav qơư muôz pênhr nhiêx tâu tsơưs, uô hâux lưv đros ciês xar, huyện đơưk kho têx phiv liv lơưr tỉnh vax huôv…”./.

VOV-Lik Thox cxêik nhênhv

Côngz xưv yax mông, heik kriê, zaoz zux cêr chei lok taz por zaoz thôngz nhoz Sơn La hâur shông 2023 tưz tâu têx lưx lươngv muôx txơưx jênhv krêz uô uô cê. Lưx lươngv muôx txơưx jênhv tưz yưr lir 22 cxênhz lênhx nênhs uô cxâuv cêr chei zaoz thôngz cêr ar, cêr đêx đros tas nro chor nhiêx txiêx xưv bluô uô cxâuv hành chính zos zuôr xar 46 tỷ đeiv. Tas nro tỉnh muôx 77 txuz txiêz nanv zaoz thôngz, uô tuôs 55 lênhx nênhs, trâus saz 89 lênhx nênhs, chuôz ndê pir đros shông 2022. Chiê txu grês txiêz nanv zaoz thôngz , sir jos uô muôx chêx cuk shông taz por zaoz thôngz 2024, zơưv Lê Hồng Minh, phưv chủ tịch UB tỉnh, Phưv tsar ban taz por zaoz thôngz tỉnh Sơn La puz pâuz: “Shông 2024, têx cấp, têx nganhx, lênhx nênhs hâur Ban taz por zaoz thôngz tỉnh, têx huyện, thành phố sir jos cxơưz tiês uô côngz xưv heik kriê yax mông zaoz zux cêr chei lơưr txơưx jênhv jênhv vưv txos cán bộ, công chức, viển chức, nênhs lox tôngv, hội viên, đoàn viên, chiến sĩ têx lưx lươngv vũ trang, shux xênhz thiêz têx cxênhx nênhs tsôngv box; chêx chôngk uô têx jênhv vưv, tsưr ziv taz por zaoz thôngz uô ntêx hâur thiêz đhâu thâuv nox tsiêz têz qơưk tas”./.

Trấn Long-Txâur Vax cxeik nhênhv

Cux ntơưv Sơn La, kriz uô côngz xưv phax tar chor nênhs phamv cxâuv, paz tuôr truôx ngaz tuk hâur jiês Tsiêz Jax shông 2024, ntơưv thax tsav jok Liên Phương, xar Chiềng Khoong, huyện Sông Mã (Sơn La), Đôiv Cảnh sát qênhz yuôx nênhs phamv cxâuv lok Kinh têr-Zax zênhz, Công an huyện Sông Mã sik côngv đros Công an xar Chiềng Khoong tưz pov iz lênhx nênhs, zus shông 1991, nhoz jok Liên Phương, xar Chiềng Khoong, huyện Sông Mã tsênhv muôs têx hax huv pâuz tsik tsênhz qơư uô zos 3.250 têik mứt Tsiêz thiêz 90 cir nduôr thax cxuô zav. Thâuv six hơưv qênhz yuôx, lênhx nênhs no tsik muôx têx ntâuz ntơưr tưs huv chêi hêik pâuz qơư uô chor hax huv no. Lưx lươngv muôx vax huôv tưz uô ntâuz ntơưr, sâu tsês, xưv lik trơưk chêi têz qơưk têx cui tênhv./.

CTV VOVTB-Lik Thox cxêik nhênhv

Phongx txiv ngaz qênhz yuôx Công an tỉnh Lai Châu nhiv kruôr sik côngv đros Công an huyện Mường Tè xav tênhv, ntês yênhx côngz Ly Hu Lô, xênhz shông 1990 nhoz jos Ứ Ma, xã Pa Ủ, huyện Mường Tè đhâu 1 luz hlik ntâu khiêr gâuv. Lơưr ntâuz ntơưr txuz án, Ly Hu Lô thiêz têx lênhx nênhs txơưr ntâu jiês nhiês txiêr xor tênhv tênhz 35KV cungz tênhv phưx vưv qơư uô dự án tsêr meir đêx tênhv Thọ Gù thiêz cungz tênhv trâu tsôngv box jos Nhóm Phố, xã Tá Bạ, huyện Mường Tè. Tas nro tsiv grê muôx nhos 168 tsov đeiv. Nhiv no Lô tsênhv trâus cơư chiê tror qênhz yuôx yưr lir lơưr cui tênhv./.

Khắc Kiên-Txâur Vax cxeik nhênhv