Têis cik 2/4, ntơưv quảng trường 7/5, thành phố Điện Biên Phủ, Cục vênhx huôv thax tsav qơư, Sở Vênhx huôv, Thể thao thiêz Du lịch sik côngv đros Sở Vênhx huôv, Thể thao thiêz Du lịch tỉnh Điện Biên tsưr tsix piêr pâuz đuôz yax kriê chiv nhênhv 70 shông ntâuk zênhx tros châuz Điện Biên Phủ. Ntơưv jiês piêr pâuz, Ban tsưr tsix tưz tso chor cok đuôz li 70 đêiv đuô jông tâu xêir tsov txix jiês thik cok đuô yax kriê chiv nhênhv 70 shông ntâuk zênhx tros châuz Điện Biên Phủ zos Cục Vênhx huôv thax tsav qơư tsưr tsix.

No zos iz hâur chor huôx tôngv tsiv gri chinhr triv thiêz siêz jông, tâu tsưr tsix sâuv pêz luz tỉnh zos: Vĩnh Phúc, Phú Thọ thiêz Điện Biên. Jiês piêr pâuz tâu tsưr tsix tưz tsik zos chiê kruôk txos ntâuk zênhx tros châuz Điện Biên Phủ mak tsênhv kruôk txos tas nro Đảng, tas nro pêx xênhv tror sir jos sik tưr, uô ntâu hâux lưv jông hâur ntu nhiv no./.

Vũ Lợi-Lik Thox cxêik nhênhv

Cục bax tsês chiê têz qơưk têx cxur thax tsav Hoàng Liên Sơn tưz uô tiêr luôs hâux lưv muôz cxur paz max chor tsêr cơưv muôx shux xênhz nox nhoz hâur tsêr cơưv, cơưv ntơưr niêv txir zus mor hâur thax tsav tỉnh Yên Bái. Zơưv nông Việt Yên, Bí thư huyện ủy Mù Cang Chải, tỉnh Yên Bái-suôv qơư tâu paz cxur ntâu đuô hur si xav jênhv, hâur thax tsav tưz lênhk txeik tâu 900 tênhr ntâu cxur trơưk cui tinhv. Đhâu hlo thâuv cxur lok txos ntơưv qơư, huyện tưz chox kriê cxuô xã hux jos đros têx tsêr cơưv phênhz pheiz cxur lơưr cui tinhv txos trâu yênhx luz tsêr cơưv thiêz tưz uô tiêr luôs hâux lưv co lok hnuz xiêz 02/4. Uô ntêx ntơư, hâur huyện Trạm Tấu, Văn Chấn cux tưz uô tiêr hâux lưv muôz cxur pheiz trâu cxuô luz tsêr cơưv ntơưr li heik sâuv. Li ntơư, tas nro chor cxur muôx 1.900 tênhr tưz tâu tỉnh Yên Bái phênhz txos trâu cxuô luz tsêr cơưv nhoz têx jêx jok, thax tsav txov nhêv.

Uô ntêx co tsi ntêr, hâux lưv phênhz pheiz cxur paz max trâu chor shux xênhz têx tsêr cơưv tox siêz Yên Bái nox nhoz hâur tsêr cơưv cơưv ntơưr fuô uô kênhz, qir tiv zos viv bax zuôr tsi tâu txâuk têx cxur, li uô iz cxiê luz tsêr cơưv tsuv txeik tax cxur trâu shux xênhz nox./.

Thừa Xuân-Riê Lâux cxeik, nhênhv

Ntux kruôr gis, yar ntux cuz sor, jêx tưv ndê muôx 39 tưv, tỉnh Sơn La tsênhv sir jos kriz uô ntâu tsưr ziv chiê phax tar cuz tox cuz jôngr thiêz chơưv paz. Đại tá Nguyễn Khắc Ngọc, Trưởng phòng Cảnh sát phax cuz tuô cuz thiêz chơưv paz, Công an tỉnh Sơn La puz pâuz:

“Nhiv no chor ziv chuôz zis muôx ntâu zav tsês chiê viv li zôngx ziv tơưs cuz ntơưv chor ziv chuôz zis thiêz qơư pêx xênhv nhoz chôngz. Chiê phax tar tâu jông tơưs cuz mak uô ntêx têx qơưk uô, qơư muôx chôngz nênhs tsuv uô jông phax tar, tsưr têx qơưk co tsuv uô jông zuk jênhv vưv. Đrâuv muôx cảnh sát hêik kriê, pêx xênhv cux tsuv cơưv nzir txux chi, por vêv zuk, chor nênhs cxênhz jê thiêz cxuô zav”./.

Lê Hạnh-Lik Thox cxêik nhênhv

Trơưk li mông txix Công an tỉnh Lào Cai heik pâuz, uô lơưr tsưr ziv yax kriê, vênhv tôngv pêx xênhv gra têx triêv fov, chuôz zênhx zôngx ziv tơưs cuz tuôx trâu lưv lươngv muôx vax huôv tsês chiê shông 2024, hâur 3 luz hlik hâur shôngk shông, lưv lươngv công an hâur tas nro tỉnh tưz vênhv tôngv pêx xênhv gra tâu 1.662 traz fov hmôngz thiêz têx chuôz zênhx zôngx ziv tơưs cuz tuôx trâu công an khơưk tsês. Hâur co, sâu tsês iz cxênhz ntâu traz fov cxuô zav, tax 44% tsưr ziv tso tơưv hâur shông 2024. Têx chuôz zênhx riêz nênhs li: Trêiv ntax uz no mak sâu tâu 320 traz, tax 28% pir li hâux lưv tso tơưv.

Hâur ntu zuôr txos, lưv lươngv Công an tas nro tỉnh zuôr qênhz yuôx, ntâuk grê chor triêv fov, chuôz zênhx zôngx ziv tơưs cuz tsôngv pêx xênhv tsênhv tsês chiê chiê tror yax kriê, heik sơưr đơưk gra tuôx trâu công an khơưk tsês lơưr cui tinhv./.                   

  Báo Lào Cai-Riê Lâux cxeik